霸王川莊 (已結業)

因為本人超鍾意食川菜，見到青衣城呢間新開既川菜餐廳，就拉埋男朋友黎食，但男朋友唔食得辣，好彩睇睇menu, 唔食辣都仲有好多選擇！我地兩個人，叫左手抓餅-啱啱整起熱辣辣，好惹味。炸饅頭，迷你一口size, 配練奶，好食～紅油抄手，入面餡料好豐富，個汁都幾惹味，唔辣既主角出場，水煮魚片，跟4個配菜，我地加左芽菜、凍豆腐、腐竹同水晶粉，我地只係叫左2級辣，平時我都食得辣，但呢個2級都好鬼辣！麻超勁，食完一停低，條脷同個咀都超麻，我個人唔係太鍾意，覺得over左，我係北京食既都唔會咁樣。d粉索哂辣油，勁辣，食完呢餐，我返到屋企屙左兩次可能太油。辣到係咁飲野。乾鍋雞煲，好好食，配埋土豆，好正！Overall 價錢都唔平

新開試下新野，水煮桂花魚，長豆卜，薯粉，牛柏葉，豬皮。(最差係豬皮，口感怪，無味，1辣唔算好辣。)黃金翡翠秋葵選用干秋葵同鮮豆角用咸蛋王煮，好食又創新。回鍋肉真係太少肉，成碟都唔知有無5片肉。五色蔬顏色配搭吸引，但南瓜唔夠鬆化。雜菜串不過不失，只食到孜然粉味，其它調味粉都被孜然味蓋過。蕃薯串選用日本小蕃薯，又甜又軟綿綿。飲品鮮果茶味道最差。

今日同老公黎到青衣城行街醫肚，唔黎都唔知地下嗰層開左咁多新野食鋪頭👍🏻👍🏻👍🏻我地行左個圈見到霸王山莊個fd 霸王川莊開左係到😂😂幾有新鮮感決定入去試試佢！！一入到去見到個十分像真既火爐擺放左係到，就咁睇都幾特別，仲聽到唔少小朋友係到問係咪真架d火🤣🤣🤣呢杯茶飲落都好清甜，入面包含左杞子、紅棗.....好飲之餘又夠晒健康！！麻辣木耳都真係幾辣下，唔識得辣既就叫另一款唔辣既好d!!黃金翡翠呢碟真係超值得推薦大家，本人同本人老公都覺得好好味，咸蛋黃味道超濃厚，秋葵入口脆卜卜，四季豆又夠淋甜，一個字正👍🏻👍🏻👍🏻我地好快就將成碟清晒🤭🤭我地點左咁多野食埋單大確$300幾蚊到，都唔算太貴，食物質素同埋店員服務態度我地都好滿意，下次一定會再黎食過😄😄

青衣城開左間霸王川莊，適逢老豆生日，就一家人去試下，但其實老豆係食唔到辣㗎😂環境頗大闊敞，帶埋BB黎，都唔駛收bb車，可惜係長枱，食中餐坐長枱總是怪怪的，但新式中菜都係咁。有圍菜揀，但我地考慮完都係自己點自己想食既好過圍菜。食物招牌酸菜：超推，酸味十足，加麻辣，我地叫左小辣，唔係好食得辣嘅都食到，裏面仲有薯粉，非常夾簡陽辣子羊肉：好香口，好惹味，好食到大家係咁搵仲有無羊肉淨水煮牛+豆卜+水晶粉+牛肚食辣嘅朋友必試，我地只係叫左辣度一，已經好麻，但可以食到，豆卜吸哂所有精華，牛肚好爽，建議試下招牌炒飯：唯一唔辣既野，無咩特別脆皮黃金鴨：要等半個鐘㗎！蝴蝶餅好油，似饅頭，有啲甜，我覺得唔夾鴨，overall 普通，鴨皮薄有誠意嘅刀工，但唔一定要叫拔絲香蕉：影相一流，我地當蛋糕俾老豆，但超甜，怕甜嘅女仔食上面嘅抜絲好啦

This Sichuan Restaurant is very spacious with a high ceiling and spectacular sea view. For appetizers, we have ordered the Cherry Tomatoes with Salted Plum Sauce, Sour & Spicy Shredded Potatoes, and Sweet & Sour Spareribs. Cherry Tomatoes is okay, but the plum sauce can add a little more. Sour & Spicy Shredded Potatoes has various layers of taste, but it could be quite hot for those who cannot eat even mild spices. For the spareribs, I actually thought it is served hot but actually is a cold di

