韓樂 (TKO Gateway西翼)

营业中

休息中

韓樂 - 如果想選個地方平平地食少少嘢，坐下吹下水，唔趕人走就絕對係好選擇，但如果想食好少少嘅嘢就千期唔好揀呢間！真係大部份嘢都唔好食！1）韓風香酥炸雞 $29 - 粉漿多過肉，就算有肉都仲要係勁乾勁硬！難食到一個點！最後掉咗半碟。。。😫👎2）魔鬼芝士'爆脆'一口包 $35 - 唔知邊度爆脆。。。係d炸到好肉油炸鬼咁硬嘅包，俾你點芝士食，但個面咁硬，都唔係好吸到芝士，點完食，都係好硬好乾，最後又係放棄咗一半😤👎3）香草忌廉煮鮮蜆 $30 - 呢碟算最好食，蜆無沙，忌廉汁都幾好👍4）韓式牛肉炒粉絲 $60 - 呢個叫正常，只係咸咗少少，同d椰菜好似有'叔'味😑5）韓式豚肉.豬骨濃湯烏冬 $48 - 呢個係正常

今日去咗TKO Gateway食Lunch，女朋友想食韓國野，上網一搵就見到呢間「韓樂」等咗五分鐘就可以入坐，入面大部分座位都係卡位，所以都幾好坐，而內部裝修都幾靚，感覺幾好 Lunch餐牌都唔太貴，我叫咗意式辣番茄焗豬扒飯（$57），而女朋友就叫咗漢堡扒番茄濃湯扁意粉跟蒜蓉牛油多士（$45），兩個餐都跟野飲，另外叫咗個韓風香酥炸雞（$29）韓風香酥炸雞好快就到左，應該係一早炸定，個汁味道同喺韓國食到嘅差唔多，甜甜地辣辣地幾惹味，但係啲雞就麻麻哋，皮多個肉，仲好硬添漢堡扒番茄濃湯扁意粉湯底中規中矩，蕃茄味唔太濃，基本上同一般茶餐廳出品差唔多，算ok啦跟餐嘅蒜蓉牛油多士上枱嘅時候已經唔脆微暖，個味道都幾香，尚算合格意式辣番茄焗豬扒飯番茄汁偏酸幾開胃，個飯底入邊有藜麥幾特別但啲豬扒就冧咗啲，如果唔好落咁多鬆肉粉就好啦雖然間野叫韓樂，但係lunch餐牌入邊有一半係西式意粉焗飯，但係食完今餐之後係覺得只係一間用韓風包裝嘅茶餐廳，可能我哋叫唔啱食物喇

黎到麥當勞牙食乜9野好牙，首先扣分條布好臭酸叔味抹台，完全影響食慾。唯有用香噴噴plan浦纸巾自己抺枱，唔搆禁多，點餐開始炒米粉，好食惹味份量少，$60加厘牛腩有咖哩味，ok1芝士薯條l 必食凍飲$10杯3人$160 係味好低昵，

上次試過呢度既蜜桃焗飯覺得幾好食所以都對呢間餐廳印象唔錯今日就黎食lunch啦呢次試半溶芝士肉醬扁意粉就甘睇啲芝士好似乾左不過撈一撈個底就會見到半溶既芝士作為芝士控見到都幾開心但食落就無乜芝士味可能比啲肉醬cover左陣味喇可惜另一樣就係香煎豬扒○流心蛋飯飯既份量好多不過感覺唔夠汁撈男朋友亦話豬扒味道還可以不過咸左啲最最最敗筆係隻流心蛋已經煮到實實地係幾失望既btw我唔食得辣但碗泡菜我都食到少少 !希望下次黎可以食返上次既水準喇

開左禁耐，第一次食牛肉石頭鍋飯，有汁，有教點食呢隻紅當韓國炸雞係甜的，幾好加拿大薯條，$-18加$10有凍奶茶環境係可以的，有fell少食多芝味，ok la 2人前 ，係唔飽姐

以韓國菜式為主嘅餐廳即使喺香港地開到成巷成市, 依然大有市場.呢間韓樂以木為主調嘅室內環境, casual中帶點格調.睇睇Menu, 呢度嘅韓國菜款式包羅萬有, 有石頭鍋飯、韓式炒粉絲、炸雞、炒年糕，連人蔘雞都有.除此之外, 仲有西式嘅炸薯條意粉同意大利飯等... 總括就係大眾化, 即使唔like韓菜就仲有大把選擇~軟芝士餐肉炒珍珠飯 ($56), 以平底鍋上枱, 底層芝士圍邊, 芝士迷望到流哂口水. 芝士帶杰身好濃郁, 配埋餐肉好香. 另外仲有蒽花、蘿蔔、香菇、洋蒽等配料.份量都唔少, 多食會有啲漏.魔鬼芝士‧一口炸雞 ($49), 點呢碟小食唔多唔少係俾個名吸引咗~同樣以芝士舖底, 令炸雞外層沾上芝士, 賣相不錯, 口感夠脆濃郁, 不過多吃兩舊已好想飲嘢~呢度有唔少大路嘅飲品, 感覺俾多$6揀特飲會開心啲.柚子檸檬梳打 ($26), 以柚子蜜加上梳打, 最為解渴嘅飲品.整體味道ok, 勝在款式多, 比起市面上呢類餐廳價錢合理, 難怪有唔少人等位.

