雲香園小鍋米線

营业中

休息中

{🍽️ 香港搵食 🍽️｝ 雲香園小鍋米線 （尖沙咀店）今次黎到呢間價性比極高既米線店 😍😍 超推薦！！我甘鍾意食米線，以後既米線鋪頭list又多一個選擇啦✌🏻✌🏻 雲香園米線超大碗，真係好足料，超誇張！！裡面有紫菜、牛肚、雞絲、豬皮、芽菜、韭菜等等，一個人係食唔曬架😂😂 炸雞中翼夠晒入味，炸到外皮脆卜卜，肉質嫩滑👍🏻👍🏻 正呀 醬拌皮蛋第一次食呢款皮蛋，涼浸浸，夏天食啱晒！！蠔油通菜好新鮮👍🏻👍🏻 全部都好大碟，價錢又抵！！涼心小店👍🏻👍🏻 📍尖沙咀漆咸圍1-3號多福大廈地下B號鋪

香港米線關注組成員又出動啦🕵🏻‍♀️見到好多人介紹🤩作為數不盡「雲」字頭☁️米線鋪嘅其中一間，佢一啲都無失禮喎❤️🍲小鍋米線 $34湯底揀左麻酸辣中辣+$1，配料要左豬軟骨$11、豬紅$9，見個湯底顏色已經覺得好惹味，老板話湯底每日新鮮熬煮6小時🫕中辣唔會太辣，米線軟硬岩岩好，豬軟骨Q彈入味，豬紅入味🐷唔錯啊👍🏻🥘小鍋紅薯粉 $37揀左酸辣小辣、豬頸肉$18、雞絲$9，豬頸肉係呢度既招牌🔅有5、6件，豬頸肉食落爽脆同有燒烤香氣，雞絲份量都幾多亦唔會太柴，吸埋湯食更惹味😋湯底嘅酸同辣比例都好好🫰🏻，會比麻辣更開胃🤤🦑涼拌墨魚頭 $47必叫❣️份量好多，成座小山丘咁，墨魚頭大大粒好爽口，最重要係有大量蒜蓉🧄好香好惹味，就算口臭都要食😂🍳醬拌黃金皮蛋 $27黃金皮蛋係我至愛，皮蛋蛋黃呈半流心，配埋蒜蓉食好夾😘🧋凍美利奶茶王 +$8呢度既奶茶係用心之作，溝左幾款茶葉而成🍃係老闆特登去學，食完米線嘆番杯凍奶茶正😌overall:尖沙咀店堂食座位唔多，好多人買外賣，我地之前有食過外賣，覺得堂食質素好好多😆米線湯底惹味，小食出色，可以一戰

朋友私心推介嘅隱世米線小店，呢日喺尖沙咀行街經過，見唔算多人，終於有機會試吓。小店地方唔算大，但座位算闊落，冷氣好夠，啱晒食熱辣辣嘅米線呀。朋友話呢間嘅湯底係新鮮熬煮6小時，湯底特別入味。餐牌有十多款米線選擇，亦有多款特式小食及飲品。雲香園米線（$65）- 第一次嚟食，揀咗佢嘅招牌菜，入面嘅配料可以話包羅萬有：台灣腸、雞翼、雞絲、魚肉春卷、螺旋菜、韭菜、芽菜、冬菇、酸菜及腐皮等。唔食辣嘅朋友可以揀清湯或酸辣走辣湯底，食得辣嘅朋友可以點有辣度嘅，味道更加豐富。要讚下佢嘅米線，入口滑溜好味，配料質素非常高，尤其係魚肉春卷同雞翼都好好味。牛腩小窩米線（$50）- 分量都算多，牛腩同牛筋炆得好入味，配咗酸辣走辣湯底，提升咗牛腩及米線味道，真心不錯。醬伴皮蛋（$27）- 流心皮蛋，配以微辣嘅醬料，味道好多層次。呢個作為小食嚟講，份量算係非常多。我哋簡單點咗杯檸檬菜蜜及柑橘蜜，味道都唔錯。鍾意飲奶茶嘅朋友可以試吓佢嘅奶茶，據聞係由老板親身學沖，而每杯奶茶都溝咗幾款茶葉沖製以成，係正式茶餐廳嘅奶茶。

