雲南啊老表黑山羊湯鍋米綫 (已搬遷) 新店位置

一入到間舖就聞到羊羶味。細碗羊肉米線都大過我個面，夠晒抵食。米線有很重嘅羊味，但有點偏咸，整體都可算是好味；口水雞有雞味唔錯；豬耳可能因為走辣所以只剩咸味。對喜歡羊肉的人來說，不防一試

香港人對羊肉的熱情，遠遠不及牛肉，可能跟它的味道有關，喜歡的人叫香，不喜歡的叫羶。今日吃的米線店叫，雲南啊老表黑山羊湯鍋米線，主打羊肉米線。羊肉米線有帶皮和凈瘦兩款選擇，另設大、細碗，價錢六十元或四十八元。除了羊肉，還有午腩、豬手、雞肉和豬展米線，供一些怕羊羶味的朋友選擇。羊肉米線選了凈瘦細碗，但所謂的「細碗」絶不細碗，份量足以滿足兩位細食的女士。味道方面，湯帶陣陣羊羶味，十分清香，羊肉切成薄片，肉味香濃。以四十八元的價錢，配上份量十足的羊肉，是十分超值。

天氣寒冷，最想吃一碗熱騰騰的麵，羊肉既可補身亦可驅寒，就來這裡一試！平日晚上8時入座，人數不多，大約半滿。找了一個角落坐下，看看餐牌，選擇不多，主打羊肉米線。啤先生選了淨瘦羊肉米線（$45），我點了帶皮羊肉米線（$45），貪帶肥羊騷味濃，肉質更滑，另點一道口水雞（$28）。淨瘦羊肉米線先上，如圖所見，大廚把肥膏連同羊皮一同去掉，剩下淨羊肉上碟，適合注重健康或清淡的人。相反，啤小姐比較偏愛連皮羊肉米線，羊皮煙煙軔軔，少許帶肥令肉質更滑，而且騷味更濃。可惜對比市面上的羊肉略嫌未夠騷味，對我這種羊肉精來說有點失望。米線份量十足，一個女仔食一個細碗已經綽綽有餘，以$45的價錢來說十分公道。口水雞用酒調味，酒味甚濃，雞肉頗滑，但未算惹味

天氣開始涼🌬食碗羊肉米線暖胃啱唒🤤羊肉米線 (大) $57超級大碗 洗面盤甘樣架 二人份量😱羊肉有分帶皮或淨瘦 嗌左雙拼😎羊肉切到薄一薄 瘦嘅都唔會鞋口 好腍👍🏻羊肉味又重 但唔會騷 😍湯底相對地清淡 無乜味甘🙈

冇心情，但又好肚餓，一條友蕩下蕩下唔知食乜，中又唔啱，西又唔想，成個人冇曬目標。最後蕩左去佐敦，諗起食雲南羊肉米線。呢間我有食開，佐敦同觀塘都去過。除咗羊肉米線，其他食物基本上都係唔掂。所以次次都係食返碗羊米線算。羊肉細碗 $45， 睇價錢似唔抵，但實情佢個所謂細碗都係好大碗，簡直匪夷所思。記住要加一蚊酸菜，令成碗麵有畫龍點睛嘅效果，小小辣嘅咋一般人應該都接受到。羊肉分有皮同無皮，個人覺得有皮好味D，但係肥囉⋯⋯ 羊肉分量好似唔係太多，但係食食吓會發現其實食極都有。米線就真係唔少啦！如果湯底簡直係精華所在，佢睇落好淡，但係搭真啲又好濃羊味，講到好似好矛盾，但係呢個係我嘅感覺。總之出邊食唔到，留返俾你自己試。我一路食羊，佢就一路loop楊千樺.......祈求天父放過一雙戀人，怕發生的永遠別發生.........肚飽左，腦又洗左，心情都好左D。呢碗米線我一年大約會食幾次，久唔久都會掛住㗎！

