雲川 米線．紅薯粉 (卓爾廣場)

营业中

休息中

本來諗住快快趣叫個外賣，等左25分鐘都未有，其他遲好多黎嘅都已經拎哂外賣，要走去問佢先即刻整，好心佢留意下邊d單出左邊d單未出啦，d單唔係跟號碼順序出，管理極差，已經用電腦入單架啦，結果比佢人手漏單，差評

因為今日落雨唔想出街就叫左雲川外賣米線有分到湯嚟到啲麵都唔會冧晒仲keep到口感👍🏻👍🏻👍🏻次次食親雲川都會叫豬頸肉燒得唔太乾，唔太肥又香口惹味😋😋今次加埋竹笙好吸湯汁入味都好正❗️❗️小食就揀左涼拌萵筍絲，好爽口仲有兩盒胡麻醬分開上我個人覺得份量都算多，廿幾蚊好抵食😊😊屯門米線黎講雲川都係我心目中頭幾位🥰🥰🥰麻辣湯底夠麻又唔會太鹹好推薦要試吓豬頸肉🫰🏻🫰🏻🫰🏻

雲川屯門區其實有好多分店，但係我就最鍾意去卓爾居依家，因為企理啲，二來冇咁迫。價錢唔算好平，但係真係幾好食，尤其是金湯底，麻麻辣辣，豬頸肉更加係必叫，燒得好香口，又唔會好鹹。有時食厭咗譚仔可以嚟呢度。

食物佢哋嘅豬扒湯底幾好味，食完唔會好口渴，豬扒厚度、煎得啱啱好，食落唔硬。雲吞皮薄厚咗少少，內陷裡面嘅菜肉味道好滿，好好食。米線都好入味，煮得恰到好處，唔會太軟或者太硬，配上豬扒同雲吞，味道更加豐富。飲品杯凍檸茶， 係茶記茶膽沖嘅凍檸茶， 出面好難飲到杯好似嘅環境由於係晚市，兩人去食派到去一張由四人台間硬分成嘅二人台， 無論入去食定食完走，都一樣要隔離台起身讓位先出入到題外話， 雖然唔係好高消費， 但門口收銀哥哥派位態度都幾差。整體而言，唔食譚仔都會簡呢間食

每星期點都要食一次雲川。貴為屯門名物，佢地嘅豬頸肉真係堅正，雖然薄切，但底面都烤得非常香口，肉質彈牙而且非常入味，一試難忘。以往都點湯米線，試過熱拌後便返唔到轉頭。今次走蒽走芽菜，加了佢地自家菜脯，每啖米線都掛滿濃郁肉醬和香辣菜脯，味道非常豐富，又一餐好滋味~

叫外賣，叫左2個米線，其中一個加多個墨魚嘴..48麵+12$豬扒+12$墨魚嘴，最後送到黎….得4粒咁大把…..仲要勁細粒唔會再幫襯….伏到….豬扒$12蚊算合理，但墨魚嘴得4粒….唉😮‍💨如果比我知道係咁少，一定唔會叫… 無食一段時間，變左勁多….建議大家叫外賣唔好叫墨魚嘴…真係伏到無朋友，食左等於無食過

其實成日幫襯依間，本身好欣賞佢個豬頸肉，但係好似越做越差咁。。。🥹依排去食親的豬勁肉都係好肥之餘，重要外皮無以前燒得咁好，今次重好似烚熟咁款lol，重要有啲酸味🥶講起酸味，曾經都試過一次食到酸既椒鹽雞翼，真係唔知係店舖保存得唔好定係點，但本身佢個椒鹽雞翼真係好味既，唔使點甜酸醬都好惹味，每次都會叫重有每次都幾乎會叫微麻辣湯底，但係唔知點解轉左餐牌之後就無左微麻，最少都要叫小辣。最欣賞既野都無左或者變差，失望！唔知其他分店係咪咁

屯門人推介😍鮮濃魚湯😆無味精添加雲川米線•紅薯粉今次帶大家嚟到偏遠嘅山區—-屯門🤣邊個話屯門冇好嘢食㗎？！呢間雲川米線喺屯門出晒名好食，屯門有五間分店！今次就等我帶大家嚟到位於卓爾廣場嘅雲川，一於試吓佢嘅紅薯粉睇吓有幾出色😆呢度嘅下午茶同學生餐都會減$3！就算下午茶間餐廳都好多人客，枱面上見到個個都係食緊紅薯粉🤣✨鮮魚湯小鍋紅薯粉配豬扒 $40食麵先飲湯既我，當然要試吓佢嘅湯底！奶白色嘅魚湯，配上淡淡胡椒香，有少少花奶嘅香味，魚味好濃郁😍飲得出佢嘅湯冇加味精👍🏻唔會越飲越口渴，而且非常鮮味😋紅薯粉好彈牙有咬口，每條面都掛有鮮魚濃湯，非常好味🤤佢嘅面份量唔少，配上芽菜同香蔥，一定食到飽🤣豬扒份量更加係巨無霸，隻碗有幾大豬扒就有幾大😍豬扒一上枱已經浸咗落啲湯度，香濃嘅魚湯都入晒去👍🏻✨鮮魚湯小鍋紅薯粉配韭菜雲吞 $40韭菜雲吞大大粒，啖啖肉，略嫌肉比較多，韭菜味冇咁香濃😢佢嘅餃子皮彈牙，而且粒粒都好飽滿，大家都可以試吓🤗由於啲湯實在太鮮美，我地連啲湯都飲晒🤣🤣飲完個人暖笠笠好舒服！舒服到好似啲魚喺我哋個胃到游緊水🏊‍♀️🏊‍♂️🏊跟餐配免費熱飲（阿華田及菜蜜）飲品方面阿華田唔需要落糖就已經夠晒

