雲貴軒米線專門店

营业中

休息中

雲貴川可以話係我晚餐的飯堂之一,, 因為一來近我屋企, 二來價格相宜, 三來我超喜歡食呢度的豬軟骨豬軟骨肉燥飯 HKD32, 連凍飲 HKD34, 豬軟骨炆得非常軟滑和入味, 佐以肉燥和滷蛋, 整碗飯都裶常滋味.凍奶茶的水準都算OK, 唔使叫少甜都唔會過甜, 而且奶和茶的比例算係調和, 比起很多茶檔都要出色的了招呼 : 只能說OK, 因為店員們都好忙, 但收野抹枱都係好快手的環境 : 有兩部大電視, 想邊食邊追劇都OK的價格 : HKD34連凍飲, 晚餐來計, 價格好合理的了

其實已吃過多次 但都沒有拍照豬軟骨麻辣紅薯粉 ($30)小辣 - 大辣我也試過, 對於愛吃辣的我來說, 中辣是最好的選擇小辣會不夠喉, 大辣卻搶了其他材料的味道, 不愛辣的人也可選微辣味道: - 豬軟骨是我必選的, 很稔又不會太咸, 份量也不少 - 湯底是元朗暫時找到最像在大陸吃到的味道, 有正宗湯底應有的配料 - 個人認為不夠「麻」 - 粉的口感不錯 , 不過稔

湯味濃而吃後不太囗渴，配料也新鮮，花生，炸菜，冬菇爽口，貢丸也好味但小吃我試過就麻麻，最唔掂係炸大腸，但最唔好就係店員不停收你d嘢，末食完都問你要唔要最過份！下次要去要改三點後可能好d.

　　尼排日日出街食飯，今日陪個fri換身份證，甘啱經過尼間店，個fri話尼間嘢唧撈薯粉幾好味，甘等佢換完身份證就來試一試。　　個fri叫咗上次佢話好食個豬頸肉撈薯粉，我就叫個豬軟骨撈薯粉嚟試一試。值得贊一句，我地入去坐低陣系2點4個字，寫嘢系2點5個字，但寫嘢阿姐等到2點31分先幫我們落單，就可以計下午茶價，甘一個人就慳咗4蚊，阿姐真系好人！　　豬軟骨好大塊，個撈醬好好味，不過豬軟骨個底有D太甜，食到尾有D滯，不過真系好好味，花生又炸到好香　大大碗都算抵食，凍飲加兩蚊。　　會再幫襯，下次想試下肉懆飯　　　　

上星期日的中午, 正當不知道去那兒吃飯之際, 忽然想起那間已經有一段日子沒有幫趁過的雲貴軒, 於是決定舊地重遊.跟以前一樣, 這兒不論是午市還是晚市, 都是有很多人在等位, 我們這次亦不例外, 等了15分鐘左右才能入座. 點了豬軟骨肉燥飯及貢丸雞中翼米線.豬軟骨真的非常之稔, 而且亦很入味, 肥瘦尚算適中, 幾好. 不過size好像比起以前細件了很多, 記得以前是三大嚿, 現在是三小嚿, 唔知是不是因為豬肉貴了成本上漲的原因. 肉燥的份量極多, 很夠味, 除了件豬軟骨細件之外整體來說幾好. 貢丸雞中翼米線都keep到水準, 而且份量上都唔覺少了, 有5粒貢丸及3隻雞中翼, 貢丸入味, 鹵水雞中翼亦很有鹵水的香味, 湯底清湯得來也不太淡, 都算滿意.發覺這些米線店經常都爆場, 幫趁的尤其多是後生仔女, 唔通他/她們特別鍾意食米線?

