雲長小龍坎老火鍋 (已結業)

🔻雲長小龍坎老火鍋 好少係香港食麻辣火鍋🍲因為總覺得香港嘅口味唔夠正宗 不過試完呢間覺得都唔錯啵👍🏻.麻辣&藥膳湯底🍲麻辣湯底愈煮愈辣 小編覺得叫小辣已經夠😋湯底如果再麻D會更出色😀藥膳湯底都幾清甜 可以中和下辣味😆.火鍋配料🍢食材新鮮👍🏻推薦：蝦滑墨魚滑(超彈牙)、美國筒蠔(大大隻)、紫菜炸響鈴(香脆可口)😋😋

餐廳位於尖沙咀，旅遊區地帶，距離地鐵站路程約需八分鐘左右，地理上十分方便。餐廳位於酒店內，主打的相信也是來旅的用家。而我這次全因為得到朋友的邀請一同前往品嚐一番。餐廳裝橫方面，當然氣派十足 ，在店舖外面以感受到這種麻辣的氣味，內裏的氣氛有如返回大陸一般，充滿了中國的氣息，這就是我們一直期待的中國風嗎。鴛鴦鍋性價比高，價錢合理。但羊肉方面，有點可惜，肥肉與瘦肉比例相信也有更好的選擇。但我最意想不到的是，在門外看到一個共享紙巾的機器，本以為真是一個美好的概念吧，共享經濟帶進店舖有良心又方便大家，但這是客人留給我使用的嗎？

原本同朋友諗住食一餐麻辣火鍋慶祝下，冇諗過會獲得一個咁惡劣嘅體驗。鋪頭內容基本上係幾光鮮，但我坐嘅嗰張枱，竟然仲有上一手遺留落嚟嘅廁紙！呢度嘅食物基本上係比起其他同級嘅麻辣火鍋貴好多，性價比可以話非常低。根據我去過咁多次四川同重慶嘅經驗，呢度嘅紅油麻辣鍋係非常唔正宗。唔知紅油湯底裏面加入左咩材料，令到火鍋期間食物材料勁容易癡底，甚至乎出現燒窿嘅味道。最後只有用另一邊嘅藥膳湯底……今次只可以話真心中伏

今日慕名而來， 來到尖沙咀的這間四川麻辣火鍋。這間火鍋店無論門面還是店舖內籠都充滿中國大陸的氣息， 就連店員也有種內地的感覺， 簡直以為返到大陸一樣！😍我被安排到店內的其中一個卡位， 旁邊有一幅很大的壁畫， 這幅壁畫和店舖的名稱有關， 就是著名的劉關張， 劉備張飛和關羽😆 坐在這幅的話旁邊吃火鍋， 真是令我血脈沸騰， 胃口大增。點了個麻辣 養生鴛鴦鍋， 由於自己budget有限， 食物點了寥寥數款， 但整體覺得是有質素的。 這裏也很貼心 ，在食完麻辣火鍋之後，奉送沙冰一杯。

放假前夕就想放縱一下，所以決定食麻辣火鍋！ 位於尖咀雲長小龍炊據講是由港星陳柏宇所引入，因為他曾在內地食過好喜愛，就將味道帶點香港。由於本人第一次造訪小龍炊，有我食麻辣火鍋必備的油碟。背景係麻油牆ar!蠔油加麻油加蔥蒜超正！紅油芫茜湯$138紅油小辣，辣度可接受。芫茜湯非常多皮蛋。呢度仲有每位計的$99 海鮮盤，都幾抵！不過當日就唔想食海鮮。手捲牛舌花半份 $40 要沾油碟加大量蔥花食用，減低紅油辣度。手打蝦丸 除左手打蝦膠外，仲有完整蝦肉增加鮮味同口感。豬頸肉玫瑰花$58 霸氣成朵放入鍋，一朵大概4塊左右。娃娃菜&稻庭烏冬 各$38呢兩樣都幾抵食，烏冬仲有兩個添鬼馬墨魚脆$68沾紅油超夾，煙韌口感又吸味。小酥肉$68炸得香口，做甘沾干碟或沾紅油鍋都非常適合，兩種食法。自製韭菜餃$38 皮較薄，入鍋就要小心d! 但超爆多韮菜餡！ 松葉蟹棒就正常一般台灣果款。兩人大概食左$7xx 左右～

