霸嗎拉麵 (已搬遷) 新店位置

拉麵控今晚選左Bari-uma 食拉麵 唔使排隊就可以坐對座仲有個期間限定檸檬拉麵 選左辣既 原有三塊可追加三塊 酸味可以令碗拉麵更香 而且怕肥怕膩既加檸檬都清少少 塊肉一樣咁厚 但無蛋而個半熟蛋幾好食 所以加左另一碗係原味既豚骨湯拉麵 都好香濃不過佢無得選幼定粗麵 我就鍾意食無咁粗既麵推薦：塊豚肉超厚又燒得好香 半熟蛋

放工心血來潮想來碗拉麵記得之前經過尖沙咀見過呢間拉麵店人潮擁擠，今次黎到銅鑼灣竟然唔使等位，就衝左入去試啦！同男朋友兩個想share豚肉同雞叉燒，所以就叫左個「特盛炙燒豚肉拉麵」同「雞叉燒味玉雞白湯拉麵」。特盛炙燒豚肉係有四塊勁厚既豚肉，一黎到都大叫左一下！經過十小時慢煮再加明火炙燒，肉質非常軟稔又好入味！肥瘦好均勻，食完一整塊會覺得超滿足但又唔會好油膩。湯底都好值得讚，濃濃既豚骨味再加一點點黑椒味，非常惹味！拉麵方面可以自由選擇軟硬度，覺得普通就最岩岩好。雞叉燒拉麵都令人好驚喜！雞肉本身好稔身，仲要食得到好鮮甜同多汁。而湯底比豚肉果個清啲，雞味好重但唔會太鹹。我地再加個「羽根燒餃子」。五隻餃子連埋一齊，連埋塊薄薄既脆皮，好特別。餃子入面係菜肉，非常多汁。鐘意配合埋佢個餃子汁，再加啲蒜粉黑椒，味道好正。因為本身佢只有供應水，所以我地就叫左「信州蘋果梳打」同「三矢梳打」。蘋果梳打超好飲！充滿好新鮮既蘋果味，但一啲都唔甜唔假！而三矢梳打就好似普通波子汽水既味，正正常常。總體而言，豚肉同雞叉燒既拉麵都各有特式一定要試！但佢份量的確幾多，我地兩個人可能叫得太多都食到捧住個肚！

早排驚蟄打小人，就陪左一個鬼妹仔朋友去銅鑼灣鵝頸橋見識見識，雖然，我地最後都冇親身體驗，但都係一個相當唔錯嘅經驗！見識之前，梗係要醫飽個肚先啦。今次就同咗朋友去登龍街揾食，原本仲煩緊食咩好。點知去到就見到平時大排長龍嘅霸嗎冇咩人排隊，就即刻有決定，要食拉麵！雖然，出面冇咩人等緊位，但入面依然好多人，但好彩上菜速度快，唔洗等太耐。我就揀咗我最愛嘅炙燒豚肉味玉拉麵，炙熱豚肉大大塊，脂肪同肉嘅分佈一層層，食落就唔會好油膩，炙熱嘅煮法令到豚肉嘅表面會帶有少少香脆，但肉汁亦唔會流失，仲保持到滑嫩；而糖心蛋就係我嘅至愛，一定不能錯過！糖心蛋係原隻上場，唔似一般鋪頭咁切開一半先上碟，可以比我慢慢食，又唔驚啲糖心蛋黃流哂出泥！依家午餐仲有小食優惠，加多12蚊就有多碟炸雞或餃子，好抵食！而今次我同朋友就揀咗餃子，一碟有五隻餃子，五隻餃子有一層薄薄嘅脆皮連住，餃子皮香脆可口，餃子餡料係韭菜豬肉，份量啱啱好。最後，我偷食咗小小朋友嘅期間限定，特濃魚介魚乾豚肉拉麵，拉麵嘅湯底多咗啲魚鮮味，但又唔會太腥；魚乾唔算太硬，又唔會好鹹，啱啱好。

阿sir話每次經過都見到大排長龍，難得今次8點零只得幾個人等位，咁好機會我哋又點會錯失唔嚟試呀！～濃厚豬骨豚肉玉子拉麵 $88拉麵一上枱，當然要試下個湯如何啦⋯⋯兩個字＂失望＂，超重胡椒味，豬骨味唔太突出，即時打咗個大折扣！豚肉燒得香口，入口帶點即溶感，但肥膏同肉唔太合比例，食到最後四份一全部係肥膏，我決定放棄；至於麵質方面，我覺得ok嘅，硬中帶軟口感不錯；玉子呢一d都唔入味，只得流心效果！～辛辣炙燒豚肉味玉拉麵 $93同上面果款拉麵一模一樣，只係多咗辛辣味，阿sir話少辣都食到佢噴火，呢個＂最強＂辛辣真係一d都唔惹小，可嗜少辣嘅你千祈唔好亂試呀！～羽根燒餃子 $35我覺得呢個餃子做得比較hea，味道又麻麻，醬汁又普通，$35唔太值！二人共消費：$231 （無加一)

