雲蝶 (已結業)

價錢平民化但食物質素高質好味😋性價比高👑店舖門面裝修得好靚✨啱晒打咭📸喺度食嘢感覺好舒服，清新☘️店主店員好nice 好有禮貌富人情味😊仲好鐘意小動物petfriendly🐶我帶住小狗去當日好悶熱🌞店主主動比我同小狗坐室內有冷氣☺️好窩心感動❤️店員仲主動請我隻小狗食餅餅💕店內不算大，坐bar枱型式⭐️👀見大多數人以外賣為主多堂食比較適合一至兩位朋友去食👭👫有心💛💛💛💛💛💛💛💛小店💕非常值得支持

抵食，好味，人情味，打咭，黃店，pet friendly.我一個人去叫咗個炸魚薯條小食，涷Latte，芝士蛋糕。炸魚薯條小食(味道唔錯，但唔算好出色）涷Latte(我覺得好好飲👍, 30幾蚊比起出面嘅舖頭，大杯好多）芝士蛋糕（原本以為比正價，原來追加$12就有la, 非常抵，而且好味，不過無消化餅餅底，鐘意有餅底嘅朋友注意，但我覺得都好好味😋）店面裝修好靚，好文青，啱晒打咭！以店內主要簡單為主，坐吧枱，老實講多人未必坐得舒適，但係非常適合一至兩位去食。店主同員工都好有人情味，而且係愛狗人事，我帶住小poodle去，店主見坐出面太熱，而當時店內唔算多人，店主主動叫我同小狗坐室內有冷氣，真係覺得好窩心，但大狗可能不太方便坐室內了，最好問問店主，大狗坐室外係無問題的。

星期日終於有機會黎試吓下午茶時段黎到 位置唔多 好采室內都仲有位坐 係高櫈 吧枱形式格局下午茶都幾多選擇仲有甜品menu 途中見到店員話用曬麵包仲要即時過隔離買叫左軟殼蟹多士配薯條軟殼蟹大大隻 即炸熱辣辣 個秘醬都好惹味麵包仲有少少蜜糖味 超級加分 好驚喜個人非常中意蜜糖麵包夏日夕陽 芒果 菠蘿 木瓜沙冰 好清新 超解暑 紫雲寒天 巨蜂提子梳打 加雲呢拿雪糕加左寒天好有咬口 唯一係甜左少少 同埋太多冰軟殼蟹黑松露野菌忌廉意粉呢個都非常出色黑松露味岩岩好 好怕有時食到啲太濃味 係會好滯其實少少地吊到味就好ok 我先生即刻問 到底點解人地煮得個汁咁好味？咁要交俾你研究下啦！加油呀！我地食完都即時話下次要再黎食呀！

之前食過一次有頭髮都算啦，有邊個唔掉頭髮，諗住比多次機會，試多一次。叫左個雞翼，外賣自取，一開黑到成嚿炭咁，e家影相都靚左，打去同佢地講，話隻雞翼要set 左要煮7分幾鐘🙂🙂，你都睇下隻雞翼變成咩樣先，黑到咁點食。佢有叫我落番去可以退錢，但係算啦🙂唔再幫襯

大圍而家愈來愈多打咭cafe，如果想避免喺市中心同人迫，不妨考慮行多10幾分鐘嚟到雲疊花園支持下呢間小店炸紐西蘭魚柳薯條$45 魚柳係厚切，外層炸到好脆口，魚肉又夠滑粗薯條薯味夠重煙三文魚多士配牛油果醬$42多士係有d驚喜嘅dap入口會覺得甜甜地，原來店員喺麵包上塗上了蜜糖幾鍾意個牛油果醬，打得好滑身酥炸軟殼蟹多士配自家秘製醬$52好鍾意隻軟殼蟹，入面好多蟹膏配上清新沙律refresh下都唔錯炸Oreo伴雲尼拿雪糕$30 可以享受到一凍一熱嘅口感估唔到炸過嘅Oreo口感又幾有趣喎見到餐廳而家做緊開業一周年優惠，有4款意粉喺指定時段買一送一，真係好抵食

