韓樂 (TKO Gateway西翼)

营业中

休息中

石鍋拌飯很好吃!! 60hkd 沒有服務費就是底下油有點多 所以一直拌可以讓飯都吃起來脆脆的 餐廳環境也很好 不會太吵 服務態度ok下午茶大概30-40hkd下次還會再來~

呢度裝修有些少模仿酒吧嘅設計，環境就贏晒。韓式豚肉豬骨濃湯讚岐烏冬韓式豚肉味道唔係太差，但有好濃烈燶味，要扣分，豬骨濃湯湯底，個人覺得唔係真豬骨煲，應該係有些少豬骨湯底再加啲雞精，讚岐烏冬唔算彈牙，質素只算普通，只糖心蛋都系普普通通一咬就散晒 。韓式牛肉湯粉絲牛肉算係韓式嘅醃製方法這普通葉好嘅牛肉粉絲比讚岐烏冬範圍彈牙湯底方面應該係即食通粉再加啲雞粉。柚子蜜雞翼脆口，雞肉唔滑，味道OK。熱奶茶過得去，茶味唔濃。總括來講，呢度環境一流，食材普通，味道尚可，以呢個價錢，簡單午餐黎講，都算佢。

韓樂係一間韓式餐廳，卻有中西合璧，各類型的菜式，牛扒、意粉、石頭窩飯⋯⋯值得推薦牛扒，晚上六點後才供應，薯條非常脆，我很欣賞，可是熱氣東西還是個朋友一同分享比較好，牛扒份量不大，卻十分juicy，配菜不錯豬扒飯的份量很多，番茄味道很濃郁，芝士慷慨，豬扒有4件大大件，非常滑，而且不肥，很滿意半融芝士炸雞，這個非常失望，芝士不是芝士味，而是奶味，雞是不知所謂，鞋到一個點，另外是石頭窩飯，份量也是很多，味道還不錯最後是一份小食，胡麻醬凍豆腐，豆腐如同雪糕一樣滑

今日跑完步，來呢度食野～已經第2次來啦! 貪佢多選擇，又抵食！7上次來見到朋友點果d野食都好吸引，好想試～所以今次就再黎試新野食！！呢度的裝飾/裝修很不錯，而且又有卡位，好好坐！叫左個饅魚飯！超好味！！甜甜的燒汁，飯的硬度適中，煙韌的！有粟米粒和菇！口感更豐富！另外，還有呢個超大碟的芝士薯條！芝士汁超多超濃芝士味，仲可以拉絲！薯條條條都炸得香脆金黃，非常吸引！好抵食同滿意的一餐！留意，呢度9:45pm係last order!~

試新野，MoMoKu呢間餐廳環境裝修都非常好樓底高，裝飾陳設餐具很用心，座位闊落座得好舒服，唔會有好侷促的感覺。星期日晚餐時段也唔需要等位，但店員態度一般，需要改善。餐牌印刷精美，另外飲品餐牌部份有半價優惠，我們兩人order了牛肉湯+韓式粉絲（地獄湯底），咖喱牛腩飯，半浴芝士焗年糕，韓風香酥炸雞，凍朱古力咖啡，凍柚子檸檬梳打。上菜速度都很快，5分鐘左右所有食品都已到齊，幾款食物味道很濃郁，但年糕過淋，炸雞非常香脆，一定要試，咖喱似泰式風格，味道香濃，薯仔是細細粒的珍珠薯仔，口感超好，餐廳提供的是珍珠米藜麥飯，有別於其他餐廳提供的白飯，感覺上更加用心，注重健康。此餐廳鄰近地鐵站，我應該會常幫襯的，另外見到有午市餐牌價錢也非常合理，門口位置有售買韓式醬汁，有興趣可以再望一望，價錢也不算太貴。

韓國餐廳一直係小編最愛，呢間韓間新開張即刻試試佢💁🏽🔥韓式豚肉湯烏冬 hkd48 啲烏冬好彈牙，豚肉本身已經腌製過，好入味👍🏿但衰在湯底偏咸，隻蛋都頗出色😊 🔥半溶芝士焗年糕hkd22 🤔呢個完全俾佢個名呃左🤦🏽‍♀️賣相睇落唔差，可惜味道就🌚佢啲年糕係一片片，冇條狀咁有口感，而且好林身，加埋啲芝士完全好唔掂呀😂😂食緊一pet唔知咩既野咁款👎🏾👎🏾 🔥韓風香酥炸雞 hkd29😍 cp值勁高！又勁親民，啲醬汁甜甜辣辣，雞又炸到脆卜卜，唔會好乾身，雞肉又嫩滑，掂架😆 🔥墨魚汁鮮蜆魷魚珍珠飯 hkd62 😀味道唔差，海鮮份量都過得去。不過整體偏淡，唔值62咁貴🌚可以煮番濃味小小就👍🏿 🔥香脆炸薯條 hkd18 💁🏽高質薯條！必嗌！佢食落好似有啲空心，但係即叫即炸，好香脆👌🏾而且連埋皮，同m記個啲相差十萬9千里😂真係嗌得過架😆誠意推介😍

