韓半島 (已結業)

Fusion菜的融合既餐廳，環境方面-餐桌間夠濶落，燈光柔和，環境舒適。正值10月暑氣漸消，餐牌有各式各樣的選擇，選擇了清新而且屬鮮手搾果汁的-🍓🍌草莓香蕉味果汁（$68）和鮮奇異果汁，個人很享受這一杯充滿濃濃的草莓香且帶有少許益力多味的特飲，而鮮奇異果汁就帶酸又甜加上有豐富的奇異果果茸，感覺好飲有營養充滿維他命C͟。其實很多都想試，最後點了''宇治抹茶芝士蛋糕''這個甜點好像一幅美麗的風景畫（看圖不解釋）它用上莓味的乳酪雪糕 配以一件淡淡清香的cheesecake和蛋糕很好吃，大家也可以試試吃這道甜品過一個在陽光下度過一個寫意的下午吧！ 韓半島餐廳味道及賣相都很好，下次會再來。

今日和太太往韓半島食韓式下午茶, 我們點了朱古力咖啡, 奇異果汁和宇治抹茶芝士蛋糕；朱古力咖啡咖啡好香濃, 朱古力味道好香滑, 朱古力和咖啡好夾, 好美味；奇異果汁沒有冰的,味道冰凍,奇異果新鮮好解喝, 健康飲品；韓式甜品宇治抹茶芝士蛋糕, 甜品好靚, 賣相一流, 除有宇治抹茶芝士蛋糕外, 另外配上抹茶雪糕, 粉紅蛋糕、糖餅乾、花、火箭菜、和果子和藍莓。主角宇治抹茶芝士蛋糕, 蛋糕好香滑, 有濃香抹茶味, 好清新、芝士餅好濃, 食落好美味；抹茶雪糕好滑配上粉紅蛋糕混合食, 好軟綿綿, 美味；糖餅乾甜度適中, 餅十分鬆脆, 口感一流；而花和火箭菜中和抹茶雪糕的甜味, 最後紅桑子和藍莓甜度適中,整個甜品甜度適中, 好食, 好特別韓式甜品

唔知點解過左中秋11月啦, 香港都仲係咁熱既?! 行街行到出哂汗, 當然要食返個雪花冰先啦...------------------------------呢度好細心, 雪花冰係會另上一小杯配料, 當食到一半時, 如果覺得唔夠味, 可以自行倒落雪花冰度調味~ 【朱古力香蕉雪花冰】HK$98 以朱古力冰打成好幼細既雪花冰, 有淡淡既朱古力味, 上面既係朱古力沙冰, 食既時候好似飲緊冰凍朱古力奶咁, 加上有幾片香蕉片食下, 食到差不多到底既時候, 驚喜就出現了, 有少量既雲呢拿Cream, 再下層係有少少花生碎同埋朱古力小粒...推介朱古力腔既朋友必食!【紅豆雪花冰】HK$98 紅豆打成醬後唔太甜, 雪花冰有甜甜地既牛奶味, 食到近底部都係有cream等配料, 唔知係咪因為上下層甜度對比大, 所以覺得底部超甜....都係上面果款雪花冰好食好多~

呢間韓國fusion餐廳將菜名改得好引人發笑地詩情畫意，食物賣相亦好靚，不過質素就有啲參差喇［老姑壇繁花盛開，$78］ - 墨魚汁炒粉絲配蔬菜、香菇及海鮮上菜時粉絲同餸係分開上嘅，有蝦、魷魚、冬菇、甘荀等，食嘅時候撈勻佢食就得。墨魚汁其實冇乜味，所以食落其實同平時嘅韓式粉絲差唔多味PS. 侍應喺托盤拎起碟餸嘅時候跌咗一隻蝦，變咗我哋剩得一隻… 以為佢會補返隻俾我哋但冇囉...［升上神仙臺，$128］ - 特製醬油五花腩切片拌時蔬及醃蘿蔔腩肉夾起時仲見粉紅色，想叫侍應換過份俾我哋，但原來呢個腩肉係用低溫浸咗四個鐘煮成嘅，所以係會有少少粉紅。塊肉食落口幾腍，亦有種甜味，豬特有嘅臭味都辟走咗，好味［向著月兒唱羌羌水月徠，$108］ - 薯仔煎餅配多種海鮮、椒絲及香葉全枱人一致覺得唔好食嘅一樣碟菜。一擺落口，剩係食到油味… 餐牌話「多種海鮮」但食嚟食去都係得八爪魚，仲要係冇味嘅… ［三光寺的燃燈節，$98］ - 甜辣醬炒雪人年糕配釜山炸魚糕串炒年糕雖然煙韌，但入面落咗太多魚糕，令到成兜都過腥。隔離碗嘅炸魚糕串亦太油［智異山日出時分，$118］ - 生拌牛肉配自製甜黑醋及時蔬雖然有生蛋黃令牛肉入

