雲家小鍋米線 (安寧大廈)

营业中

休息中

🍜成日都聽人講雲家係荃灣世一米線🥇經常大排長龍~係荃灣人氣食店之一佢地終於開到黎元朗😆！早幾日專登去試試我地晚餐時段過去 遠遠已經見到門口既人龍😳店內坐無虛席！果然名不虛傳🧐▪️醬拌皮蛋黃金皮蛋夠晒靚仔✨粒粒蛋黃都見到流心😍而且冇左平時皮蛋既苦澀味 鐘意食皮蛋一定要試！▪️涼拌墨魚頭雲家最出名小食🌟必叫！墨魚爽口彈牙~加埋超重蒜泥同自家調配辣汁超級惹味🤤▪️小鍋紅薯粉 & 菊花蜜( 豬頸肉+燕皮肉餃+腐竹+魚肉春卷 )▪️小鍋紅薯粉 & 檸檬可樂( 蘿蔔+魚肉春卷+豬大腸+魚腐 )湯底非常足料而且每個餸既份量都非常多！紅薯粉煙煙韌靭~最欣賞佢地既魚肉春卷 超好味😋豬頸肉夠晒大片又爽滑 蘿蔔清甜冇渣燕皮肉餃都係必食之一🌟其他地方都比較少有呢度確實係米線愛好者福音❣️價錢親民 足料抵食🫶🏻雖然要排隊🤣但絕對值得等候👍🏻

雲家小鍋米線喺荃灣都出咗名一段時間，以前間唔中經過荃灣分店都會入去整返碗🤣餐廳開到去元朗之後，依然人流甚多👏豬頸肉+螺旋藻小鍋米線豬頸肉大大片，口感軟滑、爽彈😋螺旋藻本身就好夾個湯底😀湯底酸酸辣辣，非常之開胃😬腩肉+金錢肚小鍋薯粉腩肉肥瘦適中，啱晒食肉獸😈金錢肚口感有彈性，非常之爽脆，而且份量都俾得好大方🤤一般嚟講我每次都係食小辣，如果食得辣嘅朋友仔不妨可以挑戰中辣/大辣👻涼拌墨魚頭雲家最出名嘅小食，必屬涼拌墨魚頭🤩😍雖然話就話係小食，但係份量一啲都唔惹少，配上自家調配蒜蓉醬汁，涼拌後嘅墨魚頭吸盡醬汁精華，墨魚頭勁爽口、彈牙😁涼拌雲耳上面好多肉類好似太邪惡喇，叫返份雲耳平衡返😆雲耳本身都滑身，配上醬汁後口感更加軟滑🤪定價係普通街坊價~

荃灣人氣極高排隊米線~~~~元朗有開分店啦✨雲家小鍋米線 (安寧大廈)🌟大西北米線愛好者既福音😍雲家米線除左價錢親民，湯底夠濃厚，夠晒刺激味蕾之外，佢製作嘅餸菜都係出名惹味同埋唔會令人失望，我係長期嘅顧客😋😋1️⃣涼拌墨魚頭、醬拌皮蛋、秘製豬頸肉、涼拌雲耳✨墨魚頭爽口夠彈牙，係雲家嘅代表作👍✨涼拌皮蛋金黃色流心蛋黃，口感濃厚，蛋皮呈半透明夠晒靚仔，沒有平時皮蛋有既苦澀味，加埋秘製酸辣蒜蓉醬汁，必試項目之一🥰✨由荃灣食到元朗嘅秘製豬頸肉，沒有一刻會令人失望，香脆嘅口感配合嫩滑嘅肉質，令人食完一啖又一啖😍✨雲耳酸酸辣辣爽脆惹味，食完大滿足2️⃣雞翼.豬軟骨.豬大腸小窩麻辣米線小窩米線嘅辣肉碎同酸菜都好足料，配合湯底，口感一流雞翼幼嫩爽滑又入味，豬軟骨份量夠多炆到入味，滿滿骨膠原充滿住口腔，豬大腸口感彈牙味道亦都好惹味3️⃣魚肉春卷.腩肉.墨魚頭酸辣紅薯粉魚肉春卷彈牙可口，腩肉如果肥比例多啲會更加好，墨魚頭唔使講，發揮到應有嘅水準😍酸辣紅薯粉酸味好夠，彈牙煙韌，朋友食完都讚好

完全食唔到有其他味，整體上得個鹹字，尤其是螺旋草真係十分鹹，食咗一半都食唔到了，希望廚師知道之後有改善啦，本身喺荃灣食過覺得都OK嘅，但間鋪入咗元朗開之後好似唔係太吸引，試咗一次伏。