「韓樂」一間走韓風但帶有西式路線嘅食店...某日路過...見人龍無平日咁誇張...一於入去試吓先...食物種類有意粉、咖哩、湯麵...牛肉溫泉蛋石頭鍋飯 $63先叫石頭鍋飯...做得似模似樣喎！最驚喜係中間嘅溫泉蛋！蛋白軟軟滑滑...而蛋黃仍維持半生熟嘅狀態...當移動石頭鍋時...蛋喺碗中左右晃動...相當療癒 =)2款醬汁用嚟淋飯...因米飯調味偏淡...左: 鹹鹹的...好香麻油味..右: 鹹而帶辣...拌勻後...顏色吸引...好食喎...完全唔會過濕....喺飯內有少少幼身魚乾...咬落好香口...韓風香酥炸雞 $29炸粉放得比較多...有幾次只食到炸粉但裡面無雞塊...十分濃味而且甜甜哋...一般般咁啦...魔鬼一口芝士包 $29Woo...望落幾正...有錯覺似炸雞/炸魚...但炸過火...有好幾舊炸到焦黑了...而芝士係甜嘅 @@港式奶茶 x 22杯都係跟餐order...而凍飲 + $3奶濃茶淡...朋友喜歡...我就一般咁啦...店舖門口擺放咗少量韓式調味及西式醬汁...總消費: $127店舖面積好大...但卡位勁多...入店前一定要同職員講清楚有輪椅！好等佢哋記得

今日單車公園野餐行既其中一樣食物就係韓樂啦我地叫左3款食物：柚子蜜糖烤雞翼，脆炸鮮魷魚圈配蛋黃辣醬同埋韓風香酥炸雞 。原先尋日特登打電話嚟問左叫外賣食物要等五至十分鐘左右，但今日落單時個職員又話星期六要等15分鐘……拎完外賣買埋野飲搵埋位坐低, 擾擾攘攘都搞咗成20分鐘, 但呢度啲食物都冇變得好難食都算整得幾好架啦韓風香酥炸雞, 細細件差唔多一口一件食落都幾方便, d甜甜地既醬都幾配個炸雞, 水準ok啦魷魚圈就完全冇魷魚味, 但點埋個蛋黃醬都算過到關既（但個醬盒個口太細啦…）最後推介個柚子蜜糖烤雞翼, 呢個最好食, 甜甜地嘅柚味襯埋烤蜜糖雞翼好夾，正整體嚟講, 食物份量ok, 水準ok, 以咁實惠嘅價錢可以食到d咁樣質素嘅食物其實都算幾ok架呀，始終一分錢一分貨嘛

喺將軍澳要搵餐廳唔難，但咁高質素嘅餐廳都係只此一家！餐廳除左食物高質，服務周到，格局裝修等等都好靚，好寬敞，坐得好舒服。之前來過食午餐，太好味，所以決定晚餐再黎試下。頭盤嗌左炸魷魚圈，個人黎講有點兒怕食魷魚圈因為怕太過韌，好難咬不過哩度嘅魷魚圈，5單止炸得脆魷魚仲好新鮮，好易入口嗌左個海鮮煎餅，好足料，有蝦米，有韮菜，有蔥，有魷魚，仲有一粒粒嘅蠔仔tim! 真係好香口，配埋啲沙津醬，令成個煎餅食完都唔會覺得膩不過如果可以再少啲油就好了烤雞炒粉絲，食韓國野梗係一定要食炒粉絲落足料炒，有東菇片，椰菜，蘿蔔絲，雞柳。啲粉絲好煙韌好好味，而且加上芝麻，好惹味份量足而只係$58,真係好抵食仲嗌左佢地嘅特飲熱檸檬薑茶，叫嘢食嗌就半價都係$13杯，好味而且多薑！2人食餐晚飯都係$161! 好抵食又好好味

學校附近最近新開的韓式餐廳，由於去過幾次韓國都吃得不好，所以個人對韓國料理有一點抗拒。所以開張近三個月才第一次嘗試。從門面看餐廳裝潢企理，內部用餐環境較暗。店員安排了一張長餐桌，座位空間夠闊落舒適。接過午市餐牌出奇地菜式與一般韓式料理不一樣。這餐廳比較多大路選舉，我最後點了一份手工咖哩炸雞珍珠飯，價錢在區內食肆中尚算合理。等待大約十分鐘，食物就送到面前。第一眼看到有感驚喜，整份餐以一木盤上菜，感覺店家有花心思。珍珠米配上海苔絲及黑芝麻，口感滿足之餘更帶有香味。主菜是咖哩炸雞，先嘗一口咖哩汁，咖哩夠濃郁，不會太稀和淡。個人比較喜歡吃辣，略兼辣度有點不夠。但整體是算中上水平，伴飯吃一流。至於炸雞，每塊雞塊也夠香脆，相信是即點即炸的。熱辣辣的雞塊肉質鮮嫩，吃下去夠肉汁，十分香口。整份午餐份量充足，超有飽肚感，十分抵食。

