靚靚 不一樣的車仔麵

营业中

休息中

平時真係好鍾意食湯麵，其中一款一定係車仔麵，貪其可選多餸配料多呢間店真係五花八門，種類選擇勁多，呢度除咗車仔麵外仲有飯，而且都勁多不同港式地道小食<豬皮，蘿蔔，咖喱魚旦> $28下午茶會包一杯飲品，咖喱汁調得不錯，豬皮少少腍身吸哂汁醬好好味，而蘿蔔仲好鮮甜，魚旦都OK<豉油皇炒蝦子麵> $48其實佢個炒麵每次嚟到都會叫，豉油上色均勻，炒得香口之餘，麵質口感爽彈<墨魚煎餅> $36煎得幾香口，墨魚味都重又夠彈牙<鹿兒島豬軟骨> $36豬軟骨好腍身入味，仲有啲筋位連住

因為上次食過平價分子料理，所以就再次去品嘗一次分子料理同未食過嘅餸。俾大家睇睇個餐牌先，都好多選擇嫁。黑魚子醬提子包（$16）賣相依然粉嫩粉嫩的，好吸引！手機食先，甜甜嘅提子汁遇上鹹鹹嘅黑魚子，又甜又鹹！友人同我都覺得好有趣，好有創意，希望餐廳可以推出更多創意菜色。紅燒花膠扒（$18）係有豐富骨膠原嘅花膠喔，十幾廿蚊就有得食啦！味道不錯，又好入味，花膠質感好柔軟。花膠大約有3片到啦黑毛豬叉燒（$26）黑毛豬肉質偏硬較瘦，應該選擇半肥瘦叉燒會更好，不過叉燒的蜜蜂味濃郁，這點要加分！九轉大腸（$16）大腸用了新式醃製方法，味道較特別！凍腐竹薏米豆漿（$11）熱山渣洛神花茶（$8）兩款味道都較淡嘅飲品，相對之下我更喜歡豆漿喔店員好nice好熱情，又會主動同我地推介特色分子料理，充滿人情味！地方雖小，但五臟俱全，十分整潔。店員做事有效率又主動，要讚！

靚靚不一樣的車仔麵係尖沙咀往紅磡體育館的天橋下，位置真係好便利，午市期間座無虛席，不過座位實在太緊密。話雖如此，茶餐廳最緊要係食物好味。初榨魚露雞$16其實係由烤雞肉。 雞肉上面嘅泡沫係運用左分子嘅技術，由魚露製成。餐牌上面介紹話係用咗60度嘅雨露同大頭蝦慢煮左3小時再用分子泡沫技術混合而成。估唔到係一間尖沙咀嘅水入邊都可以食到分子嘅料理，賣相滿分， 雞肉雖然不算十分嫩滑，但係醃得相當入味，只係＄16但係已經有四件之多，以份量計算性價比非常高。配合泰式嘅甜酸汁，相當醒胃。但係伴碟相當敗筆，完全不香脆。黑魚子醬提子包$16餐廳選用單位嘅黑魚子醬同分子蛋嘅技術，一口咬破蛋入邊嘅提子汁同埋黑魚子醬就係口中爆出。作為前菜，分量相當合適，賣相真係非常精緻。紅燒花膠扒$18先講份量，一塊完整花膠配上幾片碎上的花膠，本身對這道菜式期望不大，因為只是＄18，誰不知花膠炆得都算十分入味，以這個價錢配上這個味道與品質，絕對超值之選。

之前喺靚靚食嘅差唔多都係魚蛋、豆漿咁，因為平時返工收工時間好趕，所以都唔敢喺度停留太耐，好少機會可以入到入邊坐低慢慢食…啱啱好前幾日開始放長假，今日得閒去街周圍行吓，就醒起入要嚟鋪頭入邊嘆一嘆先啦！服務同整潔度真係唔錯，服務好周到，而且老細同啲夥計都好nice，兩個人嚟食先點咗一份紅燒花膠扒，扒肉好香好嫩，配著好夠味嘅燒汁，令到原本好 乾嘅扒肉變得濕嫩，撈埋啲汁一齊食，真係大件夾抵食其實我自己平時喺好少食腸類嘅，因為驚佢地整得唔乾淨…不過我個妹堅持食埋九轉大腸，就叫咗份試吓，大腸內部清理得乾淨，加埋獨特嘅醬汁慢慢浸泡，大腸食落非常入味齋食肉喺唔得嘅，都喺要食翻啲蔬菜先夠健康！！於是就叫埋呢份九轉茄子肉，茄子色澤好靚，茄子唔凈喺茄子咁簡單，茄子入邊仲包住肉，口感鬆軟，咬到入邊就係啖啖肉嘅感覺，好有兒時回憶呀～