雲長小龍坎老火鍋相信好多人都聽過啦，開咗一排終於帶埋寶寶嚟食，位置都幾近美麗華商場～入去裝修好中國風，紅得來又幾靚～😱未上菜之前去咗出面拎調味料：有辣椒、麻將、豉油、蒜、炸蒜、芫荽、蔥、等等，仲有每人一支特製嘅香油，即係芝麻油加植物油，聲稱可以解辣，幾特別。鴛鴦湯底有麻辣鍋同藥膳鍋，個煲有兩頭龍，霸氣十足。😱我就比較鍾意藥膳湯底， 飲落清甜得來帶點藥材味，我係咁當湯飲，飲到佢哋係咁加湯，so sorry 🤪嘢食方面幾欣賞佢哋賣相好靚嘅玫瑰花豬頸肉同自製韭菜餃，索埋啲湯底一齊食好好味～雪花牛柳粒就麻麻哋，好難掌握幾時係最佳時機🤔整體而言，作為一間價錢唔平嘅火鍋，同任食比質素當然高好多啦。最大特點係佢唔會限時，任你坐，我同寶寶坐咗喺度打機都唔會俾佢趕🌝-紅油麻辣藥膳鴛鴦鍋 | $138 雪花牛立方 | $158自製韭菜餃 | $38玫瑰豬頸肉 | $68-

火鍋呢樣野真係食極都唔會厭，滾下滾下，食下呢樣又食下o個樣，湯底又多款式，每次都可以有新花樣今次就黎到雲長小龍坎，裝修古式古香，幾有味道原來午市就係食一人一鍋，晚市就大鍋齊齊滾，LIKE FACEBOOK仲有食物送，記得唔好唔記得每人都有一樽麻油送，用黎打邊爐沾食物可以增加香味紅油藥膳鍋 ($138)一邊係麻辣鍋，一邊就藥膳鍋，麻辣鍋叫左小辣辣度就岩岩好，藥膳鍋藥材味濃，唔同食材襯落兩款湯底各有風味極品手切肥牛 - 小 ($228)、鳳城水餃皇 ($43)、玫瑰豬頸肉 ($58)每種食材係MENU度都寫左建議烹煮時間，手切肥牛雪花平均，煮幾秒就食得，玫瑰豬頸肉賣相吸引，食落滑身，鳳城水餃皇皮薄餡靚，呢D食材我比較鐘意落麻辣鍋度煮油麥菜 ($38)油麥菜我都就鐘意落去藥膳鍋，吸收曬滿滿的藥材湯滋巴呢個就係LIKE FACEBOOK送既滋巴，外脆內軟，淋上糖漿食好襯最後仲會送杯透心涼荔枝沙冰，成個口解曬辣呀

朋友約食飯，想食四川火鍋，聽聞尖沙咀開佐一間不錯又夠地道既火鍋店，所以就一齊前來一試。餐廳位於君怡酒店既一樓，亦即係婚紗街，位置很方便。乘坐電梯上一層，已經可以見到古式古香既大門呈現眼前。餐廳內裡既裝潢都好靚，充滿中國風情。餐紙很簡潔，亦都應有盡有，價錢唔貴，湯鍋 最平$128已經有交易。餐前小食有呢個鳳爪，等食既時候可以止下癢。紅油麻辣藥膳鴛鴦鍋 $138最後我地揀佐呢個鴛鴦鍋，有紅油麻辣和藥膳兩款口味。紅油麻辣既湯底極濃，我地要求佐BB辣，但係個辣度都非同小可，而很難得既係個湯式夠濃身，加多佐幾次湯都仍然好夠味，用黎食牛肉真係一流。而另一邊既藥膳湯都好高質，充滿濃郁既藥材味，我自己覺得配蔬菜最正。極品手切肥牛 (小) $228Order了小份既手切肥牛，其實份量一D都唔小，大概有10-13片吧，而每一片都好厚切，只需12秒已經食得。雲耳椰菜餃 (半份) $38雲耳椰菜餃一份有粒，而半份有4粒，個皮做得好薄，而裡面既餡料就好多，口感豐富。手捲蒿芛片 $58手捲蒿芛片賣相吸引，雖然份量唔算係好多，但係食落爽甜，配埋藥膳湯底絕對一流。紅糖糍巴 (免費)於 facebook 打卡及讚好專頁

同事介紹話lunch有一人鍋，所以就走去試下～因爲果日我地比較晏，所以去到得好少人，直接入去坐～由於我地兩個都怕太辣同熱氣，所以我地都係叫左蕃茄湯～入面環境幾舒服同寬敞～重有醬料俾你自己裝，野食好快就黎到～因爲我地時間有限，同埋唔係好食得太熱既野⋯⋯所以一黎就將要煮耐d既野食放晒入鍋！成個餐都幾多野食～每樣都有小小咁～初初以為會唔飽⋯點知食完都幾飽！首先佢個蕃茄湯好濃，唔會太假～然後佢個肥牛都算唔錯⋯⋯以呢個價錢黎講都算抵食～我重試左個淮山麵幾好食～不過煮得耐會好「杰」！每樣配料都有d，感覺無咁悶，重有汽水送！

最为一个重庆人，这个火锅不够辣，味道不正宗，当然这个是四川火锅，所以重庆人对于火锅的执着所以觉得味道一般，不过外地人吃，应该觉得够味道的，菜品还是可以的，但是环境不错，服务态度相当好，整个吃饭的氛围也很好。