今日去接女朋友放工, 順手去佢工作附近的呢間餐廳食野。其實之前都食過幾次, 發覺佢D送都係保持住大件同抵食的質素, 唔錯唔錯女朋友order: 台式肉燥飯配鎮江排骨個肉燥都算唔錯, 但係無咩得別, 所以無咩comment但係就想講下個鎮江排骨, 淡淡肉。雖然佢有D醋味, 但唔係好勁, 所以唔鍾意食醋ge朋友都可以試下。我order: 豬軟骨紅薯粉配魚腐雖然D魚腐無咩味, 但係佢一次都會比5塊我地, 十分之抵。而個D豬軟骨就好軟, 真係連D骨都可以食埋。價錢同質素成正比, 所以下次再黎食應該係無咩問題的。BTW, 預左要同人搭枱

今次係一個月內第2次食上次同男朋友食我叫左豬頸肉肉燥飯今次同細妹食就試下雲貴軒o既紅薯粉啦~細妹叫左我上次食o既豬頸肉肉燥飯(果然係兩姊妹)今次我就叫左豬軟骨魚腐紅薯粉個粉ok冇乜特別,豬頸肉肉燥飯就麻麻地環境舒適(泠氣夠!有電視睇~)食物不過不失,價錢抵~所以會再幫襯~

同mami gor gor食lunchmami orderD 薯粉唔係食開嗰種扁平形，食落冇咁煙韌點了麻辣湯底，重唐芹菜味大腸都ok，係多肥糕jarmy order熱伴薯粉汁醬on side，撈吓撈吓，濃淡自便唔怕太淡or過咸 Good第一啖好食之後就越泥越怪，粉/汁/餸D味道分開晒咁？可能薯粉唔索汁卦如果米線/河秎好DgorXX骨肉燥飯(忘了名字)骨夠淋，唔黐牙，有D薑醋feelyummy

近日天氣悶熱, 那股麻辣癮又起了。 趁周日到元朗走一轉,吃些辣東西來醒醒神吧! 一早已鎖定目標-雲貴軒, 位置不算難找, 就在千色廣場後面。 三點半到達仍然九成滿, 原來當日也有下午茶餐, 米線或薯粉連熱飲廿多元已有交易, 算很經濟。早幾日在飲食雜誌裡看到介紹, 已決定點些什麼, 所以一坐下已可點菜。 酸辣豬軟骨紅薯粉(中辣)$24: 配一款餸, 每款另加$4。伴菜有肉醬、榨菜、炸花生, 還以為薯粉是寬身, 原來是幼身那款, 較為爽滑, 而且能索湯, 湯底的酸和辣比例剛好, 不會一味得酸或死辣, 非常惹味, 中辣對於我也算易入口。至於豬軟骨有四小件, 炆得很稔很入味, 連骨也是脆脆的, 可以輕易吞下。對這碗粉唯一要彈的只是不夠熱。 炸豬大腸$16: 配酸辣汁, 這味小食和東江炸大腸差不多, 但無加橙色素, 感覺健康點, 只以滷水滷過, 幾入味不會太咸, 外皮亦炸得脆口。 炸魚腐$16: 同樣配酸辣汁, 六件湯匙size, 每件都很飽滿的樣子, 吃落不會有腥味, 很軟綿綿, 又富彈性。 凍檸茶另加$2: 正常水準, 不會很甜。 本想包走部份魚腐和豬腸, 但想到久放會大減其美味程度, 所以

今日下晝黎左喱區視察環境，發現喱間係北角都有分店既鋪頭，寧舍有親切感，所以都入去一試．一路食就一路有ｄ烏蠅同你say HI．１．酸辣豬肉餃米線：酸度岩岩好，有ｄ麻辣既感覺，份量對於女仔黎講都好足夠，肉餃都唔錯，奇怪在用雲吞皮殷包個餡既？有ｄ格格不入．２．豬軟骨米線：湯底唔錯，份量少左ｄ，豬軟骨煮得好入味．３．香滑珍珠奶茶(+$5)：唔太甜，珍珠細細粒，唔同台灣飲開果隻．

今日下午嚟到, 慰解對酸辣紅薯粉的相思之苦,點的是魚腐豬軟骨酸辣紅薯粉少少辣走茜走花生($28+4)飲珍珠奶茶少甜(+$5)魚腐跟我以往吃的不同, 比較上沒有平常的鹹, 惜豆味和魚味都不出, 也不夠彈牙。豬軟骨又跟我前天在這吃的有點不同味道, 多了一種椰奶味, 總之都是很美味~~~~吃了三成, 我發現....湯麵夾雜了一條懷疑是鋼線球掉下的鋼絲........即刻告之店員, 店員跟我換過一碗......其實我心想：我食咗三成都飽啦, 你換俾我把鬼！不過都無辦法, 總不成要求他們不用我付錢吧, 一於少理當買一送一。老實說, 我從來都不相信有餐廳的廚房是乾淨的, 更不信有餐廳的洗碗員是認真盡心洗碗碟的。『眼不見為乾淨』, 看不到的話, 該餐廳便是衞生了。雖然我今次看到了, 但味道好的話, 我不會因為一絲鋼絲而不再光顧, 因為每一間餐廳都可能有這種情形, 只是你看不到, 或者你已吞進了胃裏而已...