平時喺公司樓下canteen食到已經厭晒，真正體會到乜叫“食龍肉都無味啊”…同事同我一樣深有體會，今日約埋一齊落街食，一點就點中車仔麵！！我叫咗份牛腩豆卜蝦籽麵，佢就要咗個土匪雞黑松露煎蛋飯，兩個人可以share嚟食嘛！！！仲要咗一碟腐乳通菜。牛腩麵啲麵好好食，又唔容易斷，豆卜粒粒都好大，食之前喺啲湯度浸一浸，等啲湯入晒豆卜再食，味道真係一流！！！牛腩多汁夠味，湯底鮮甜！原本淡淡無奇嘅通菜，加咗腐乳之後真係味道唔同晒，通菜好新鮮，炒得個色水好靚土匪雞黑松露煎蛋飯，土匪雞非常入味，黑松露味道香濃，煎蛋無煎得好熟，同事話佢最鐘意半生熟嘅蛋，撈飯特別好味～

放工時間唔知做乜好，最後行去靚靚車仔面食返兩三道小食已經成為我每個星期必做嘅一樣嘢啦～好多人問我附近咁多野食，點解一定要揀佢呢？原因好簡單，你食下就知啦！呢樣黑毛豬叉燒嘅肉夠嫩，油夠香，仲有少少焦就啱啱好啦！！一啖咬落去叉燒爆嫩又甜甜地，口感豐滿！！豬軟骨又真喺好好味！！軟骨同肉喺相連嘅，所以喺食軟骨嘅同時，亦可以食到肉嘅香嫩。我最鐘意嘅一道小食，麻芥青蓮藕，咬落香甜酥脆，酥脆嘅外皮入邊仲有好多餡料，真真正正嘅外酥內嫩！！

車仔麵店一定是頹食？此等觀念實在是太落後了。為求格新，草根得知這間位於尖沙咀的「靚靚不一樣的車仔麵」推出了一系列的分子料理食品。於Ig看到其中一款主打新品黑魚子醬提子包外型十分吸引草根姐妹便相約一同前往尋覓平民分子料理。星期六7時到達，餐廳幾乎全部滿座，當中不少是餐廳熟客，亦不乏來自中國大陸的遊客。雖然店員姨姨很快安排入座，但座位較狹窄，即使坐四人卡座都不太舒適。但不要緊，只要可以嚐到美食，這些小事我們都能忍受店員為我們遞上足足有兩頁全滿的點餐紙，選擇多得令人驚訝呢！首先必點的當然是新推出的分子料理系列。初榨魚露雞（$16）這個是新推出的菜式，最上層是泡泡，撥開泡泡後可以看到下層的魚露雞，雞件應該先經油炸後再加上魚露調味。一客有約4件雞，炸雞肉質頗嫰但味道較鹹。分子料理部分應該是指上面的帶鹹味的泡泡，但其實對味道的作用不大，說是分子料理似乎有點牽強呢。黑魚子醬提子包（$16）另一個店員姨姨極力推薦的新菜式賣相的確十分吸睛，可算是當晚的重點$16一件不便宜呢！不過外表的確十分吸引，極像一顆晶瑩的提子。外層的薄膜包著大量提子汁，一口咬破後，提子汁的甜味馬上湧入口腔，接著黑魚子的鹹味亦緊隨其

