韓樂 (海之戀商場)

营业中

休息中

今日去韓樂嗌左個芝士炸雞及芝士西多士🤣🍗簡稱肥仔套餐🙈😏芝士炸雞：不過不失，炸雞本身唔錯但芝士汁麻麻芝士西多士：呢個正！🤩🤩🤩芝士味足，配上糖漿，多重滋味～

呢個檸檬茶呢隻最好飲嘅第一，第二呢就係嗰個薯條都係好好食，個炸雞都係好食。薯條點茄汁就係一般，最好呢，買埋炸雞嗰個芝士嚟點。跟住呢仲有嗰個肉醬意粉呢都係好好食㗎。

嗌咗韓風香酥炸雞配豬骨濃湯烏冬做午餐@炸雞食落外酥內滑，配上韓式辣醬，淡淡辛辣味，滋味十足！ 湯底有少少胡椒粉味，令豬骨濃湯多咗啲特別〜烏冬彈牙，幾好味😋值得一試

以韓式餐廳黎講，4個人食個晚餐，人均都係$100有找的時候，呢一餐真係好抵食！環境：燈光微暗，配合晚餐。衛生：桌面有少少抹得唔太乾淨，和椅仔有上一位客人的食物殘餘物。服務： 不過不失，唔會因為你猶豫不決，而發出奇怪的聲音⋯ 但為咗令你可以感受到有抵食的情懷，會有少少個人心得和意見提供俾你作為參考（請跳到最後）食物方面：叫咗咁多野食，大約都係$350左右。比較難忘係柚子雞翼和人蔘雞湯（飲完先記得要影相）其它參考相如下：個人俾的少少建議：1、請認真和有耐性地聆聽店員覆單。你會懂的。2、當店員上餐的時候，建議客人唔好掛住傾計。個人親身所見：因為店員只會就自己方便，而唔會在適當的位置上菜。 如佢哋會比較傾向係有透明隔版的和空間較窄的位置上菜⋯ 或者係因為這一邊就方便右手上菜時，個身可以對住客人，相反另一邊無透明隔版、地方較寬闊，用右手的話，要背對客人，但個身對住客人時，左手又無咩力。3、坐在近通道的坐位時，盡量離椅背最少有一個半嘅拳頭位，避免收餐具的車仔撞到你。寧願佢撞到椅子背好了。

昨天同老婆中午去了海之戀商場行某日式超市買東西，買完有點肚餓，就去找下有乜好食，經過韓樂呢間餐廳。見有人等位，餐牌食物又好像不錯所以試一試。等了30分鐘左右有位。入到去坐低冷氣都好勁。睇完餐牌叫咗三樣嘢。汁煮大蔥炒牛柳粒，韓式豚肉野菜炒粉絲。小食叫了一個半溶芝士脆炸薯條。上餐都好快。豚肉野菜炒粉絲味道都不錯。我叫嗰個牛柳粒。味道尚算ok。但係覺得牛柳粒嘅數量唔係太多。但小食那個薯條真的不錯。埋單都係160元左右。可以接受的韓式餐廳。係冷氣比較犀利一點。所以食完都嗱嗱臨埋單走人。可以有下次！

去荃灣做嘢 順便西鐵站附近食個lunch一嚟到海之戀商場 外面招牌已經見到韓國嘢即刻睇下openrice簡介可以AlipayHK/八達通⋯付款毫不猶疑 即入！嗌咗好抵食嘅「人蔘雞湯飯送嘢飲」$59又嗌咗「牛柳鐵板燒」$62唔洗用cash咁方便，下次都直接入嚟唔洗諗喇！

上一次吃過下午茶 韓式炸雞粉絲 覺得價廉物美$39。 以為是意樂集團有信心。今次再點韓式炸雞粉絲 炸粉是凍的 部份雞肉是黑色。應該是準備腐壞。以為用炸粉包住食客吃不出問題。簡直一分錢一分貨，$39 買個漢堡包🍔都豐富過。亞洲人常說炸的食物是不新鮮，用炸粉包裹看不出。I cannot imagine that, first time I visit this restaurant, ordered the hi tea fired Korean chicken glass noodles, the chicken was fresh and tender. This time is my second visit, the chicken meat inside the batter is black in color , obviously is rot meat. I thought this restaurant is under momoku group, but it did not give any confidence to me, a poor dining experi

