雲家小鍋米線 (安寧大廈)

营业中

休息中

成日心思思想食雲家米線，大大碗食到好飽肚，而且小食都有好多款，當中最出色嘅一定係墨魚頭，每次都會叫嚟食！🍜雞絲螺旋草米線 $49米線超足料，勁大碗！一碗有齊雞絲、螺旋草、芽菜、酸菜、韮菜、蔥、芫茜！可以揀酸辣或者麻辣，酸辣湯底夠濃味但唔會油，小辣味道剛好，唔食得辣嘅朋友都應該食得到！雞絲份量都好多，一絲絲索晒湯汁，夠晒惹味，仲有螺旋草，質感爽脆，而米線煮到剛好，口感軟滑，食哂成碗勁滿足！🐙涼拌墨魚頭 $46小食都好吸引，墨魚頭份量多又大粒，口感爽脆又彈牙，好多特製蒜泥辣汁味道相當惹味！真係好好食，一口接一口

雲家開左黎元朗啦，每次經過都排長龍只好外賣，是日特登早啲過黎，希望無咁多人啦。等一陣就有位，今日真好彩🌟，難得堂食叫埋小食先。🥢豬大腸、豬紅、雲吞酸辣米線朋友叫的酸辣米線，要小辣的，湯底屬中酸小辣，幾惹味喎。大腸入味煙韌，豬紅爽，雲吞係厚皮個種，包菜肉餡，大大隻好飽肚。🥢豬脷、魚肉春卷、螺旋藻麻辣米線自己就要麻辣小辣，湯底屬小麻小辣帶少許酸，飲晒啲湯都無難度😋豬脷厚切有咬口，魚肉春卷紮實鮮味，螺旋藻就係海帶咁啦，食啲蔬菜嘛。米線爽口，連埋湯底的芽菜、韮菜、肉碎一齊食更有口感。🥢手拍青瓜清新爽口，酸酸的好開胃，個人覺得蒜多了點。🥢醬拌皮蛋皮蛋心綿綿的，蛋白位爽，辣油香口。但同樣太多蒜了，我個人都好鍾意食蒜，不過同皮蛋唔太夾。🥤豆漿&凍咖啡米線加八蚊有野飲，叫了支裝豆漿同凍咖啡，咖啡無得要走甜，因為店家話係三合一黎😅個湯底真係好好味，碗粉又大碗足料，正過連鎖店多多聲👍唯獨小店真係有啲迫，好彩坐到卡位😂

元朗竟然開左雲家 中意食米線的不能錯過🤫除左米線好味 小食都好出色💕最中意食雲家麻辣金錢肚夠入味炆得夠爽口舖頭細細坐滿人 見到有好多人都叫外賣🥡為左小食都好值得再食～📍豬頸肉小鍋米線🍜 HKD49全部都有得揀要酸辣定麻辣 辣度都可以再調整🌶️聽講可以兩溝 麻酸辣都可以等我下次試下先酸辣幾好味夠濃味 叫左小辣但再辣啲都可以每碗都有芽菜 酸菜 韮菜 蔥 芫荽仲有好多肉碎🤏🏻豬頸肉大大塊好爽口 唔會太肥膩米線唔會過淋幾彈牙同埋好掛酸辣湯～📍肥牛小鍋米線🍜 HKD46配料同豬頸肉果碗一樣肥牛份量都好足 味道都ok唔會過熟幾嫩😋📍麻辣金錢肚 HKD46多蒜多辣油 好重口味😎金錢肚好入味而且爽口易咬份量好多 小食黎講都夠三到四個人share食📍麻辣豬耳👂HKD39豬耳好厚切又粗身 好有口感～每條都好爽口好脆📍醬拌皮蛋🥚HKD24呢度既皮蛋唔係黑色的 係透透地黃色中間係溏心蛋黃 配上蒜蓉辣油🤓又係非常濃味 好岩重口味人士

