雞記潮州麵食

营业中

休息中

炸紫菜墨魚丸撈粗首先，墨丸入便有墨丸細塊，紫菜又香口炸得唔油，外脆內彈牙黑豉油撈粗麵，豉油唔太甜，闊麵掛汁，煙煙韌韌，係係略嫌有小少鹼水味飲品係一般般如果杯檸檬茶茶底夠濃，配佢真係一絕

今日嚟到尖沙咀尋尋覓覓❤️❤️經朋友介紹吓 嚟到呢間茶餐廳如果唔係有人介紹基本上都唔會留意到呢間餐廳😂😂😂佢嘅裝修亦都好普通 基本上經過你都唔會入去食去到坐定定就睇餐牌啦 我朋友話一定要試食炸紫菜墨魚丸 欖菜肉卷👍🏻👍🏻👍🏻咁就試食呢兩樣啦等咗大概10分鐘左右就上菜其實呢兩樣嘢都分量多嘅 兩個人食仲會食淨😂😂😂可能我地細食😂😂雖然好多人介紹 但我真心覺得呢兩樣食物冇乜特別 係熱辣辣 但係對於我來講好普通 可能係我期待太多😂😂不過大家如果想來朝聖下都OK嘅😂

好鍾意食呢間既麵覺得好爽口又無簡水味今日點左~炸紫菜墨丸麵個炸紫菜墨丸係好特別次次黎都必點咁滯如常地點佢個辣油夠辣又香再加埋醋真係無得彈另外試過炸片頭都係熱辣辣的都係可以一試

話說雞記都係我喜歡嘅魚旦粉面店之一，一有機會去開尖沙咀都會去食番碗魚旦麵！今日去尖沙咀做完嘢就去幫襯下！我坐近門口位置就見到淥麵阿哥口罩帶下巴，侍應幫我落單後都唔見淥麵阿哥有所行動！原來煲梗煙，然後見佢出去一陣返來又拎住啲食完嘅碗入嚟仲一身煙味🚬撲入嚟！先拉番個口罩上咀但又唔見佢洗手就淥我碗麵！我其實已經好介意，點知佢又再一次口罩帶下巴原來煙癮又起！根本就煙駁煙即係唔洗帶啦！我一邊食一邊條氣頂住、頂住！然後仲見佢同水吧伙記吹水！我終於忍唔到同銀頭有2位女士一位年紀大少少另一位短髮帶眼鏡，我就叫嫩嗰個過嚟我同佢講妳叫妳位淥麵阿哥帶番個口罩啦！佢就好溫柔地拍拍佢，佢先至又拉番個口罩上咀露出半個大鼻！我覺得佢哋冇好適當地正視呢個非常時期嘅問題然後我埋單時又忍唔住同大年紀嗰位講：我唔知妳係咪僱主，但如果妳哋係僱主都縱容呢種事情發生就好唔應該囉！帶住口罩大家都會覺得唔方便同唔舒服但係都要帶囉！然後佢先按撫我話會同佢講，唔好意思小姐～我唔知淥麵阿哥係咪老闆定打工，但係而家非常時期麻煩唔好咁自私！我唔影你相擺上網或打電話去報下寸真係俾個機會你咋～麻煩你醒目做番好自己本分唔好咁自私😪😪

要講到魚蛋粉雞記其實真係好出色特別係炸魚片頭呢一個係必食推介一定要食一定要食一定要食但由於平時都係食魚片頭今次我就試咗咖喱牛腩麵其實咖喱味唔重牛腩都還可以但同平時食開嘅炸魚片頭河真係無得比下次都係食返炸魚片頭先