第一次食韓樂，咁啱行開海之戀就入去試下，入面地方好大，座位都好多，坐得好舒服，本身都係為左個肉醬意粉先入去食，所以我就點左下午茶肉醬意粉再加$10嗌多個薯條，野食好快就送到，肉醬意粉超多芝士，應該用左兩款芝士組成，但我個人唔太喜歡，因為佢無乜點拉絲既感覺，變左芝士醬，我自己就麻麻地啦，食左三分一就放棄了，至於個薯條，就一般啦，薯仔比例比較多，唔係我鍾意食嗰種，但唯一可以讚下既，係杯凍咖啡，好滑好香，好好飲，埋單食左$51，真心好抵食

同朋友去荃灣新地標海之戀行Donki肚餓梗係醫肚啦 啱啱喺下午茶時間睇下 有乜嘢好食先有間磨蘑菇寒暖喎有啲咩食嘅韓國嘢我啱食喎咁就坐低啦入去 唔使等位呀 嘩個餐牌真係好吸引呀 吸引到我唔記得咗影相囉 我哋點咗啲乜嘢呢話因為實在太平喇所以點做都幾多嘢㗎牛肉糖心蛋飯39蚊、半溶芝士脆炸薯條29蚊、魔鬼芝士一口炸雞35蚊 、 吉列脆炸魚柳脆炸薯條 33蚊全部都跟飲品， 我哋就叫檸檬茶啦🤭 有啲嘢有冇叫到都飲唔曬啦🤣😂吉列魚柳炸薯條真係脆卜卜魚柳好新鮮配埋個沙律醬簡直一流33蚊下午茶真係好抵喎包埋杯嘢飲出面都應該冇呀 仲有就係 一口炸雞好味到不得了喎簡直想叫多份不過好過份囉 仲有薯條嗰啲芝士醬真係冇得輸呀好味到一個點呀 糖心蛋好正個飯細細碗ko咗啦又有少少飯焦喎簡直好好味呀韓式嘢有咁正嘅選擇真係唔錯呀得閒要多啲嚟順便行埋Donki吖嘛

📌 荃灣-海之戀商場📌 韓樂 Momoku 去荃灣行街然後沒有想到食什麼，見到什麼就食什麼😛🌸 半溶芝士鮮茄肉醬扁意粉超邪惡的菜式，一大塊的半溶芝士在面，下面是一塊熱的鐵板，食的時候要小心，不過更能使芝士處於半溶狀態，更能拉絲，肉醬粒粒都多，香味都好吸引，再加上底層有蛋漿，拌起意粉，使整個菜式味道更為岀色👍（如果個量多點更好）😂🌸韓式牛肉野菜炒粉絲這個菜等得需時，不過岀來效果都不錯！外相整齊乾淨，配料不少，顯得色彩繽紛。粉絲屬於有咬口，偏濕潤，一點都不乾身，也很喜歡😂牛肉數量不算太多，但整體都很入味🙌推介指數： ⭐️⭐️⭐️⭐️

難得公眾假期屋企人放假 梗係要出街行下食下野咁啦 咁岩行開海之戀Donki 又諗唔到食咩 路過見到呢間韓樂既食物款式都幾多 乜都有 價錢都唔貴 餐廳入面又坐滿人 咁應該唔會太差掛 門口又有堆人排隊買豬身同燒雞 咁就入去試下啦 原來唔洗等位 直接有位入得 餐廳都幾大下 座位數量都幾多 但侍應就真係冇幾多個 眼見得四個 門口收銀一個 入面得三個 啲枱人走左但就冇人汁枱 一坐底 見到枱底好多垃圾 感覺都幾污糟下 張枱都唔太乾淨 餐具都杯都比較舊 對呢度既食物已經冇乜期望再睇睇餐牌 真係好多選擇下 有西式既飯意粉Pizza牛扒 韓國既石頭鍋飯人蔘雞等等......我地叫左一個滋味雪耳人蔘雞 一上到枱熱辣辣出晒煙 個湯飲落幾鮮甜 雞係得半隻 不過味道都唔錯 食晒岩岩好夠飽仲叫左個烤西班牙豬鞍扒配薯條 呢個係餐黎 會跟埋果仁柚子沙律 仲有杯柚子檸檬蜜 一上到枱塊豬鞍係好大塊下 賣相都唔錯 食落都幾好味 望落以為好乾身 但食落又唔會話好乾身 唔會好鞋 但呢塊應該唔係豬鞍黎 似係普通既豬扒 薯條黎到個陣已經凍晒 不過又幾好味 但跟餐個杯柚子檸檬蜜味道真係唔太好味 飲落怪怪地 前菜個果仁柚子沙律食落啲菜