星期日收工陪下老人家食飯，知道青衣城一期地下嗰層翻新後新開左好多餐廳🍴，今日就一心想去試下食呢間既酸菜魚或水煮魚大概6:00pm 黎到，門口已經有人等緊，我地兩個人，按飛之後等左10分鐘就入得了安排坐窗口位，望住出面個景食野都唔錯坐低之後餐牌都未睇第一時間就叫左酸菜魚（例牌$198）先，因為我同媽咪都話好肚餓，侍應問仲洗唔洗加其他配料，由於我未睇餐牌既關係，所以話唔洗加，侍應話如果落單時唔加之後就冇得後加。等食期間再睇下menu ，因為知道盤酸菜魚好大，所以唔敢叫太多野，menu 內都有好多款式，樣樣都好吸引好想試，可惜得兩個人食，最後都只係叫多樣麻醬雞絲滑粉皮（$66）上菜速度唔算快，等左一陣，飲住杯茶先，想講杯茶都好講究，係八寶茶🍵茶裏面有好多材料，例如元肉，果皮，杞子等等，幾好飲另有得賣走$88 南充特色酸菜魚（辣） 好好味好岩我口味，夠酸，份量好大，魚好滑，冇骨，配埋薯粉麻醬雞絲滑粉皮 味道清新，凍凍地，麻醬裏有好微細既粒子，有D口感唔錯可以QR Code 點餐，方便好多下次一定會再來，不過要多D人食，仲有好多野想試食

一個商場，同類的餐廳太多，等於選擇太少。最近，終於有新突破，其中一間是四川菜，為愛辣的朋友送上佳音。茗茶內有杞子圓肉，第一杯味道香濃。第二茶已淡而無味，又加上熱水不夠熱，有點兒浪費了一杯好茶。重慶串燒用了大量孜然，外層香，內層還有汁。如果對內臟不抗拒，首選豬肺，一定要趁熱食。二級辣度，不愛辣的朋友應該也覺得很辣。個人口味比較鐘意酸一點，如果廚師可加一點酸度，便可有五星。份量略為小了一點，羊腩不肥，外皮香脆，孜然味適中，羊肉再綿一點就更加美滿。手抓餅通常也有油膩膩感覺，但今次卻一反傳統，只是有些微油膩感。什麼是米茲粑？將糯米粉圓炸脆，加黑糖和花生碎。外脆內軟，味道略甜，如果再加多一點花生碎，更相得益彰。

今個新年雖然好熱，但係都冇阻我地去食辣野！今次挑戰川菜！食得川菜點會冇八寶茶！個茶壺幾特別！八寶茶之後會係呢餐飯入面擔當住極為重要嘅角色～由於我地第一次食，怕中伏，嗌啲實冇死嘅手抓餅，咸咸地，幾好食。呢個川北涼粉真係要負皮一下，味道好淡，得啲汁有味。我地三個人最尾都冇食哂，有啲後悔嗌左呢個菜！不過好彩嘅係佢個豬頸肉真心高質！烤個火候啱啱好，好香口，食落有少少脆，下次再黎一定會再encore！介紹完小菜，終於到主角水煮魚登埸！佢可以嗌四個鎹，我地就要左金針菇、牛柏葉、凍豆腐同埋水晶粉皮（可能影得唔係好清楚）辣度佢有份1至5，1就最唔辣，咁我地第一次試怕好辣，就嗌辣度1算～點知佢個水煮魚係勁辣！如果辣度1已經係咁辣，完全想像唔到嗌辣度5啲人係點食到。好彩食左一陣之後已經習慣左，同埋有救星八寶茶！八寶茶好解辣，可以話係救左我地一命，之後都冇食得咁辛苦。啲食材都好新鮮，魚肉好滑，啲辣味唔會搶左魚嘅鮮味，唔會淨係得辣味。最後我地3個人都差唔多清哂4個菜（除左個涼粉）份量我覺得啱啱好，不過個水煮魚真係好辣，最後每人嗌左杯許留山～中意食辣嘅朋友不妨試下，睇下你地食唔食到5辣椒～

青衣城近日出左好多新食肆， 買完年貨， 搵左一間今日剛剛新開既霸王川莊黎試。位置比較隱蔽， 因為係稻香對著那part新開既鋪。 那邊就黎開馬會， 佢就係隔離。門口好靚，有個大電視播住一d野食， 好吸引， 可惜呢區仲有幾間鋪未開， 感覺好似未開門咁， 好彩俾我發現， 可以第一日就黎試。環境幾有氣氛，音樂好聽，燈光暗淡， 好有情調。位置可望海景 但係夜晚就黑漆漆冇咩睇到。佢地有八寶茶供應，係好幾種杞子，圓肉咁加茶， 微甜好滋補。我地點左好幾樣野試。 原來佢可以emenu 落單， scan枱面既qr code, 就可以， 有圖片 好易睇。我地揀左雞絲粉皮， 侍應話每日新鮮做， 又真係幾爽滑， 雞絲唔乾，又多麻醬， 我鐘意！串燒好有趣， 佢有幾隻粉俾你， 自已調味， 辣d又得， 孜然味重d又得。豬大腸串$21，好正， 我忍唔住叫多round, 真係燒得好好， 又juicy又肥美，係我既至愛！ 一口牛 同羊都好食， 而且唔貴，加埋杯水果茶， 好夾。水果茶係大杯裝，飲左一晚， 勁解辣！招牌菜係水煮， 咁我地當然都有試。水煮毛血王， 細盤百幾蚊已經好多料， 我地霸自己加料，十零蚊，勁抵， 唔怪得原來