麵道 (已結業)

又到千色滙，近日難得見到間門口要排隊既餐廳。。麵道。。$80/碗豚骨湯拉麵拉麵份量好多，一個人食晒已經好飽好飽，搭配左2件大塊叉燒，溫泉蛋一隻，木耳，蔥花，芝麻，紫菜湯底好濃郁，會不自覺地飲多幾啖湯店面細細，但拉麵估唔到咁正，個人覺得好過本地其他出名日本過江龍拉麵店！

星期六到處都多人，特別2/11/2019要吃飽，以應付一場極度需要耐力的運動。揀咗麵道吃午餐，入去時客人還不太多，但店員就指示要坐吧檯，無奈接受，因為吧檯位置其實有陣不太好聞的異味，所以挑了第二個位。㸃餐其實都係由客人自己剔紙的，可選擇的食物不多，而且餐紙的設計簡單，也不算令客人困擾。點了辣肉味噌叉燒溏心蛋猪骨湯拉麵，非常冗長的名字。一碗麵的擺盤是具有美感的，中間的一團是味噌，工整又大方。食物質素方面，湯是濃稠的但不够熱，拌匀味噌及湯，即使叫了中度濃味，仍然十分鹹。麵條也没有特色，吃不出跟我在家煮的拉麵有何分別。可取的是溏心蛋真正做到溏心，而且俾足一隻。日式叉燒肥瘦適中，味道不過不失，但只有兩塊。加了錢試試小吃，柚子淹漬蓮藕，賣相典雅，有精緻的感覺。但柚子味稍為欠奉，而且蓮藕太粉，沒有爽脆的質感。涷番茄完全符合日式美學，簡約而美麗，顔色對比强烈。番茄其實没有甚麼味道，但芥末沙律醬出色，頗為開胃。在我想給予好評的時候，一件非常掃興的事情發生，在我進食中途，侍應叫我換位，因為要騰出兩個連位給外面的客人，我再次無奈地答應了，但這樣不覺得擾客嗎？日式的餐室不單止賣食物，更吸引人的地方是一份體貼

開店初期，反應過湯底唔夠熱。今日再次光臨，果然有改善，而且推出左個套餐送餃子同汽水，抵食。每一樣食物好夠熱，即叫即煎的餃子，加埋柚子醋，味道一流。汽水玻璃樽的zero第一次見，好QT。

剛去完旅行，假日想同老公食返個拉麵平衡下。千挑萬選，見到佢menu有個伊勢海老豚骨湯，所以就簡左哩間‘麵道’老公之選：特盛叉燒豚骨醬油拉麵先試湯底，濃味，但飲落有啲覺得似雞湯多啲，叉燒有4片，肥瘦平均，脂肪部位，都有入口溶化嘅感覺，所以叉燒可記一功。但拉麵就相對冇咩特別。Me 之選：叉燒伊勢海老豚骨拉麵本人就係為左個湯底黎嘅，點知一試，中伏，完全冇龍蝦，或者蝦湯嘅味道，我只係覺得佢係豚骨湯，然後面頭加左一pat紅色有油嘅野，我心裡一刻：”被騙”,食唔到想要嘅味道，已經心情有啲down。唯一可以欣賞嘅就係個溏心蛋，係有流心效果，同埋佢嘅麵量係一般拉麵偏多本人為左唔想誤會左佢，我都特登睇下個menu，佢係寫明用龍蝦頭，蝦殻去熬煮，徹底失望小食之選：炸雞一句講晒，”可以不試”入口熱辣辣嘅，但味道就係冇味道，就如一塊炸左嘅肉，冇調味，連係咩肉都食唔出總結：如果佢只係豚骨湯底的話，都尚算合格，但同伊勢海老就真係大欖都扯唔埋。最可以欣賞嘅係叉燒同溏心蛋，此拉麵店不會係我嘅回食之選

位於荃灣千色廣場嘅一間拉麵店去食嘅時候人流都唔少 環境唔算好大 枱與枱之間嘅距離都幾近我冇所謂啦食碗麵姐😆豚肉豬骨湯底拉麵湯底其實都偏濃都有少少油肉都淋 唔會過肥☺️但唔稱得上係一碗好好食嘅拉麵啦😄溏心蛋就可以啦❤️間拉麵店有個貼身位 就係如果長頭髮嘅女士你想要橡筋店舖係會提供嫁

