雞翼山 (謝斐道) (已結業)

雞翼山 網址: https://s.openrice.com/QrbS0HtS900~uXpYHAA地址: 銅鑼灣謝斐道520號渣菲大廈地舖 電話: 21641268 食過翻尋味，上一次同朋友仔食過，已對它念念不忘。心癮起要行動，一人起行去同雞翼尋歡今日連lunch 都唔食，一直食雞翼做lunch 啦，encore 返鹹蛋黃雞翼，個醬用油炒開，鹹蛋黃完全同雞翼皮融為一體，肥美多肉避風唐蒜香，重點在於炸到薯片一樣脆身架蒜粒身上，惹味非常。此店慷慨地落醬來提升味道臨走加多款韓式蟹籽做afternoon tea 拎回公司食，一層厚厚架蟹柳絲，仲沾了層蟹膚，上癮到達200% 食過包保愛上邊食邊等第二盒，佢地即叫即弄架，保証食入口都是熱辣辣。今次小心燙口，要飲杯野降下火啦，酸味味有果味，絕配 一個人食左12隻雞翼呀，飽到呢！與雞翼比翼雙飛，這就是愛呀chicken wing

親愛的菠蘿啤酒麥香風雞翼：很久不見了，你近來好嗎，自從上次見面，轉眼已經兩個多月了，回想初次見面，我覺得你只有一個甜字，想不到再次見面，你竟有這麼大的進步你已擺脫以往的偏甜，炸得卜卜脆的雞翼上，舖滿鮮甜的菠蘿粒及鮮黃色醬料，有點似沙律醬，但味道更多層化，有菠蘿汁的果香，又有淡淡的啤酒麥香，只覺得說不出的美味，雞翼皮脆香口，肉質滑嫩，帶給我滋味無窮的味覺今次一別，期待很快與你再次見面，希望你能再次給我驚喜你的粉絲雞翼控上

鷄翼山有新口味推出，特意前來這鷄翼控天堂難道立食有位置，決定堂食有三款新口味推出了，要了一份三種口味共十二件鷄翼加一杯飲料的套餐就是為了這個新推出的韓式蟹皇蟹籽Oppa口味前來！以韓國直送蟹膏沾在炸得外脆內嫩的雞翼上，並加入大量蟹籽及仿蟹柳絲必食之選黑松露蒜香武士，黑松露味突出人氣爆燈之港式避風塘蒜香即叫即炸，新鮮熱辣！鋪上蒜粒、椒絲，非常惹味根據店家推介，野莓伯爵冰茶乃韓式蟹皇蟹籽Oppa之最佳配搭！調配成恰到好處的黃金比例，既喝到新鮮草莓的清新甜味亦喝出伯爵的茶香氣息

食咗呢幾隻雞翼，喚醒咗我。原來我真係愛雞翼。經過雞翼山幾次，今次真係忍唔住試下。$38/4隻，仲可以加$18有野飲。我第一次食，就叫咗店長推薦嘅文青風玫瑰。等咗一陣就有得食。差啲忍唔住，唔記得相機食先。外表好靚，有小小花瓣喺雞翼上面，上面仲插咗支旗，寫住 「不要儀態⋯只想吃雞翼」可以問佢拎手套或膠叉，我想keep 住嗰少少儀態，唯有揀膠叉啦。嘩，好好食，上面嘅蜜糖份量剛好，仲好入味。因為佢係即叫即炸，所以熱辣辣，又甜甜地，好好味。下次要食其他味！

呢間野，想食左一段時間。記得第一次在旺角見到，以雞翼為主角的店，當時我會覺得藝高人膽大。我心諗，有冇人咁鍾意食雞翼。不過的確，看IG和Facebook的相片， 不得不承認這間店的包裝令人容易提起幾大興趣，就算唔特別鍾意食雞翼。都有興趣試吓佢嘅雞翼係咩一回事。打卡呃like，冇三多咁澎湃，但有的是文青風。今日行街經過銅鑼灣，終於的起心肝，試下乜嘢事。坦白講$38，四件雞翼一點也不平，甚至可以話係貴。不過多種味道的確非常有心思，就如充滿少女心的文青風玫瑰，充滿風情的港式避風塘蒜香，鹹蛋黃和菠蘿啤酒麥香，中式的鹹檸七和熱情果紅棗，西式的黑松露蒜香，還有韓式的蟹黃蟹籽，咁多款的確令人眼花撩亂。不過只是餐前的小吃，所以我只選了三種味道，叫了杯飲品。文青風玫瑰係首選，的確玫瑰甜香一流，就如落左蜜糖的燒烤雞翼般，而且一點也不膩。港式避風塘蒜香夠惹味，彷彿吃到係嗰啲大排檔的鑊氣，而且蒜香強得厲害，以小吃水準來講，算很高。最後黑松露蒜香較沉實，沒有像外邊用上黑松露就將黑松露的味道以偏概全，做得不落俗套。三種雞翼，各有得色，都算不錯，不會為特別而搞到個味好奇怪。雞皮也一定不要錯過，同三多一樣，雞皮係靈魂。

