雲貴軒米線專門店

营业中

休息中

下午茶食個包餐好平，$30包一杯野飲，今次叫左蒜香牛油脆豬扒包醬汁同餡料分開曬，睇落好似大堆頭咁，但其實就係一個包應有嘅野，好處係唔會食到啲料跌曬落黎個包的確有用牛油烘過，但點知佢係軟淋淋冇口感，係空氣包黎想叫脆豬包就係貪佢夠脆夠硬呀嘛，可惜佢做唔到。不過豬扒煎得幾香嘅值得一讚另外叫左凍鴛鴦少甜少冰，出奇地好飲👍🏻茶啡味好出朋友叫左個豬軟骨炸醬酸辣米線（中辣）佢話麻辣湯底好食啲，酸辣唔夠惹味，似港式口味多配菜都麻麻地，豬軟骨溶溶爛爛冇口感整體比我嘅感覺呢間似港式茶餐廳多啲，想食酸辣米線都係去番啲川X小店食好味啲。但佢下午茶好抵食唔係好肚餓可以黎食

次次黎到元朗屋企人好鐘意黎呢間雲貴軒食下午茶，貪佢質素ok，又抵食～而我就最鐘意食蜜糖雞全翼配西多士再加碗香辣炸醬米線米線份量都唔少，食完基本上都飽飽地，但米線略嫌太淋..大大隻蜜糖雞全翼有陣陣既蜜糖甜味，亦炸得好香脆👍🏻西多士夠厚身，裡面都有唔少花生醬😋值得一提既係佢地既水吧，每次我去到無論係叫檸茶定係奶茶，佢既沖調比例都係岩岩好，水準唔會好飄忽，好岩我既口味！食到飽一飽都係$40，真係好抵食～

中午Lunch時間經常要等位，難得今日黎到唔洗等，即刻入得有位坐比起米線紅薯粉，依到既上海麵更加出色，比米線粗小小，仲好掛湯！而且一定要配麻辣湯底。而餸方面，絕對係排骨、腩肉、雞翼、豬扒依四款，全部都好好味！絕對唔似其他米線鋪得小小，雞翼有3隻，腩肉大大片，豬扒仲要即叫即炸大大碟，每款餸加$7，不過最多叫4款唔可以相同除左粉麵亦都有肉燥飯揀，同雜扒飯咖喱飯等等，全部都大大碗仲有得加錢轉特色飲品！！

千色後面，唔係太起眼，但係早餐就好多人食，可能係好平嘅原因。Lunch 無試過豬扒大塊， 唔韌，唔太鹹，幾好味奶油豬仔包脆脆的，唔乾煎蛋，正常， 可以選擇太陽蛋午餐肉， 喜歡吃煎過的午餐肉，不錯蕃茄湯通粉， 極小蕃茄味， 記得之前食過係濃d嘅, 可能今日水準有少少失誤。。。有粟米粒，甘筍條，幾清新套餐包一杯飲品，沒有影相不欣賞堂食嘅刀叉竟然用膠袋包住，很不環保個人估計，是侍應可以一拎就可以拎刀+义但係慳了兩秒嘅時間，製造了一個膠袋垃圾🤨

宵夜A餐及宵夜B餐可在晚上08:30開始供應，記得炸物一定要叫大火(即是炸燶啲)否則唔夠脆，味道較為清淡，但宵夜來說清淡啲好，因為可以不用飲太多水，熱飲方便建議叫檸蜜，不用加錢之餘又可以不用時常飲咖啡奶茶。

每次食雲貴軒，都有好飽肚嘅感覺，因為次次去，個面底都好夠，所以非常醫肚！嗌左豬軟骨紅薯粉食，唔食莞茜嘅記得叫侍應走茜喔。味道普普通通啦，豬軟骨又真係得軟骨，肉都唔多下，所以真係好靠啲薯粉黎塞飽自己。薯粉要讚嘅！煮得啱啱好，唔過林，食落爽口彈牙，好食的

平日下午茶時候搵野食☝️有樣好唔洗排隊🤗👏🏻每次行過都見到一家大細係到食野😳今次到我啦😉好多選擇有米線，薯粉，肉燥飯，重可以選豬骨，酸辣，麻辣，蕃茄湯👏🏻最後決定叫豬扒酸辣米線同大腸酸辣米線😌☝️酸辣包蔥，酸菜，芽菜，香茜，9菜🤔豬扒一d 都唔硬，肉質有咬口！豬腸就正常正常既☝️由落單到上菜既速度係快既！環境同衛生都理想！👏🏻👏🏻👏🏻👏🏻好多小朋友放左學都黎開餐☺️Overall 係唔錯既下次試下個薯粉先！👏🏻😜

又到在食晚飯時間，又要諗下食咩好...係千色附近真係有不少選擇...但今次就揀在比較平價而味道又唔差，款式又多既餐廳...見到餐牌我既困難選擇性又出來啦，食肉燥飯好定米線好呢？仲可以以半價換購一份小食添...最後都係點返我喜愛豬軟骨肉燥飯....而豬軟骨都好淋...不過有少少骨，肉燥又唔會淡而無味...每次黎我都會食....唐揚雞粒都係新鮮炸起....外皮都唔會好硬同太厚...蜜糖串串雞翼....不是燒出來同埋蜜糖放在係側邊，隨自己喜好加多同小....