提早食生日飯，平日晚餐時段十幾個人都唔駛等位，都因為人多餐牌嘅嘢想試都可以試到。個芝士薯條好creamy，同芝士炸雞、一口牛都係同一隻芝士，好正嘅前菜，食完一份又叫咗一份。芝士一口牛個芝士底係正，不過啲牛就硬咗啲。哩個芒果沙冰好好味，份量夠大，可以兩個人share，必定要試嘅飲品。哩個好得意，味道合格，就係似韓式Gimbap嘅分體版。炒粉絲睇落去有啲太濕，不過味道好唔錯，推介之一。黑松露飯好香，好多菇，歡喜菇類菜式嘅人一定鍾意！

與同事來吃午飯。四個人，叫了三個餐一同分享。三文魚蛋包飯($4X):  三文魚份量算多，蛋不夠滑但蛋味足。韓式炒粉絲($5X): 粉絲份量偏少，不過軟靭適中。味道正常沒大驚喜，但不會太鹹太油，還算可以。韓式雞肉石鍋飯($62): 飯和配料的份量都很多，非常足料。伴入醬汁撈勻來吃，好味。飲品: 熱檸茶的茶味正常；同事說凍咖啡好飲。埋單平均每人四十多元，價錢合理。環境不錯，座位坐得舒適。食物款式多，而且味道算是不俗，不過大部份都不是韓式食品，所以感覺這店似高級版茶餐廳或fusion菜餐廳多於韓式食肆。以整體質素和價錢來說，是可以一試的。

朋友住將軍澳，因為是跟她踐行，而且為了老人家的方便，所以我們去將軍澳吃將軍澳我很不熟悉，所以朋友帶路，來到這家試試。因為 6：30 就到，所以不用排隊看 Menu  很吸引人， 看了看了就知道要點什麼東西了，不知道是不是人手不夠的問題，叫了很久都沒人來Anyway, 上菜速度算是快，但是讓我們驚喜的是食物不好吃，不說還以為自己在吃中式，而且不好吃！！！先講不好吃的食物魷魚蘇，外面的炸粉超級的硬，魷魚沒有魷魚味，咬到牙都軟了同樣 炸雞估計是用一樣的炸粉，沒有雞肉的味道，而且雞肉也很硬，到底我們在吃什麼啊？？？芝士鋦豬扒意粉，這個也很奇怪，芝士居然也不好吃，而且感覺就是跟 "大家x 或 大快x" 同樣貨色，要不我去他們家吃不是更好？！這個是豬骨湯韓式粉絲，完全是中式的湯粉好不好，而且也是味道沒有很讓人想吃，最後還是吃剩下了還好有 啤酒，否則這一餐我肯定沒胃口當然不是全部都難吃，整個晚餐比較好一點點的是石頭鍋飯，如果單點這個還是不會太失望，因為真的用石頭，真的有飯焦，可惜啊 他們的辣椒醬居然不是用韓式的辣椒醬，所以到底你們是韓式餐廳嗎？？？？？

因為家姐係呢邊住所以成日都會嚟附近食飯，今日就試左呢間成日排長龍嘅韓樂啦！價格適中，食物野飲都叫多選擇，但其實似茶記多過一間韓國餐廳嘅。咁我地叫左個黑松露意大利飯同carbonara,兩個都比較漏，3個人share食會好d.冇諗到意大利飯都煮得幾入味，以60蚊嘅價錢食到算幾高質！如果再有黑椒就更好啦。另外carbonara反而有驚喜，煮得啱啱好而且有小小甜，雖然好漏但撈埋蛋食真係一絕，可以再食嘅選擇