最近發現原來雲家小鍋米線在元朗也有分店，晚餐時間來到，全場座無虛席，外賣單也不少😙～🔎 雞絲螺旋草米線 ($49)湯底叫了小辣，比想像中辣🥵，不過非常惹味😆雞絲和螺旋草份量很多👍🏻👍🏻～🔎 豬扒小鍋米線($46)原塊豬扒上桌～湯底叫了不辣，米線有咬口，不會煮得太腍🤤～🔎 秘製豬頸肉 ($46)豬頸肉外皮香脆，吃起來爽口彈牙👅～🔎 咸檸七 ($16)鹹檸檬🍋配上七喜，非常清爽和解渴❤️～

「雲家」一直在荃灣享負盛名，聽朋友講高質兼大碗，今日天氣勁凍🥶，決定買回家同家人試一試。雲家米線 $61 (爆推🌟🌟🌟🌟🌟) 爆多款餸，十分足料。雞絲份量多到像一座小山丘，吸飽湯汁後變得軟嫩多汁；魚春卷大件到像食緊魚餅一樣😍，啖啖肉，外脆內鬆。最特別有非常少見的螺旋草，有益又健康。湯底本身就有大量肉碎、芽菜同酸菜，連腐竹同冬菇都大塊到嚇死人，真係抵食兼大件😍😍。牛腩小鍋米線 $46牛腩大件厚身，但口感非常軟嫩❤️ 聽講麻辣湯底是老闆的獨門配方，立即揀嚟試試。湯底呈暗紅色，較為温和，但辣度真的一絶🤩麻辣味厚，香而不嗆喉，真的很正，愛辣的朋友絕對要試👍🏻👍🏻。涼伴墨魚頭 $45 (爆推🌟🌟🌟🌟🌟) 的確配得起招牌小食這名字👍🏻以爆多炸蒜及少許紅椒涼拌而成，份量超多，爽脆兼彈牙，香而不膩，食到「索索聲」，好食到停不了手😍。整体感覺比較少油健康，十分足料，價錢相宜。探店當晚天氣轉涼，七時去到，門口已有外賣長龍，人氣旺盛。由於是小店，建議想食的朋友早去早享受😋。@Big_Big_Foodie

今晚又凍又落雨想快快手解決晚餐衝返屋企煲劇，經過雲家見唔算太多人排隊，就佢啦！！叫咗一碗雞絲螺旋藻小鍋米線麻辣中辣走酸菜($49)，另一碗係腩肉少鍋米線麻辣小辣)($41)，注意小鍋米線叫唔辣係會自動走肉碎㗎，有辣先有肉碎。湯底好香好惹味，辣得有層次，勁多配菜，加埋超多肉碎，如果唔想叫餸，齋小鍋米線都夠正($31)。兩碗米線面底都好大個，男人食都夠哂飽，三款餸份量好多，唔會食到一半無哂餸。最中意食個腩肉，醃到好鹹香入味。$4x一碗米線又好食又大碗，性價比高過x仔好多。------------------------------值得一讚嘅係，雖然係小店又好多客，見啲員工極忙，但仍然好有禮貌

今次經過元朗見到一間好出名嘅米線佢嘅螺旋藻好出名星期六日中午嚟到都要排隊份量大又抵食希望佢可以開多啲分店啦螺旋藻雞絲米線 麻酸辣小辣一定要叫佢嘅螺旋藻份量超級多又爽口雞絲份量都係好多麻酸辣湯底好惹味少少麻少少酸湯底仲有好多肉燥豬扒小窩米線 酸辣小辣豬扒好大大件好淋軟有滷水好入味一啲都唔會韌酸辣小辣啱啱好夠酸同辣岩晒唔鍾意麻辣既朋友牛腩小窩米線牛腩有少少筋更加好咬口吸引晒湯汁好入味涼拌墨魚頭濃郁既蒜泥味墨魚新鮮爽口搭配上蒜蓉同埋辣汁真係惹味十足涼拌雲耳好鍾意呢間嘅雲耳夠晒爽口而且辣汁係好濃郁嘅蒜蓉味一口雲耳配上多多嘅蒜蓉

店外嗌外賣，拿取外賣回家後發現俾錯了於是即刻上網查電話打去店家，聽電話果個唔知係唔喺老闆但係非常有禮貌，叫我可以即刻攞返去換，還不停說唔好意思，我當時心情已經唔多好因為屋企距離食店都超過10分鐘腳程。去到店內，發現已經準備好原本的外賣還額外放了兩支豆漿，於是我把錯的外賣放低便拿走新的就準備走，但我發覺另外一個店員和收銀有眼神接觸，好似有些異樣咁。本身以為佢地想話我囉錯，但發現原來他想退回我買外賣的全款額，我説不用因為一來已經處理返，二來我又無損失，於是拿拿林啦外賣走了。但是店員追出門口格硬把全數款項放在膠袋內，感覺店家對於自己的失誤非常唔好意思。講翻食評，性價比高，味道比譚仔好，推介魚付/豬腸，希望小店能夠保持做好品質的初心

