韓樂 (TKO Gateway西翼)

营业中

休息中

夜晚大約9點到先約友人係坑口食晚飯，冇乜心水就決定食一入商場就見到嘅呢間韓國餐廳。餐廳燈光偏暗，佈置得好有特色，好多懷舊嘅擺設。望望餐牌，有好多唔同種類選擇，又有西式飯/意粉又有焗飯，當然亦有韓國嘢食如石鍋飯同年糕等。另外侍應比較多呀姐而唔係後生仔女，感覺似韓風茶記多啲。魔鬼芝士一口牛。望落覺得好邪惡，芝士多到我流曬口水，但食落…啲牛好韌，咬極都成大舊吞唔到落口。墨魚汁鮮蜆魷魚意大利飯。擺碟精美，亦都好多蜆肉，係比較水嘅墨魚汁飯，食落都唔錯。卡邦尼煙肉炒年糕。超級多嘅卡邦尼汁，加埋有咬口嘅年糕同香甜嘅菌菇真係可以成碟連汁食曬。整體嚟講呢間係嘢食ok嘅高級茶餐廳或者可以叫平價韓國餐廳，可以一試嘅。

食左好幾次都係要寫🙈🙈好多時出到坑口唔知食乜又想食啲特別野,但又唔想食咁貴,都會諗起佢講真,呢間餐廳服務同衛生都走茶記路線😅你懂的~ 但食物真係算坑口區入面唔錯嘅選擇黑松露野菌意大利飯($60) - 一上檯就一浸黑松露味傳出黎😍😍食落個飯都creamy但唔漏,份量岩岩好👍卡邦尼煙肉炒年糕($56) - 呢個好味啊🤗🤗🤗可能係個sauce調得好,整體味道好協調,年糕又切得夠薄,好岩我口味😙蜜桃豬扒焗飯($55) - 男友每次黎都必叫咁滯,不過又真係幾cheese🧀又夠大碟多肉👍👍

假日與友同行，兩個飯桶走經一家韓國料理餐廳，一起吃韓飯。飯桶一叫了一客溫泉蛋加雞肉加珍珠飯。飯桶一覺得這客飯跟一般韓國石鍋飯相差無幾，都是混入一些雞肉、泡菜、紫菜、等等進飯裏去，加上滑溜溜的溫泉蛋，淋些韓式汁料一起吃，珍珠飯未算太珍珠，倒不算黏口，而且因為石鍋存溫存得好，熱度十足。飯桶二的是蟹柳加手握珍珠飯。食材跟飯桶一的差不多，仍然是泡菜、紫菜、芽菜之類的東西，不過肉食轉為蟹柳。只是要用手卷起飯和食材來吃，食味都是雷同，不過飯當然沒有那麼熱，加點韓式辣醬較為提味。這兩個飯，未盡飯桶意。

服務態度惡劣 竟然同客人講(其實每張枱都只會係會得一張餐牌 然後指住其他枱面,你睇到嫁啦)嘩 乜而家d服務態度咁樣嫁咩 同咪野食比較咸 點都唔會比高過3星佢

放工返到坑口區，今晚出街食，泊低架車老公話不如食韓樂。因為之前自己食過一次去食早餐，無帶我去。所以今日話帶我去食晚餐。個鍋好特別，有三個湯底可以選擇。我就揀左芝士鍋😋而老公就揀左牛扒😋同埋薯條好好食！是夜晚餐絕對係抵食之選☺️

真是不吐不快，我雖然未食過呢間餐廳嘅食物，但已經被佢地啲垃圾員工激到一肚火，事源今朝10:30嚟到食早餐，女友同門口員工話兩位，員工語帶不耐煩話:自己揾啦！咁我地咪自己揾囉，入到去坐左一張未執枱嘅枱，因為我地比較趕時間，11點走(其實食個港式早餐想半小時完成，我相信不過分)所以睇左一至兩分鐘就揀啱嗌人嚟寫嘢順便執枱，嗌足三分鐘，企喺度揮哂手都冇人理，執枱嘅執枱，門口嘅繼續喺門口，水吧就喺水吧吹水，最終見到個不停同客人落單嘅員工，我揮手示意，佢就叫我等等，嚟到極晦氣落單，在我枱面嘅嘢亦無執走，之後等左10分鐘，一啲嘢都冇嚟，我知道喺假期對一個唔夠員工，員工又hea做，樓面又會將一個餐一分鐘內分開飲品，麵包，通粉三次上嘅餐廳，等10分鐘係十分鐘係唔夠耐性，但我睇到其他早過我嚟嘅食客都未有得食嘅情況下，我唯有拂袖離開，本想同店員講聲趕時間取消單，但又冇人理，忙有忙，hea有hea吹水，谷鬼氣撇😡，過隔壁食粥，3分鐘嚟齊，更顯出呢間嘢更垃圾。其實今日我睇到呢間嘢食物賣相幾好，都想一試，不過唔係而家，一係改下制度，一係炒哂啲垃圾伙計，希望你們快改善，有機會我會嚟幫襯。

