雲貴軒米線專門店

营业中

休息中

正當平安夜個個出去MK,TST時候，我同女朋友留係元朗一樣感受到溫暖．下午去完冰雪節可能凍得擠，大家都想食返d熱野暖下，係大馬路行來行去，但無一間特別吸引．本身諗住出去第二間食台灣麵，但途中聽到一班基督徒係門口附近唱緊聖詩，就入去試下．＂雲貴軒＂個名聽朋友講過好多次，但今次先係第一次來試．入面好暖，服務態度好，有電視，真係有種家的感覺．睇睇個餐牌，有好多款，粥粉麵飯有齊．見餐牌個鍋飯幾吸引，想試下，就叫左個肥牛番茄湯鍋＋油菜，d肥牛大大塊，份量又多，簡直可以比得上出面打遍爐果d．最特別就係個金菇，好大條，好實．一人分量兩個人食都得．．不過最吸引都係我地叫左個豬排紅薯粉米線，有得簡湯底同配菜，餐牌有教埋點食先係最好味．紅薯粉營養價值又高，絕對係不二之選．我地選左微辣同酸菜，味道酸酸，幾刺激～　花生和配菜也很足料. 滿載而歸.下次會再去試！我地食完都覺得個紅薯粉米線係鎮店之寶，必試！

又是雲貴軒，以往在葵芳、荃灣吃不少。元朗雖然有很多美食，或地道食店，但到了晚上，卻不會單獨去拉麵店、日式店、中價西餐廳。結果不是連鎖便是小型麵店。雲貴軒發展到現今也算是大當家集團經營。一向對其湯米線沒特別喜愛，因為湯沒特別，米線亦不算煙韌。還是吃熱拌紅薯粉，配辣豬腩肉。只消等候五分鐘便端來薯粉。份量正常，薯粉正常韌度，這兒的薯粉，以女性電髮的角度來看，應該會稱為“細鬈”吧，規律的彎曲，猶如螺絲釘一般。不太碎，長長的薯粉可混和炸醬及麻香醬，特別惹味。當然還有木耳、花生、榨菜伴隨薯粉。辣腩肉半肥瘦還不錯，再肥一點就太膩了，這樣半肥瘦剛好，微辣而不會又韌又痴牙。凍檸茶雖然檸檬欠缺清香、欠鶁新鮮檸味，但多擠幾下，使茶中帶微微檸味，還是不錯。店員年輕，難得的踏實有禮，多番謝謝顧客。

平時黎到雲貴軒都係食酸辣粉，今日食開間茶記無位，行左過黎呢便睇睇，原來佢都有港式早餐，價錢都係廿幾蚊，咁平試下佢啦。點左兩份早餐，一樣配蕃茄湯通粉。一落完單即到，好快，茄湯較淡，通粉很淋，麻麻地。腸仔豬扒太陽蛋，味道頗鹹，亦偏油。雞扒火腿熟蛋，同樣偏油，而且熟蛋都係太陽蛋…餐飲要了一杯熱檸茶，一杯凍奶茶。檸茶很澀唔好飲，奶茶正常。好在坐落個位幾大冷氣，出面真係好熱呀。

撈紅薯粉 都唔錯嫁喎 個醬汁好特別 辣辣的 第一次食咁既撈法 個五花腩肉 薄薄的 拌在紅薯粉中 也算不錯 可以再次試撈紅薯粉 元朗都幾多野食 成日諗唔到食咩 上一上 op就見到好多選擇 所以好方便 又好食 絕對可以一試

新年假期，到處都人山人海，想食酸辣粉，就黎到了雲貴軒。好耐無黎啦，仲係咁多人等位。假期沒有下午茶時間，全日劃一收費。熱拌鹵水豬腸紅薯粉沒有酸辣湯底而附上了秘制醬汁（圖左上方那小碗），汁料有點像麻醬，甜鹹辣，味道不錯。薯粉不過硬有咬口，豬腸已剪小段鹵得入味，還有鹹酸菜，雲耳等配料，整體不俗。四川酸辣牛柏葉紅薯粉配料大置上相同，牛柏葉汋熟味較淡，湯底好濃好酸又好辣，不錯。凍飲要加三蚊，要了凍檸茶，一杯正常，一杯走甜。茶香濃又夠凍，好飲。

又係米缐, 不過這家是非常不同的!先來一碗糖醋排骨加雞翼尖酸辣米缐!  糖醋骨頭是這店的招牌菜, 果然不錯! 肉嫰, 糖醋味濃! 湯底也有驚喜, 酸菜帶來的酸味香濃, 又唔咸! 翼尖也很有鹵水味!  米缐口感彈牙又滑!  非常讚!!!再來一碗番茄濃湯菜肉雲吞米線, 番茄味濃, 帶少許酸, 非常開胃!  菜肉雲吞大隻又新鮮, 但味道淡了些!可以一試!  