自己住係千色匯呢邊呢間拉麵開左都有一段時間印象中岩岩開都幾多人排見今日經過唔洗排隊都未試過就.同屋企人試下同媽咪叫左最穩陣人氣之選醬油豚肉拉麵 湯底算不錯 但又唔算好特別覺得不過不失 當然口咪因人而異媽咪好小出街食 不過佢就覺得湯底好濃郁豚肉方面口感幾好 啖啖肉🤤唔會太薄身...我覺得呢個價錢算合理因為配料亦包含埋溏心蛋 不需要額外添加！另外要讚既我自己習慣性 長頭髮都會帶定橡根紮頭我見隔離枱有客人無.店員亦會主動提供方便客人進餐

1. 小食追加 - 燒餃子 $38🥟.睇落雖然都同出面食到嘅餃子差唔多但原來餡料都幾豐富餃子皮唔厚唔薄 加上煎過 幾有咬口值得一試.2. 小食追加 - 唐揚炸雞 $38🍗炸雞外觀已經相當吸引表面有一陣紫菜碎粉調一調味提升層次肉質都算嫩滑鐘意食炸雞亦可一試.3. 特盛叉燒溏心蛋伊勢海老豚骨湯拉麵 $100🍜最後係主角 - 拉麵食拉麵重點當然係湯底啦佢呢個湯底係龍蝦湯底嚟相當濃郁 絕對啖啖都感受到湯底強烈衝擊加上拉麵必備叉燒同溏心蛋每款食物都將味道更濃郁 口感層次豐富 拉麵外觀上食物擺放得齊整令人滿意 加分不少.另外仲有前菜畀大家先開下胃口味就因人而異喇

期間限定-超濃厚日本蠔怪濃湯拉麵Seasonal - Oyster Ramen in Chicken & Oyster Broth with soft boiled egg (HK$88)Rating: 5/5 ⭐️叉燒溏心蛋醬油豚骨湯拉麵Grilled Pork Ramen with soft boiled egg in Pork & Soy Sauce Broth (HK$80)Rating: 4/5 ⭐️ #effoodie_umbrellafree 呢間店試左幾次每次服務態度都好窩心，員工見到女仔頭髮長，都會提供條橡筋扎頭髮，整體黎講都好有禮貌。個蠔麵超新鮮多汁，最重要係個湯好鮮味，蠔味好重，非常驚喜，隻半熟蛋亦非常流心，雞蛋亦有調味，麵質剛好有QQ口感亦掛湯。另外豚骨湯拉麵麵質同樣好，湯底濃厚，叉燒都鬆軟同肥瘦剛好，但唔算話好驚喜。整體係值得推介嘅小店。I have tried this place a few times and the service has been always great, staff are so considerate and will give o

今日與朋友來吃拉麵，這是我第二次來了。今次我點了辣肉味噌雞叉燒雞白湯拉麵，湯底很濃味又不會太咸，辣肉味噌令湯底有少少辣，味道很配合，麵軟硬適中，雞叉燒就比較淡味。另外點了兩個前菜：柚子味付蓮藕片，蓮藕片爽脆，有淡淡柚子味，非常開胃。餃子很普通。

已經係第四次黎食，好適合食厭左一x同x王既人黎食😂佢有個套餐，叫一個麵$80左右可以加$38 有個小食同野飲，通常我地2個都會加哂😂佢一樣有得簡麵硬定軟定適中湯底好濃，偏小小杰，又食重口味既人會中意🤣另外，糖心蛋都好岀色，中意食糖心蛋既一定要食，豚肉都好淋，岩哂我依啲唔中意點咬既人😂😂小食既話，試過雞塊就差小小，好似食緊粉咁，但之後有改善到既，餃子就一直都好好食依間好小排隊，就算排都只係等3、4人，上野食都快，都係快食之選！

