雞記潮州麵食

营业中

休息中

雞記——（一D都唔雞）吳只係值得一試，係直情要去食😂全部自家制，好味道👍我最鐘意食魚，凡係同魚有關既食物我都甘鐘意食（隨左好瘀唔會鐘意之外，又係搞笑爛gap😂)望到個餐牌就乜都想食😆自家制彈牙炸紫菜墨丸，魚片頭👍一咬滿滿彈牙墨魚😋😋😋😋😋😋魚片頭炸得脆卜卜，正➕好味😋😋😋配埋自家制（老闆自己親手調整的辣椒油）更加好味道。🦐籽介蘭，芥蘭嫩，灼得翠綠又不過火👍自家制辣醬，👍✌️🍋☕️都特別香濃😋😋😋

差唔多日日都嗌外賣，聽電話個阿姐態度已經勁差， 算數，但係日日叫嘅嘢一樣，洋蔥豬扒飯加可樂，啲價錢日日都唔同，勁海鮮價，幾個月裏面$50/$51/$52/$53都試過，都算！嗰幾蚊雞，最重點係啲態度勁差，明明尋日收$50， 今日無啦啦跳到52，只係打去查詢一下，聽電話嗰個係😵勁惡既女人，一句答：係呀加價（其實預咗甘答）只不過都係想問一問，我問幾時加，佢話上個禮拜，我話尋日先至收完$50，跟住佢就好惡咁樣話「咁收小左你囉，快啲俾返兩蚊我添啊」😨😨😨😨😨之後我淨係答左句「下！」，因為實在太無奈，之後個阿姐竟然話「你唔好再打嚟啦，再打嚟我收返你嗰兩蚊」，我只係打咗一次叫外賣，查詢打咗一次。真係超級無奈，呢個外賣聽電話嘅阿姐咩態度，即係叫我以後唔使黎幫襯，以後唔使叫外賣，得！冇問題，即刻幫你宣傳開去😡😡😡😡其實我俾返你唔係一個問題，你餐牌冇寫，打電話落單你又唔講加咗，其實都持續左好多次，一時51一時52，一時又50我哋都算，持續左幾個月，今次忍唔住先出聲，打去查詢返究竟幾錢，竟然得到呢個答案！（更新）過左一個星期有同事再叫外賣（竟然收$50）所以覺得呢間唔老實

好鮮甜，好鮮甜，好鮮甜呀! (可能講100次都唔夠形容有幾咁好食) 朋友呢邊返工介絕既雞記，無令我失望，潮式既飲食，正。# 紫菜墨丸撈面 # ***** ***** 10/10無野好彈。面既冧度非常適中，甜豉油汁好香，面好掛汁。紫菜墨魚丸超級極度彈牙，十級正! 好鮮甜! 面既份量可以多返少少就perfect la!# 墨魚餅 # ***** ***** 10/10好Q彈好正，所以係好正! 好鮮甜。仲洗解釋點好食?以後想食撈粗或者墨魚餅，仲洗揀既? 雞記完勝! 估唔到尖沙咀有呢啲咁正既潮州野食。下次會試多幾款呢度既面同小食。

係附近返工，同事介紹我食依個炸紫菜墨丸一開頭我以為紫菜同墨魚丸係分開以為係普通白色果d墨魚丸點知竟然係紫菜係墨丸入面 仲要係炸既勁好食勁有咬口 好特別完全未食過仲要d辣椒油同醋勁香辣椒油真係落小小就夠，好辣不過大食既我覺得只係8成飽建議好肚餓嘅話要加底

其實呢間啲嘢食都還可以最欣賞都係佢嘅紫菜墨魚丸如果鍾意食脆口啲食咋係會比較好食不過裏邊啲人服務態度真係麻麻可能太忙la同埋佢都應該主要想做遊客生意居多都好似唔係好理本地人食完都係快啲走

雞記是以前夜蒲時經常幫襯的食店，🍻飲酒前打個底是不錯的選擇，不過也是十多年前的事了💃🏻😁今天在附近診療中心做檢查👩‍⚕️之後外賣午餐回公司吃🥡😍門面十年如一日沒什麼變化，仍是一般茶餐廳的格局。豉油撈麵一向是我的至愛😋豉油要調得好不是一味靠甜，還要靠一點兒鮮，這裡的豉油真的好味👍生煎墨魚餅香口彈牙，墨魚粒不多不少的分佈在墨魚餅內，是我每次到來都不會錯過的👍可惜不是經常來到附近，否則一定會是我的飯堂之一🤣