一直覺得銅鑼灣唔多餐廳可以一個人去食。嗰日去開銅鑼灣有事做，趁仲有時間嗱嗱聲搵食。本身諗住食一蘭，但又怕要等位。之前聽過同學講霸嗎唔錯，所以試試。因為好早，我入去時餐廳冇人，門口店員又冇理我，我咪行入去一張四人枱坐低。點知之後老闆睇到我一個人坐四人枱，勁大聲（起碼我聽到）鬧店員話點解會俾一個人坐嗰度。仲話一有三人客人入嚟就要佢地坐我呢張先。跟住佢真係嘗試塞其他人入我張枱，但因為周圍有枱，冇人肯制。成餐飯心裡唔好受，明明周圍有枱。老闆使唔使咁小氣。我又冇阻住你。呢間嘢食物係幾好嘅。個湯底幾濃幾香豬骨味，拉麵可以自己揀軟硬，所以都幾啱食。啲蔥幾香。唯一要挑剔係叉燒太肥，起碼一半係肥膏，有啲怕怕。總括而言， 食物好服務差。有得揀我未必會再返嚟呢間。始終銅鑼灣嘅拉麵都仲有其他選擇。

今日行開銅鑼灣sogo , 行到肚餓就諗住去登龍街姐係拉麵街搵間拉麵食， 結果去到花多眼亂唔知揀邊間好，最尾憑直覺就揀咗霸嗎拉麵!揀左一陣，結果叫左一個炸雞同埋雞湯拉麵。先講炸雞，送到過黎果陣啱啱好炸起非常香，外皮脆而內裡肉嫩，配上檸檬汁解油膩，亦令整個味道更有層次。然後就係主角雞湯味玉雞叉燒拉麵。個湯完全唔同濃厚嘅豚骨湯，非常清甜不油膩，舊雞叉燒應該係用雞腿肉，煮得啱啱好唔會過老，拉麵麵生彈牙，可惜嘅係替玉太硬同埋玉子略淡，整體唔錯!

霸馬拉麵隻味玉真係可以媲美係日本食既味玉！食咗一次會返唔到轉頭，喺其他拉麵店都搵唔番個種味道。再加埋非常入味嘅叉燒，望落好大舊，但其實入口都係即溶架，唔會太肥膩，正！

同朋友約喺銅鑼灣食飯 諗咗好耐都唔知食咩好 朋友就提議去登龍街搵間拉麵店食見呢間好似都幾多選擇就揀咗呢間拉麵梗係要先試湯底叫咗中辛 個人覺得個湯底唔係好夠辣 成個湯底唔係好濃味 可以再重口味啲😂 拉麵話係自製 不過不失咁啦 麵質ok唔會太軟或者太硬👌 而舊厚切豚肉幾軟熟入口既融咁 不過略嫌冇乜味 除咗有少少燒焦味之外...幾中意個溏心蛋 幾正總括而言 味道普通 冇乜大驚喜朋友表示冇評價🤣 但想講返就係 朋友舉手想加水 點知有個侍應明明同我朋友對視咗 但竟然視而不見😂可能因為太忙都情有可原既👽餃子就.......好普通

年初二2個朋友出外食午餐，第一次出街食飯咁受氣 ,店內所有staff 都冇禮貌，尢其入面一個四眼中年男waiter.佢對每一位客人都呼喝，而且完全沒有禮貌。而且明明自己做錯嘢，仲大聲夾惡將錯推比客人，我覺得佢應該係店長。食物嘅湯底不錯，面底就完全唔得，冇彈性，雞扒乾乾的，而且廚房自動幫我走木耳，所有嘅配套都非常差。炸雞可以接受嘅，這間拉麵店location 雖然方便，但我以後再唔會光顧，又唔好食，又受氣。

本身同男朋友一齊入店店員無歡迎亦無安排位置比我地就自己簡左張台坐跟手有4位客人入店店員要求我地換位唔緊要 我地換 反正人地人多我同男友轉左2人台之後張枱仲有上一手客人食野唔小心滴左喺枱嘅油漬我同男朋友講完之後 佢舉手🙋‍♂️講：「唔該」跟手店員無行埋黎問客人需求不特止，仲左句「先生！呢到寫紙落單架！」我想講 舉手唔係一定代表落單做得服務行業 一定要禮貌對每位客人我男朋友聽到，講左句：「可唔可以抹下台」無諗過店員抹緊枱既時候仲要話我地自己沖入黎佢未得閒抹台。我想講呢個係你問題，我入黎有其他店員招呼都算。你仲可以話啲客自己沖入黎？我男朋友聽到之後更加嬲 ，話左佢一句「咁你咪唔好開門囉！」End up 我地叫左另一位店員幫我地落單，佢都無同我地有接觸，餃子上到台，我男朋友講左句「佢似係玩野wor」點解咁講？ 份餃子唔係好似呢到啲圖咁靚而係散晒！我仲幫店講野 「話人地可能一時失手」點知隔離枱叫果份，我地見到整得好靚🤷🏼‍♀️🤷🏼‍♀️果位店員似係做得耐既老神子，戴眼鏡既中年男人，好似叫Dee key?因為名牌係手寫 睇得唔係好清楚我想講我黎食野 要比錢 唔係比錢受你氣！