喺餐廳仲有30-45分鐘就關時，餐廳清潔緊，無曬客人，諗住走既時候，侍應話仲有得食，所以就坐底。見評價幾好，都幾放心，但可惜好普通，收呢個價錢唔值。我同男友都係叫原味，佢既豚肉係唔錯，有少少燒烤味👍🏼 但湯太杰啦，重點係濃得黎無乜味，唔識形容😂 係會令你唔想食落去，叫枱面有其他配料，就試吓。佢有原粒蒜幾得意，店員比左個壓蒜器我地。因為太無味既關係，我地每人至少加左2粒蒜😂 但係幾好玩既壓蒜，似玩泥膠另外，粒蛋無乜味，我平時好喜歡蛋🥺餃子都唔錯嘅但絕對唔會再黎

Cause we having early dinner this night, not many people insides the restaurant, haaaThe decoration here is so in Edo period, the paintings helped a lots to create this environment, haa, quite good to eating in his environment in Hong Kong I ordered Ramen with Pork Chashu in soy sauces and Pork broth which is so rich the soup even the color of the soup is a bit light, haaa. The taste of soup is a bit different from which I tried before but the taste is good ahI like yummy crispy seaweed. the por

其實之前經過好想試呢一間，因為朋友都話呢間唔錯但食完之後我真係有啲失望，直情食完覺得可一不可在。無錯呢到嘅環境好好，但職員啲態度係第一點令我失望嘅地方，幾個人企係收銀唔理你，黎拉麵果陣一野DUM落黎咁...... 好無奈！佢有幾款口味，當中有毛蟹濃湯拉麵，但因為一心諗住食最基本嘅醬油拉麵，所以就無試啦。我地都叫咗濃厚醬油豚骨湯拉麵，叫咗小辣，其實唔辣都唔係一個問題，但個湯真係好油同埋勁咸，咸到我都無心機同埋無胃口再食落去，麵底係多嘅，但係味道真係只係食到好咸，其他我乜都食唔出啦。好啦叫個餃子，見到咁。。。OK FINE，諗住一邊咁嘅樣係咁好正常姐！可能只係賣相唔得姐但食落去乾到癲。。。2個人食咗一舊已經唔想再食落去，好快就走人。。荃灣咁多野食，呢間真係唔會再去啦。。

補返食評先一向都覺得香港食拉麵好貴個人唔會去又窄又要速食的拉麵店中意可以享受下 坐耐一點的荃灣這間真的岩哂我麵道的店員服務好好 見我是長頭髮又無髮圈他們提供髮圈給我 我第一次去食唔知要寫紙落單又個幫我寫返 仲有問我麵要咩硬度無隨便敷衍我 我叫了海老豚骨麵 朋友就叫了辣味噌口味原本以為會好咸好油 誰知味道剛剛好店員提醒我要攪拌下湯底再食麵條份量都夠 叉燒都大塊的$80幾蚊其實都抵的 還要免加一我就無食朋友那一份 但都表示味道唔錯我地仲叫了啤酒飲 慢慢食慢慢享受！

成日都講，食日本料理簡單如一碗拉麵，都要着重上枱碗麵個賣相。呢間鋪頭好耐之前聽朋友講過話都幾好食，就嚟試一試，點知未食先失望！其實我都已經唔係食啲乜嘢特別嘢，只係叫返一碗最簡單嘅豚骨湯叉燒拉麵，佢仲話有伊勢海老，即係龍蝦添！點知一上枱，已經發覺唔對路，點解同餐牌幅相爭咁遠嘅？？？最起碼啲叉燒係完全冇火炙過嘅跡象！！我本來一心見到幅相啲叉燒火炙得咁靚先至叫㗎嘛，咁即係貨不對辦啦，咁有冇構成違反商品說明條例先？就算你灑滿晒芝麻都冇用架，唔會令到塊叉燒變返香口個喎！叉燒咬落平平無奇，只係一塊普普通通嘅薄切腩肉！所謂嘅伊勢海老豚骨湯，我真心食唔到有半點嘅龍蝦味！至於拉麵嘅質地中規中矩吧，軟硬都尚算適中。最後嘅安慰就只係得返嗰隻味附玉子溏心蛋，還叫做可以。收緊$90一碗拉麵只係得呢啲質素，真係唔會黎食第二次，質素更好嘅有大把選擇！