I was sitting in a shared table and space was quite narrowed.Oyster sauce was added on top but it was too salty.This noodles was fair, very plain, although the squid ball was fresh and from the shape you could tell that it was freshly man-made by the ownerThe squid snacks was tastyHonestly speaking I think this shop is overrated. If you come around you can give it a try but it is not the restaurant that you have to deliberately come and taste it. I personally won’t come again for it’s narrowed s

今早和朋友途經尖沙咀揾早餐食，見這間麵館人流多多，除傳統的牛腩粉麵食外還有三文治及公仔麵等常餐食，便大膽地跟著人潮進去一試，我和朋友見傳統牛腩粉麵是它們的招牌食品，便特意点了牛肚河粉及牛腩河粉各一碗品嚐，平時我吃這些粉麵時很喜歡飲它們用牛腩所肴製而成的湯，所以通常會叫多湯，今次也不例外，我和朋友的兩碗粉來到，一比之下，嘩，幸好我特意点了多湯，我那碗湯的份量是平常的半個碗份量多，我朋友那碗湯的水份竟是剛浸過河粉面的粉量，少得離譜，我們還特意多点了兩杯額外的飲品，他們用膠杯沖製，飲第一口已嗅到杯子仍殘留漂白水的味道在內，到那碗牛腩河，那些牛腩瘦猛猛的，睇到都唔吸引，好在炆得夠淋身先可以食到，至於我碗牛肚河，一黎到已嗅到碗身也是有漂白水殘留的味道在內，飲一口個湯，像是飲緊豉油的味道一樣，完全不是我以往飲開的牛腩湯肴製出來的味道，所以我飲了兩口也沒有再飲了，至於個河粉，睇落有点梅欄欄的，不是很光滑，慶幸的是牛肚炆得很淋身，才可以勉強食完。

幫襯10幾年了，味道依舊不變，好味😋✨台灣朋友遠到而來，我都帶佢哋嚟呢度食，佢哋都話好香港地道呀😆✨最鍾意食炸紫菜墨魚丸撈粗👍🏻✨超彈牙😍台灣朋友一直叫我介紹香港地道美食，拗爆頭都唔知帶佢哋食乜好，突然醒起以前係尖沙咀做嘢，成日嚟呢度食嘢，就帶佢哋嚟呢度啦✨佢哋未飲過鹹檸七，可樂煲薑，順便一次過比佢哋試吓，佢哋覺得香港人呢啲嘢飲好有趣😂如果想帶外國朋友嚟香港食嘢，可以推介呢間，都唔錯㗎♥️

話說，突然很想吃牛腩，剛好有朋友約去尖沙咀，當然是選就近的一間幾有名氣的潮州麵食，點知店員服務態度極差，叫俾杯水都詐聽唔到，其實幾無謂，黑面要做、好心情也是在做，點解不是皆大歡喜，而是使客人掃興，食物幾好吃唔重要，重要的是賓至如歸才是特客之道......講返牛腩中規中矩，奶茶就麻麻哋，咖啡也只不過是雀巢咖啡，最好吃算是紫菜墨丸，這也算是他們店的賣點吧#bad list#雞記#唔會再幫襯的食店#勸奉食客遊客不想受氣就別幫襯#

嗱，講得出做得到，做個找數真漢子。之前到尖沙咀「雞記潮州麵食」，食到好吃炸墨魚餅和魚蛋粉 ，說會返兜，這次就「再戰雞記」。上次沒吃炸片頭，被網友說走寶。 今次再來是黃昏時間，menu 上其實沒有此麵，侍應説除了炸墨魚餅，其他炸物也可以配麵，那就乾脆要份「炸片頭黑豉油撈粗」，承惠 $38。 「雞記」上桌仍是9秒9，主角不算全片頭位，屬「炸魚片肉」，厚切四大件，新鮮熱辣炸起，彈牙非常，外皮香脆，吃得出沒有多下粉去造。魚片之中佢確係做得唔錯，難怪上次有人話我走寶： 黑豉油撈粗好大餅，麵爽口，略帶豬油香 (?! 未能確定)，也屬上品。豉油我覺得調味鹹返些少就 good fit，我就自己落附上的潮州魚露吊味： 跟麵的湯是魚蛋粉的湯，勝在夠熱，食到半路中途麵條變乾，就即興灑上： 一大兜，飲埋湯，飽哂。炸物佢係有一手，地點又就腳，屬糧尾之光芒。難怪我幫襯時，黃昏晚市食客都是人山人海！