大圍雲疊花園商場內嘅文青系Cafe小店環境優美而且風格獨特，舒適嘅環境係享受美食和談天說地嘅好地方。下午茶輕輕鬆鬆，有一點旅行嘅感覺。冬陰功大蝦意粉🍝$68特色fusion菜之一，冬陰功味嘅炒意粉真係第一次食，意粉口感爽口彈牙，配上泰式味道，還有好大隻嘅蝦，令人滿足嘅一款主食。帶子野菌意大利飯$60帶子都好大粒，意大利飯嘅口感都唔錯，啲汁又唔會太多，份量剛好。招牌炸Oreo 伴雲呢拿雪糕$30令人驚喜嘅咋Oreo餅乾，一款特別風格嘅甜品，值得一試。黑松露薯蓉薯蓉很香，配上黑松露都好味，一個幾新穎嘅配搭，而且擺盤非常趣緻。

難得放假涼涼地又唔曬黎個新界遊先本身想踩單車但又落雨最後去左睇戲🤣🤣睇之前當然要食野啦搵到間藍白色裝修嘅黃cafe—————————————————————店仔細細藍白色裝修好有希臘feel煙三文魚忌廉意粉整得好乾身比起卡邦尼意粉多左一陣魚油香味忌廉份量啱啱好唔會令人覺得膩卡邦尼意粉一上碟聞到一陣好香濃嘅忌廉味入口乾身唔會話漿住口或者好膩濃淡適中仲帶有小小忌廉嘅甜味加埋惹味既煙肉同洋蔥絕對係超水準及誠意之作紐西蘭魚柳薯條魚柳皮脆內軟魚肉完全冇雪藏味炸出尼好香口 令人食指大動而且唔會好似出面的炸物食完會有一堆油係底最後中島叫左個芝士蛋糕配豆腐雪糕芝士蛋糕好實淨濃郁嘅忌廉芝士味而且一份都只係$34絕對抵食呀👍🏻—————————————————————✟ 卡邦尼意粉 $55✟ 煙三文魚忌廉意粉 $58✟ 炸紐西蘭魚柳薯條 $45✟ 紐約芝士蛋糕配豆腐雪糕 $34✟ 紫雲 $34

周末當然要去Cafe放鬆一下☀️朋友帶我來到文青風格的咖啡店大圍站行去要大約十幾分鐘。好在今日天氣好好，有點涼風💨咖啡店整家是藍白色為主調，室外有幾張高椅，好適合打卡。軟殼蟹黑松露野菌忌廉意粉 $72軟殼蟹炸得外皮鬆脆，入口軟腍。意粉有濃郁的黑松露味道，好味道！卡邦尼意粉 $55醬汁掛在意粉上，入口奶滑。煙肉份量較少，好彩我地叫埋小食。吞拿魚碎蛋薯蓉 $38造型特別，薯蓉上擺放了雪糕筒。薯蓉混合了吞拿魚蓉，入口咸香。蜜桃冰茶 $24夏天解渴之選，甜甜的蜜桃香。薰衣草蜜糖鮮奶咖啡 $46加入薰衣草蜜糖的鮮奶咖啡味道好有特色。雲蝶 大圍田心街20號雲疊花園商場地下16B號舖#雲蝶 #大圍 #田心 #cafe #hkcafe

軟殼蟹黑松露野菌忌廉意粉 $72都幾足料，好多菇同埋有原隻軟殼蟹，炸到香口酥脆而唔油膩，忌廉醬creamy，加埋蟹籽更加有口感。酥炸軟殼蟹多士配自己秘醬 $52都係有原隻軟殼蟹，軟殼蟹同洋蔥圈都係剛剛炸起，夠熱夠脆。三文治嘅方包有烘底，仲加咗蜜糖，甜甜地又脆味道唔錯，但係拎上手食會有d痴笠笠，最好用張紙拎住食。柚子芝士蛋糕 $24柚子融入左cheesecake，啖啖都食到柚子味，蛋糕綿滑質地似american cheesecake. 雲呢嗱鮮奶咖啡 $23榛子鮮奶咖啡 $21因為點左主菜同一份下午茶，加飲品有半價優惠，咖啡味聞落好香，凍咖啡加左冰味道都無變淡。