近呢幾年韓風不斷包圍住整個香港,我自從睇完一套韓劇開始,食韓國野總要叫炸雞,食炸雞就一定要配上啤酒,相信好多人都同我一樣有睇完呢套劇既後遺症。媽媽見我被韓風佔據,咁啱又睇到雜誌介紹"TKO Gateway"呢間韓國餐廳,價錢勁抵,就立即去試下,我地3個人見到餐牌樣樣都想食,竟然叫左8樣食物,有點誇張吧！柚子蜜糖烤雞翼-柚子味雞翼夠晒清新美味脆炸鮮魷魚圈配蛋黃醬-醬汁好特別有小小辣,唔食得辣點茄汁食都唔錯魔鬼芝士一口牛-牛肉好食芝士唔膩魔鬼芝士一口炸雞-同一樣芝士配炸雞又另一種感覺韓風香酥炸雞-辣炸雞加上韓國hite啤酒真係絕配,不自覺咁又飲多左枝韓式豚肉炒粉絲,香草忌廉煮鮮蜆,黑芝麻胡麻凍豆腐雖然唔算特別,但味道同樣好食!紅豆椰汁沙冰-香濃既紅豆味沙冰,夏天飲透心涼!呢間餐廳雖然唔及正宗韓國菜既味道,但睇返佢用平民價錢而食到咁多款式既韓食,絕對值回票價！

之前行[「TKO Gateway」，無意中發現有間韓式餐廳，不時傳來陣陣誘人嘅飯香，聞到口水都快流下來了，決定下次過來圓夢！是日鎖定目標出發，中午時分客人較多，係自助機取下飛仔後，大慨等兩張枱左右，隨之入座。餐廳裝潢帶lounge風，大部分座位都係卡座，坐得舒服，自然感覺輕鬆自在！睇完menu更加開心，價錢相當大眾化，非常抵食啊……1.魔鬼芝士。脆爆一口包($35): 近似西多士，分別在於炸過嘅方包係切成一小塊，再以熱溶嘅芝士裹住嚟食，情形就似韓式豬肋骨一樣。西多士係甜的，而一口包就帶著濃郁嘅芝士鹹香味，兩者風味各不同; 我就兩樣都咁like嘞！米以為邪惡之物就一定會好漏，情況卻完全相反，我倆一陣就ko了，面不改容，繼續食食食……哈哈2.温泉蛋。雞肉石頭飯($62): 熱辣辣嘅石頭飯，雜錦材料都唔少，有菠菜、泡菜、豆芽菜、銀魚仔、木耳絲、雞肉、温泉蛋等等，一邊倒入拌飯嘅辣醬+豉油，另一邊再撈勻啲材料，温泉蛋液與醬汁完全融入飯中，好靚好食色呀！米飯口感油潤滑順兼入味，簡直香辣惹味又開胃！3.野莱豚肉炒烏冬($58): 豚肉滑口，烏冬彈牙，雖然炒得唔油膩，但較為鹹咗啲！4.飲品($8+$8

同朋友食lunch，叫左個韓風炸雞溫泉蛋飯，第一次見到炸雞係硬到用叉插都插唔入，真係唔知點食。仲叫咗一個香蔥三文魚蛋包飯，普普通通，不過似蝦仁炒蛋飯。叫左個芝士一口包小食，味道都唔錯，但係炸得無以前脆，仲有啲淋。唯一一個好啲嘅係佢個餐飲柚子茶。真係一個令人失望嘅lunch。。。。。。。。。。。。。。。。。。。。。。。。。。。。。。。

柚子雞翼味道真係好出色 柚子甜同雞翼毫無違和感 甜甜地令味道更有層次 半浴芝士薯條亦都算唔錯 雖然偏咸 但芝士味香 不過要診熱食卡邦尼芝士年糕比想像中冇咁溜 年糕亦十分淋身 同樣要診熱食卡邦尼闊條麵則普普通通 但尚算不俗而石頭窩飯則十分咁足料 啖啖都餸 配送兩款醬汁 一個少辣 一個普通燒汁 重點係食左15min兜飯仍然熱辣辣 正嗌左兩杯野飲 1杯凍朱 1杯柚子特飲 又係好fresh個啲fd4個人share以上野食 每人49蚊 性價比高

萬眾期待周末見面：）繼昨日到葵涌廣場掃街，今日靚仔陪我做gym，諗住試吓呢一間韓國餐廳，入到去其實同大部份香港餐廳一樣，乜嘢國家嘅嘢食都有，不過比較多芝士類同韓國嘅食物。我同靚仔都幾鍾意嗰自閉位，兩個人可以坐埋同一邊，對面又冇人。我叫左個番茄濃湯鴨胸雜菌韓國粉絲，配蒜香牛油香草厚多士，同埋檸檬柚子蜜。👍🏻個厚多士做得好好，外脆內軟，牛油溶晒落去個包。另外檸檬柚子蜜亦唔使加錢。個番茄濃湯唔夠濃，同埋啲配菜炒窿咗，加左落去之後成碗都有陣味😒😒😒靚仔食水蜜桃豬扒焗飯，飯入面有啲藜麥配上珍珠米，焗得剛剛好，呢度焗野嘅食物水平一向都幾高。另外加左＄8飲薑檸蜜。成餐如果唔係炒窿咗野就good! 全身軟哂無力咁唔通病咗？哎