米線, 每個人都會諗起譚仔, 但這家米線雖然分店數目不及譚仔, 但味道不比譚仔差, 而且別具有另一番風味;我點了一碗蕃茄濃湯豬扖米線,大大碗, 隠約散發出淡淡的蕃茄味, 但喝一口蕃茄湯, 味不夠濃,  粟米味道清甜, 海帶條鋪滿湯底, 而長長的米線軟滑不易斷, 隠約散發出湯底的蕃茄味, 但份量相對來說較少; 而豬扖另上, 金黃色的豬扖, 切件, 炸得外脆內軟, 十分鬆化;吃完這餐豬扖蕃茄米線,覺得這間的米線不錯, 如果份量可以多一些會更吸引。

第一次都雲軒桂紅薯粉我叫了豬扒紅薯粉微辣便中有炸醬花生等令我很驚喜但味道普通雖然叫了微辣但沒有什麼味道口感十分淡已豬扒看來似炸但咬下去很淋不是脆口的而且凍得很快我一會兒就凍了

真係好餓，約左個朋友一齊食飯再睇戲，點知條友睇過龍，我打左幾多次比佢，冇反應，漏決定唔等，一個人去食左lunch先整番個肉燥雞翼，肉燥略肥，鹵水雞翼唔夠入味，雞肉乾乾地，肉汁唔算多，不過肉燥都夠撈飯，剛剛好啦，蛋冇食到，飯量算多，食唔曬，下次小飯先

以前好鐘意食豬軟骨,因為好入味,好多肉,骨真係好軟...而家嗰D冇乜味,骨又大又硬,點咬呀...但價錢又左好多囉...1個食送連埋杯凍飲都要四十幾蚊,洗唔洗呀...

而家食早餐都冇咩選擇...突然見到雲貴軒有早餐,就試下,呢個餐幾底食,有扒有粉都係30左右,先試個粉,係什菜蕃茄通粉.有蕃茄,粟米仔,甘荀,但味比較淡,但蕃茄味仍在,再來炒蛋雞扒腸加豬仔包,雞扒有蜜糖味又煎得香,炒蛋都幾滑,同厚身，腸仔煎得幾香口，重點個豬仔包,好香脆,蒜溶幾野味，又好味,必試,我加7元叫左個特飲紅棗紀子茶,幾夠味，有好濃紅棗味，幾健康,估唔到除了午市肉躁飯外,早餐係另一好選擇

小弟不嬲都講過我嘅鄉下第一就係日本，第二就係台灣。由於前兩日先食完日本菜，所以而家又再次思鄉，但係今次就唔係日本啦，而係台灣。所以就上網睇吓屋企附近有冇咩台灣菜，就見到有間係食米線同肉燥飯嘅，所以就即刻落街食啦。由於係今日係星期日，所以都幾多人，所以我都等左一陣先有得入去食，原來逢星期一至五都會有下午茶，但係今日竟然冇，唯有叫反正價啦。不過都要四十幾蚊，真係令我諗返係台灣食嗰陣時嘅＄35台幣，好想返去食啊。哈台嘅我，二話不說梗係叫咗個肉操飯加上清爽嘅豬頸肉，再加一杯台灣嘅珍珠奶茶。就係咁，我就默默等我期待嘅嘢食嘅來臨。等左陣間，啲嘢食仲來啦睇落去份量都唔少，有五至六件豬頸肉同埋份量都不少嘅肉燥。仲有啲唔同嘅配菜同埋半隻滷蛋，份量都幾足架。其實個肉操飯真係冇咗台灣味，佢嘅都係比較港式嗰種，我好似台灣嗰啲通常會有少少肥膏，但係依個就無咗去台灣食嘅感覺，豬頸肉就OK ,亦唔會好似去其他餐廳食咁乾，所以整體來講都不錯，當然啦，去台灣實食好食啲嘅。個珍珠奶茶都叫有奶味，應該唔係用奶粉衝出黎嘅，珍珠就幾彈牙，不過咬落去啲珍珠冇甜嘅味道，整體來說都叫不過不失嘅。

雖然遠離元朗大馬路,不過位置上就近都有不少唐樓民居,是雲貴的優勢之一。雲貴軒晚餐十分抵食,小鍋米線單餸都只係$36蚊,加$7有多一個餸。今晚點左酸辣湯底的小鍋,配上豬腩肉及菜肉雲吞,加$3有凍OT。豬腩肉都做得唔錯,腩肉好入味,有微辣都好野味。不過個菜肉雲吞就真係好麻麻啦,淡而無味。米線就煮得太淋身。凍OT 都算OK啦。整體唔係差,不過一定唔上好味囉。