日本返香港之後最掛念嘅一定係我最愛嘅香港米線˖ ࣪⊹最掛住最掛住嘅係元朗雲家😚上次食佢嘅湯底真係令人念念不忘o(*^▽^*)o上次我食嘅係麻辣上網睇原來佢既酸辣都出名好食 加上其實我都好鍾意食酸嘢 所以今次就叫一碗酸辣一碗麻辣返屋企慢慢享受˖ ࣪⊹❀ 小鍋紅薯粉酸辣冬菇·魚肉春卷·豬紅酸辣湯底果然出色 酸味比辣味出眾超級醒神開胃 另外一提佢嘅酸辣都可以揀辣度！魚肉春卷都係上網推介 味道不錯口感彈牙巨型冬菇大大粒！❀ 小鍋米線麻辣中辣雞絲·豬腸·腩肉麻辣湯底依然保持水準˖ ࣪⊹食中辣我就冇咁犀利啦 哈哈 我見另一半都食得非常過癮！份量真係非常之多！＇❀墨魚頭墨魚頭上次叫過覺得好好食 喺度諗究竟試其他小食好啊定係encore好？因為太好食，所以決定encoreo(*^▽^*)o超香嘅蒜蓉味😚😚😚😚❀炸雞翼剛剛好 唔會有燶味 雞翼醃得好入味再配埋秘製醬汁 非常惹味！ᙏ̤̫͚ ‎♡‧₊˚Follow Kirby 帶你食好西ᙏ̤̫͚ /✿*°

米線關注組熱門推薦😆 餐廳主打雲南米線及小食 以豬頸肉米線、墨魚咀小食聞名😋 佢地荃灣店喺米線關注組亦係大熱之一 餐廳有十幾個位 堂食或者外賣都okay!====᪥ 豬頸肉小鍋米線 $49᪥ 自選配料小鍋米線 $31起米線湯底可選清湯、麻辣、酸辣 或者麻酸辣兩溝都可以 今次試咗麻酸辣 幾惹味又開胃😋 另外外賣米線都會分好湯 所以口感都唔錯 ᪥ 炸雞中翼 $29᪥ 手拍青瓜 $22᪥ 醬拌皮蛋 $24另外都有幾款小食提供～ 味道都唔錯！

【米線關注組推薦！荃灣人氣米線︳殺入元朗開分店】#MC帶你去元朗見到米線關注組好多人介紹依間米線鋪，今次仲喺元朗開分店，就一於試試佢。. 🥚醬拌皮蛋依款醬拌皮蛋同平時嘅皮蛋，顏色上有分別，蛋黃偏金黃🌕食落就彈牙啲，再加上蒜泥蒜蓉汁🧄口感同味道上都唔錯😋⚡豬扒小鍋米線+腩肉米線唔會太淋，但唔夠彈牙。湯底就嗌咗麻辣BB辣🌶️湯底十分香濃帶少少酸，惹味開胃。配料都相當豐富，有大量肉碎、芽菜、酸菜、韮菜、香蔥、芫茜等等，如果想走邊一樣配料就要落單時講埋啦。🍖豬扒豬扒係連埋骨上比你🍖豬扒食落肉質腍嫩、多汁，同埋痴住骨位部份咬落肉味都幾香濃。🥩腩肉腩肉好似骰仔咁樣，厚度十足而且肥瘦適中，肉多過肥膏，食落幾有淋身唔太韌。🪑環境店鋪樓面唔算大，甚至偏細間，得兩、三張卡位同埋兩張圓枱，繁忙時間好易無位置堂食。.⭐整體︰8.0/10⭐食物︰8.5/10⭐環境︰6.5/10⭐價錢︰8.5/10.==============================📍 雲家小鍋米線 (安寧大廈)地址：元朗馬田路20-30B號安寧大廈地下2號舖交通︰鄰近豐年路輕鐵站=============================

係荃灣食開嘅雲家，原來元朗都有，點都要食下啦😂😂點左雞絲，炸醬，小鍋米線麻辣小辣一大碗上到枱, 配料同埋d餸已經蓋住哂d米線, 第一時間飲啖湯，辣度岩岩好，配料有韭菜，芫荽，蔥花，芽菜，仲有最愛嘅酸菜☺️一啖雞絲配上熱辣辣嘅麻辣湯，再一啖炸醬配米線，一口接一口，口感豐富好滿足，大塊朵頤，岩哂重口味人士🤤🤤🤤凍檸茶一定係我首選👍酸度適中，出手都闊綽，有4片檸檬🤣🤣一碗米線加凍檸茶係絕配😆

米線，幾乎每區都有一間在附近，成為港人三餐必食的熱門選擇外，對其熱愛的程度有增無減，網上更有人開設「香港米線關注組」每日都有網民在群組推介米線，更有網民坦言自入組後每日都要食過米線先安樂，可見米線在日常生活中佔上一席重要位置荃灣米線人龍店之一既雲家，而加喺元朗都食到🤩佢既小鍋米線，同埋小食最出色最重點係大件夾抵食，每款配料都非常豐富。米線選擇夠多，小鍋米線、紅薯粉、雲家米線、更有少見的螺旋草米線，種類豐富到絕對會令人有選擇困難酸辣湯底夠香濃非常出色，湯底內有豬肉碎、酸菜及芽菜等每次嚟到都要食墨魚頭、豬頸肉、蒜泥白肉😋先夠滿足❣️

