霸王川莊 (iSQUARE國際廣場)

营业中

休息中

京川滬菜平時都好少食呢一間環境好舒適 燈微微暗好有情調 坐窗景位仲見到海景可以望晒整個維多利亞港夜景成都水煮桂花魚 湯內配料仲有牛肚 鴨血 芝士脆皮腸 牛柏葉叫咗小辣 整個紅油鋪面 睇見都流口水香味十足 魚肉爽口 辣味入晒去 勁惹味紹興花雕醉雞 花雕酒份量岩岩好香濃酒味提升雞味道 新鮮而且香滑作為一個小食前菜都係好好選擇霸王小籠包 需要等長少少時間 即叫即煎上碟見到粒粒晶瑩剔透 因為皮好薄湯汁滿滿鎖住入面 夾時候要好小心先飲晒入面湯 再食肉 鮮甜都不得了脆皮素鵝 不錯嘅小食 好多紅蘿蔔絲咬落去好結實 外皮仲要好脆 配料夠多 口感好特別呀環境有氣氛 有海景睇 食物質素好高記得提早預約 因為每日都爆滿！

霸王川莊由國家級四川菜大師彭子渝嘅入門徒弟吳紅初師傅主任👨🏻‍🍳 混用各種從內地空運到港嘅獨家香料同食材去帶出四川/成都嘅傳統風味🇨🇳 餐廳位於25樓，裡面以暗啞嘅燈光同華麗裝飾去形造出高雅浪漫嘅氣氛，坐窗邊仲可以望到維港海景添😍This restaurant is managed by one of the apprentices of the greatest chefs in Sichuan. They serve traditional dishes with ingredients imported directly from mainland. The environments is very romantic and you could even enjoy the scenery of the harbour. 坐底之後侍應會幫你沖杯自家製嘅八寶茶☕️裡面有紅棗、菊花、甘草等中藥材，非常養生💆🏻‍♀️They will first serve you hot tea with herbs such as dates and chamomile which you don’t

🌟飽覽維港景，嘆精緻川菜🌟 霸王川莊位於isquare 25樓 ，可以睇到270度嘅維港景色🌟霸王小籠包 ($78/ 6只)😋小籠包皮薄餡靚，食落口肉汁就湧出黎，肉餡彈牙👍👍😋配上鎮江香醋同薑絲，突顯肉餡鮮美🥟🌟 招牌霸王炒飯 ($158)😋飯粒炒至金黃色，粒粒分明， 有鑊氣又香口😋 配埋帶子，火腿粒，仲有櫻花蝦，增加口感👍👍🌟 南充酸菜桂花魚 (例牌) ($488)😋 分量好足夠，足夠兩至三個人食👍👍😋 桂花魚夠滑，有魚味👍😋 叫咗小辣，酸辣味平衡得好好👍👍🌟 甜奶迷你小饅頭($55/14件)😋 迷你饅頭，即叫即炸，外脆內鬆軟👍👍👍😋加埋煉奶，係perfect match👍👍總結👏餐廳裝修華麗，可以一路食一路欣賞維港海景👍👍👏 仲可以睇埋維景日落，夜景仲有幻彩耀香江👍👍👏 食物質素中上👍👍

