靠得住粥麵小館 (黃大仙中心北館)

营业中

休息中

初初開張無人幫襯，後來整左d set, 試過質素還可以，之後試過幾次，食物及服務質素每次都下降：1/ 入座安排欠周全：要人排晒係門口，有位卻無人安排入座。想自己入去坐會叫返你出去排隊等佢地安排，呢方面超失敗。2/ 上星期叫左碟特色芽菜雞，之前食過幾好味，但果次碟雞幾快就到，點知舊雞食落微暖，芽菜未熟，食左啖成口草腥味囉，有舊雞仲要生生地，真係好有特色！3/ 早兩日去食蒸肉餅，又係食過好味，鍾意佢唔係肉醬，而係有咬口，但今次等左差唔多40分鐘都未有，追完話仲有8-10分鐘先得，擺明漏單！ 4/ 侍應個個對眼都望唔到人，有位姓趙既男侍應態度好差，完全唔想做咁，單又唔跟，位又唔安排，其他人勁忙佢都唔幫，勁想投訴佢如果呢間野仲想掛住米芝蓮招牌搵錢，麻煩人事部搞返好少少，搵返d正常少少的侍應，如果唔係，食物質素幾好都無用。

服務態度差到爆！！！上之同女朋友黎食 黎到坐低餐牌都冇 問人拎問左次先有！！叫人落單三四次都冇人黎落單 好似要求佢咁先肯落單不知所謂 未食已經一肚氣 。個男經理全程黑面態度差！但野食還可以。第二次自己黎食下午茶 同樣問題冇人招呼 問個女收銀比杯水 到食完都未有 ！！服務完全冇 男經理同個女收銀真係好差！張單仲要收10%服務費真係得啖笑

我叫左一碗豬手面，送來望落都吾覺有問題，點知手一揸湯匙的時候卻聞到陣陣臭味，起初以為是自己手味，再聞湯匙時發覺原來臭味來自匙手把，望上去是灰灰的，嚇得我即時用消毒紙巾抹湯匙手把，更驚嚇的見到湯匙手把立即变成黑白2種色，而臭味亦隨之抹後消失，我沒有再叫待應換面，因為我怕佢地會將同一碗面加料再比我，第一次食這間睇怕都系最後一次食這間了。豬手毛未去清，賣相驚嚇，又吾夠林，好難咬，湯底太咸，叫左茶又比水，仲要加3蚊，米芝蓮推介實在有名無實。

先講豬膶粥，粥底稀而且豬膶超韌；煎蠔烙，腥到食不得了；魚皮一般；梅菜扣肉，份量細味道可以但旁邊的菜心差不多是生的；咸魚蒸肉餅最好食，花生豬手唔夠腍；油炸鬼，咬落成口油淋淋；又貴又唔好食，服務一般，還境清潔

靠得住係連續6年米芝蓮推介店，今日試左佢其中一樣招牌菜「最正鹹肉糉」，果然好味！最正鹹肉糉 $26綠豆餡好多好豐富，咸蛋黃夠香，豬油唔會太多所以食多啲都唔怕濟。四拼盤 $62四拼盤味道相對普通，有拍青瓜、口水雞、海蜇頭拌木耳同醃蘿蔔。頭三樣冷盤都帶少少麻辣。薑蔥鯪魚球撈麵 $44鹼水味比較重，麵質彈牙，整體黎講都OK。新鮮魚片粥 $35粥底偏甜，煮得好綿，魚有鮮味。星州炒米粉 $61炒得乾爽，有叉燒、芽菜、蝦等配料。

有條友借左我好耐野未還，今次佢還番比我，就話一齊食飯傾個計咁，而佢都話好，於是就番大家係地鐵站上面既黃大仙中心度搵野食。依個晚飯時段，好多餐廳都爆滿，最後我地去搵左靠得住食下粥粉麵咁。其實攞開個餐牌一睇，一碗粥成四十幾蚊，就係好貴，我去樓下啲正正子粥店食個好好味既粥，都係三十蚊有找。不過無論點，食左先講。叫左個豬膶粥。冇幾耐就有得食，個粥底真心綿，亦都幾好味，豬膶係腍中帶爽脆，大塊亦都好味。依碗粥的確係幾好味既，雖然貴左少少，但都算服氣。人生最難頂既，莫過於比大價錢食左啲野，但啲野竟然唔好食。依碗粥雖然較貴，但食得舒服，都算唔錯啦。

家人9月9日以$25 外賣一碗糖水-喳咋見到份量少得嚇人，只有平放一包紙巾多少少的分量，連碗的一半也沒有，真的? 而店員當時向家人表示真的少得很！不會有下次。

今天中午食了他的咸肉椶，是三大招牌菜之一，但有些言過其實了，味道祇是一般，還有四色拼盤，魚腩豬肝粥。魚腩豬肝粥有2片魚腩和4片猪肝，分量算多，味道不錯但粥底偏咸，豬肝生一點更理想，最出色是四色拼盤，其中麻辣青瓜和醉雞味道不錯，花雕醉雞加點玫瑰露味道更出。

之前係灣仔試過依間, 記得個魚皮幾好食, 亦都比較少地方有得食番, 所以見到黃大仙有就即刻再試試依間米芝蓮店, 一黎新開, 特別乾淨, 地方坐得舒服, 又光猛。叫左碗鳳城水餃麵同爽脆鯇魚皮水餃爽口彈牙，個皮薄夠滑, 但個餡略咸麵條處理得好, 無梘水味, 條條分明, 夠彈牙爽脆魚皮真係無呃人, 真係爽到唔似魚皮其實就咁食都唔腥, 加埋蔥同薑絲豉油同花生一齊食, 確係一碟好好既小菜但係仲貴過碗水餃麵