幾年前剛剛出來做野係觀塘返工既時候，已經有朋友推薦我去觀塘廣場食羊肉米線，當時只有觀塘一間分店。幾年後嘅今日終於去左佐敦分店一嘗呢間雲南米線~下晝三點幾黎到都差不多滿座，一進店內已經有好大陣羊肉味😂點左招牌羊肉上海粗麵(全瘦)同埋韭菜餃子，羊肉應該係白灼的，雖然揀左全瘦，但一d都唔老唔韌，好有羊味韭菜餃子比平時既餃子細粒，但味道都唔差，餡料多d韭菜會更好食物質素算係唔錯但店員冇乜禮貌，想加牛丸同墨魚丸，換來一句不禮貌既'冇晒'問多少少野好似唔耐煩咁，店員態度有待改善

黑羊湯鍋米綫(HKD45)(最高境界: 1 🌕🌕🌕🌕🌕 5)味道: 🌕🌕🌕🌑🌑環境: 🌕🌕🌗🌑🌑衛生: 🌕🌕🌗🌑🌑抵食: 🌕🌕🌕🌑🌑開始凍啦 食番碗真材實料又冇味精既羊肉湯食下先😋😋😋 入到去舖頭已經聞到香香嘅羊肉味啦！即刻就叫咗碗黑羊肉米線，等左唔夠10分鐘就食得！即刻飲咗啖個湯，好清，有淡淡的羊肉味！急不及待即刻入咗舊羊肉食，食落口羊肉肉質唔會好韌。有羊肉香味但唔會太蘇！但係份量真係有啲大一個人未必食得晒可能兩個女仔去食嘅話就要share啦 再叫啲小食就岩岩好！😂😂😂

黎開佐敦中午時間揾啲野食， 搜到雲南老表幾好評， 仲有我鐘意食既羊肉， 一於黎試下， 好彩早入黎坐低， 食食下滿坐要等位， 都幾旺場。研究左個餐牌一陣, 我入得黎就梗係會食羊肉， 但大家要注意細碗其實都好大碗， 大碗就係超級大碗， 建議大家落單前睇下隔離左右先決定。 我地兩個人要左羊肉有皮大碗， 店家好醒目自動自覺俾埋2套碗仔同匙我地。湯底唔會太咸， 飲得出有用羊肉煲， 羊肉細細件但份量唔少， 都幾香肉味， 調味料唔會過多， 可以食到羊肉本身既鮮味， 整體都幾好食。口痕叫埋豬肉餃子食， 肉好乾好柴， 自己去超市買黎煮果d仲好食。

同同事行去佐敦食飯之前見過呢間 專係食羊肉幾得意所以就入咗去食見到入面d人食緊勁大個碗 以為係湯嚟就照叫咗碗大羊肉米線點知真係咁大但都幾好食 米線軟硬度啱啱好不過女仔真係食細碗就夠

終於天氣涼返，是日天氣好想行遠啲，午餐去咗試羊肉米線！ 一如以往，貪心嘅我揀咗雙拼米線，有羊肉同牛肉，加左酸菜，連埋熱飲（冷熱同價）都係$51咋！重點係！細碗已經非常大碗！經過我細心嘅觀察，附近咁多柗既勞動型叔叔都只係食細碗，可想而知佢嘅份量已經非常足夠！抵！羊肉連埋皮一啲都唔肥，所以唔使特登揀瘦肉；羊肉一啲都唔so，但湯底仍然飲到好鮮嘅羊肉味，而且牛/羊肉都好林身，米線較粗身，唔會煮得太淋，剛剛好！加一蚊配嘅酸菜亦非常match，一來減低少少油膩感，二來酸菜 葉嘅部份比較多，微微辣又酸中帶甜，真的令整碗米線生色不少！話說我哋去到最尾先見到一位壯漢食大碗米線，見到個size已經笑到停唔到口，因為真係成個面盆咁大！啊唔係，係成個煲咁大計返大碗都係貴幾蚊，兩個人share一定好足夠！下次要帶frd黎！過個簡單又暖笠笠既幸福午餐