由於尖沙咀實在太多餐廳，如果唔係朋友介紹，我根本唔會留意到呢間粉麵店😮。入座後見到店內張貼既報章，先知原來上過報紙。嘴刁既友人話呢度既炸魚片頭同紫菜墨魚丸配撈麵好好味，所以今次試左呢兩款先😏。其實餐廳既欖菜肉卷同生煎墨魚餅都好吸引我，只可惜剛剛已經食過正餐，唯有留待下次。炸魚片頭撈米粉 $39由於其中一位朋友唔食得鹼水，所以轉左米粉。米粉煮到偏硬身，係我中意既口感，碗底有好多黑豉油，少少甜，加上米粉吸汁力比粗麵強，所以個人覺得比粗麵好味。第一次食咁新鮮既炸魚片頭，外皮炸到焦脆、黃金，內裡軟彈，口感非常好。炸紫菜墨魚丸撈粗 $39呢個撈粗油光油光，相當誘人!! 不得不讚呢個粗麵十分爽口，係我食過最爽口既一間😮，不過鹼水味好重，唔中意呢陣味既人就唔建議食佢。炸紫菜墨魚丸好特別，新鮮炸出黎，紫菜好香好濃，丸中仲有唔少墨魚粒，彈牙又有口感，推介!今次係我第一次食潮州粉麵，所以我唔知佢正唔正宗，但如果同一般既粉麵店相比，佢既麵質煮得唔錯，墨魚丸亦幾有特色，如果路經亦不妨一試。

朋友介紹我去食呢一間粉麵，我都覺得奇怪，有咩令到佢咁特登去睇一間粉麵舖呢？今日帶住元祖師奶黎到尖沙咀行街，想食少少野，行到去厚福街諗住咁多間餐廳都可以揀到間，結果發現佢冇間想去食，就諗起呢間粉麵舖，就帶元祖師奶去試下。元祖師奶佢有好多野都唔食，戒得好清，本來都驚佢冇嘢啱食，結果佢就叫咗炸魚片粗麵，我就叫咗個紫菜墨魚丸湯，佢嘅紫菜墨魚丸好出名，食咗第一次就鍾意咗，好彈牙，裏面仲會食到粒粒嘅文員，口感好豐富，每次嚟到都會食佢個炸紫菜墨魚丸河套餐，1個麵，加1杯嘢飲/1碟菜，碟菜都幾大碟，今次唔想食咁飽，所以就冇叫餐，坐喺度等嘅時候，元祖師奶有研究吓餐牌，睇睇下就發現原來個套餐都冇想像中咁抵，計起黎1杯嘢飲/1碟菜係要$15，如果係叫碟菜嘅都抵嘅，因為都真係幾大碟，但如果係叫1杯嘢飲的話，就見仁見智啦，因為我出街都會自己帶水，食湯粉嘅時候都會係咁飲晒啲湯，所以都唔太洗要嘢飲！（哈哈，有時不得不佩服元祖師奶，佢真係好精打細算，咩都睇得好仔細 😆）今次第一次試冇炸嘅紫菜墨魚丸，我都係鍾意食炸既多啲，因為外層比較硬身，內裏就比較彈牙，好有口感；唔炸的話個口感就冇咁豐富，就會清淡啲。反而炸魚片頭就好

這陣子經常光顧地道小店，希望能發掘多些可能將被消失的美食，尖沙咀這間傳統有條長走廊的麵食店，內裡有款美食：生煎墨魚餅是值得推介的。墨魚餅火喉十足，外層煎到金黃色脆脆的，內層是估不到的煙韌，墨魚肉用料絕不手軟，咀嚼時更有多粒大大粒的墨魚粒，十分彈牙美味，加點酸汁更能提升鮮味。咖哩牛腩飯則不過不失，始終是牛腩麵食店，牛腩水準總不太差，入味且軟林林的，可是咖哩汁有點失色，辣度足夠但味道偏淡，如果加多點咖哩粉味道會更濃更佳。另外連絕跡的杏仁霜也有提供，但淡到不能接受，奶水一樣，需要改善一下。

今次黎左尖沙嘴食潮式粉麵，呢間雞記係朋友介紹，話好好食。試左呢款炸紫菜墨魚丸撈麵，唔算大碗，但我食完都飽飽地炸紫菜墨魚丸佢係即炸熱辣辣，裡面真係有紫菜撈埋左好有咬口，然後裡面仲有一粒粒墨魚滑同墨魚粒，好爽滑又彈牙，超級好食呀撈麵個麵底普通，無乜味，得個色，比較差，但麵好彈牙，係衰在個汁唔夠好味汁好多，但真係無味😂 好似係老抽 都唔知想點 係得個墨魚丸好食另外仲見到有人叫牛筋飯，好大碟咁，好想食，下次再試先