女朋友突然想食 #米線 就試下 小店唔大 幾乎都坐滿我哋嗌咗熱拌紅薯粉配台式小香腸（麻辣bb)🍠平時食得多熱拌紅薯粉 好少真係有麻味 擺入口有驚喜🫨台式小香腸幾有咬口🤤豬頸肉小鍋米線配蘿蔔（麻酸辣小辣）🐷麻酸辣湯一次過滿足幾種口感 豬頸肉同米線都好食 原來係用優質Q彈嘅廣西原產地米線 唔怪之得米香四溢啦🍚涼拌墨魚頭🦑呢個女朋友超鐘意🥰平時好少食墨魚頭嘅佢都大讚🤙🏻自家調醬料昇華晒個味道👅炸雞中翼🐥呢個又係有驚喜 係生炸雞翼🤩🥰好香口 覺得唔使點醬已經足夠好食女朋友給予呢間米線高度評價🫡大成功

去左咁耐旅行真系會掛住香港的野食，一番到香港就即刻會食番碗米線過下口癮小鍋米線$81自選小鍋米線QR Code 落單，走青少米一堆要求都可以自選雞翼系最出色的，肉質紮實彈牙，滷水味又夠濃魚肉春卷有三條，口感偏彈牙同有咬口肥牛小鍋米線$50肥牛米線叫左BB辣，實質無咩辣味，不過都幾好飲涼拌墨魚頭$47另外叫左個小食墨魚頭，勁大碟勁多蒜頭鋪系面，好香幾正墨魚頭少少卓完爽口彈牙，本身墨魚頭不帶味道，配埋蒜頭食就好香

@雲香園小鍋米線地址：尖沙咀漆咸圍1-3號多福大廈地下B號舖今次和家人來佐敦，很想吃米線，就來這家試試看啦！沒想到，性價比超級高，很推薦呀！！🩵 雲香園米線（酸辣，少粉）真的是超級多料！超級誇張，裡面有台灣腸、冬菇、雞絲、雞翼、魚肉春卷、螺旋草、腐皮、芽菜、酸菜、韭菜、蔥、芫茜！一個人真的吃不完啊！我還是點的少粉！點了酸辣湯底很对我胃口呀！裡面的配料都超級入味，真的是超大滿足！🩵 肥牛小鍋米線+生菜+螺旋草（酸辣，少粉）肥牛肉質鮮嫩，搭配生菜和螺旋草，吃起來清爽又有層次感。第一次吃螺旋草，口感很獨特🩵 牛腩小鍋米線（清湯，少粉）牛腩燉得剛剛好，軟嫩可口，不油膩🩵 手拍青瓜手拍青瓜非常爽脆可口，完全停不下来啊！🩵 秘製豬頸肉秘制豬頸肉絕對是超級驚喜！豬頸肉煎得剛剛好，入口爽脆，鮮嫩入味！🩵蒜泥白肉蒜香味超級濃郁，每一片肉都被蒜泥包裹得很完美，吃起來特別有層次感！#香港美食 #FoodieLife #foodie #雲香園小鍋米線 #尖沙咀美食 #尖沙咀 #尖沙咀餐廳推介 #米線 #吃喝玩樂 #吃貨

路過尖沙咀，想食返碗米線，發現喺漆咸圍嘅小路有一間都幾多人幫襯嘅米線鋪，於是入去試下。入面嘅米線款式同餸菜選擇都算多，另外仲有啲小食可以試下。今次試左熱拌米線，本身上檯時啲汁已經撈得好勻，另外仲有配料例如酸菜、榨菜、花生、肉碎等等，好足料！揀左小小辣，味道唔算好酸好辣但係夠味，都幾開胃。餸就揀左豬軟骨、魚肉春卷同雲吞，豬軟骨肉炆得夠火候，而春卷都唔錯。朋友叫左小鍋米線，湯底都幾正宗，夠酸夠辣好惹味。餸就揀左豬頸肉、豬紅、豬肚，台灣腸非常入味，其中豬頸肉同豬肚都好入味，而台灣腸都係坊間比較少有嘅選擇。小食叫左蒜泥白肉，蒜泥同辣油調配得好香，而豬肉亦都切得薄，每一啖都好香好惹味！飲品就有港式飲品同汽水，奶茶夠香滑，而菊花蜜就比較少有，幾滋補！