本人向來不太喜歡食米線...但自從試過雲貴軒（元朗)之後...從此間中便要幫襯下...奇怪...!!每次都只會叫同一樣野...米線全走淨九菜,豬骨湯,腩肉,雞翼...腩肉(少少辣)...唔食得辣嘅我竟然鍾情此腩肉,辣味恰到好處...半肥瘦腩肉好平均...不會太肥...!!雞翼...入味非常...一咬便輕易甩開骨...下午茶時間$36...好抵食...!!

呢間舖頭開咗好耐呀...食過1次米線(幾好)同肉燥飯(我男友嚴佢油咗啲)，價錢幾經濟呀...講番今次試咗佢個下午茶，因為今日唔係好肚餓，所以唔想食太大份餐，叫咗個雞全翼拼西多士(半份)隻雞全翼幾好味呀，西多士都幾好食，不過如果有多隻就加好(唔肚餓都想食2隻呀)我覺得都幾平連凍飲都係$24不過下次叫佢要少甜..我飲凍檸茶

嚟到元朗, 最想就係食啲辣野做下午茶。咁啱經過見到間野叫雲貴軒，諗住叫得呢個名都唔錯。點之一啲雲貴風味都冇。呢間野俾我嘅感覺係連鎖式經營, 除咗酸辣米線同台式肉臊飯之外, 仲有普通嘅茶餐供應。我哋叫咗一碗酸辣魚腐米線(@$34)同兩個茶餐($@22)。茶餐冇咩特別，我就不作介紹了。個米線我叫咗中辣, 但係佢嘅辣度就只得BB辣, 麻酸味亦不足, 好明顯係冇咩香料。幸好個魚腐都好食，魚同豆腐嘅比例好啱我~不過以30蚊的價錢嚟講就會有好多比佢好味好多嘅選揀囉如果係一心想嚟食酸辣米線嘅人, 一定會大失所望。但係如果你只係求求其其想食個麵做下午茶嘅話，你都可以幫襯下佢嘅。。。

呢日又出街街食!!左諗右諗, 都唔知想食咩好....每次諗唔到食咩好既時候, 就會想食辣辣薯粉....哈哈~所以, 最後決定去試 "雲貴軒"辣辣薯粉呢樣野, 真係食幾多次都唔會厭...lol去到, 哇!!! 好多人喔...................... = =" 入面滿坐之餘, 門口都企住一堆人群!!!點知, 等左唔使 2 分鐘就有位, 真好彩~原來, 大部份企響門口果堆人, 都係買外賣既!!坐低之後, 又係選擇困難症既時候.....男友仔揀左: 炭燒豬頸肉肉燥飯 (凍檸茶少甜)我就揀左: 四川墨丸紅薯粉 (中辣走花生扣底)另外仲要左個小食: 脆皮炸豬大腸 (配酸辣汁)因為多人既關係, 結果都等左 15 分鐘左右先有得食...炭燒豬頸肉肉燥飯 - 大大碗, 肉燥味道唔錯, 豬頸肉就似乎過燒得太乾~凍檸茶少甜 - 的確少甜, 唔錯~四川墨丸紅薯粉 - 扣左底都仲係好大碗呢... =.=辣度夠, 湯底夠味, 墨丸有咬口, 薯粉軟硬適中~脆皮炸豬大腸 - 豬大腸係鹵水豬腸, 夠味, 外脆內軟, 好味~配上既酸辣汁可以豬大腸感覺上無咁油膩, 唔錯~睇黎, 呢度都係食薯粉好味過食飯, 哈

最近這幾年間，叫做雲貴╳╳的食店越開越多，很多都標榜自己是正宗的川菜餐廳，這晚來到了雲貴軒試試。餐牌的選擇很多，有酸辣米線，臺式大碗飯，港式公仔麵等等。老闆大概不打算有主題，所有受歡迎的食品這裏也會做吧。是晚選了臺式肉燥照燒鷄肉飯，配熱檸檬茶。肉躁有點過鹹，鷄肉亦有點乾，鹵蛋幾入味最有驚喜。鷄肉上加了黑白芝麻，還有兩條青菜，增加了賣相的美感。熱檸檬茶茶味不濃，但還可以。整個餐才三十多元，不過不失。