尖沙咀都有平民價既餐廳嫁, 今次來到近尖東的一間專吃車仔麵和小吃的餐廳吃晚飯。我欣賞這間餐廳佢堅持唔用味精來煮食物。飲品方面, 我點了一杯熱紅棗雪耳杏仁茶。我本來以為這兒的杏仁茶會像在糖水店吃的那種, 白色香滑杏仁茶, 但原來它是有碎杏仁粒在裏面的一杯茶。熱飲裡有紅棗和雪耳, 味道香濃, 紅棗味很突出。主食方面, 我點了一碗蝦籽麵, 配菜有唐生菜、 白菜仔、 鹿兒島豬軟骨和紅燒花膠扒。 瑤柱清湯底好香, 味道清, 比較清淡, 好健康。重點是沒有味精, 所以吃完不會感到非常口渴。黑松露提子包個樣好似舊啫喱甘, 脤卜卜, 好鬼得意, 食之前記住要一啖食落口喔, 如果唔係入面既提子汁就會流哂出黎～花膠扒養顏滋陰, 醬汁香濃, 花膠好滑溜, 花膠含豐富蛋白質同骨膠原, 好適合貪靚的女士。松露全麥意大利麵的麵質煙煙韌韌。

位於尖沙咀科學館道的靚靚不一樣的車仔麵，除了有味道不錯又有很多餸選擇的車仔麵外，有幾款新出的分子料理，而且只是十多元一份，十分抵食。首先來到的黑魚子醬提子包，丹麥的黑魚子醬加上分子提子蛋，感覺十分新奇，而且味道配搭，提子味濃郁，而且上桌賣相十分精緻。第二道推介的美食為初榨魚露雞，用上初榨的魚露慢煮三小時，上桌時的泡沫為魚露，賣相有趣，雞扒煮得十分入面，每一口都充滿魚露的香氣，而且醬汁還加了少許香草和香茅。我們點了的食物：黑毛豬叉燒初榨魚露雞黑魚子醬提子包鮮蝦雲呑 x 2牛腩汁湯紫菜唐生菜照燒肥牛肉牛腩青椒皮蛋高級墨魚丸肥牛肉油麵凍山楂洛神花茶凍炭燒咖啡

尖沙咀的地道美食，我以前有去過，不過後尾因為搬屋所以覺得無咁方便，所以一直都無再去過了，近日有時間所以我就同friend一起去回味吓從餐牌度可以見到，同以前都係差唔多，價格同以前都係咁公道。我好鍾意食嘅皮蛋瘦肉粥，不過夜晚食就好似有D怪，所以最後就叫左其他嚕最後就叫左好多野吓，先來就係我最愛既腐乳通茶，菜好嫩，而且乾淨，油不會好多，腐乳味聞到都令人覺得食欲大陣，咁好肚餓，真係多點多食吖！仲叫左黑毛豬叉燒、唐生菜、牛丸甜酸齊蝦籽面等唐生菜好靚，叉燒分量好足，而且雖然見到有少少燒焦左咁，但係食落完全都唔覺得乾身，返而甜甜地又好入味；蝦籽面味道好濃郁，完全同以前食嘅無咩區別，感覺仲俾以前多左蝦籽~侍應仲見我地點咗咁多仲提醒話可能會食唔晒，其實真係睇小我喇，我好大食架~~墨魚煎餅之前好似未試過，好重墨魚味，我覺得係幾好食

估唔到尖沙咀一間平平無奇嘅車仔麵舖革新到有分子料理，見價錢相當平民，就去試試啦！餐牌初榨魚露雞（$16）成個菜有3-4嚿雞肉，雞上係有少少鹹味嘅泡泡，炸雞雞肉好嫩滑，十分juicy!不過調味有太鹹了，水準麻麻地。旁邊嘅脆脆質感較硬，冇特別，略為失望。黑魚子醬提子包（$16）賣相十分粉嫩嘅提子包，好吸引，要一口食下去喔~咬破後，提子汁爭先恐後地湧出，當甜嘅提子汁遇上鹹嘅黑魚子，又甜又鹹令口感更豐富！好有趣，大家可以去試下鹿兒島豬軟骨（$16）呢個豬軟骨煮得好腍，膠質十分豐富！份量相對地大，個汁同紅酒燴牛尾汁略有相似，調味不錯。凍腐竹薏米豆漿（$11）近日天氣太熱，要飲番杯冰冰凉嘅豆漿舒服下！豆漿味道偏淡，冇豆味。可能熱飲會較好，不過配上薏米感覺十分健康。黑松露阿布素意大利麵（$23）意大利麵仍然保持一定嘅煙韌，唔會煮得腍過龍，要讚！除了麵上有黑松露外，湯頭用了魚子去熬製，所以湯也是精髓喔