每次提起韓國菜唔係韓燒就係炸雞, 樣樣都咁熱氣, 真係唔可以成日食~所以今晚就黎到H8食fusion韓國菜,  試下啲新野8號風球前夕, 所以7點鐘黎到嘅時候都唔算多人, 而且環境都算寬敞打開餐牌, 真係要每一版都要睇得好細微, 因為老細將每一個食品都改名改到好有特色, 完全切合哂係韓國嘅風味仙巖村的秋天 - 用特製嘅甜酸芝麻湯底伴著蕎麥冷麵今次算係我第一次試韓式嘅冷麵, 睇個樣佢唔似出面店舖有冰伴著, 因為平時我覺得有冰伴著啲麵, 我會好驚啲冰一溶就影響麵嘅口感所以呢個蕎麥冷麵我好中意~呢個冷麵好特別, 係一團團黎, 要店員有剪刀幫我地剪一剪開先可以食, 而佢個sause酸酸甜甜, 真係好開胃呀醬缸臺下雪天 - 用特製嘅卡邦尼醬炒煙肉雪人年糕, 再配上獨家自製嘅蕃茄多數嘅年糕都係韓式嘅一條條, 而呢間餐廳係用好似雪人波波嘅年糕, 好特別, 年糕亦非常有咬口入面仲加左少少煙肉, 相對上我覺得個suase唔會好咸, 所以配埋年糕度都岩岩好~再試埋佢隔離嘅蕃茄, 真係唔好睇少佢, 原來呢個係老細自己秘製架, 一啲都唔酸, 好清新!!!向著月兒唱羌羌水月徠 - 佢係薯仔煎餅再配上唔同海鮮平時

食完輕便午餐之後再去找個地方落腳，選擇厚福街一樓fusion韓國菜。宇治抹茶芝士蛋糕＄68最出色反而係旁邊嘅配料，本身編排不算太靚，主要食物都偏了一邊。有藍莓、桑莓，非常清新。另外仲有糖脆餅，又有口感味道亦唔錯。右邊係雜莓雪糕，又甜又酸味道清新，加上有一些金寶又軟又脆了！反而宇治抹茶芝士蛋糕冇咩綠茶味，主要都係芝士味道。鮮奶番薯 $43鮮奶番薯呢一杯飲品整體黎講幾好飲。飲品明顯地分隔開兩層，上層鮮奶下層番薯。但飲起黎鮮奶味有少少蓋過番薯味，而令番薯味感覺變淡左啲，呢一點係幾好。一般我地飲到嘅鮮奶番薯都會有過甜嘅嘅番薯味，但呢一杯個份量係適中，令到成杯野口感清淡啲，唔會太甜。草莓香蕉味果汁 $68味道清新有點似奶昔， 草莓味同埋香蕉味道好出眾，食到有少少香蕉同埋草莓的粒子，味道甜甜地但係唔會過甜。咁就完成了一頓下午茶，有講有笑，渡過了一個愉快的下午！

如標題所講香港韓國菜 終於唔係炸雞乜乜乜 韓燒乜乜乜 其實韓國菜都可以好高級! 呢到既PRESENTATION好靚! 雖然每一碟都好似細細碟 又好精緻咁但係如果細食既朋友 我覺得其實份量都好夠先講下呢個炒飯就咁一個炒飯 已經比平時既泡菜炒飯有大大不同就咁睇個PRESENTATION 已經感受到 餐廳用心製作!味道方面  麻油味都幾重睇落去好似好少飯 但係其實佢只係壓實左D飯 其實食一舊都飽飽地呀!

Lunch想食韓食，友人介紹呢度的套餐外觀精緻又抵食的韓國菜。是日沙律有生菜及車厘茄，蔬菜都好新鮮，醬汁酸酸甜甜好清爽開胃。面層的泡沫幾特別冇咩味。是日餐湯是海帶湯，微咸的清湯，味道尚可。漢拏生態林下雪天 $62，賣相好吸引，說穿了就是五花腩肉特製大醬忌廉意粉，醬汁好濃調味道也較重，有麵豉的咸香味，加上忌廉的creamy口感，意粉煮得軟硬適中，掛到好多醬汁，好味。只不過醬汁太多油，食完碟底留下大量油。井裡的花 $62，也就是五花腩肉泡菜炒飯配真空低溫烹調蛋，外觀好精緻，更合切韓菜的一貫作風，都是裝盤美觀。濃香的蛋黃混合炒飯中，中和泡菜酸辣，五花肉油香潤淋，整個炒飯都味道平均，好好味。甜品選擇了抹茶雪糕，只得迷你球size，有點唔夠喉。好香茶味帶甘苦，質感細滑。還有mini affogato，細細份也是迷你版，特濃咖啡沖入雪糕中，有好香咖啡味，一冷一熱好正。