菠蘿啤酒麥香風呢個係新口味,第一啖覺得佢啤酒味唔太夠.但食耐少少你會feel到味蕾開始有D啤酒味.菠蘿主要係雞翼面上,但雞肉就無咩菠蘿味,但呢個創新食法都唔錯.文青風玫瑰一直都好鍾意呢款雞翼.原因佢帶有蜜糖,但又會有D玫瑰花係上面,生色不少.而且每隻雞翼都好多肉,食得好滋味.鼠味草咸蛋哥最近係香港咸蛋熱好盛行,而我自己都愛上加有咸蛋嘅食物.感覺上會特別惹味.初初以為只係表面得咸蛋味,想不到肉質都充滿住咸蛋香,的確好吸引.

人氣爆登嘅雞翼山，之所以咁受歡迎係有原因嘅，除左裝修別緻、雞翼賣相佳好岩用來打卡之外，仲堅係好味！全部雞翼都係即叫即炸，熱辣辣又非常脆口，而且款色選擇多又大隻，價錢又合理😋🌹文青風玫瑰雞翼雞翼表面舖左好多玫瑰花碎，非常少女心😍係咁多款入面最清嘅口味，玫瑰蜜好香食落甜甜地，仲真係有兩粒玫瑰花粒係度😋⚓️港式避風塘蒜香雞翼米米比較傳統，認為炸物必須要夠辣夠香口，所以就最中意呢個味🤣外皮炸得非常脆，而且真係同大排擋嘅避風塘味一樣，勁香口惹味😍🥚鼠尾草鹹蛋黃哥雞翼款式非常特別🤣無諗過鹹蛋配炸雞翼都可以咁match！外皮同樣炸得好脆，味道方面當然係極濃鹹蛋黃味，好真材實料食落沙沙地，不過又唔會過鹹，男朋友就最中意呢個味😆🥤野莓伯爵冰茶食咁多炸雞翼，最好就配份杯冰凍飲品，非常解膩同解渴，而且食幾款唔同味嘅雞翼最好都飲啖飲品清下個口👍🏻價錢：$118@12件雞翼+1杯飲品

第二次光顧。第一次試左咸蛋黃味，驚為天人。外賣的粉紅色高級西點包裝亦十分討好，少女味濃。可能起點太高，今次略為失望。首先店鋪比外賣自取的預訂時間早了十五分鐘通知我去提取，因為怕佢凍左唔好食於是拿拿淋去攞，點知去到系未整好，都系要等。今次試了招牌的玫瑰味，一入口竟然系齋燒鵝的味道，再加少少孜然味，玫瑰味只是間唔中食到，令人失望。但雞翼依然炸得香脆而且juicy啖啖肉，下次都會繼續幫襯，可能會試下其他味道。

雞翼山今次食左 我系鹹檸七 呢隻味雞翼控必食的雞翼山呀！你落單之後佢即叫即做 所以要等一陣但拎上手的時候系熱辣辣架🤤 個員工仲好好人咁問要叉定手套😂 今次試左鹹檸七味👍🏻佢首先將雞翼煎到外皮好脆入面肉好嫩滑好juicy🥰再煮個汁去裹實成隻雞翼🤓 系真系有鹹檸七味呀！入口黏黏地好似蜜糖咁 但佢仲多左陣鹹同酸味! 味道好有層次😚同埋隻雞翼入面都好夠鹹 吾會話醃得吾夠味！😛 下次一定要試下其他味，應該都會好正🤘🏻

港呢D友情萬歲檸茶 $38/4隻*雞肉嫩滑，係咪檸檬茶味就唔咁講，但係酸酸甜甜咁係幾開胃嘅👍🏻佢仲有俾埋手套，唔洗怕整污糟隻手🙌🏻成間鋪都係粉紅色為主，少女心爆棚💕🤣