米線店開到成巷成市，鍾意食米線嘅我，每星期都會食一次米線架不過，食一般嘅米線舖，一成不變嘅湯底，已經滿足唔到我啦。直到發現呢間小店係尖沙咀返工嘅朋友推介我架，佢哋用手機落單，可以自選湯底嘅酸度、辣度！我成日都嫌出面啲米線唔夠酸架，呢度可以加酸真係啱晒我想再辣啲，可以加餸加辣肉碎，食唔到太辣，我食bb辣岩岩好👍🏻最鍾意：BB酸辣加酸餸就必食豬頸肉，唔肥，好好味👍🏻奶茶都好出名，推介飲熱嘅，最近天氣熱先轉飲凍

📍雲香園小鍋米線 (尖沙咀)📍尖沙咀漆咸圍1-3號多福大廈地下B號舖🟡肥牛小鍋米線 清湯 炸醬$58🟡熱拌紅薯粉 BB麻辣 腩肉$47🟡涼拌墨魚頭$47🟡炸春卷(5隻)$25🟡凍檸茶$8🟡凍檸菜蜜$8雲香園小鍋米線是一家專注於米線和地道小食的米線店。這裡的米線湯底經過慢火熬煮6小時，鮮味濃郁。肥牛小鍋米線的湯底清澈，炸醬的調味增添了豐富的層次感。熱拌紅薯粉的麻辣風味適中，紅薯粉的滑溜口感，佢唔係超級煙韌嗰隻薯粉，反而會令到食晒成碗都唔會好滯，同腩肉好搭配！涼拌墨魚頭清爽開胃，好爽脆，調味適中。炸春卷外皮酥脆，內餡豐富，有五條超正！

岀尖沙咀，想食米線，上網搵到呢間米線小店好似很不錯又唔貴，所以就去食啦！熱拌米線 $57每碗都有花生，榨菜，咸菜同肉碎，要了小辣度，加咗豬大腸同腩肉。一上枱就聞到陣陣香味，真係好惹味！豬大腸夠軟腍，腩肉又肥美，真係停唔到口！小鍋米線 $57要了酸辣BB辣，配料有豬紅，豬耳同蘿蔔。呢個湯底酸酸辣辣，好開胃，豬紅軟糯，豬耳爽脆，蘿蔔又甜又清，真係好正！涼拌墨魚頭 $47墨魚頭好爽口，唔會韌，正！ 手拍青瓜 $23清脆爽口，真係好適合夏天食！凍豆漿 凍菊花蜜$8@豆漿夠晒香濃，菊花蜜又清甜解渴！

米線關注組都話好味道！？🤔位置唔多起眼，要由韓國街轉入內街先找到！餐廳座位不算多，等一陣就有位啦～「雲香園米線」$64米線份量充足，而且包有好多配料：雞翼、香菇、雞肉碎、魚春卷、台灣腸等等，每款味道都唔差！米線就偏硬，少少掛湯，湯底為清湯，味道不算太濃！建議大家點酸辣口味會好點～自選牛腩撈薯粉$53微辣口味不太算惹味，所以最好由小辣開始呀！辣醬完全融入紅薯粉，非常入味！牛腩粒軟硬適中，不算太差！必食推介：招牌豬頸肉想不到豬頸肉非常脆皮，而且不會油膩，肉質爽口，很值得一試！雲香園小鍋米線📍尖沙咀漆咸圍1-3號多福大廈地下B號舖