呢間米線舖喺屯門卓爾居開咗分店，每到午膳時間都人頭湧湧，一位難求。今日我同同事一行六個人，好幸運地有兩張枱，可以堂食到。我叫咗新推出嘅麻酸金湯，＄44，包一個餸，。我再加多左一個餸＄10 ，我叫咗小辣，配豬扒，雲吞，同埋叫咗奶茶少甜少冰。麻酸金湯嘅湯底比我食開嘅酸辣教清，可能冇咗辣肉碎，我覺得個湯底酸味比較突出，然後勁則有少少麻，整體嚟講我覺得酸辣都係比較好食下次都係食返酸辣，其實佢嘅銀針粉都好食，佢最大嘅缺點就係太難搵位了。

去開屯門做野，朋友介紹屯門食雲川米線，原來已經有~4~5間分店係屯門，感覺仲勁過譚仔😂呢間分店店面都幾乾淨企理又唔逼。叫左麻辣米線小辣，配豬頸肉&腩肉。小辣都幾辣，建議好有信心先好挑戰中辣🙊配菜黎講一定要試豬頸肉，幾好味。起初就住食驚唔夠餸，點知原來幾足料，唔洗就住就住。環境都幾舒適，冷氣夠涼，唔怕食野辣到流汗，不過冇紙巾提供，建議有帶紙巾先好幫襯😂凍飲加$3，食得辣野預左叫凍飲🙈埋單$58，lunch黎講算唔貴

食雲川聽講是必點豬頸肉，果然無錯，切得幼幼的，燒到很香口，不會太肥，又可以索湯，紅薯粉煙煙韌韌，很有咬口，最重要是個湯底，點了酸辣湯底微辣，十分香濃，夠哂酸，怕辣的我都覺得不會太辣，很惹味

雲川愈開愈多間分店🤣但我覺得屯門卓爾居個間好似最好食😋依間其實都黎過好幾次試過豬骨湯 酸辣湯小鍋米線🍜但個人喜好 最鐘意嘅都係熱拌紅薯粉🥰熱拌紅薯粉配豬頸肉🐷 香辣腩肉🥓紅薯粉好彈牙 好有咬口😍吾係個啲淋到直接咬得爛嘅口感🥰豬頸肉🐷一定一定要試🤩超級好食 味道調得好好 燒得好香 有咬口💯香辣腩肉 辣辣地幾過癮😛兩樣餸嘅份量都好多好滿足☺️腐皮蝦卷🦐點埋酸辣醬 幾開胃🤣凍奶茶🥤茶底相對冇咁濃 正正常常😗

一直都食開譚仔果類米線，早兩年試左雲川燒，佢既微麻豬頸肉米線好岩我既口味，唔會好似其他既雲南米線咁好重口味成口都係辣，次次連湯底既肉碎都食哂。燒豬頸肉係招牌，小小似燒豬肉乾，面頭甜甜地，不過有時會過肥。另外仲會叫埋佢既椒鹽雞翼，炸得好香，其他地方食唔到，似生炸既感覺，無炸粉，食到小小南乳味。近排想食清少少叫左佢既魚湯米線配竹笙。估唔到佢估魚湯都好出色，雖然有小小偏咸，配埋竹笙唔錯。跟住就一直叫佢既魚湯米線，同埋一諗起米線就想食呢一間。

重口味米線，雲川特式係酸到一邊食一邊D口水係咁分秘。留意keep住鋪頭外，都有人攞票等位，好食既米線唔使咩招牌都客似雲來。💕微酸辣小鍋米線（香茅豬排&腐皮蝦卷）👍🏼米線口感真係冇得彈，軟糯。但個人感覺米線量唔算太多，食完一碗未係好飽充。大食既真係要考慮$10加底👍🏼湯底夠酸，個人唔太食得辣，微辣已夠。👍🏼豬排香茅味好出，大塊既，切開有4舊。👍🏼腐皮蝦卷唔錯，不過細條左D會回頭再試其他湯底其他菜式。私心評價：雲川>三哥>譚仔

雲川 米線·紅薯粉（Tuen Mun)嚟到屯門梗係要食小編心目中數一數二嘅米線紅薯粉舖頭🍜⌖ 豬骨湯紅薯粉🍠🍜（豬頸肉）🐷💰$43今次揀咗豬骨湯底 賣相夠吸引🤩 配料好豐富😙😙 包括蔥、芽菜、韭菜、酸菜、辣肉碎🌶️🐖 飲落有酸酸地 有帶有淡淡嘅豬骨鮮味 配菜方面 豬頸肉一定係必食🤤 切絲嘅豬頸肉燒得夠香口 有少少蜜糖味 油脂感爆棚🤪🤪 份量又幾多 完全食唔停口👅 性價比幾高～⌖ 餐飲：熱阿華田💰$0唔會過甜 正常發揮😌😌 一碗紅薯粉飲埋杯嘢真係會超飽🙈☻ 回頭指數：8.5/ 10 #Fatshit_ami #Lunchtime #屯門美食 #港式美食 #食好細 #香港美食 #港式米線 #港式紅薯粉 #小窩米線 #小窩紅薯粉 #豬頸肉 #豬骨湯小窩紅薯粉