韓樂 (T Town North)

营业中

休息中

岩先係網上外賣平台叫左黑松露煙肉野菌忌廉扁意粉同埋銀魚仔大蝦卡邦尼扁意粉 但成堆芫茜撈左入去當哂西式香草咁 打去問下職員點解會咁 佢地話d芫茜係拎來做裝飾架wo 叫佢可唔可以remark低 因為真係唔係個個都食 個職員叫我好好記住佢呢間野係有芫茜架wo😑然都叫左韓式泡菜腩肉薄餅 個韓式泡菜炒豬肉都算正常 但唔夾個pizza lor 魔鬼芝士．一口炸雞 D芝士味道都ok 炸雞唔脆唔香口都算啦 畢竟係外賣送過來冧左都預左食左d不知所謂既野 就算為左飽肚都唔好揀呢間!

晏奏都係想食下韓式辣嘢，有時間就嚟咗街坊商場嘅韓樂食午餐。都預咗等位，等完位入都去都係即刻叫嘢食，然後等上菜。午飯時間算快，相信廚房都好忙。食咗嘅泡菜豬肉炒飯幾滿意，因為辣度夠（我唔係好食得辣但又想過下癮），如果鐘意辣嘅朋友好似有得拎Tabasco的。啲飯有啲特式地加上芝麻，食落都幾健康咁，同埋無咁dry。食食下都係覺得辣同熱，飲番杯凍飲就醒一醒神。凍飲除咗一般嘢飲，都幾多特色飲品，唔錯唔錯。街坊餐廳之中，都係好食嘅一間，mark咗入搵食筆記㗎！

今日想入去食個下午茶，雖然我是一位，但四圍都好多吉位，但竟然安排只得一個位坐位置給我，我對面座位仲比隔離人客手袋坐了，個服務員仲大聲講你是一位，讓客人坐得舒適的基本服務都不懂，如果全院滿座，我會多謝你幫我搵位，現在覺得服務只態度超差，不會再去

服務員態度差（人手應該不足）位置好窄食物好難食，檸檬茶冇檸檬，不如直接比維他檸檬茶我飲😂藥膳牛肉湯得苦味&鹽味，好多舊牛肉咬唔爛。嗰炸雞都好難食，唔熱唔脆，食完有渣食完呢次，唔會再幫襯。

假日打算去食下午茶，經過門口見到餐牌嘅食物同價錢都幾吸引，所以就攞飛等位。一間走工業風格嘅Fusion韓式餐廳，以黑色金屬同木為主。《魔鬼芝士·一口炸雞🍗》雞球上枱時熱辣辣，應該係即叫即炸👍🏼外皮炸得鬆脆，而雞肉唔會乾，沾上香濃芝士汁，真係好魔鬼👹令人好guilty😆《柚子蜜糖雞翼(2隻)》跟餐加$10加配。香脆雞翼淋上甘甘甜甜嘅柚子蜜。《雪梨蘆薈蜜》又係跟餐加$8轉做特飲。茶味比較甘，蘆薈爽脆清甜，仲食到雪梨蓉，口感有啲鞋🙈《野菌豚肉炒讚岐烏冬》用上薄切五花腩，肉質層次感豐富。烏冬亦都有煙韌，唔會一pat pat。

本來只是簡單一個午飯沒有打算寫食評,所以沒有任何照片。兩個人午餐,在門口取票等位,但極為混亂。本來前面五張檯的人都沒有出現已經準備叫我們入座,但前2張檯的突然衝出來,侍應叫我們稍候。稍候期間,前5張檯的也回來了,我們又要排在他們之後。合理嗎？兩個人點了一個豚肉粉絲,一個三文魚蟹子炒飯,粉絲味道不過不失,但炒飯完全沒有炒的感覺。最可怕是飲品,檸檬水不就是熱水加幾片檸檬嗎？水中不見檸蹤,只有混濁的顏色以及又酸又澀的味道……連隔離檯的凍檸茶也是一樣,忍不住問侍應“是凍檸茶嗎？”,侍應指“呀,禾地轉咗用阿叔檸檬汁”難怪難怪……大部份檯的飲品都剩了大半。侍應服務亦差,常常捧著食物問各檯有沒有點,單子上沒有寫的嗎？而客人沒戴口罩回答你,衛生嗎？隔離檯兩個少年點了汽水,侍應上了罐裝汽水及冰杯,少年不虞有詐,倒入汽水開喝。侍應走過來問“你係點呢個咩？嚟錯做乜唔講？咁要加5蚊喎！”這樣不算搶錢嗎？不了,這間店,以後都不來了。

A good restaurant with affordable prices. You can have all kinds of Asian foods here, mainly brig the Korean foods. Their must-try is fried chicken with cheese which is steaming hot, crispy and with a dreamy cheesy taste. Teatime offers the best price of anytime throughout the day. I always enjoy their Korean fried rice in a stone made bowl for dinner. The size is huge and it looks nice. Their steak and fries are tender and crispy too. Another must-try. I usually have their cold chocolate as dri

自從疫情關係，甚少外出食飯其實自己都想偷下懶，放下假在長假期間，想食下外賣適逢Open Rice有優惠首次外賣自取可以減$20，所以order咗好耐冇食過嘅《韓樂》。今次叫咗下午茶嘅一口炸雞湯粉絲配熱奶茶，惹味豚肉湯烏冬配可樂和炸薯條一份。只需等侯15分鐘，熱辣辣嘅食物就已經準備好，收到食物後，發現欠了一份炸薯條隨即知會店員跟進，他們樂意加極速地補回給我，值得讃許回家開餐啦！打開包裝，粉麵與湯是分開裝的，好貼心食物仲要係熱辣辣，香噴噴，好味道呀