昨晚暢水後朋友建議到雲貴軒吃夜宵, 餐廳裡只小貓三四隻, 且所有人的目光都在電視螢幕上阿牛撞車的畫面上王喜可真有觀眾緣........點菜時候, 侍應小姐眼甘甘看住電視, 又撞聾,甚至我想要熱茶走, 她都不明所以.....以為是奶茶走茶, 服務分為零分。我要的是豬軟骨蘿蔔紅薯粉超小辣走茜走花生($32)豬軟骨夠腍, 既入味又不痴牙, 而且分量多蘿蔔也不錯, 甜得來不會像永年『糖精蘿蔔』般紅薯粉彈牙, 配上小辣湯底, 令我忍住熱汗把它吃個光！朋友的珍珠奶茶少甜水準很高, 真的比元朗所有珍珠奶茶熱點的好, 下回我也要點一杯！昨晚之前我就算路經此地也不會留意這間餐廳, 因為我對雲南米線是零興趣。但現在我肯定我會有無限個下次~~~

龍愛煞雲南米線，週五我又當好女友/未婚妻陪他去食，順便也當是減肥贖罪。　估不到元朗新店環境舒適好坐又有電視，還有專人落單，但仍然不收服務費。這裡主打$26/$28的麻辣米線/紅薯粉套餐，各包一款食材，另加選則每款$4；餐包一杯飲品，加$4可選珍珠奶茶，是晚兩人揀了：　麻辣米線餐-湯底很受其他食材影響，本身辣度久奉，估計要加辣才夠勁度，不過味鮮甜幾討好的；米線質感偏軟，吃來口感滑卻帶爽也不錯，我也痴了兩小碗來吃。　豬腸-龍在另一分店吃過，大力讚好的一味，在他超努力游說下試了一小片，果然鹵很香很入味，是有水準之作，不過非我杯茶還是一片夠了。　魚腐(+$4)-大大件很軟滑、同時富有蛋香、豆香、魚鮮的魚腐，總共有五大件，真是抵食非常，是我當晚的主菜。　鎮江骨(+$4)-為整碗湯底帶來誘人的甜醋味，不過鎮江骨本身質感過於軟稔，水準只是一般，不過份量也有數件，難道此店的食材都是蝕賣不成?　香滑珍珠奶茶(+$4)-大大杯珍珠奶茶味道十分香甜，口感亦順滑非常，最吸引是小小的帶黏性的珍珠粒，整體極之出色，我認為比外面大排臺北站更為美味，十分推介! 　這頓簡餐不過$38，既美味又相宜，而且份量絕不會超標。

environment - looks like normal cha chan tang, quite clean, spaciousservice - okfood:- portion ok- delivered Hot- many choices - rice/ noodle/ drinks...my pick:肉燥 - great, better than most of other Taiwanese style restauants I visited in HK (> 40)Pork chop - 85 marks if 100 is full marks. no pink colour like most frozen food, taste goodrice - so sosauce - a little bit too thickeye - so sodrink - lemon is not fresh....

食過一次雲貴軒後, 個個星期都必去一次食下佢地既平靚正下午茶3:00 鐘開始, $22 一個麵連熱飲, 如果飲凍飲, 飲罐裝可樂最抵, 加 $2首推酸辣豬軟骨米線!! 不過我仲意食米粉多 dd 豬軟骨有 d 好似有 d 炸粉係面, 炸過下先再去炆炆完之後, 面頭果 d 粉變得林林地, d 肉就好入味我都試過其他, 如鎮江排骨, 豬腸及魚腐等都是一般而已, 不及豬軟骨好味至於坐位就麻麻, 少卡位, 成日都要拾檯不過, $22 一個餐, 有味道, 其他既, 我不會要求太多