餐廳：霸王川莊 (尖沙咀)地址：尖沙咀彌敦道63號國際廣場25樓2501號舖霸王川莊 @sichuan_house 喺香港開咗八年有多，由中環搬到尖沙咀K11，最近兩三個月再搬到去I Square 25樓，一入到餐廳望到成個維港嘅景色真喺無得彈🏙，Book咗6點入座，由天光睇到日落🌄，由日落睇到入黑，淨喺望住呢個景色乜都值返晒🥰霸王川莊睇個名就知喺主打四川菜，餐廳務求將四川成都嘅美食同辣味文化帶嚟香港🌶，專程由四川空運多款獨特嘅香料同食材，以傳統煮川菜嘅方式調味，再加入新派精緻嘅上枱擺設，做出既道地又吸睛嘅四川菜，唔少得緊喺有片皮鴨、炸饅頭、酸菜魚、水煮魚、小龍蝦等啦🤤✝️烤北京片皮鴨(半隻) $298由生到熟全程用烤爐新鮮慢烤🔥，所以需時45分鐘去製作，用嘅鴨喺比較細隻🦆，食落肉質較為嫩同無咁嚡，無大隻嘅鴨咁重鴨羶味。餅皮有成十幾塊，伴菜青瓜條同蔥嘅份量都幾多，唔會有僧多粥少嘅情況出現😎，包住所有餡料一次過放晒入口，鴨嘅脂香相當吸引😋，忍唔住食完一件又一件✝️雙味小籠包 $88有特色嘅雙味雙色小籠包，紅色喺辣味麻辣小籠包，白色就喺原味霸王小籠包，裡面包住豬肉餡🐷，皮嘅厚度尚算適中，一咬開

2022.09.05Blue Monday 係要食好啲😙放工近近地去左尖沙咀呢間對住無敵大海景🌃食晚餐🥢八寶茶 $20/1位係其中一種養身既傳統中國茶🍵係四川相當普遍🇨🇳所以呢間川菜餐廳亦有提供💁🏻‍♀️以菊花、紅棗、桂圓、枸杞、玄米等材料，飲落清甜解膩👍🏻蒜泥🧄白肉卷🐷 $138蒜味十足🧄白肉肥而不膩😍咬落彈牙香甜，十分開胃🤗烤北京片皮鴨🦆 $298/半隻油香撲鼻👃🏻每一塊外皮香脆鬆化，肉汁豐富！手工薄餅🫓軟熟！加上爽口青瓜條🥒同京蔥絲與甜麵醬一起食用！令人滿足🥰乾煸四季豆 $168焦香爽脆，味道咸辣十分過癮！送飯一流👍🏻雙味小籠包 $88新鮮出爐🔥有兩種口味：霸皇小籠包同麻辣小籠包各3️⃣隻😄皮薄加上能夠鎖住新鮮肉汁🔒而麻辣不會過辣！香口惹味😋正宗四川擔擔麵 🍜 $88麻辣酸味突出，冬菜麻醬香濃🤎麵條軟硬適中！咱家擂沙湯丸⚫️ $88一份有6️⃣粒⚫️熱熱湯丸面層灑滿黃豆粉，咬落外皮軟綿煙韌，內餡滿滿香濃黑芝麻蓉🖤值得一提，餐廳職員👩🏻‍💼服務態度良好！下次同多幾個朋友再黎食好出名既水煮魚先🐟

我同男朋友都鍾意食片皮鴨🫶🏼平時都會搵下d中菜餐廳止下癮🤭今次到訪既呢間【霸王川莊】位於尖沙咀I Square 25樓✨除左有得食片皮鴨，環境仲係充滿情調👫💕絕對係拍拖食飯既好地方🫶🏼分享下環境💫餐廳燈光較昏暗，環境氣氛一流！座位好闊落，坐得舒服👏因為早到，可以坐到卡位，望住維港海景用餐，真係食得特別開心😍❥ 烤北京片皮鴨 (半隻) $298二人食半隻岩岩好🫶🏼鴨皮酥脆鬆化，肉質嫩滑，充滿鴨油香🥰配埋爽脆既青瓜條、京蔥條、甜麵醬，連埋薄身煙韌既餅皮一齊食，味道同口感都好滿足❤️❥ 招牌霸王炒飯 $158炒飯份量多！材料豐富，有蝦乾、火腿、炒蛋、叉燒、青瓜～食落好香好有穫氣！飯粒炒得夠乾爽，粒粒分明，身為炒飯控既男朋友都覺得滿意😉❥ 紹興花雕醉雞 $168花雕酒味香濃～雞肉完全索晒d酒香😋食落好入味！雞肉份量有唔少，大件又嫩滑👏❥ 麻辣小籠包 $78第一次試麻辣味既小籠包😋皮薄餡靚，食落口肉汁即刻湧出黎🤤辣度適中，鍾意食辣既人要試試呀！感覺比原味更有特色同惹味🌶❥ 精品四川紅糖冰粉 $88上枱時分開左紅豆、綠豆、提子乾、花生碎、冰粉，我地可按個人喜好將配料倒入冰粉！食落清新爽甜，好適合解膩