其實元朗除左壽司,糖水鋪多之外，米線餐廳都係梗有一間係左近！而我既心頭好就係『雲貴軒』啦之前食午餐或者下午茶都一定要等位，又係等好耐既，等2至3張木台到啦。不過今日唔知係咪岩岩打完風，冇乜人唔洗等位之餘仲有得坐卡位！不過呢度雖然係食米線既地方(當然啦我媽媽總會食米線)，但係我卻鍾情於店內既紅薯粉！今日order左豬扒紅薯粉加一杯雪梨雪耳茶：紅薯粉煙韌有口感，好味豬扒亦好鬆軟(咁唔多唔少會有梳打粉應該!)嗯..我因為唔太喜好配菜，所以每次只點酸菜加清湯。但係我已經覺得咁既配搭岩岩好，唔太清又唔太濃味至於飲品，雪梨雪耳茶好岩summer！好fresh！奈何之前有埋蘋果雪耳茶(而家好似冇左!)成杯飲品可以連渣都可以食埋，雪梨雪耳亦有足分量，仲有南北杏係入面好飲解渴既不過茶味就冇乜。加$6先有呢杯野，係有少少貴既._.題外話：佢既豬頸肉肉燥飯都值得一試

我每星期都會去光顧4~5日,一向都吃順德魚腐+牛展米線 湯底是豬骨湯今天我如常點餐,但侍應妹妹說魚腐暫停!!!! 好吧!!今天吃新口味我點了一個豬扒+炸醬米線 凍檸檬茶首先來的是檸檬茶 很讚的是 茶味剛剛好每次來必點剛來是米線,老實說,我第一次吃炸醬,因為知道只是肉碎感覺好像不屑算,但今天我想說吃吃看原來他雖然是肉碎,但原來也很好吃,帶有一點點的辣但這辣是可接受的,很讚豬扒,又不硬很軟,又不像很多店舖一樣是炸好很久的,雖然要等一陣子,但也是值得的^^雲貴軒真的是求品質的店,所以我常光顧^^

麻辣米線....酸辣米線....近幾年已攻佔左hk人唔小既心...米線鋪越開越多有幾多間真係好食.....耐何呢一間竟然比X哥還要多人食....有何吸引??其實呢到開左2年都有.....整體上不論湯底....味道.....份量....價錢都比X哥取勝都係有得揀酸辣定麻辣....我一定係酸辣既中辣...餸個方面我得3樣係首選魚腐 - 一碗都跟成5粒...大粒過乒乓波...抵豬扒 - 係SO炸...所以帶點香脆....就算叫雙拼餸都一定全塊上...仲係另上唔洗驚比湯浸林晒豬軟骨 - 夠晒入味...軟骨未至於好林...所以有咬口....半軟身...都有3.4舊....GOOD呢到仲有好多小食揀...廿蚊以下有交易....都唔細碟架我同老公最愛炸豬腸同埋麻辣豬耳...前者配酸辣汁....後者配麻醬..食落中和返辣味...正!!如果鐘意食魚腐我會建議響面到叫餸...好過叫小食...因為小食都係6粒...但叫面都有5粒...唔差得好多留返個肚叫其他野仲好...雙拼面連埋凍飲而家都係34......仲可以轉其他特飲好似珍珠奶茶....鮮果汁/ 鮮果奶......所以夜晚時段都要等下位仲有各款鹵肉飯都

近幾日的天氣十分不穩定，時而天晴時而下著狂風大雨，這種天氣真的非常不好受，加上悶熱的氣溫，縱使妹子不甚怕熱，但都令人倒胃口不想吃正餐，經常想吃些又酸又辣的東西~毛生等妹子下班後，晚餐決定去吃酸辣粉麵，待我們吃過晚餐後，便去銀座百老匯睇戲。晚上七時多，店內人客都有很多，眼見大多數是兩人兩人座著，被安排到最角落的位置，旁邊放了不少一箱箱的生果，全部已開箱，五顏六色都幾色彩繽紛，妹子更笑說，袋走幾個橙都沒人發覺呢~哈..犯法的事妹子不會做耶！只是說說笑~每次點餐都是妹子最最頭痛的時刻，又想食依樣又想食果樣，就是樣樣都想食，可是不能夠一次點幾百樣款式，真的有點佩服做事果斷的人，尤其毛生，不需十秒鐘便能想到自己想吃的食物，為何妹子每次都做不到呢？最後都是他的提議下點了撈紅薯粉~他點的是飯餐，蒜香雞中翼肉燥飯($32)，以綠色的大膠碗盛上，炸雞翼有三只，應該是剛炸起不久，雖然外層不是太熱，但內裡的熱溫還在；肉燥的份量也很多，佔了飯面的一半，可以撈上一大碗白飯，還有半只鹵水蛋，非常豐富！而妹子點的是熱拌豬軟骨紅薯粉($30)，醬汁二選一，要了川味醬，這醬會帶點辣，而另一款香麻醬是不辣的。配料有炸菜~