韓樂 (TKO Gateway西翼)

营业中

休息中

好少在外食早餐，除公司外初初有d唔敢入，無諗住會有茶餐廳式既早餐尼件多士 夠脆身，蒜蓉都落得唔少，+3蚊係有d怪，但抵俾既野菌沙嗲牛米是不錯，但相對起蕃茄扁意，就差少少，相較會淡DD

偶然下入黎食個下午茶，order了糖心蛋牛肉飯加$10配脆炸薯條，一客鮮茄焗豬扒飯，再另order一個非下午茶類的韓國風香酥炸雞。先評韓國必食招牌韓國炸雞，對於我黎講，韓國炸雞同廣東菜中的咕嚕肉一樣，一間煮得唔好食的酒樓煮咕嚕肉我會大大扣分，所以呢間餐廳究竟加分定減分，韓國炸雞係全個餐廳我覺得最重要的最具代表的食物。好！癈話少講：menu裡的菜名：韓國風香酥炸雞，唔香唔酥偏硬，汁似韓風實質唔係韓國汁醬，而且上碟竟然係唔熱，微暖及唔酥脆，仲有d炸過籠俗稱的食乾柴的雞，汁也不是一般韓國的炸雞醬，如果100分滿分，呢個加埋期望分，打正旗號的韓國店的要求分，結果得分係35,水準之下下下，幸好只是29蚊。另一個係鮮茄烤豬扒飯，用的珍珠米，無太特別，四平八穩。隨後一客：糖心蛋牛肉飯，上碟不是糖心，是實心的蛋黃，好彩我唔係糖心控，最正係鹵水蛋，點解會係鹵水蛋？費解！！牛肉飯是肥牛再用上韓式燒汁醬甜甜地好送飯，用的都是珍珠米，最正係泡菜唔似泡菜，大佬，唔識整泡菜起超市買包算啦，唔好唔識韓式扮韓菜。不過要讚加$10的脆炸薯條，熱脆好味。總結的係：唔當韓式餐廳去食個牛肉飯算，期望食韓食的實激死。

元宵节星期六晚上大概6点左右去吃，不用拿号码，立即有座位。餐厅的氛围很好，空间很大，座位很舒服。menu很多样化，虽然这间餐厅主打韩食，可是也有很多美式餐点，像是美国牛扒，而且价钱还很划算。我们两个女生每人点了一份石锅拌饭和一杯韩式饮料，再加一份柚子鸡翅，一共才HKD181，没有服务费，实在是太值得了。至于味道嘛，石锅拌饭味道OK，酱汁有两种，芝麻酱油和韩式辣酱，韩式辣酱不会辣。如果有加紫菜的话，这拌饭就更美味了。柚子鸡翅外皮酥脆，有香料味，柚子酱不会太甜，鸡肉不会太干，可是没什么味道。总结来说是一家可以吃的fusion餐厅，价钱公道，下次会再试一下美式牛扒。

「韓樂」貴為將軍澳區內少有的韓國料理餐廳，一開張營業就吸引到區內居民光顧，是很正常的事，就連我這個區外人都不例外，加上我曾經試過同集團旗下的「意樂」，所以驅使我想一試「韓樂」韓國食品滋味。「韓樂」在翻新改名「TKO Gateway」的地下舖位營業，店舖裝修不算亮眼，但位置正正面對着商場入口，很易被市民與街外人所發現，所以開業後已經吸引不少將軍澳人幫襯。但是幫襯「韓樂」之前，我都曾經猶豫過一陣，因為店前「不准攝影」的提示實在不乏威嚇力。另一邊將軍澳新都城韓國菜餐廳「BBQ Chicxxen」，就有惡形惡相，凶神惡煞的「光頭佬」，在店內當眾羞辱喝罵店員客人。我曾經擔心，在「韓樂」會重蹈上次在「東京築X拉麵」的覆轍，又有店員經理粗暴阻止，所以入去時沒有即時拍攝，先看看旁邊食客反應再算。結果給我看到，嘿！旁邊那張檯的食客已經開始舉起手機在拍照！還要不只一張，還有很多人在舉機，都沒有店員經理制止，嘿嘿嘿嘿嘿，我明白了。大概只要不拍廚房，不影樓面，只影餐牌食物，就不會有事發生吧！明知山有虎，偏向虎山行，我先從餐牌開始影相。從「韓樂」的餐牌上，很明顯看到，他們的炸雞有很多款式選擇。「韓樂」先分開炸雞

呢間野之前係包罗万有嘅新一派，转左手之后以為娈左韓國菜，点之系「韓國头，香港底」，茶记有嘅西多士，焗反，公仔面咖啡奶茶應有盡有，重点系又好食又平。下午茶我点个焗朱扒反加即磨咖啡，芝士夠燶磨菇又香，咖啡夠水準，埋單都吾使$40,仲抵过茶记，去边度搵？

呢個柚子雞翼勁好食！必叫！韓國野黎講，都係中意食石頭窩飯，天氣凍食岩曬呀！有醬汁比你自己加，口味自己控制都幾好！我覺得好食過去韓國食，哈！可能岩港人口味！杯啡係即磨，又真係幾好飲！同埋食個拿破海鮮炒飯都好食！不過上網查，原來又是百分百集團的😟

Lunch time .. 就去了試新野啦呢間韓樂好似開左冇耐╮(╯▽╰)╭一入去就有幾個架賣韓國食物，好像裝修得幾靚咁入到去好大個招牌Lunch time menu ~~~ 都算多choice ge 我點了一口炸雞烏冬啦，加兩蚊轉左地獄湯底就咁睇落去，同食落去都唔係好辣姐。。正常的一個烏冬我問多問侍應先記得漏左我的一口雞(冇理由齋湯麵咁dry ga 🙄)之後先補返個雞俾我同我想像中唔一樣...我以為係平時金黃色的炸雞，所以見到就灰左。佢仲要係凍左，粉好多，冇乜肉好失望佢叫左咖哩牛肉飯，正常好多。。正常好多跟餐野飲，幾大杯lol 熱飲黎講啲食具清潔得唔夠乾淨，杯都有點sticky Overall 野食係normal ..其他有待改善喎