三條友一早約埋聚舊，做咩好？米係食囉😅其中一位坑口人，帶左我哋去MoMoKu，食韓式餐廳，但似茶餐廳feel，起碼早餐似囉，例如公仔麵改稱為部隊麵，煎蛋就叫煎焗留心蛋。我哋叫左兩客鮮奶燕麥片配雙蛋蒜蓉包，及雞肉磨菇腸意大利番茄濃湯通粉；先講客鮮奶燕麥片，賣相八十分，味道八十八分，燕麥片如杰返少少就好，味道對我嚟講啱啱好，半片蒜蓉包食到牛油及蒜香味，個包有厚度，包肉軟軟地、包邊脆脆地，唔錯；個番茄濃湯通粉個湯底比較酸左D，最攪笑原來雞肉磨菇腸係一片紙咁薄嘅cold cut，估唔到😓三杯熱飮夠大杯，加分。

今日帶父親大人去食午飯， 途經這餐廳， 見裝修頗為特別， 非一般茶餐廳設計， 感覺是一間港韓式餐廳，亦算得上食混合菜的茶餐廳。吸引顧客呢! 今日是星期六，菜單有午市套餐提供。點了蜜桃豬扒焗飯; 泡菜牛肉炒飯及韓式雞絲炒粉絲，每份餐附餐飲， 點了即磨咖啡﹑ 熱奶茶﹑熱檸檬茶。父親讚咖啡很香滑， 蜜糖豬扒焗飯不單味道好，有蜜桃﹑豬扒還有加入芝士焗，烹調時間亦要多一些， 客人要耐心等待，而且份量多， 有3塊豬扒呢! 如果胃口小， 可以分給倆人食。 泡菜牛肉炒飯份量相對少了三分之一， 做法不同， 不可相提並論。 味道亦各有不同， 泡菜牛肉炒飯當然有泡菜，自然帶有辛辣﹑香口，配有很雜菜， 如泡菜﹑葱﹑大紅椒等。

上次食完晚餐之後就好小再幫襯😂今次咁岩撞到時間，冇野食既情況下都係食番佢🤭👉🏿✨特選鮮奶滑蛋三文治 Hkd 28💸📌烘底加1蚊，係真係幾滑既，同埋入面都茶左層多士，食落口感更加豐富👍🏿算係咁啦！👉🏿✨仲加10蚊要左個香脆炸薯條💸📌加拿大運過黎係真係鬆脆啲🤣過下口癮都唔錯既～👉🏿✨魔鬼芝士。一口炸雞 Hkd 32 💸📌啲芝士係整得幾好吃✨不過啲炸雞就得炸粉同埋超級硬！🤦🏽‍♀️真係唔食好過食

午餐時間嚟到呢度食飯，其實一向我都唔太喜歡韓國嘢，不過呢間野開咗咁耐我都未試過，所以來挑戰一下。睇吓餐牌，由於個人唔太好韓國嘢，爭啲揀唔到，最後揀咗個雞肉石頭鍋飯。就咁睇相覺得好吸引呢？佢上菜嘅時候我都有少少吃驚，個賣相真係好靚好多料，50幾蚊算係咁啦。要讚一讚嘅係個溫泉蛋超靚，仲有點解有少少特別嘅驚喜呢，就係佢個飯，真係珍珠米嚟嘅，仲有仲有最重要嘅係佢加左藜麥係入邊。好少見有食肆會加呢啲健康產品係入邊，即刻覺得成個餐健康晒。個石頭鍋熱辣辣，熱但唔會係超熱，所以係有飯焦但係唔會係窿飯焦，呢個都要讚。其他味道方面，有啲淡，我諗可能佢預咗你會加兩杯汁落去調味，果兩杯就係響張相右上角兩杯銀色嘅嘢，一個咸咸哋一個辣辣地。不過今餐我想食得清淡所以我冇加落去。其實都幾貼心，調味已經係汁唔係醬，任你加唔加都得。假如佢餐牌上面有更多選擇，我會再去食。