小妹有鋪撈麵癮！間唔中就會癮起想食下撈麵☺️自從男朋友同我講話，尖沙咀“雞記潮州麵食”嘅撈麵唔錯之後，我就心心念念想去試一次。點知去咗三次都摸門釘😭😭琴日出去尖沙咀做嘢，諗住係平日，就去碰下運氣睇吓佢有冇開啦！😤終於終於比我食到啦！🤩🤩🤩炸紫菜墨魚丸（黑豉油王撈麵）$39彈牙嘅墨魚丸，有淡淡的紫菜香，加埋黑豉油王撈麵嘅鮮香豉油味，齒頰留香😋😋😋個撈麵底亦非常出色，粗麵煮得啱啱好，又爽又滑，不過份量偏小，大食嘅小妹表示食完仲有啲餓👉🏻👈🏻所以嗌多左一份生煎墨魚餅$42佢同墨魚丸一樣非常彈牙，仲要係厚切呀！咬落去仲有粒粒墨魚肉，好足料既呢！配埋自家製嘅醬汁，酸酸辣辣，非常惹味👍🏻👍🏻👍🏻

每次去都係食炸魚片頭幼麵。今次同友人就叫埋炸紫菜墨魚丸做小食，主餐就試牛腩麵。牛腩一啲都唔‘騷’，而且好咬口，一啲都唔韌。最怕係咀嚼成分鐘都咬唔到。呢個啱啱好。炸魚片頭唔會有魚腥味，而且好香口，肉質鮮而又唔會油淰淰。炸紫菜墨魚丸喺墨魚丸入面加埋紫菜，幾特別，同樣香口而唔會食到成咀油。分開叫當小食真係唔錯。

茶包對墨魚丸🦑都可說是極度著迷的人，每次有朋友介紹，都會特意前往購買，一嚐真假 ⠀⠀上年與同事於k11 art mall開夜，到半夜一點先醒覺可以停一停，有時間食個夜晚。身旁的尖沙咀地膽同事，即介紹平靚正既=|| 雞記 ||=⠀⠀❤️🦑炸紫菜墨魚丸黑豉油王撈麵🦑❤️炸紫菜墨魚丸口感非常好！新鮮炸起的墨魚丸，皮脆內彈，每咬一小口都嚐到有混入新鮮的墨魚碎在內。所以嚐到一種超級彈牙的口感！💗💞喜歡彈彈彈的你絕對不能錯過💞💗⠀⠀🥢黑豉油王撈麵🥡茶包覺得不過不失，不會因為這碟撈粗而直奔雞記。粗麵爽身，略嫌咸水味有點重。就算黑豉油也不能拯救這個弊處。⠀⠀不過，至今茶包一到尖沙咀，偶然也會癮起要會會=|| 雞記 ||=⠀⠀⠀⠀🔆食物分數率：8分（10分為滿分）💖comfort food：炸紫菜墨魚丸

已經有3年幾冇食過雞記，今日咁啱路過就再決定再幫襯，好彩仲保持到水準，魚片頭外皮脆卜卜，內裡爽口彈牙，豉油撈粗雖然黑麻麻但唔會太鹹，有豉油既香味，至於粗麵亦唔會有好重既鹼水味，值得再次捧場

今日下午去了尖沙咀，午餐吃了一間叫雞記的麵店，環境一家普通麵店，不算大間。入到店後店員立刻叫我們落order，叫了一碗五香牛肚湯麵。可以叫撈面！我叫了湯面！牛肚幾夠味，另到清湯也很好飲，我成碗湯都飲了！可以再去！推介！

這天忽然想吃潮州粉麵路過尖沙咀的雞記潮州麵食，被那紫菜墨魚丸吸引了進去可惜整餐也未盡潮意吃得很失望！ 小夫慣例吃牛肚河點套餐包熱飲＄49，價位不便宜也算了湯頭一點誠意也沒有腩汁更淡而無味！還幸牛肚炆得夠淋身未至於一文不值！ 小夫吃不了紫菜所以放棄了紫菜墨魚丸！改為手打墨魚丸河粉餐配凍飲承惠＄51味道更是不堪一提！那墨魚丸基本跟我在街市買的磅裝丸沒分別，加上淡茂茂的湯頭吃得我很不爽！ 碗粉不好吃來一客炸魚皮＄19試試看，確實我真的不應有期望，硬掘掘的死實魚皮不知浸多久才入到口！這店我必定記得......不能了！！ 唯一可接受的竟是飲品！凍檸茶走甜有茶味檸檬亦香熱奶茶亦夠香滑，付出這百多元總算有點安慰！