雞記潮州麵食

营业中

休息中

打電話去叫外賣接電話個位阿嬸態度吾系差而系惡劣叫佢俾醋同辣椒油另上佢話: 下 點另上教埋佢點樣樣另上之後 佢就話:地址喇講完 佢hold住個電話超過10秒然後直接cut線請問這是什麼態度？之前又系 有朋友叫個雞扒飯等成個鐘先到 叫m記都吾洗咁耐

約了一位海外到訪的朋友到尖沙咀逛街，走到K11旁，大家都有點餓，便想吃個下午茶充飢，隨便走進了附近一家叫「雞記」的潮州麵食。第一次光顧 ，踏進店內的感覺與一般潮州麵食店無異，店前都有着一個盛滿了牛腩牛雜的鍋和一個忙得透不過氣來的師傅，店內的裝修也十分簡陋；但每走過一張枱，總會看見一碟碟熱騰騰、香噴噴的炸魚片頭、或炸墨魚餅等。看到令人垂涎三尺的炸物，我倆便急不及待的落單，侍應説除了炸墨魚餅外，其他大部分炸物也可以配麵，為了試多幾款即叫即炸的食物，我們點了炸紫菜墨魚丸配黑醬油撈粗麵(似是這店的另一推介)、炸魚片頭配黑醬油撈粗麵和炸墨魚餅來試試。黑醬油撈粗麵的麵頗爽，但醬油略為過甜，另外跟麵的湯也普通不過，亦偏鹹，不值一提。但作為主角的炸物，很有水準，炸魚片頭香脆爽滑；帶着墨魚小粒的炸墨魚餅口感爽脆；炸紫菜墨魚丸雖不帶任何墨魚小粒，但亦很彈牙。我的首選是炸魚片頭、第二是炸墨魚餅、最後是炸紫菜墨魚丸。這次還未有機會試試這店的牛腩牛雜，不知是否與其炸物同樣出色；但單是它的鮮炸魚片頭已敎我再三回味！

微雨夜入左雞記潮州粉麵醫肚，友人叫左紫菜墨丸麵,而我的就叫左一直都鍾意食嘅片頭麵，雖然未算係我食過最好食嘅片頭，但性價比亦算高，另外佢嘅辣椒油都好香口，Good!

一行3人隨意行入鷄記醫肚，叫左紫菜墨丸麵、片頭麵外加2碟油菜。紫菜墨丸麵有4粒墨丸，墨丸夠彈牙，仲咬到有墨丸喺入面，片頭麵有4片片頭，試左一片，都幾好食。不過麵底有少少鹼水味，要如少少醋去中和，辣椒油亦夠香，以$33蚊一碗的價格可以在老尖醫飽肚算是不錯是選擇!

叫左碗牛腩米 一黎到見到就反胃全部都係肥膏 及勁SO開一間餐廳賺錢係應該但係比D咁嘅嘢人地食對唔對得住自己同食客果刻真係想叫佢食俾我睇新年仲有加左十幾% 係正常 但都比反D正常野我食只係唔想新年期間同人嘈交

午餐路過尖沙咀呢間潮州粉面店，鋪仔細細，價錢不算太貴，一碗粉麵連飲品大約＄70左右，價錢尚算合理，我哋叫左牛三寶撈粗麵，咖喱牛腩湯河，粗麵好食豉油不太鹹，但唯獨是最唔滿意就係咖喱牛腩湯河，圖中牛腩好碎好碎，同員工反映，他說係咁㗎啦，呢啲係碎牛腩喎😧真的摸不着頭腦，咁大家就要自行判斷啦！而鹹檸七好飲，我覺得檸檬好似浸左好耐咁，檸檬飲極都仲有好濃郁嘅味道，最後叫咗兩支七喜嚟飲！總括嚟講呢間可以值得一試，不過大家就要衡量下叫唔叫咖喱牛腩湯河喇🤔

我對尖沙咀的感覺：遊客區。老實說要體驗香港味道，這裡真是滿足不了味蕾，自己搵食定必不來這裡（以前都會去下海防道街市，而家都差左），但當你有朋至遠方來，日子時間有限下，你唯有帶對方去附近吃吃本地菜。今天同朋友遊過天星碼頭，逛一下海港城，朋友突然食下香港地道粉麵，我在網絡苦尋下便到了這裡吃個下午茶。睇睇網推及餐牌，知道這裡出名1）炸紫菜墨丸，2）牛筋腩，3）黑豉油撈麵，我便作主意來個大混合，點了一個 炸紫菜墨丸撈麵 及 牛筋麵。先來墨丸撈，深棕色的麵條，均勻上色兼非常油亮，感覺濃郁及麵質較滑，吃下去味道雖夠，但嫌豉油層次不足，光鹹不香，味精的朋友。而墨丸質感彈牙但未見墨魚鮮味，總體一般，可接受水平。朋友一場來到，點了牛筋麵。大家可見湯底顏色較稀略清，顯示湯底煮得唔夠，味道會相對較薄較淡。牛筋煮得好透好淋，有化在口中的感覺，但柱候醬/腩汁味道好淡，牛味又唔係好夠，麵就彈牙帶鹼水味，都是普通貨，不過不失。其實都不能怪店子，在這個租金高翻天的地方，你能做出哪些好東西？我們就跟遊客乖乖地俾錢食地方食店租吧。