湯底好唔掂 完全唔好食 其他餸都不好吃 又其腩肉 好韌 又柴 未食過咁難食 冇心煮比人食 完全冇成意 冇驚喜 蘿蔔又凍 求其一間都食過佢 仲念住有一些名氣 去試吓 都失望 唔會有下次 價錢都唔平

雲家米線嘅元朗分店咁近我，實在太開心，真系成日都買外賣食😋涼拌墨魚頭真系次次都會嗌黎食，墨魚頭好彈牙，同埋非常多蒜蓉，重蒜愛好者吾好錯過❤️今次仲嗌左秘製豬頸肉，一份入面有好多塊啊，豬頸肉烤到外脆內嫩！至於麵方面，嗌左一碗薯粉一碗米線，餐廳都好細心如果系外賣的話都會分開d 湯，吾會影響麵嘅口感👍🏻湯底有酸辣同麻辣，今次嗌左小辣，我覺得佢地嘅辣度吾算好辣，下次可以再挑戰中辣😋而蘿蔔系清甜，咬落無渣！

元朗平民米線必食之選對於愛食小鍋米線嘅朋友仔嚟講，荃灣雲加米線可以或必食之選，最近佢哋元朗都開咗一間分店，主打為逐份即煮，或需等上一段時間，不過質素穩定，兼且大份夾美味今次試咗佢哋招牌小鍋米線由於唔係好食得辣，就試咗佢哋嘅小辣，湯頭偏紅，米線則煮至腍度適中，豬腸蘿蔔全部份量非常足🫢另外試埋佢哋小窩紅薯粉，豬腸豬紅，非常入味，超級抵食而且小食都有好多款，當中必叫招牌豬頸肉每次都會叫，豬頸肉爽口彈牙燒得夠晒入味好容易真係一口氣食哂一份✨❣️雲家小鍋米線(安寧大廈) 元朗馬田路20-30B號安寧大廈地下2號舖

間唔中就會好想食雲南米線，而呢間雲家一定係我心目中三甲之內🫶🏻第一次食喺荃灣，好開心佢嘅第二間分店選址我住嘅元朗區😆❤️蘿蔔，腩肉，冬菇酸辣米線 (BB辣少米線) 蘿蔔夠淋無渣，都算清甜～腩肉帶少少辣，幾惹味👍 肉質少少韌，唔會太肥冬菇超厚肉超索汁，冇得輸👍❤️豬耳，螺旋草，腐竹酸辣米線豬耳彈牙，腐竹又係好索汁嘅配料😋❤️涼拌墨魚頭面頭嘅蒜蓉勁香口！微微辣，墨魚頭超爽口彈牙，做前菜一流😋環境少迫，但係食物有水準兼份量多，好抵食😍#雲家小鍋米線 #雲南小窩米線 #元朗 #小鍋米線 #元朗米線 #荃灣米線 #雲南米線

元朗小鍋米線的人氣店✨✨這間小鍋米線，以抵食大份量為賣點，食材選擇方面也有特色，性價比高的一間小鍋米線專門店，酸辣麻辣也很受歡迎，不吃辣的也不怕，因為可以選擇不辣的！👍🏻《雞絲螺旋草米線》$49除了有多款已配搭好的米線外，更可加配食材，像車仔麵一樣，任君選擇。這款比較罕見的螺旋草為配料的米線，是健康之選，份量超多的螺旋草配上大量的雞絲，是健康又美味的，配上小鍋米線的芽菜、酸菜、韮菜、蔥、芫茜，湯底惹味又開胃。《豬扒小鍋米線》$46這款選了麻辣的口味，橙黃色的湯底非常吸引！除了已配搭好的豬扒外，另加了$10配豬大腸，豬扒大件，豬大腸份量多，性價比很高呢！同樣地，配上小鍋米線的芽菜、酸菜、韮菜、蔥、芫茜，湯底惹味又開胃。《涼拌墨魚頭》$45小食方面也有很多特色小吃，此款涼拌墨魚頭必叫！必點！超級好吃！爽滑彈牙的墨魚頭，配上特色的醬，撈在一起吃非常惹味！

荃灣分店經常大排長龍，成日都食唔到🥹 最近先發現原來元朗都有分店！好近我！嚟雲家最心心念念嘅一定係涼拌墨魚頭($48)，係每次必點嘅菜式。墨魚頭口感爽脆彈牙，配埋邪惡嘅醬汁同蒜蓉🥹 極之重口味！兩個人share食啱啱好😍炸雞中翼($29)炸得香脆，肉質依然係滑滑，最重點係加埋雞醬，酸酸甜甜更正！小窩米線酸辣($31)+炸醬($10)+墨魚丸($9)酸辣湯加埋炸醬幾香口+超級重口味😳豬頸肉小窩米線走辣($49)+生菜($7)個湯偏清甜，有蔬菜香。