放假經過呢間餐廳，見到餐廳的菜色都幾吸引價格亦十分相宜就入內試一試。井裡的花($78)十分有韓國特色的一個菜，用五花腩肉及泡菜來炒飯，五花腩的油脂在炒完飯後散發出一陣陣的香味，食落口時還有泡菜的辣味更加惹味可口，加上一個溫泉蛋，搞伴一齊食口感及味道都十分好。向著月兒唱羌羌水月徠($108)呢個薯仔煎餅除了煎得十分香口之外，還加了十分多的海鮮，還有香葉辣椒等調味料，加上醬汁一起食更加好味，醬汁有畫龍點睛的效果。令到菜色更加特出。雖然是初嚐呢個餐廳但感覺都不錯，下次有機會會再回來試下其他野。

鍾情韓國菜架我食炸雞韓燒都真係食到厭厭地。咁岩見到開左間fusion架韓國菜，終於有時間會一會佢。呢間餐廳菜名特別都吾洗我多講，菜式種類多到有D花多眼亂，樣樣都好想試啊!但冇多個胃叫住4款先。三光寺的燃燈節泡菜湯年糕配紫菜粉絲卷，魚糕雪人形狀架年糕之前都見過，今之就第一次食，口感都係煙煙韌韌，魚糕好重面粉質感，紫菜粉絲卷最好食，略嫌湯吾夠熱。升上神仙臺係吾凍吾熱架五花腩一層肥一層瘦，雖然好邪惡但我吾怕入口係好淋，仲要好夠味!!真心一萬個推介如果在小每勿島上搭橋又係一萬個推介!!係西冷牛排雖然店員建議食5成熟，不過要就媽媽吾食咁生，所以都係叫7成。但上到枱佢塊白色板仲會keep住熱熟塊牛排，所以叫五成就岩，7成太熟。牛排煎得好香口，好濃牛味又淋，都算juicy，認真建議大家叫5成熟。向著月兒唱羌羌水月徠呢個其實係海鮮薯仔煎餅，炸得好脆，如果吾點則邊架酸甜汁其實冇乜味，海鮮係尤魚同蝦為主。食完咸野吾食甜野硬係掙d咁就叫多個韓式草莓刨冰啦賣相好可愛~草莓醬味道幾似士多啤梨味百力枝果浸朱古力味咁，仲有一杯仔草莓醬for你食到中間吾夠醬，好貼心。不過原來食到中間到係有d稀身架cream同好多士多

Lunch set包括有沙律、餐湯、主食及甜品。價錢合理，算抵食。是日沙律用甜甜酸酸的醬汁拌勻爽脆生菜，好清新開胃。最特別是面層的泡沫，食落有點似欖油。再來就是海帶湯，味道清淡，比較普通。漢拏生態林下雪天( $62):原來是五花腩肉特製大醬忌廉意粉，醬汁是大醬調煮成，味道比一般的濃郁帶點麵豉味，不過可能太多油，食完比較膩口。五花腩肉好香口油潤，意粉也煮得軟硬剛好。井裡的花 ($62):即是五花腩肉泡菜炒飯配真空低溫烹調蛋，外觀吸引有如菜名井裡的花，刺開溫泉蛋，濃滑蛋黃流入炒飯中，令味道混合濃香，泡菜炒飯微微辛辣帶酸，脆爽的泡菜味道溫和，五花肉薄切也有咬口。又靚又好味。甜品是抹茶雪糕，份量細細，但茶甘細香，味道濃郁又幼滑質感，好好味。細阿法奇朵（mini affogato），迷你版好可愛，特濃咖啡倒入雲尼拿雪糕，味道香甜又帶陣陣咖啡香，食完雪糕還可似埋咖啡。

平時d韓國餐廳都係一味炸雞炸雞個幾味 今日竟然比我發現走第隻路線既韓國餐廳👻 佢呢度既食物真係比左好多心機賣相靚之餘連個名都非常創意過人呢味叫做井裡的花五花腩泡菜炒飯配真空低溫烹調蛋唔係好食到五花腩肉 好重泡菜味好似食緊放大左既韓國壽司咁👅如果在小每勿島上搭橋見個名咁特別沒有唔食的理由😂西冷牛扒 朋友唔食得生所以叫左7成 上菜好快 連磁板上 可以保持牛肉既溫度員工好貼心咁提我小心個板熱西冷扒有少少韌，非常香仲有3 個醬 有海鹽檸檬 /特製甜辣醬 /蒜香芥末醬 我最鐘意就係個蒜香芥末醬酸酸地 好開胃 😍海鹽口感就好特別 唔似普通食鹽咁硬身 佢係帶點脆口👅仲有原粒大蒜頭 😍我成粒隊哂都唔覺口臭😂