此夜，伴著海景，享受一頓滋味嘅川菜盛宴吧！🥢滋味片皮鴨，可愛特色蒜泥白肉片，靚靚拔絲香蕉完美作結✨🔥烤北京片皮鴨$298透薄嘅餅皮，包上片皮鴨，大蔥條，青瓜條同甜麵醬。誘惑鴨肉香，鴨皮中肥美油脂，蔥香伴隨爽脆青瓜，一口咬下，味蕾超滿足！🧄蒜泥白肉卷$138造型可愛，可以將白肉片捲上青瓜同蒜泥一齊食，秘製辣汁非常過癮~🏮老四川燈影牛展肉$108麻辣鮮香，極富傳統風味。🐟瑤柱鮮魚羹$88晶瑩掛汁，蔥碎更可帶出魚肉鮮甜。🥢霸王小籠包6隻$78皮薄多汁，濃滑湯汁，一定要趁熱食！🍌拔絲香蕉$168人手拉出糖絲，糖衣包裹炸香蕉，經過冰鎮之後更脆口~設有海景位非常放鬆，服務亦滿意💕

超級無敵海景，就算想來發呆，同朋友傾吓計，簡單食少少嘢，都已經非常之享受。夜晚記得一定要訂枱，因為個海景好高質，除咗可以睇日落，仲可以睇埋夜晚嘅幻彩耀香江。個海景無需多描述，但想唔到食物都一樣高質，尤其是川菜方面，就算唔係好食得辣嘅朋友，都可以膽粗粗試吓，餐牌上有一條辣椒嘅，其實都唔算好辣，基本上係譚仔BB辣嘅程度，可以放膽一試。必食嘅有片皮鴨、小籠包、燈影牛肉、拔絲香蕉。快啲同你至愛嘅閨蜜、屋企人、情人過嚟打卡啦！

同fd搵食發現新開既呢間餐廳，好彩有位唔使排🦆烤北京片皮鴨，餐廳必食推介，鴨肉係超肉香，皮薄而且冇油膩感，係最近食過最高質既片皮鴨乾煸四季豆，食川菜一定唔可以冇左佢，味道辣辣地，口感爽脆冇渣🦐翡翠黃金蝦球，爆邪惡既咸蛋黃，竟然同蝦球勁夾，係完全surprise左既菜式🍌拔絲香蕉，igable又超有特色既甜品，金黃色既拉糖絕對能討大人細路既歡心，下面係內脆外軟既炸香舊，打完卡記得襯熱食啦～🍙蔥花蛋白乾貝炒飯，去親中菜都好鐘意叫炒飯，因為最能夠睇到師傅既手勢🤤米飯粒粒企身，濕度低又有咬口，瑤柱落得夠，味道清雅脫俗🤵🏻‍♀️侍應服務態度好，🌃餐廳環境別緻，夜境非常吸晴，如果想坐海境位記得提早book啦～