第一次去燈籠街諗住好地地簡一間拉麵店食下 ！見到呢間個賣相都好似唔差 所以走入去！ 一入鋪頭我唔知係咪落場時間所以啲員工好似黑口黑面唔理人咁 ！咁我見有位就坐底左！之後有4位客人黎 佢地要求我調位 咁當然無問題調完之後我心諗張枱好污糟 我就舉手叫個員工 ！ 佢望到我舉就好大聲咁講（先生呢到係用紙落單架）（態度係差到好似殺左佢全家咁） 咁我無奈地話張枱要抹！ 之後佢埋黎抹 個陣己經好串咁我同女朋友講等佢清埋先睇有咩野食拉 突然佢就毛拉拉講（我地味清潔完 係你地自己衝入黎炸啵） 我即時火滾 ！緊住佢愈行開就一路講 之後我無同佢嘈 ！但我地見到佢就周圍同啲同事密密針 講既過程不時望住我張枱 呢個感覺係極為差！！我心諗如果你味準備好唔好開門 開得門有客人入黎都無招呼都無所謂 仲要態度咁差呢間野希望以後都唔會再食（個員工係4眼中年肥男人） 覺位請小心亦希望貴公司會做番小小員工既訓練 因為食評已有不少係講緊態度問題 請多多注意

味道一般以下，態度極度惡劣。一定唔會再返嚟。都唔知點解咁多人排隊。Should have gone over to 三田製麺所。可以叫得上浪費時間同每日食量嘅quota.

朋友知道我鍾意食拉麵所以帶咗過嚟銅鑼灣呢一間把Bari 拉麵，平時我成日都會行過登龍街，但就從來都冇食過呢條街嘅拉麵店，因為佢哋望落都好貴咁呀我入到黎見到menu好特別，通常拉麵譜只有豚肉叉燒拉麵，但好少有雞肉叉燒拉麵，所以我最後選擇左雞肉叉燒拉麵仲要係辛辣嘅！最後在叫咗個炸雞同煎餃子作小食同個朋友一齊share！最後一個枱角上邊我見到有個咁既Logo👇🏼,第一眼仲以為係講緊呢度啲嘢食煮得好慢要等好耐，點知睇真啲先知眼大睇過龍

✨位置：铜锣湾登龙街是美食聚集地，有包括豚王拉面在内不少拉面店。今天是第二次去霸吗拉面，名字怪怪的，原来也是一家连锁店，在中环、屯门都有分店✨菜单：和其他拉面、蘸面店都大同小异，菜品主要就是拉面，种类也不多，有豚肉和鸡肉、原味和辣味的，还有配料可以根据口味选择；小食有饺子、炸鸡、枝豆等，所以来这家店也主要都是吃吃拉面啦～✨味道：汤比较浓稠也够有味道，不过有点偏咸，怕胖可以选择少油；炙烧豚肉味道不错，肥肉瘦肉比例合适，肉不会很老也不回感到很腻；拉面是店里现和面再用压面机制作出来的，可以从玻璃窗看到制作过程，我选择的是普通软硬度的，比较有嚼劲✨服务：❌服务有待提高❕第一次去在外面排队，一名类似店长的大叔态度很差，让我们等了很久，有客人出来后也没有及时清理桌子，让我们继续等了挺久，进去发现有好几个干净的空座位也没有写留座，为什么没有及时安排给顾客呢？另外，还上错了一个小食，给我们和邻桌的账单也都是错的，这个出错频率会不会有点高？最近降温，天气冷最适合吃一碗热气腾腾的拉面啦。这是一家味道不错的拉面店，如果运营能力和服务态度可以提高的话，回继续去光顾的。

之前在尖沙咀見過這麵店，當時排晒長龍，想食好耐，原來銅鑼灣都有分店👍一定要試下先得啦店內好多位喎，但是我們仍然排隊15分鐘，在門口食風侍應按排好位置，坐下來之後發現得一位侍應做，另一個就收銀和入單，好勁，一個侍應看全場好夠霸氣餃子香口，但太干，加少少醋更好些看到嗎？蛋沒有切開一半，一粒蛋出現，整碗麵變得不好看啦，雖然大家趕時間。一大块豚肉，厚度足，咬落入口即化，選擇左硬麵，有咬口彈牙，濃味豬骨湯真是好香豬骨味，加入蔥和荀，更清新雞湯底都好香，選擇軟麵但仍有少少嚼口，彈牙爽口，麵條整得好食整開隻蛋，系流心，好味雞叉燒意思系將雞肉連皮卷成叉燒形狀，可能加入叉燒醬汁，湯汁叫左少油仍然好多油一盤麵都用到所剩無幾麵系好食，全日免加一希望增加人手，服務態度有待改善