豉油雞肶加熱咖啡雞肶好入味，不過如果肉質可以嫩d會更好。黑魚子醬提子包分子料理好有趣，記得小心d食！一唔小心就會滑到跌左出去⋯⋯ 就好似我咁TT一咬d提子汁會爆出黎！好食又好玩！初榨魚露雞估佢唔到雞～ 係雞丫，係咪好有趣呢？！上面係打成泡泡既魚露，下面係燒得嫩嫩既雞肉！YUM！燒雞串都係好香好滑，味道又剛好，惹味，一啖接一啖，啖啖肉，好滿足。豬大腸先炸後鹵，因炸過更能吸盡鹵水精華。花膠扒童叟無欺，大大塊既花膠，雖然唔係煮都要融既感覺，但彈牙爽口，以呢個價錢實在太抵食。黑毛豬叉燒份量大，燒都頭尾小小燶！香噴噴！海南雞甜甜酸酸好開胃，而且肉嫩多汁，大大推介！牛筋腩果然係筋腩雙存。味道深深進入牛肉內，回味無窮！大合照

今日 lunch 在老牌 靚靚 度食車仔麵。還好等了五分鐘左右便有位了。這兒最出免的就是車仔麵。.三餸麵 - 豬大腸加咖哩湯底米線豬大腸$13 沙嗲湯底加米線$20豬大腸煙韌，索滿醬汁，不會有怪味米線不會淋pat pat。沙嗲湯底不錯。.兩份肥牛$13X 2肥牛配上特製醬汁，口感較硬身，味道不錯。.川滷雞中翼$13 + 唐生菜$8雞翼用的滷水比較鹹，雞翼肉質淋滑而不爛。lunch 可以吃吃蔬菜都很不錯呀！蔬菜味道清清的，夠爽口。.

平時下午都會去周圍去搵好野食。靚靚車仔麵在尖東區幾十年，佔咗最靚嘅店位。是有原因的。我地平時黎食開車仔麵，但今日見到牆上嘅廣告輩，竟然出了份子料理！.車仔麵店食份子料理，成件事好爆！我地就去選份子料理的食物吃。.黑魚子醬醬提子包，$16擺盤用黑色盒子盛著，上放了一隻很美感的湯匙。湯匙中有一個紫色包包。整件滑入喉嚨，feel 到有塊薄膜破開，中間全是甜甜的提子汁！上方的黑魚子粒則鹹香的，形成味覺的刺激！.紅燒花膠扒，$18花膠扒有很多片片，很入味！滑滑的滑入喉嚨！.初榨魚露雞，$16上桌見到有很多泡泡，很可愛。泡泡一入口便化了空氣，沒有味道，但入口感覺還是不錯。魚露雞微酸，味道特別！.在茶餐廳吃到份子料理，好開心呢！

第三次黎食，因為見佢出左新菜，一次過寫返三次食評先，很地道既一間食店，簡單裝修，食品卻不簡單，雖然開頭見價錢比起其他車仔麵鋪貴左d，但食完覺得都係值得既，湯底唔會太油，餸同埋面係分碟，食到佢係有特製過，唔係一齊滾熟就算。必試紅燒花膠扒同初炸雨露雞! 掛住食唔記得左影相 (不要見怪喔!) 好香，甜甜的特製醬汁，有10塊左右，可以encore.黑松露意大利麵，有點跟我相像的不一樣，不知道是有湯底的，對於我口味重既人黎講，不太合好味，太淡了，但上菜時有好香黑松露味。有八種餸既車仔麵，$53抵食，有我最愛紅腸，雞翼 (另叫了鹵水雞翼，很不錯) 炸墨魚餅👍👍👍分子料理，黑魚子醬分子包可當甜品，口感似巨峰提子個種，似啫喱，但略嫌魚子醬同啫喱既味道唔太夾。