週末去踩單車前要醫飽肚仔😋！係大圍有一間IGable小Café，由90後夫婦主理，店名「雲蝶」取自雲疊花園諧音🦋，裝潢以藍白色同蝴蝶圖案為主，散發陣陣仙氣。餐廳以輕食同特色飲品作賣點，例如薯蓉同炸Oreo。非常建議係戶外位置用餐☀️，享受陽光同時又好啱打卡，室內座位只有4-5張，牆身貼滿文宣就知要多多支持！————————————————👅羅勒醬烤雞意粉 ($68)👍🏻 烤雞扒醃得入味，雞皮烤到乾身脆口，意粉裹滿色澤亮麗嘅羅勒醬🤤，滿滿羅勒香氣，食到Lam Lam脷啊👍🏻 主菜配任何飲品半價優惠，午餐時段(12:00-15:00)跟餐送熱柚子蜜/柑桔蜜👅炸紐西蘭魚柳薯條 ($45)👍🏻 吉列魚柳外皮金黃酥脆，咬開內裡藏雪白嫩滑嘅魚肉🐟，炸薯條非常香口👅紐約芝士蛋糕伴豆腐雪糕 ($34)👍🏻 芝士蛋糕可以揀黑芝麻/芒果/原味，蛋糕偏輕芝士蛋糕，芝士味輕盈🧀，少左牛油餅底又少一份油膩感，雪糕有好濃郁豆腐，配搭清新————————————————🚩總結：食物質素同價錢合理，打卡度一流———————————————— 🌟注意：外賣自取9折優惠，優惠詳情請留意餐廳專頁

雲蝶係係一個幾偏僻既地方經過亦都唔起眼但內有乾坤睇餐牌既時候已經好多個餐都想食最後簡左帶子野菌意大利飯外賣自取仲有七折五十幾蚊就可以食到一個高質午餐亦唔一定飲奶茶咖啡可以簡柚子蜜👍🏻👍🏻帶子煎到金黃色而意大利飯亦有質素係一間有意外驚喜既小店👍🏻

當晚點了以下- 帶子意大利飯- 炸洋蔥圈- 黑松露薯蓉- 芝士蛋糕 (兩件)- 雞翼5件(贈品)評價: 整體impressive, 性價比相當高。個人認為炸洋蔥圈及伴醬、Cheesecakes做得相當不錯。而本人母親亦一次把5件雞翼吃清 (只她本身很細食)改進空間- 出貨時間… 也許因為訂單太多/人手不足的緣故，我由雲叠把外賣帶回新翠家時有些食物已變得不夠熱了。加油。

星期日踩完單車，三個人又肚餓，見倒間小店就走咗入去，估唔到有意想不到嘅驚喜！即刻去相門口有舒適既感覺，吸引咗我地入去！1.黑松露醬薯條好食分數 8/10黑松露醬味道重，配薯條一流2.黑啤雞翼/忌廉芝士蘑菇釀雞翼好食分數10/10好香嘅啤酒味，但估唔到啤酒味同雞翼可以咁夾而忌廉芝士磨菇釀雞翼炸得好好食，裏面嘅芝士好多，一食落口流曬出黎推介3.煙肉洋蔥薯蓉好食分數 8/10薯蓉好香忌廉味，而且份量適中，啱曬我地依啲鐘意食小食嘅人，可以叫多幾款4.軟殼蟹黑松露忌廉意大利粉/紫雲好食分數 8/10 忌廉汁煮得啱啱好，唔會太多，軟殼蟹炸得夠脆，份量都夠食飲品唔會太甜，仲有一球雪糕，溝埋嘅味道好特別整體來講食物好食，價錢亦中等，但坐位就比較小推介推介啊！

今日諗住同個fd去‘掃黃’，搵到呢間新既cafe即刻去試下，鋪頭既裝飾同個餐牌都幾特別，但有啲偏細，室內加埋室外最多應該都係坐到七八個人左右。我地點左個帶子野菌意大利飯，羅勒醬烤雞意粉，繽紛雜莓同一份送既黑啤雞翼。先講主菜， 個意大利飯有好香既奶油味，飯粒唔會太硬，帶子亦都唔會太熟，算係幾唔錯。但個烤雞意粉唔知係味唔記得落鹽去煮，除左羅勒同油既味之外就完全無其他味。至於個黑啤雞翼就有好香既黑啤味，個人覺得調味可以再濃少少，但友人就反而好鍾意佢個味。而杯野飲個人幾鍾意，唔會太甜但又飲得到有好多莓既碎碎係份面。

難得入黎大圍，點都要搵啲嘢試下，之前黎經過已經見到呢間鋪，今次一定要食。吸引之處係佢每個角落都可以影到，鋪頭名又易記，係雲疊花園內嘅「雲碟」。藍白色為呢個區有突出清新小空間，而柔和燈可以令成件事再慢活一點。坐係入面都唔錯呢間由12點做到夜晚11點，算係耐。柚子蛋糕伴豆腐雪糕，51元連朱古力咖啡，柚子十分充足，好紮實，以為豆腐雪糕無乜嘢，但係豆腐味出奇地突出，唔淡。另外仲點咗泡沫咖啡，34元，可以，咖啡味係重。係屋苑內有個咁chill嘅小空間係幸福