日日都去食早餐，食物服務都好好！唯每次叫凍飲都每給你無盡的冰，叫少冰或少冰x4 都沒用，有次仲聽到水吧姐姐話：打咁多次仲咩，睇到眼都花埋！（你見到架咩😡🤬🥵）真係唔知講咩，希望改善下，聽下客人需要！

我同我老豆去海之戀食飯，見呢間野好多人去食咪去食囉。入到去，見個服務員係度抹檯，叫我地係走廊等著陣。就係等緊嘅時候，出面樓面叫左下一號飛嘅人入嚟，之後再叫返佢地出去。坐低後，我叫左一份牛排套餐，我老豆叫左豬排套餐，兩個人都係飲凍柚子檸檬蜜。我從入去嗰刻就覺得呢間野個氛圍好似茶記，但係間有韓式裝修嘅茶記囉。服務員俾嘅嗰杯水裏面係有一粒黑色野係水入面浮下浮下，叫佢地換水救叫左幾次都冇換。跟餐嗰杯柚子蜜根本冇蜜，飲落同凍檸水一樣味。侍應送沙律嗰陣時根本唔知送去邊，拎住盤嘢係我地嗰邊不停問你有冇嗌到。嗰盤沙律陣味好奇怪，咬左一啖就lur返出嚟。我份牛排叫左7成熟，出嚟嗰塊係5成熟，重要係凍㗎！！！薯條都係凍嘅！佢地俾咗個兜裝茄汁，嗰兜入面係有水㗎！簡單啲講，分餐係凍㗎。我老豆嗰份豬排係熱嘅，薯條上面嗰啲係熱嘅，下面都係凍嘅。啲檯距離近到可以拎埋隔離檯啲嘢，餐具又唔齊。餐廳管理混亂，食物質素不佳，衛生不佳。百幾蚊茶記就話算啫，三百幾真係不了啦

-之前還好 但係依家態度仲差過傳統茶記-講真呢啲價錢本來就唔應該奢求有服務但係以前就係因為佢平得來又有正常服務先幫襯-今日10:45去到已經乜都冇得食 冇包 冇魚 叫乜冇乜-跟住叫嘢飲嘅時候 個阿姐好專心咁撳機 我冇留意 講嘢飲嘅時候 竟然大大聲叫我收聲-食緊嘢嘅時候 有客人係出面等 另一個阿姐又好大聲咁講 冇位喇 唔想等就過主啦-埋單我有現金卷 佢就話咁少錢就比現金啦 死窮鬼 我窮又關你事 用卷就窮 叫你公司唔好派啦太精彩喇 我完全感受到親切嘅待客之道

就而言食物味道okay嘅，但服務態度真係好唔好，由落單開始一直到埋單走都係差，落單時問佢可唔可以俾多個餐牌嚟睇，佢話好遠，落完單至去攞喎，我單都落完，仲洗咩餐牌啫！叫佢攞碗仔，佢叫自己去攞，咁我自己行去攞完問佢俾多兩隻义，佢話好忙喎，最後杯嘢都未飲完，佢哋拿拿收枱，一嘢攞埋仲有半杯嘅飲品走，叫住未飲完喎，佢一嘢放番低，大姐呀，疫情呀，收枱員同上菜員要分開㗎！佢之後話沖過杯俾我哋，都走啦，咪話咁攞走吧，佢話咁要收1蚊外賣喎！我哋唔係要5星級服務，但唔好差到咁囉！正所謂己所不欲，勿施於人，你哋自己出去食嘢人哋咁態度服務你，你自問可以接受嘛！味道就算好，但態度咁差，生意唔係咁做嘅，冇下次(當然預埋如果你睇到呢個post你一定話自己係冇錯，仲會話唔care你幫唔幫襯呢個反應)。