上星期路過尖沙咀，見有間「雞記潮州麵食」，鮮黃色門面，招牌上有日文、英文，不似地道潮洲老店。驟眼看，以為是專做遊客生意，難道又係價錢貴到飛起嗰種？！ 細看，價錢正路，提供多種語言是真 • 方便遊客。 有不少日本、香港傳媒等的採訪報導被張貼，看來它蠻受日本朋友喜愛？！ 正宗潮州粉麵，一定有的孖寶：潮州辣椒油及魚露。此店齊備： 先點小食，是舖頭看來甚有名的「生煎墨魚餅」$40 金黃色兩大塊，各一開四，餅身飽滿，堅爽彈，食得出墨魚成份相當高，粉少，起膠程度足，加入墨魚粒後炸熟，加強咬口。 新鮮炸起，不油膩，配酸汁好吃 (食哂兩舊會幾飽)。 舖頭的其他炸物似乎都甚出名，例如炸片頭。始終片頭是翻炸，個人興趣一般，反而對其手製魚蛋有感。「手製魚蛋粉」$33 魚蛋及魚片都有手打的彈牙感，不似來貨；河粉也靚，滑溜幼細。吃時加些魚露添鮮，再點潮州辣椒油，實行由頭「潮」到落腳。 在旺區 $33 一大碗，合理。快食快閃，沒多服務，也正路，此「雞記」實屬可返兜系列。

今日行過尖沙咀又去呢間麵檔...食我最鍾意嘅黑豉油王撈麵同埋炸墨魚丸....呢兩樣係我覺得成間鋪頭最好食嘅嘢...同埋仲有墨魚餅都幾好味...佢唔係一舊麵粉你會食到有啲墨魚粒係入邊幾有咬口...千祈唔好叫我牛腩食因為我覺得牛腩唔夠淋真係好普通...呢間鋪頭我去過幾次多數我都會叫黑豉油王撈麵拼墨魚丸或者叫雲吞...我見到有啲人都會食佢哋個咖喱飯下次等我都試吓先!呢間野個地點好方便又唔使等好耐位價錢都唔係好貴！

周未黎到尖沙咀行街街，到到都咁多人ge 時候，肚餓可以點算？ 又唔想食太飽，純粹想有野醫下肚仔，於是朋友帶我黎快食呢間粉麵店。同一般粉麵小店差不多的裝修同格局。食物方面聽聞出名生煎墨魚餅同炸紫菜墨魚丸叫左碗炸紫菜墨魚丸面，面就不過不失，但炸紫菜墨魚丸堅係彈牙，推介而生煎墨魚餅都一樣彈牙好味，不過佢個醬汁味道唔係好濃係呢個咁急促ge城市連食野都要好快速，如果趕時間的不仿黎呢類小店，佢地上菜都好快，快食快走，好岩忙碌的香港人

有一次同髮​形師傾開魚蛋粉，佢推介我食尖沙咀嘅雞記。第一次聽個名嘅時候覺得好好笑。今日嚟開尖沙咀就試下佢，地點唔難搵，係K11 行出嚟向AGNESB方向行，係媽咪雞蛋仔對面。 由於係尖沙咀位置， 所以都有唔少遊客嚟食。枱唔算好多， 5－6枱2人枱 再加兩張圓枱。 除咗粉面之外，仲有碟頭飯 都有好多附近返工嘅人嚟幫襯. 炸紫菜墨丸撈粗 $38 評分:8/10墨丸四粒 粗麵份量多，爽口帶小小鹼水味 用甜豉油事先拌好 夠入味。紫菜墨丸第二度無得食打墨丸既時候已經加入紫菜再炸。外皮香脆入面彈牙，有特色港式麵食