位於 ISquare既尖沙咀新餐廳霸王川莊主打優質精緻中菜加上絕美維港夜境難怪開業冇耐就大受歡迎就算閒日夜晚都好多人㗎😍🫖養生茶餐廳提供既茶係由多款養生材料沖泡而成例如紅棗，杞子等非常適合女士🐟柱瑤鮮魚羮魚羹鮮甜魚肉多真材實料🦀海皇三絲羮筆者至愛多款海鮮煮成每一啖都食到有海鮮蝦肉好爽脆🐣紹興花彫醉雞酒香滿滿又唔苦咬落同樣唔肥膩雞肉大件得黎超嫩滑🌶️麻辣小籠包少辣但肉味勁鮮皮落湯汁多夾既時侯亦唔容易爛🐽蒜泥白肉卷擺盤好靚白肉卷到細細件一件一啖入口蒜香滿滿白肉質感細緻唔會鞋下面既辣椒油辣度低🦞麻辣小龍蝦估唔到呢度都有近年大熱既小龍蝦Size唔細隻肉質幾好麻辣味唔會好重唔太食得辣既人都可以一嚐🐷秘制黑醋排骨醋香突出，酸度唔高最出色既位係調味

呢間餐廳秉承四川傳統味道，堅持採用四川香料，重新打造新派精品川菜🌶🫖先呈上八寶茶，有菊花、桂圓、紅棗、枸杞、玄米等材料，味道甘潤清甜💗霸王小籠包 ($78/ 6只)小籠包皮薄餡靚，一咬湯汁滿瀉，配上鎮江香醋同薑絲，突顯肉餡鮮美🥟💗蒜泥白肉卷 ($138)薄切五花腩片肥瘦相間，連同青瓜片捲起，醬汁鹹辣鮮香，蒜味濃郁，味道凉爽開胃🐖💗海皇三絲羹 ($118)湯羹濃稠度適中，以金菇、冬菇片、同蝦膠蓉為主，味道清淡樸素🍲💗烤北京片皮鴨 ($298/ 半隻)片皮鴨鴨皮酥脆甘香，鴨肉軟嫩充滿肉汁，肉味香濃，油香四溢🦆即蒸餅皮薄身柔韌，將鴨片包進，加入甜麵醬、大蔥絲、青瓜條捲起，醬濃惹味🫔💗正宗四川擔擔麵 ($88)擔擔湯濃稠惹味，鮮辣香濃，麻醬同花生味非常突出，更有香蔥、花生碎、芝麻增加香味。素麵爽滑順溜，掛湯力十足🍜💗拔絲香蕉 ($168)香蕉沾上薄薄一層炸漿炸脆，再將炸香蕉沾滿糖漿，最後放入冰水冷卻，做出焦糖脆皮效果。將剩餘嘅糖漿倒出流柱，以人手拉成幼絲，但整體較甜膩🍌

嘩嘩嘩！每次見到咁靚既景色都會嘩一聲❤️今次難得約到個港女朋友食飯，當然係要揀返間影靚，食物又靚又好食既餐廳食飯啦。今次我黎到霸王川莊食飯，真係無黎錯，個環境真係好靚好好影。我地一去到，服務員已經即刻比杯養生茶係我前面，杯茶有好大粒山楂同好多杞子…即刻覺得好正，杯茶都好開胃。我地兩個女仔其實都唔係食到好多野：1.乾煸四季豆$168呢度既乾煸四季豆做得好唔錯，辣辣地，啲肉碎好入味，最重要個四季豆係炒得幾乾身，真係好好味。食川菜真係一定要叫乾煸四季豆，咁你就會知呢間餐廳既川菜好唔好食。2. 柱瑤鮮魚羹$88呢款魚羹飲到魚味既鮮味，味道唔太濃，淡淡地，幾清。飲落去有淡淡既瑤柱味，真係好適合做餐前湯。3.片皮鴨半隻$298片皮鴨當然係不可缺少既菜式！個鴨切得唔會太厚太薄，油脂分布都岩岩好，片皮鴨餅皮好薄，一定要食。