去唔到韓國只係想食韓國野....去到果陣人唔多...門口等左好耐先有個女侍應帶位落單個陣都係佢....但因為我唔食生野韓式拌飯上面隻蛋...我話要改全熟既煎蛋佢就話餐牌上既野都唔可以改我話咁一係唔要隻蛋...又或者另上佢勁惡咁話...都話左唔可以改餐牌既野其實只係煎熟啲隻蛋又或者係可以慳返一隻蛋到底有幾難無論香港定韓國...韓式拌飯我食過咁多次都係可以轉全熟既蛋最後因為呢個女侍應....我即刻起身走人再上黎open rice....咁多投訴既餐廳下次食飯都係睇左open rice先

假日路經，係門口比餐牌吸引左，入去食茶餐。點左炒烏冬同黑松露滑蛋牛角包餐，味道一般，份量尚可，價錢可接受。場內好大，坐卡位舒服，落單後15分鐘內來齊。烏冬個燒汁偏甜少少，一上枱夠熱，賣相亦唔錯。豚肉片醃得幾香，有幾片香菇。牛角包麻麻，唔熱，食唔出黑松露味，蛋唔算多，生菜有兩大塊，整體食落唔香。熱飲點左熱華田同熱呵力，唔錯，唔會好稀、唔會過甜。另外$10加點薯條，比m記既粗一倍，但唔夠熱又唔夠脆，比上不足，比下有餘，可以唔洗試。服務OK，送餐有效率，但失望既係每次都係同 係門口睇餐牌個時既期望有落差。食物質素係普通。

每次必叫焗雞飯、魔鬼芝士一口炸雞，好好食，同埋呢度有朱古力飲，難得！Very delicious 😋😋😋 早餐無咁好食，性價比比較低，下午茶就比較抵，晚餐有牛扒（雖然全熟比較韌）

今日又係假期...又係訓到自然醒然後去食個午餐既節奏又係去頌富買野順便食埋野韓樂好似多左唔同既野食之前覺得d石頭鍋飯幾好食但今次並不是選擇石頭鍋 因為都幾大碗 完全係食唔曬所以就揀其他野食今次揀左汁煮大蔥牛柳粒味道好食 唔算有蔥味黑椒汁重完全無蔥味 立刻接受到撈d黑椒汁同d飯一齊食正牛柳粒 好大舊 好有口感熟度正常 唔會韌不過牛柳粒正常無根 但唔知點解我食到有咯可能唔係用純牛柳掛不過味道係好食 牛柳粒肉質彈牙泡菜牛肉炒飯d個就一般 真係好有蔥的味道牛肉比較小 牛肉片泡菜都ok分量 但我真的不喜歡蔥而且每一口都有蔥既味道 成日都唔記得走蔥如果無蔥 我估我會覺得好食不過牛肉既分量係真係比較小唔太值得小食 芝士薯條佢用既芝士已經唔係拉絲個隻我記得之前係拉絲的但味道都差不多 配芝士一啖芝士一啖薯條都膩膩地既食得多既話最後叫左兩杯特飲可樂蘋果同芒果蘆薈雪碧可樂蘋果 都有蘋果味 重要幾甜芒果蘆薈比較正常我覺得好似都無左以前既味道並唔係十分難食又唔算十分好食都係normal 野唔算太平又唔算太貴

兩個人去完濕地公園，本來諗住各自回家食晚飯，但係經過天水圍呢個商場嘅時候，又想睇吓有也好嘢食😆。見到呢間韓國餐廳大大間，外邊裝修有啲茶餐廳格局，座位闊落，而且今日假期都有下午茶食，價錢仲好抵喎。我點咗軟芝士餐肉炒珍珠飯，凍檸檬茶點少甜（$ 44）好快嚟到，賣相唔錯珍珠米，煙韌，濕度適中韓式醬汁配餐肉芝士，不會太濃口份量少，下午茶剛剛好粟米，胡蘿蔔中和味道芝士香滿口腔杯凍檸茶好大杯，飲完涼快無比。總體都唔錯。

過咗2點半去食邊有諗過門口仲咁多人成排餐廳得韓樂好多人係門口等好在都唔係等好耐佢有下午茶岩曬我呢啲窮人平既三十幾都有一個餐正常一個午餐都要五十以上泡菜跟餐加$8都算幾大兜幾開胃豚肉烏冬豚肉個汁好香 而且好夠味份量唔少 41蚊 但分量多到我可以食兩餐焗芝士豬扒飯反而呢個份量我覺得相對於少但佢個容器特別如果個飯底係炒飯底嘅話會比較好豬扒飯如果下午茶呢個份量來講價錢有少少偏貴除咗飯同烏冬之外下午茶仲有其他小食選擇誠意推介試佢個柚子蜜雞翼好香口而且好夠味

之前食過呢一間～（係食炸雞脾🍗加薯條🍟$35）覺得質素幾好 幾抵食！所以今次帶朋友再嚟食下午茶 但今次冇咗炸雞髀😖😖因為今次有啲肚餓 所以嗌左個🥘韓式芝麻焗雞扒珍珠飯👍🏼醬汁好惹味 各方面配搭得都好食😋女仔嚟講 份量都夠滿嘅～（男仔可能唔夠飽）🧀魔鬼芝士．一口炸雞我同朋友都睇漏眼 以為一口炸雞配埋薯條⋯點知剩係得個炸雞 所以最後都要再加多$10配薯條 （感覺冇上次咁抵食）薯條依然都係推薦嘅 好食！炸雞就好似上次嗰隻韓式炸雞脾咁 但因為切左一嚿嚿雞皮多咗就感覺d炸雞皮有d硬😕而且份量$35來講淨係炸雞有啲小⋯除非你好鍾意食芝士 配埋啲薯條點嚟食😅