✨雞絲螺旋草酸辣米線✨ $50 🏆餐廳標榜湯底每日新鮮熬煮6小時🤭果然無失望！好味🥹係會回頭再吃的那種💕湯頭香濃夠酸😋辣度揀左少少辣我覺得都可以挑戰小辣嘅🌶️🤩D餸都勁多🤣🤣好大方✨冬菇熱拌米線✨ $46✨秘製豬頸肉✨ $48 🐷必食之選😍🏆外皮真心香脆！肉質就好軟腍juicy🤤仲有泰式辣醬😚🌶️呢個真係好好食😂成碟秒掃不是夢✨涼拌墨魚頭✨ $47🦑食完會返唔到轉頭🤭🤪超級惹味但又唔會太咸😎勁開胃墨魚頭好爽脆好好食😍推介！✨美利奶茶王✨ $3🍼下午茶時段凍飲+$3好開心😂奶茶由老闆親身學沖🙊奶茶控表示滿意😘茶味奶味好平衡🍼每杯奶茶都溝左幾款茶葉沖製🌱入口好順滑👍唔會太濃完全唔澀叫左少甜少冰好好飲噢💕

首先講嘅係重慶酸辣粉，湯底酸辣開胃，配上嫩滑嘅雞翼同牛腩，增添咗豐富嘅口感同風味，每一口都散發出濃郁嘅辣味同酸味，令人食指大動。豬頸肉小窩米線，米線滑嫩爽口，配上豬頸肉肉質鮮嫩，清爽又不失香氣，而且湯底新鮮熬煮6小時。蒜泥白肉嘅豬肉配上蒜泥，調味恰到好處。另外，生菜配蠔油以及郊外油菜清爽開胃，營養豐富，搭配蠔油提升了菜式的風味。最後，凍豆漿同凍檸水都係一個清涼嘅結束，豆漿滑嫩濃郁，搭配凍檸水清新怡人，消暑解渴。聽講老板仲親身學沖奶茶，每杯奶茶都溝幾款茶葉沖製，會好香濃。

很久沒吃小鍋米線，來到尖沙咀「雲香園小鍋米線」，這裡的湯底，每天用上6小時，使用豬骨，老火慢熬而成。 餐廳燈光鮮明，牆上還有霓虹燈點綴，帶有香港特色元素之外，也有點新潮的感覺。 😋餐廳使用QR Code點餐，是日選擇： 1️⃣小鍋米線🔸酸辣、BB辣🔸豬軟骨、豬紅🔸咸凍七（跟餐加11元）🍽豬軟骨肉質軟嫩，而原產地來自廣西的米線，份量多，軟硬適中，米香四溢。 2️⃣小鍋紅薯粉 🔸走辣、有酸🔸蘿蔔🍽蘿蔔吸收了湯汁，很入味。而爽滑、Q彈、彈牙的紅薯粉，配上微酸的湯底，酸得夠開胃。 3️⃣涼拌墨魚頭 🍽爽脆、彈牙的墨魚頭，配上味道濃郁的蒜蓉及醬汁，亦能帶出墨魚頭的鮮味。 4️⃣秘製豬頸肉 🍽啖啖肉，還帶有點點油脂，每一啖都又香又軟腍。

今日心血來潮收工想食米線，之後上openrice就見到呢間近韓國街嘅米線小店，就決定去試下啦。見到門口好光猛，仲寫住湯底新鮮熬煮6小時，入到去舖細細都坐左好多人。坐低就掃code落單，我哋叫左兩碗米線，一碟油菜，一份小食同兩杯飲品。兩碗米線分別係蟹柳, 豬軟骨, 台灣腸, 雞絲涼拌米線 (BB麻辣)同魚肉春卷, 螺旋草, 豬頸肉小鍋米線 (小麻酸辣)。涼拌米線好大碗，個米線好入味，撈得好香口，凍得嚟又唔會太硬，啲配料都好多，特別推薦豬軟骨，好軟熟。小鍋米線都好足料，小小辣好好食，豬頸肉又多又大塊，配埋螺旋草食一流。油菜都大碟，炸春卷小食都好熱辣辣，點泰式甜酸醬食一流。另外呢侍應有介紹話奶茶好好飲，係溝幾款茶葉沖製嘅，不過我哋都係想飲凍檸茶，茶底都好香，夠晒凍就好飲。大家有過開嚟都可以一試！#雲香園小鍋米線 #尖沙咀 #小鍋米線 #尖沙咀米線