今天一家人特別來嘗試呢間傳聞四川百年歷史的火鍋 過江龍。環境唔錯 乾淨，會給客人圍巾和特別的芝麻油。火鍋添加湯水係真加原湯底，好似我們今天食的是番茄湯， 添的湯是原番茄湯底而不是清湯。菜式還可以，刀功精細，擺設精美，可惜portion略顯細，只適合要減肥的女士。

這間餐廳因為有賴朋友升職加薪所以一於食大佢晚上大約八點鐘的時候到了這間餐廳點了一個鴛鴦鍋麻辣加藥膳麻辣湯底不是傳統四川的，而係有香濃的辣椒味再配上他們特製的麻油，已藥膳一貫藥材味龍的湯底食物方面點了牛肉午餐肉雲吞腐皮紫菜響鈴雜菜蝦滑牛肉非常薄入口即溶，午餐肉是心形的設計，值得一試的卻是紫菜響鈴卷，令我一試難忘最後再叫了多一點，因為他放落藥膳的湯底中非常入味和紫菜味互相輝影，我們亦點了可樂！店員服務方面非常細心加茶加湯應有盡有而且這間餐廳特別細心在菜單方面會告訴我們每樣食物要煮幾耐！一定要是因為一試難忘

今晚一行三人大吃一餐，我地好鐘意食麻辣火鍋，所以成日周圍去試唔同既麻辣火鍋餐廳，而本人較喜歡四川既麻辣火鍋，好似比較精緻同埋味道無咁搶。 雲長系食四川麻辣火鍋，佢有唔辣既湯底選擇，而我地因爲系嗜辣既朋友，所以叫左麻辣同芫茜皮蛋湯底，由於第一次食，唔敢去到咁盡，所以叫左中辣，中辣真系有辣味，但又未至於好辣，下次可以叫大辣。 由於諗住大食一餐，所以三條友叫左好多野食，最深刻系牛腩、極品手切肥牛、竹蔗茅根水同埋佢個麻醬。牛腩好有牛味，佢本身已熟，放落麻辣湯底煮一陣就食得，好好味，手切牛好多雪花，好食但牛味還是牛腩強啲，而佢既花生醬令我十分驚喜，多年前系北京鼎鼎香食火鍋，佢既麻醬點牛肉一流，好香好濃，但香港啲麻辣火鍋店供應的麻醬好一般，所以一直好期待可以食番鼎鼎香既麻醬，點知可以系雲長搵到，好開心😃而佢既竹蔗茅根水甜度啱啱好，又足料，讚！反而佢個即叫即炸的響鈴我覺得太油，其他各樣食物都好有水準。只系佢個通風麻麻地，食到9點時，個空氣好渾濁，加埋啲麻辣味，令到我地個個都濁到咳左幾聲。

之前有同事介紹公司附近酒店入面有間餐廳午市火鍋好抵食，於是今日約埋一齊去滾滾佢午市火鍋共有四款套餐選擇，最低消費＄68，不收加一服務費而且係－人－爐！乾淨衛生！套餐包基本指定火鍋配料，有豬頸肉，蟹棒，凍豆腐，炸枝竹，鮮冬菇，粟米，海帶結，白蘿蔔片，午餐肉及娃娃菜。另外還可選擇2款不同丸類及餃類。主食有三款面任選－款。另有四款湯底選擇。包汽水。醬料大約有5,6款，可無限次自由添加！本人叫了海鮮套餐＄88，有 : ２隻蝦 - 新鮮，肉質鮮甜－隻鮑魚 - 新鮮大隻，肉厚有口感，且爽口兩隻花甲 - 新鮮無沙，鮮味兩片鱔片 - 新鮮肉質爽脆，唔腥海鮮食材新鮮已值回票價另外我選了2款丸類 ，份量各－粒: 蝦丸 - 好爽彈牙，蝦味香濃墨魚丸 - 爽口彈牙，有墨魚粒，好味主食我選了 : 淮山面 - 口感爽滑，索哂湯汁好正湯底我選了蕃茄湯，蕃茄味香濃，還有蕃茄粒，唔錯而同事選了皮蛋芫茜湯底，她說湯底清甜，裡面還有馬蹄呢今餐真係超值抵食，各人食到捧住個肚走

尖沙咀小龍坎，原來勁多分店， 全中國都有，地方算寬闊，中國風設計，食物有水準！海鲜又新鲜，份量足！湯及醬油也好好味。員工服務態度好好！就算幾忙都肯付出時間，幫我們拍照、分餸、解答我們問題！又有禮貌！真的值得一讚！同行的朋友已經食過好幾次，無一次失望，料每次都非常新鮮，你們對客人的誠意，我哋係食得出的👍🏻，加油💪🏻份量都好多，吃到第五六碟已經開始飽飽地，仲加埋一杯桂圓紅棗水簡直Perfect👍店員仲要好窩心，因為我唔飲得凍，佢只有凍嘅，佢搵個熱水壺唔幫我坐熱，我會推薦所有親戚朋友去食！因為真的值得我們再去光顧！希望小龍坎業務蒸蒸日升！保持高評價及水準！祝生意興隆！