#港女覓食到元朗 ✨小酸辣小鍋米線+腩肉 $41 小酸辣小鍋米線+豬頸肉$49以平時食開譚仔3小辣的話，叫小辣會覺得唔夠辣，但湯底味道係唔夠辣嘅味道黎講都算夠濃味！豬頸肉係厚切款，食落唔會太韌，爽口，好食！而腩肉都細細塊，食落唔會柴左，岩岩好。✨麻辣豬耳小食 $39豬耳厚身大嚿兼爽口，好抵食。但食到後面咬到牙骹軟，對比起譚仔的幼身豬耳食落好唔同。✨豆漿 跟餐+$8支裝豆腐，飲落微甜岩岩好~✨總結人均消費💸：$75/1人味道：🌕🌕🌕🌗🌑份量：🌕🌕🌕🌕🌑服務：🌕🌕🌕🌕🌑 質素：🌕🌕🌕🌗🌑🍴 雲家小鍋米線 (安寧大廈) (元朗)📍 元朗馬田路20-30B號安寧大廈地下2號舖::::::::୨୧::::::::୨୧::::::::୨୧:::::::::୨୧:::::::::#hkfoodie#eat#gathering #food #foodphotography #foodblogger #foodstagram #instafood #hkfood #foodpics #photooftheday #foodie #foodlover #foodlife#foodholiceatdiar

上次食完荃灣果間雲家小窩米線之後，先至發現原來佢最近喺元朗開咗一間分店。今日就同左朋友去試下究竟元朗呢一間同荃灣總店果一間食落水準有冇分別。元朗呢間位於馬田路，都係鋪仔細細，坐舖哂人，但排隊嘅人龍暫時冇荃灣咁誇張！依舊都係家庭式經營。食完之後，總結就係，味道同荃灣果間差不多全部一樣，都係咁好味咁正！店鋪冷氣仲涼過荃灣果間😂推薦推薦😋😋 🔶️腩肉金錢肚螺旋藻小鍋米線（$31+$15+$10+$9, 9.3／10） 佢既湯底濃而不油，好夠味！佢仲有超級多芽菜，韭菜，酸菜，蔥同芫荽，好好味好足料！呢度既腩肉好食過荃灣嗰間（比較厚切，有咬口），係每日限量同必點！金錢肚都十分入味。樣樣餸份量都十分之多！ 🔶️炸醬腸大腸豬紅冬菇小鍋米線（$31+$10++$10+$9 +$9, 9.5／10） 炸醬本身有少少微辣好惹味，冬菇夠厚肉夠彈牙夠入味，豬大腸十分之香又乾淨。全碗米線都好好食，米線好滑，仲要份量十分之多，最尾我都食唔哂。最緊要係湯底冇乜味精，食完都好舒服！ 🔶️涼拌墨魚頭（$46，9.2／10）呢度嘅招牌菜，兩個人share 啱啱好。佢啲墨魚頭咬落好爽脆，好彈口，仲好重蒜香味，真係好好食。 🥤咸檸

我地叫左兩碗清湯米線，一碟油菜（通菜），兩碟豬頸肉。絕對推薦炭燒豬頸肉，配有調味醬，美味可口。豬頸肉燒得剛剛好，不會燶不會生，夠熟而脆香😋每一塊肉不會薄，大大塊，肉味新鮮，一點也不會腥，一試難忘。由於我地食得比較清淡，而米線湯底好符合我地口味，不會重口味，亦不會重味精，而酸味比較明顯，好開胃。米線剛好的熟，偏軟身，好順滑，易入口，易咬，好適合我地口味需要。腩肉美味完整，不會碎散，亦不會重口味。螺旋草、蘿蔔、芥蘭、墨魚頭等所有餸都係乾淨新鮮熱辣，完全不會令人失望。油菜可選生菜、通菜或芥蘭。如果元朗要搵米線食，雲家係非常好的選擇👍

食到舔舔脷嘅正宗小鍋米線 好耐都冇食過啲咁高質嘅米線 每次落元朗一定要食雲家 ˗ˏˋ ♡ ˎˊ˗❀小鍋米線酸辣BB辣走青·紫菜豬紅無論係米線、配料份量都十分多相當抵食！湯底味道酸味重而且帶甜 湯底超啱我嘅口味！❀ 小鍋米線麻辣小辣走青·秘製豬頸肉、豬大腸、雞絲、響鈴豬頸肉肉質嫩口容易咬開豬大腸相當入味！雞絲十分新鮮響鈴唔會淋晒 仲係好脆！ ❀涼拌墨魚頭很有驚喜的墨魚頭 點餐時很怕會偏韌誰不知相當容易咬！而且有很多蒜蓉超級重口味，味道不錯❀醬拌皮蛋半流心黃金皮蛋 配搭少許蒜蓉味道豐富.