星期日無所事事 搵下北館有咩食試下呢間靠得住點知就係靠唔住！員工ok la不過可以和藹啲但係野食堅唔得 又貴又唔好食食左個蝦籽撈麵 好濕 未收水就拎出黎 麵底唔得我老婆仲有叫左碗粥啲粥好稀好唔掂底線已經好低 但係都係要上黎寫評叫人唔好去食

發現黃大仙中心北館有一家餐廳總店於灣仔區連續六年獲米芝蓮推介食肆當然要入去試下是否真的靠得住? 其實這一點是很取決於你看著今時今日的餐牌而叫什麼餸的同一間餐廳同一個地方唔同既人叫唔同的餸 自然評價是完全不一樣今日今時的餐牌, 實在太多不能盡錄, 只好把撮要或必食拍下來供大家參考最靚鹹肉粽必食, 鹹肉粽材料除香熱糯米外, 主要的配搭是黃色綠豆蓉, 鬆軟清香, 鹹蛋黃亦非常好味道, 加上適量瘦肉不肥腻, 這便是它獨特之處! 難怪得它是鎮店三寶之一!啫啫蝦乾菜煲是用芥蘭苗做主菜非常新鮮嫩滑, 上菜的時候, 煙霧彌漫著非常熱辣辣的, 再加上洋蔥蒜頭乾蔥配菜足夠, 味道香噴噴, 一吃進口鹹味調較得剛剛好, 完全是色香味俱全, 近年難得在茶餐廳外可以吃到這樣的小菜! 牛肉紅蘿蔔腩 , 味道濃郁特別蝦子麵也非常彈牙, 有水準 蠔仔肉碎泡飯, 有潮州酒家的水準, 蠔仔不會太大隻才會鮮甜, 肉碎加上大地魚配上適量的香茜, 正是整個蠔仔粥的靈魂所在!唯一美中不足的應該是個家鄉煎蠔餅, 感覺店主想把蠔餅跟pizza crossover, 料十足各樣都十足差的是什麼呢? 應該是太乾生沒有油似的! 假以時日希望

看看手錶，趕時間，只有二十多分鐘食午飯。身處黃大仙中心北館這個由領展負責管理及營運的商場。想當年當這個商場仍然在房屋署轄下的時候，名字是「龍翔商場」，自從領展（前名領匯）接手後，即陸陸續續展開翻新、質素提升工程，並改名為「黃大仙中心」。商戶組合也逐漸偏離房屋署商場較大眾化的特色，多了連鎖店進駐；商場的管理及裝修風格也貼近私營發展商管理的商場。利用那個輕觸式屏幕電子索引，一種以前絕對想像不到會在屋邨商場出現的物件，找到了【靠得住粥麵小館】。大約十多年前吧，【靠得住】在灣仔開了第一間粥品專門店，以魚湯煲粥作為生滾粥底招徠顧客，很快打出名堂。當年我也經常幫襯，那個充滿魚湯鮮味的粥底的確是非常鮮甜。老闆一直堅持不開其他分店，以保障出品的質素。但自從2008年被「太興集團」收購之後，連續開了五、六間分店。也許，這個正是近年【靠得住】粥品質素開始變差的原因。似乎，分店越多與食物質素變差之間的等號關係，是一個經常發生在小店的問題。想深一層，這個問題也很難避免。所有小店的廚師只有一、兩個人，主打出品的所有秘方及烹調方法也只有這一、兩人才最清楚，如果開多了分店，自然很難兼顧。至於那些大型餐飲集團，有充足

星期五通常出街吃晚飯，見這間粥麵店唔使等位，便入去一試。打開餐牌發現有不少小菜，唔使晚餐吃弼麵。選了拼盆，郊外油菜，梅羔醬燒骨，每日精選燉湯，二選一，我們選了鯊魚骨燉老雞，再加一個白飯。四小拼盆: 有點受騙，只有幾塊醉雞，其餘3款都是菜，唔值60元。郊外油菜 ~ 芥蘭，問侍應可否不要蠔油改腩汁，她好似聽唔懂，唔似香港人，算吧照要蠔油，蠔油都幾鮮味，唔似普通粥麵檔那些死咸。梅羔醬燒骨 : 醬燒骨個汁幾透明，大舊骨無咩肉，$72唔係幾抵食燉湯: 侍應小姐話係鯊魚骨燉老雞，又說有粉葛赤小豆，個湯真係得粉葛赤小豆同埋豬肉，唔覺有老雞，又唔覺有鯊魚骨味，只有好濃粉葛赤小豆味，都幾好味，不過都唔知有冇落錯單

是晚外賣了蠔餅，米芝蓮推介食肆，又是餐廳推薦食物之一當然比較有期待。 買完話等8-10分鐘，結果等左15分鐘，但都算係可接受的等待時間。外賣包裝都SOPHITICATED, 有唒UTENSILS同叮得既圓盒。蠔餅佢CUT開4件，面頭都見到4-5粒蠔既。油就真係無乜，一如餐廳所講口感食落就..似食緊粉+鴨蛋既餅...蠔有小小腥。。。食到第3件...1粒蠔都無...第4件...得3粒蠔...同大量蔥(只係第4件有較多蔥)$81 既蠔餅.... 可一不會再.....

今晚客人唔多，但上菜速度奇慢。方魚肉碎泡飯，落單後二十五分鐘仍無影。漏單。落單後三十三分鐘終於出現。芫茜味重。我鍾意芫茜味就OK，唔鍾意果個就唔太like了。豬軟骨河，正常，味道OK，份量少但一早預咗。豬手麪，豬手有毛未燒乾淨，味道可以。雲耳蒸雞，二十五分鐘先出現，味道可以，但雞斬得太大件。總評，食一次後，無下次了。