厚德商場改名變身TKO GATEWAY後有多間新食肆，其中一間就係Momoku韓樂。雖然並唔係正宗韓國菜，但係價錢大眾化，食物選擇亦算多款式，都係一個唔錯嘅選擇。餐廳地方寬敞，座位由一至兩人至六至八人嘅卡座都有，而且設計有風格，我覺得有啲似喺海盜船🙄，以木同鐵為主。午巿嚟到，客人好多，我哋每人揀咗午餐一個，配涷飲一杯加3蚊。手工咖喱牛腩珍珠飯，飯唔軟又唔太硬，啱啱好，咖喱幾香唔太辣，而入面嘅牛腩幾多亦幾淋😋。香草烤雞意大利飯，中規中矩，啲飯唔夠淋。香蔥三文魚蛋包飯，只係將蛋，蔥，洋蔥，三文魚煎成蛋餅擺喺飯上面，好乾😑。韓式雞絲炒粉絲，幾香，好味。蜜桃豬扒焗飯，蜜桃甜甜哋配飯好清新，豬扒亦大大份又鬆軟，芝士亦唔少。野菜牛肉炒烏冬，味道唔錯，不過配菜多，牛肉好少😅。野菌白汁焗烤雞扁意粉，雞扒大大件，白汁亦好Creamy，好味😊。

一開始等飛，嗌飛的侍應不斷只嗌3-4人枱，嗌咗6-7張，先至見到有個senior叫佢嗌吓2人飛，等咗好耐，都算了。嗌完嘢食仲嬲，我等咗20分鐘，我問下係咪漏咗單，佢話假期人多，好啦，算～我就再等。去到35分鐘已經好離譜，追第2次都耍我話好快有，但隔離遲過我嚟啲食物已經齊哂，追到第三次，結果足足等咗40分鐘個意粉先至嚟，最後個年糕仲要50分鐘先至到。個年糕已經唔係好味仲要燶燶地。如果唔係同老人家一齊，我一早走咗，未試過食飯食到咁嬲咁火滾！

適逢周末，當然要嘆一嘆下午茶！聽說是與新一派同一集團，但這間賣的主要是韓式食品，店舖裝修貫徹fushion 感，與之前新一派很大分別。下午茶餐牌，除了有韓式小食外，亦離不開茶餐廳的風味。魔鬼芝士脆爆一口包其實只看餐牌不知道它是什麼，只是看到有芝士及推薦的標誌才試試看。原來這是熱騰騰的芝士醬配炸方包。上菜時已聞到很濃郁的芝士味沒想到一吃下去是鹹的！是芝士醬的鹹味！這個配搭挺新鮮，麵包是脆脆的！粗粒花生厚切黃金吐司簡單來說就是花生醬西多士。這個有驚喜！本以為跟快餐店的西多士差不多， 但這個用的粗粒花生醬， 有點像頂好牌的味道，是我非常喜歡的粗粒！而且每一口都吃到蛋香味，非常足料！總括來說，這個下午茶不錯， 價錢親民，而且人流不算太多， 可以靜靜地享受！

今日查完單車七點鐘就去咗呢間餐廳食嘢。之前都去過幾次，啲嘢食又平又好味，仲好足料添。今日食咗一個黑松露意大利飯，海鮮餅，韓國炸雞，薯條，忌廉蜆， 忌廉雜菌意粉。黑松露飯好食，好推介，都只係60蚊多啲，重要啲黑松露味好重，知點解可以做得咁平。海鮮餅都好趣好足料。炸雞好似食緊腸粉嗰啲海鮮醬味但係都唔錯，啲雞好趣。薯條味道似薯角。忌廉集菌意粉好多汁好多菌。個蜆望落碟好細碟，但好好味，放咗啲菌類同埋金不換嘅葉入去，味道好泰式好好味。三個人食每人＄100都唔使 oh sorry唔記得影相

最近才知新開了Gateway，今日和TC坐地鐵來，一出地鐵口已見對面Gateway入口，韓樂就在地下層，我們在counter觀望期間，店員給我們餐牌說如果合胃口入內有位，好就試試。我們要了蒜香煙肉和牛肉豬骨濃湯讚岐烏冬和一客韓風香酥炸雞。雖然吃不出蒜香，味道亦不錯，烏冬少許煮過火，失去d煙韌。TC非常喜歡湯味濃郁又夠熱，2款湯烏冬各有温泉蛋半隻、白家泡菜和飲品。醬汁味濃，一碟$29非常便宜，而且比上次在尖沙咀那間韓式餐廳還要好味。