之前經常都去荃灣店食，但因為每次都要排隊所以就好少去了😥依家難得係咁近我既元朗開咗間😍即刻去試一試睇下同荃灣有冇咩唔同先❗我同朋友18:30左右到，裡面都有啲客人不過都唔洗等位就可以直接入去，入面環境唔夠荃灣大，相對上比較狹窄。不過真係要讚一讚啲員工，真係好有禮貌👍🏻，好有耐性👍🏻，好親切👍🏻，見到佢地對住啲唔係好識點樣落單既客人都好有耐心咁解答同提供建議👍🏻👍🏻服務一流👍🏻首先我就叫左一碗 小鍋米線+肥牛+腩肉+豬大腸 $66🤩🤩✨湯底係麻小辣🌶️，對於食得辣既我黎講就唔算太辣，下次會試下叫中辣❗✨肥牛既肉質比較結實又爽滑，好有口感，牛肉味都好濃郁，好高質❗✨腩肉睇落去唔算好肥，有啲瘦，但食落去又唔會好鞋好乾，而係又腍又滑🤤🤤唔怪得寫住係每日限量，真係好好食❗✨豬大腸好乾淨，無異味，有口感，好食❗✨配料份量十足，真係食極都仲有😂好抵食❗朋友就叫左一碗 小鍋紅薯粉+金錢肚+豬軟骨+魚腐 $67🤩🤩✨湯底係酸少少辣🌶️，朋友表示如果酸味會再重少少會比較好🤏🏻✨金錢肚冇腥味，十分爽口有嚼口👍🏻✨豬軟骨食落去啲肉質十分之嫩口🤤🤤啲軟骨又唔會太硬，軟腍入味勁易入口勁入味，大推❗❗✨魚腐好彈牙👍🏻之

呢間雲家小鍋米線近幾年成功打入米線關注組嘅頭幾位 自從元朗店開左就更受歡迎 經常大排長龍 慶幸嘅係食物水準不減 反而仲好似越嚟越進步 可謂傳奇小店😌每次都俾佢嘅份量嚇親 叫左扣底都勁大碗 大胃王都表示投降 佢嘅湯底係唔泛油 唔特別酸/濃味 但好夠味 食完亦唔會口渴 米線質感軟硬適中 爽口掛湯 係大眾都接受到嘅程度🍜每樣配餸都好出色🤗呢啲每次都例叫🐽腩肉｜微辣又入味 幾厚身 肥瘦度剛剛好.🐷豬頸肉｜好爽脆 帶少少脆邊 食落唔嚡口 好有豬味哈哈.🐙墨魚咀｜基本上每枱都會點～超爽彈 鮮味十重 .🥕白蘿蔔｜多汁清甜 完全冇渣 件件都超大嚿.🍄冬菇｜又係超大嚿 同樣多汁 絕非平價花菇.🌿螺旋藻｜建議留到中後段食 吸收哂湯頭嘅精華特別正

之前係荃灣食過，今次咁啱係元朗，就近近地買外賣返屋企慢慢食😂今次就叫左個薯粉同米線✨小鍋紅薯粉紅薯粉好煙韌🤤加上甜甜地嘅酸辣湯底，薯粉吸左啲湯底😍好正！✨豬扒小鍋米線塊豬扒好大塊🤣同埋都好𣺉👍🏻米線因為外賣，所以唔會煮太𣺉，所以返去浸返湯就啱啱好~✨涼拌墨魚頭墨魚頭嘅分量都唔少🤤加埋辣油加蒜蓉😍真係好惹味！✨醬拌皮蛋好耐冇食過辣皮蛋🥺所以叫反一碟黎過下口癮🤤皮蛋加辣蒜油，係好過癮！✨手拍青瓜無錯，今次全部野都係辣🤣夠晒惹味！又係蒜香，但青瓜都係會比較fresh👍🏻✨涼拌雲耳其實味道都好食🤣同手拍青瓜差唔多#雲家小鍋米線📍元朗馬田路20-30B號安寧大廈地下2號舖