第一次幫襯，覺得食物價錢合理，份量都ok，上菜速度都幾快，服務態度都OK食物大多都係多醬。今次食左韓式抄年糕，都幾多醬，而本人唔太中意太多醬，所以覺得麻麻，但係個年糕係唔差，有咬口，如果少d醬就更好。另外叫左份牛排，$118就有一份 但係塊牛排好多筋，配料：薯角就偏咸 仲有溫泉蛋石頭窩飯，唔錯，落小小汁就已經夠味，等到有少少飯焦再食，仲好味海鮮煎餅同韓風香酥炸雞就不過不失，冇咩特別。韓風香酥炸雞就有少少少少辣， 海鮮煎餅都唔少魷魚同蝦。總括而言，價錢合理，份量合理，味道都OK，不過唔好有太高期望

晚上獨自出沒在坑口站，找尋今晚晚餐既選擇，見到呢間新開不久既韓菜餐廳，1個人都要等位，為左食，叔可以等。等了大約15分鐘就有位，看到餐牌價錢都屬大眾化，選擇多，但有點fusion 西餐的成份，看到推介板燒安格斯$98，叔想吃肉!! 就點這個吧。上枱了，5成熟，配上芝士焗蕃茄，薯條，泡菜，蘑菇汁，茄汁，黑椒及粗鹽。肉質很嫩，牛肉味略有不足，5成熟烤得剛好，夠鬆化，落少少黑椒同粗鹽更惹味，好多肉汁，是太多肉汁，多到叔懷疑是泡過水的發水牛扒。

見有新開餐廳，於是去試食一下，原以為是食韓國菜的，不過單看餐牌，西餐比韓菜的選擇更多，最終一行四人，點了一個素菜煎餅，韓式炸雞，人蔘雞，牛肉石鍋飯，辣炒年糕。石鍋飯跟人蔘雞還是可以的，不過炸雞就超一般，如果唔係睇住個樣，都以為自己食緊豬腸粉，辣炒年糕似上海菜多過韓國菜，素菜煎餅煎到燶曬都拎出嚟比客食。加上點菜落單個侍應超無禮貌，好似我地落單叫菜係阻住佢咁，連基本禮貌都欠缺。整體嚟講，如果好想試都可以一試，不過最好預左會嬲住出離，除非你對韓食無要求及對服務質素無咩要求。不過我就唔會再去。

新開張～到今日為止食過4、5次～覺得值得推介今日食下午茶～叫左公司三文治（已經第3次食）公司治非常足料好少可有餐肉+芝士～雖然下午茶～但份量好夠～而且$38 仲有野飲！佢地既薯角都好好味～次次都即炸～（即餐牌上薯條～但開張到而家都冇貨變薯角）最後要推介半溶芝士肉醬意粉！如果中意芝士一定要食！我黎過5次左右，每次都有叫！芝士爆多！料超級足！呢個意粉lunch同下午茶都有架總結：快餐店既價錢，但係絕對比快餐店好味好多！但我暫時都係食lunch同下午茶～晚餐未試～遲啲再補食評

聽我兒甥女介紹, 即管嚟試吓呢個安格斯牛扒, 果然係冇介紹錯, 就算八成熟, 但肉質一啲都唔鞋, 份薯角亦炸得好好味, 凍咗都冇損其好味程度, 配埋杯mocha, 很滿足的一餐飯.

早幾日返晏 又早左起身 心情唔錯就早啲出門食個好啲的午餐！飯聚時朋友提起厚德開左間幾好食又唔貴的韓國野就去試下啦😆午餐選擇有好多款，但我都係選左最愛的咖喱牛腩（sorry 去韓式餐廳食咖哩牛腩真係有啲唔岩channel)但係呢個咖喱牛腩真係好值得讚！咖喱汁好很好濃，配飯一流！而牛腩肥瘦適中，亦煮得好稔！一口一口 好快就食哂成大個飯了！而啲飯上年加左啲紫菜乾同？小魚乾少少硬，但好有口感，令個飯加分不少！

厚德商場改名後，轉了很多新食市。睇曬所有新食市的餐牌之後，最後決定試momoku. 原因餐牌吸引，款式多，價錢亦合理。3人分別點了牛扒，人參雞同豚肉石頭鍋飯。 人參雞最先上枱，味道偏淡，但可以溫泉蛋豚肉石頭鍋飯。個人覺得豚肉好夠味，跟足餐牌教學：等30秒至有飯焦才加醬汁。成功有飯焦，好味！推廣價$118 安格斯牛扒試食了朋友兩舊，即使唔點汁有肉味，抵食總括來講會再試，試埋其中意粉同韓仔小食

在將軍澳這個劣食之都找到一間好的餐廳實在不易。我在將軍澳住了十幾二十年，嘗盡所有不能想像的劣食。今天點了雞肉溫泉蛋石頭飯及黑芝麻冷豆腐，平心而論，有驚喜；尤其豆腐滑到好像吃雪糕，麻醬很特別，很香。石頭飯醬油很地道，用料以六十元一份套餐來說，已經算是有誠意了。平時我很少寫食評，不懂用很多不同的形容詞來形容美食，只會說一聲 - 平靚正！座位略小但不會感到有壓迫感。還有，我今天一點都不覺得這裡服務很差。順帶一提，跟餐那杯咖啡都要給個 like!