相信雞翼真係人見人愛既，呢間主打雞翼既小食店“雞翼山”就一定不可不試！ 餐廳裝修好少女，粉紅色牆加上紅鶴，同打卡café相差無幾。雖然主要做外賣，但仍有一張台給客人在店內簡單進食。 餐牌有成十幾款雞翼選擇，每一款都幾新奇，例如菠蘿油味、文青風玫瑰味、咸檸7等等。今日我就同朋友share左三款，真係飽到上心口呀！每款雞翼都有四隻，而且隻隻都外脆內軟～ 菠蘿啤酒麥香風沙律醬內有淡淡的啤酒味，配上表面既菠蘿一齊食，真係非常特別！ 鼠尾草鹹蛋黃哥鹹蛋黃既味道非常濃郁，而且起曬沙，超級惹味 黑松露蒜香武士味道同一般的黑松露醬不同，這裡更加注重香草以及蒜味，味道刺激 我仲換購左一杯士多啤梨番石榴乳酸，味道酸酸甜甜，同濃味既雞翼都幾夾

今日行過銅鑼灣時經過呢一間專食雞翼嘅專門店入邊有唔同味道嘅雞翼 吸引左我哋去試 ~我哋兩個人叫咗個$118套餐，12件雞翼三款唔同味道 仲有一杯特飲味道方面 由於有九種味道揀 我哋都諗咗好耐 先決定左三款: 包括黑松露蒜香武士 講呢啲友情萬歲檸茶 同埋鼠尾草鹹蛋黃哥特飲就叫左士多啤梨番石榴乳酸由於即叫即炸嘅關係 等左大約15分鐘左右 就攞到啲雞翼啦 餐廳仲好貼心咁每人俾咗對手套 方便進食黑松露味道不算太突出 但係雞翼炸得好趣口 熱辣辣 加埋啲紫菜食 都唔錯至於鹹蛋黃雞翼就極力推介 因為鹹蛋黃味超級濃厚 真材實料 檸檬茶味就係非常重嘅檸檬味 係一個好新鮮嘅配搭 酸酸甜甜咁樣 非常開胃一路食緊炸嘢嘅同時 飲返一啖乳酸 清一清味蕾 減少油膩 十分之不錯呢！

雞翼山 我成日都去食架！ 作為雞翼控 周不時睇下有咩最新雞翼口味試下～ 今次就去左試銅鑼灣店試下 次次我都必叫文青風玫瑰：沾滿玫瑰花瓣的糖漿，賣相極佳，玫瑰花瓣和香草味道突出，香氣四溢，味道香甜美味。跟住男朋友就叫左熱情果紅棗寶寶 (佢最鐘意叫啲怪野 ) 但今次竟然好有驚喜！個熱情果糖漿，入面有熱情果籽，陣陣果酸味，好開胃！！我就再叫左菠蘿啤酒麥香：呢個我覺得個配搭幾得意 濃厚的醬汁帶著淡淡的菠蘿啤酒的香味，再配上酸酸甜甜的鮮菠蘿粒，為較油膩的雞翼解除不少油膩感。最後 再叫左杯青蘋果薄荷冰綠茶：青蘋果跟薄荷味道出奇地夾，薄荷味較淡，充滿清新清爽的感覺，是清暑解渴的良品。

我是雞翼控,由細到大都係超鍾意食雞翼,有一日行總統戲院附近先知銅鑼灣有雞翼山分店,7月底先幫襯,文青風玫瑰首選推薦,整隻雞翼塗上甜絲絲的蜜糖,熱情紅棗寶寶有兩粒紅棗放在雞翼上,次選推薦大家品嘗,港呢D友情萬歲檸茶味味道雖然偏酸,但充滿港式風味,香港人或訪港旅客必食,店員細心問顧客需要手套或叉子進食,下次必定會再次幫襯!

"雞翼山"名乎其實的食雞翼，啱洒我，仲要係雞中翼，最滑嫩及多肉的位置！選擇清晰及一目了然，價錢分明。有雞翼手套及膠叉提供，其實食雞翼都可以好有儀態的，哈哈！菠蘿啤酒麥香風特別的配搭，冇諗過什麼菠蘿呀，啤酒呀會同雞翼連上關係，出奇的好味！雞肉新鮮幼嫩！鼠尾草鹹蛋黃哥風靡一時的鹹蛋黃，出現於唔同食物中。雞翼亦不例外。職員細心地煮蛋黃蓉，再混到雞翼上，好香！熱情果紅棗寶寶推介！又係意想不到的配搭，紅棗皮似炸過，熱情果籽酸酸甜甜，雞翼外脆內嫩，好正！隔離相連的飲品店是同一間嚟㗎！好多選擇。葡萄柚綠茶開胃之選！芝士瑪奇朵青茶茶味清香，芝士味濃郁，攪混飲好幼滑！優勝之處：雞翼新鮮 外脆內嫩 特式配材