都係韓國菜～ 但非一般普通韓菜！而係韓式fusion 菜！西餐嘅煮法擺放，成個感覺都好西式！但係係韓菜嘅材料同味道！而且每款菜式都會有個好詩情畫意嘅名😂 QT係粗人見到菜名甘樣未食已經覺得會特別好味甘👍🏻 點知食完係不得了嘅驚喜好食！平時食開嘅韓式牛肉飯黎到依度會變成cup cake甘嘅樣子，每件份量約3啖飯，中間混好左好juicy 入味嘅牛肉片碎同其他配料，但你食入口每一啖同食到整體嘅mix & match 滋味！ 筋麵平時食開係螺肉配試韓式辣汁多～ 但今次嘅食法就好有新鮮感👍🏻 配以芝麻醬菜絲！口感一流！味道方便係啖啖芝麻回香～ 講重點！平時食韓國菜我就好少點海鮮煎餅～ 因為唔鐘意個口感好粉粉團!但依度偏偏見餐牌上係重點推介！而且我想講我見到人地table上菜個碟個樣超令好吸引！所以即刻叫黎品嚐下！太好喇！我果然冇信錯自己😂 海鮮煎餅平時嘅粉漿，大廚會一早將佢地變成麵條再半煎炸中途再加入海鮮一齊煎炸！成件事即時口感唔再粉團團好脆口 ～QT like 爆！再點埋佢地嘅特制醬！酸酸甜甜!yummy ~~~食傳統韓菜悶左不妨去試下～

餐廳開張沒多久去的 現在來補食評看餐牌的時候感覺好得意 因為每一道菜 餐廳都改了一個很有詩意的名字但是單憑菜名實在難以想像是什麼配答 所以要靠侍應解釋最後叫了三道菜~~ (已忘記它們的名字)碟五花肉好入味 好淋 真係有種入口即溶既感覺不過肥左少少 食得多會膩，尼個時候就點芥末食 個味道會清新好多。 伴碟沙律都食得 侍應有特別講係有機菜 可以放心食，但對我尼講尼款沙津菜太苦 配肉一起吃亦解唔到油膩感 建議餐廳幫沙律菜調調味。辣章魚拌飯 味道好濃好惹味 份量亦充足不過對於不太好辣的朋友可能會有點辣 因為拌飯既汁醬好足夠，不怕吃到最尾不夠拌醬。拌飯亦配上沙律菜 岩哂喜歡健康既朋友 但同樣地都係苦同冇味道 (因為是同一款沙律菜)不過配上拌飯都可以接受最後就是炸飯卷 對於尼道菜既評價是不好吃首先 飯卷中的餡料太少了 味道亦不重 所以就像吃普通的炸白飯 或者是潛意識將炸飯卷同炸壽司混合在一起吧沒有豐富的餡料感覺不太滿足🤔🤔再者， 炸的時間亦略過長 飯卷口感有點太硬了。 另外 亦建議餐廳先切好飯卷後上會好一點 因為太硬了一直切不開...到切開了 飯卷都變形了

黎尖沙咀，最鍾意去厚福街搵野食，貪呢度多小店係街尾H8呢棟building就全楝都係食肆，係樓下睇左一陣就決定試下呢間fusion韓國菜因為晚餐時間好多人等lift，貪佢係一樓可以行樓梯唔使等，有哂指示，上樓梯都好方便，樓梯光淨又光猛餐廳環境都幾安靜，想靜靜地同親密朋友食餐飯，都不錯menu的菜式名字比較特別，其本上睇菜名係估唔到係乜，不過menu 圖文並茂，揀野食都唔會有問題滿秋的小花園，有心的傑作上菜時，擺放得好靚，真係成個小花園咁，同圖片一樣小牛排醃得入味甜甜地易入口，揀左7成熟其中有塊好似魚柳，原來係雞脾菇黎不過旁邊配菜的冬菇，太乾身，有點難咬另外叫左個三光寺的燃燈節，係韓式年糕配釜山炸魚糕串年糕形狀得意，成個雪人咁，咬落幾彈， 同係韓國食年糕既味道好似，連魚串既味道都係，仲有另一串係紫菜包粉絲，紫菜香脆，一路食串串點返年糕汁另外配上紅白酒各一杯，令氣氛 浪漫，帶親密朋友黎食真係啱，而且食完之後，唔會俾人趕白酒要左推介o既Selbach Riesling Incline，少少甜，口感豐富紅酒就意大利Coltiuono Cetamura Chianti， 不是太甜，酸度平衡，充滿