如果你尖沙咀什麼地方都沒去過經過一地面茶館要怎麼叫早餐？首先看其餐牌睇價錢第二看看d 客如大多遊客就看他們食緊什麼跟著無論如何要奶茶上面的那杯是我的淨奶茶這杯是友的茶走即加了少許煉奶煉奶是本姑娘不再吃的小朋友食材所以高下立判我的不放糖好吃😋跟隨我叫32$ 生滾朱肝米朱肝難食堅韌無味雞蛋亂煎不見蛋黃只得一堆白雲落很多辣椒和醋勉勉強強猜猜這個是茶走or not ？友人見自詡食家的在下竟然吃緊一碗無味豬米偷笑不已他們要求太陽蛋比我如意得戚我再賣弄點他們叫一個煎墨魚餅大數雞記歷史和我有多識吃他們請我吃一口和告訴我是叮熱的然後話我知大澳的好吃得多激氣解密上述第三杯是他們的茶走他們說香 d仲有他們的豬扒好吃

肚饿落楼宵夜，系翠华同鸡记之间，做左一翻斗争后，选择左选择无甘多既潮汕口味鸡记。点左个招牌炸紫菜墨鱼丸豉油皇捞面，仲配个汤。虽然面硬左D，但系鱼丸认真无得弹，想黎多份！

小孩時跟爸爸媽媽常常來這今天同朋友在金馬倫道做完野大家肚餓吾知食乜小妹想起下條街這朝州麵由我帶路兜過灣來食店舖細小，約二十個位裝潢簡潔，今天下午人不多隨便找個位坐下，很快可以落單兩碗牛筋麵，另外加芥蘭牛筋都多，上枱聞到濃濃的香味牛筋都好淋也入味湯頭也很濃，麵質爽麵吸收了湯的精華加少少辣椒油，簡直就是絕配食完至今仍然回味無窮至於芥蘭夠鮮綠爽脆，配上小量蠔油感覺更可口，朋友說無介紹錯有機會經過一定再光顧

早幾日喺尖沙嘴中伏，今日就要喺尖沙嘴企返起身。其實雞記食過唔止一次，會返轉頭得一個原因，就係因為好食。你以為一碗粉好易煮咩？偏偏好多鋪頭都做唔好基本野。雞記牛腩河湯底夠味，但又唔好太咸，牛腩夠淋，河粉口感恰到好處，最驚喜係蘿蔔嘅味道，明明好似係配菜，但搶鏡程度比得上主角。成碗麵嘅配搭就剛剛好，食過返尋味。食野真係唔洗搞到太複雜，價錢合理，味道好，你搞d 太怪嘅野，menu 睇落好特別，但煮出來唔合格，食客又點會回頭呢。

我喜歡這裏的食物：1. 炸魚片頭，超彈牙！2. 魚蛋河的魚蛋很爽，湯底正！3. 牛腩飯好有住家feel，D蘿白好入味、好甜！4. 炸紫菜墨魚丸好味，不過冇乜紫菜味！5. 炸云吞D肉多咗少少！

So I was a little hungry at about 2pm. Having heard some good things about their noodle dishes in OpenRice I decided to give it a shot. One more reason I was curious to see how it looks now since my dad used to own a store years ago in that location. I ordered the seaweed squid ball noodle. While the noodle is pretty QQ, the broth is bland. The squid ball is ok but I could hardly taste the seaweed. Service was ok but it took awhile before someone took my order. There r so many better noodle joi

經常都會搵下各區有冇邊啲粉麵好評嘅試下，今次嚟哩間~牛三寶麵 - 見叫三寶，又$52碗都唔算平，以為有咩特別部位食(......), 原來都只不過係牛根，金錢肚同埋牛腩。 三樣都夠林，浸住喺啲湯度本身都仲有啲味；湯底淡淡的不會死咸。整體尚算ok㰖菜肉卷&炸紫菜墨魚丸 - 兩款炸物都唔錯。炸紫菜墨魚丸外面炸得金黃，墨魚肉都有墨魚味，夾雜住紫菜粒，係幾好食；可惜仲有啲馬蹄粒，個人非常厭惡。㰖菜肉卷外面層腐皮炸得非常脆口，裏面肉質唔鞋亦唔太假，頗有趣。

對手Gel 甲長到乜嘢咁，尋日又打風整唔到，好在今日唔使返工而gel甲姐姐又有時間，就即刻撲出尖沙咀。整完都四點幾又未食lunch，搵啲嘢食先。記得男朋友喺尖沙咀返工嘅時候，話過呢間好食，又係附近咁一於試啦。叫咗個紫菜墨丸麵。先試一啖湯底， 係味道偏鹹嘅味精底，相當一般。因為湯底麻麻，所以都已經冇晒期望。墨丸望落去冇乜特別，係見到有紫菜。一啖咬落去，嘩！火鍋手打墨丸咁彈牙！墨魚味超濃，入面除咗有一粒粒墨魚之外，仲有馬蹄！口感超豐富，完全估唔到粉面店會有呢個質素嘅墨魚丸！面都幾爽，冇鹼水味。另外值得一提嘅係佢個辣椒油，夠香夠辣少咸，冇炒過頭既苦味！出色！最失敗嘅係我自己冇留意，唔知佢可唔可以買生丸走。打完篇文好想加佢個丸自己煮個麵食添…