燈影光飾盡入眼簾，叫人怎能抗拒？知道霸王川莊係Isquare開新店立即二話不說先上去一趟嘩，一上到去一整個維港盡在眼前看著天色由Magic hour 到入夜後幻彩詠香江的變化，那種氣氛，那種夜幕低垂的景象，啊，這天我沒有白過。-新店同樣以川菜滬菜作招來質素同樣不容置疑-燈影牛肉在維港燈影作背景下，燈影牛肉炸得近乎透光，乾身之餘還可以拉絲，鮮香麻辣帶點甜，惹味甜辣平衡有序。-小籠包即叫即蒸 皮薄餡靚，粒粒飽滿外皮皺褶工整，餡大又汁多。-北京烤鴨 半隻 餅皮蒸得熱辣鬆軟，鴨皮香脆充滿油香，大蔥絲、青瓜絲夠爽脆頗有驚喜，而且價錢不貴-京式宮保蝦球蝦球炸得粒粒金黃又飽滿酸香夠味，微辣開胃之餘，蝦球都鮮彈香甜-撒粉脆皮五花肉五花肉起薄片然後再炸得金黃香脆然後再以乾辣椒爆炒，那種惹味香辣香氣真的很吸引人~-精品四川紅糖冰粉紅糖冰粉拌以 紅豆綠豆提子花生碎等等滑滑清香，解膩又滿足

“南充酸菜桂花魚(例牌)”($488)“瑪瑙紅油棒棒雞”($168)“雙味小籠包”($88)“咱家擂沙湯丸”($88)“荔枝椰果有汽檸檬水”($68)“法國香梨乳酸爆珠梳打”($72)之前喺K11嘅霸王川莊最近搬咗去isquare位於25樓,窗邊位望住大大個維港海景超靚🥰嚟得霸王川莊又點少得招牌菜南充酸菜桂花魚☺️桂花魚魚肉十分嫩滑,完全冇腥味🤤個湯充滿酸菜,飲落好夠香,加上微辣好惹味😋除咗魚肉,入面仲有超級多薯粉😍雖然係例牌但份量好夠大,4個人都夠食🤣另外叫咗份瑪瑙紅油棒棒雞🐔敲碎瑪瑙後將紅油撈勻雞肉絲同青瓜絲食落香辣得嚟又清爽😋雙味小籠包即係原味+麻辣味🌶一咬落去爆哂湯汁😍紅色皮嘅麻辣味食落帶點花椒香好好味🤤最後甜味就要咗擂沙湯丸黑芝麻湯丸外面灑滿黃豆粉口感煙煙韌韌,食完好滿足🥰

今日介紹嘅呢一間餐廳位於尖沙咀，餐廳屬於高級餐廳，提供精品川菜。餐廳最大特色為透過偌大的玻璃窗，可以盡覽270度維港景色。🌟烤北京片皮鴨（$288/半隻）片皮鴨放在薄餅上，伴以青瓜、大蔥和海鮮醬，包埋一起放入口內，十分滋味。片皮鴨外皮酥脆鬆化，肉質纖維軟腍但略嫌太多油。餅皮軟熟彈牙帶少少濕潤🌟酸菜桂花魚(例牌) ($298)酸味偏酸有少少似酸辣湯果種酸，桂花魚魚肉亦夠鮮嫩而且份量真係好多，精華一定係魚下面既冬粉，掛晒汁，多到提大家可以唔洗再叫飯麵類。🌟 雙味小籠包（$78）白色是原味，紅色是麻辣味，小籠包都多湯汁但辣味小籠包就唔係話太辣所以唔太特別。🌟咱家擂沙湯丸 $88一共有6粒既灑滿黃豆粉的黑芝麻湯丸，口感煙韌軟糯。🌟茗茶（$20）茶盅內有玄米茶、紅棗、杞子和元肉等既八寶茶. 飲起嚟除左荼香再帶點甜味。整體質素都幾好好.，食物高質有心思，員工有禮，環境亦好舒服同可以望到海景，適合同一班朋友聚餐慢慢傾計。📌霸王川莊尖沙咀彌敦道63號國際廣場25樓2501號舖🚇港鐵尖沙咀站📍#尖沙咀