同朋友好鍾意食羊，喺佐敦行街見到呢一間招牌寫住選用雲南黑山羊米線菜式，就入去食晚飯地方環境需簡約，不多裝飾設計菜單上有大碗和小碗選擇，其實一個人叫小碗就已經吃到飽，擺在眼前的米線以為黑山羊肉俾得唔夠多，但食到最後竟然未食晒，呢次食嘢我都幾眼闊肚窄，嘿嘿我喜歡米線轉米粉（只影米線的那碗），因為我覺得同羊肉好夾，再加上叫了自己喜歡的蟹子丸，兩個餸一齊吃十分滿足！另外我們也喜歡吃雞翼，這個避風塘麻辣雞翼值得一試

羊肉米線在市面上比較少有，雲南啊老表黑山羊湯米線主打半肉米線，分有皮羊肉和無皮羊肉（淨瘦），米線份量亦有大細之分，食客可按個人喜好下單。今次選擇了無皮羊肉米線加酸菜，份量選細。米線煮得剛好，不會太硬或太淋，湯底清香，酸菜惹味可口，而羊肉數量多，肉質爽滑，啖啖濃香羊肉味。如果怕羊肉的味道的朋友，亦可選牛腩，餐廳亦提供不少小食，例如涼拌青瓜、涼拌木耳、口水雞、水餃等。另外，不得不提的一點是，大碗的份量十分驚人，這大大碗的米線應該可以滿足大胃王的胃口。

細碗淨瘦羊肉米粉- 湯底味道不濃郁，只有單調的鹹味與淡淡的羊羶味- 切成厚片的全瘦羊肉羶香味欠奉。可幸數塊肉的邊上附有些微脂肪，一咬下去，羊脂羶香即在口中爆發，還是有帶皮的羊肉好- 辣椒油夠辣但帶微苦，香味稍遜*細碗其實都好大，起碼有兩個米粉

不太好羊的我但又會想試一試這一間羊肉米線，因為正是一個米線控，會探索不同湯底。這是不少人提過大件抵食的，終於有機會「朝聖」。說實話就比我想像中沒那麼大，碗大是真的😂😂😂羊肉也沒有大家說那麼多，價錢$45就不是性價比高了，只是不算昂貴🤔羊肉沒有很羶，羊片不肥，這一點我很喜歡🙆🏻米線煮得剛剛好的。還點了一個白菜豬肉餃。$28/10隻真是便宜！雖然細隻和明顯然是交貨，但這價錢也不會期望很多，味道當然可以。店子論環境是沒有，可能有地道風味，客人卻不絕，意想不到！

食得雞牛豬多，今 次食下羊轉下口味先。呢間係專門食羊既餐廳，但係唔係食羊腩煲同羊扒，係食米線同水餃，唔使咁heavy, 岩晒成日話要keep fit既我。地方細細，但都坐左7，8成人，幾好生意喎。除左羊，都仲有d小食叫既。不過，一場黎到，緊係食羊啦😁呢個係細碗羊肉米線，細碗得黎但份量其實好多，唔好意思，我食唔晒。講返聲，碗入面既酸菜係唔包既，不過加一蚊就有啦。碗內既一片片既羊肉雖然薄切，不過都有數十片。而且望落去色澤均勻，半肥瘦，一睇就知靚貨。當然，食落口冇令我失望啦。濃濃既新鮮羊肉味，沒有羊膻味，肉質細嫩，沒有根，非常可口。而佢既精華係個湯到，所以千萬一定要試佢個湯。羊肉清湯，羊肉味重，不算太油，飲多兩啖保下身，非常正。另外，再叫左個雙并水餃。白菜，韭菜各5件，都係28蚊。啖啖肉，皮厚，超飽肚。