快快食個午餐，所以黎左呢間好多位的韓國餐廳，不過落完order都要等左10分鐘先有得食。打開Menu都有好多午餐選擇，快快地揀左韓式必試的咖哩炸雞飯同一個焗蜜桃芝士豬扒飯。咖哩炸雞飯就一般，炸雞的皮係脆的，不過味道一般，炸醬太厚，咖喱都太鹹，所以整體都不太滿意。焗蜜桃芝士豬扒飯好大碟，用鍋上的，保持好熱，有三塊豬扒，都幾冧，味道ok,係炒飯底， 芝士太多，好漏，加我都食唔哂。熱咖啡就最滿意，因為好香滑，唔錯！

韓樂開業之初，見到有不少食客候位，一直都想試試光顧既然這晚9pm的late dinner沒人輪候，就來嚐嚐晚餐吧！店名叫韓樂，當然不失韓風食物，如石頭鍋飯﹑人蔘雞﹑韓式件糕和炸雞等但我和老公最終在餐牌上，選擇了西餐，半點韓風食物也沒有～我選了香草忌廉鮮蜆煙肉扁意粉，加配凍柚子洋薏米(加配飲品半價)老公則選了板燒安格斯牛扒，配Max Beer香草忌廉鮮蜆煙肉扁意粉，配料多除蜆和煙肉外，也有菇菌和洋蔥，增添意粉的香氣蜆的份量不會太少，但蜆肉不算厚大扁意粉質感爽滑，不會糊糊的淡淡的忌廉味道，吃完整碟意粉也不會覺得膩！板燒安格斯牛扒，配泡菜﹑薯條和芝士焗蕃茄，選了黑椒汁牛扒雖不算好大塊，但夠厚身，燒得剛好，充滿肉汁7成熟也不會粗糙～～不沾黑椒汁來吃，也有香濃的牛味～～沾黑椒汁就更提味！粗身的薯條又熱又脆，好香薯仔味，也不會過鹹～～凍柚子洋薏米，即柚子蜜加薏米柚子蜜的味道沖調得剛剛好薏米煙煙韌韌的好有咬口！！果然和意樂屬同一集團點西餐就確實夠穩陣大概要再找機會嚐嚐其韓式食品呢～～

上星期日放假又去左行下街見到TKO gateway間韓樂Momoku好似好吸引又有tea set就去試一試餐廳裏面有好多人差唔多都滿哂叫左兩個set一個係卡邦尼煙肉扁意粉另一個係芝麻烤雞炒珍珠飯卡邦尼煙肉扁意粉卡邦尼嘅果唔算好重 不過勝左有好足嘅磨茹同煙肉所以食落好香口芝麻烤雞炒珍珠飯雖然貌似無咩配料不過炒得好香好濃烤雞味真係好surprise 只係兩個tea set份量都好足都唔使叫其他小食了

今天入坑口做D野，順便食個lunch 。脆炸薯條 $18粗粗的薯條，即炸即上，好脆，好熱辣辣，唯一美中不足就是比較油，幸好亦好快售罄。蕃茄濃湯雞肉蘑菇腸烏冬+煎焗流心蛋 $46完全是預期之外！！初初一上枱，我們還以為是送錯了，仲問侍應我們叫的是雞肉蘑菇腸，這不是呀！當侍應很確實confirm 我們這就是了！真的有恍然大悟和失望之感！當然我們都要俾機會它，可惜，都是難以挽回信心。一口炸雞豬骨讚歧烏冬 $51典型韓式炸雞，味道不錯。

係屋村商場內的韓國餐廳，見野食唔算太貴，就同朋友試下餐牌：野食選擇都算多，不過野食都略貴，不作考慮。魔鬼芝士一口炸雞（$49)芝士份量足，但唔算太惹味。炸雞外皮有少少淋，不過冇食到成舊炸粉，粒粒都真係雞肉，都算性價比不錯韓式烤雞炒粉絲 ($58)呢個有少少失望，太多汁令粉絲太濕，醬汁亦唔算好特別。我地仲食咗海鮮香蔥煎餅，算係幾好味，真係有食到魷魚係入面。不過調味料加醬汁有少少太重手，令味道好咸。雖然菜式唔算太貴，但味道都幾一般。不過店員都好友善，上菜亦快。