韓閣 (富裕樓) (已結業)

店子是最有感覺，跟朋友晚上到這店，環境仿照韓式街頭風，有韓國風～店子推出多款小吃，也有很多韓國出名食秒～包括辣海鮮豆腐湯、部隊鍋、人參鮑魚雞湯，估唔到黃大仙都有好野食，今次黎到新開既韓閣黃大仙分店食靚靚下午茶傳統泡菜和小芽菜，一到點好餐便有。韓式拌飯牛肉份量很多，香氣撲面。牛肉炒到嫩滑，芽菜味道，令口感更豐富！水梨牛𦟌水冷面水梨牛𦟌水冷面是夏天吃的，煙韌水冷面加上牛𦟌，好吃～汁是甜甜酸酸，令人感到清新～加芥辣醬有少少辛香，更加開胃。芝士泡菜手卷吃韓國美吃會點的飯卷，店子飯卷用料好豐富，有不同味道的～雜菜，豬肉和牛肉，點了個蟹，配料很夾，棒，配埋濃濃的芝士和泡菜吃，惹味韓式芝士拉面紅蘿蔔、椰菜、洋蔥炒得香香，拉面口感亦彈牙韓式餃子抵吃，餡料是豬肉白菜，有點碎粉絲，重要是多小吃以優惠加配，吃多也不會貴晚飯時候算多人，場內貼住韓國海報，播韓文歌～食物選擇很多，炸雞、飯、小吃、火鍋，不貴，份量足夠。朋友看到店出現金券優惠，店子的現金券很抵，做了一點優惠，愛吃韓國東西必買，棒！旦餅口味配搭眾多，五花八門味道～棒！今次吃得很多，不點了吃飽不用掃街，朋友想去韓國，來這店也有同樣的快樂，很好～

和同事完成執倉工作後非常餓底突然又超級想吃韓式炸雞決定到這家親民韓食小店享受晚餐甫坐下就狂點菜式Menu有太多選擇我們點了半份甜醬油炸雞、一客海鮮煎餅、一份鐵板牛仔骨及燒蟹膏軟殼蟹手卷個別主菜可以以優惠價點選飲品同事真的很口乾🤣點了一杯大Hoe Size 凍檸茶都只是加$18 大大杯真係又抵飲兼好治癒帶骨炸雞外層炸得非常酥脆而且粉漿又不過厚肉嫩之餘亦有濃香雞咪醬油味道濃而不鹹並帶有適中的甜度甜香惹味非常好吃韮菜海鮮煎餅內裡軟糯外邊脆口材料豐盛而且粉漿感不重一人份鐵板牛仔骨份量很多牛仔骨大大件用甜醬汁作調味如果配白飯吃應該很不錯燒蟹膏軟殼蟹手卷非常實正軟殼蟹炸得很香脆又鋪上了滿滿的蟹籽配合燒蟹膏後蟹香更顯濃郁口感豐富又好味整體食物份量大方又高質性價比亦高不錯

叫左甜辣醬芝士炸雞，芝士唔香，甜辣正常(現成貨)，雞就食岀好重醃料味，cum哂所有醬味另外有個咩醬油雞配粉絲，成個野好似煲湯瘦肉，煲湯紅羅白同薯仔，d雞碎哂爛哂，係個底既粉絲，脹哂，係脹到一夾就爛哂。真係俾狗食。仲有叫果個軟殼蟹泡菜手卷，諗住真係同泡菜，點知係泡菜汁，不過整體呢樣都算係咁。野飲就叫左個抹茶紅豆鮮奶，個甜度係誇張甜。仲有叫左杯波羅冰可樂，姐係波羅糖漿加可樂，58蚊睇下你點諗。其實你地有幾間分店，以為都會有d水準啦，但都會搞到我平時唔打食評既人走上黎講，真係各位師兄睇路，唔好中伏。

那天週末，一早同太太煩惱地想找一個地方陪孩子們去走走。結果，我們想到了一個我們每次開車經過，一直掛在嘴邊說要去而又未有動力去的地方。那就是南豐紗廠了。當日，我們沒有去研究南豐紗廠內有什麼好食，之後，決定在路德圍一帶找找看。最後，我們看中了這一間叫《韓閣》的韓國餐廳，先開心地醫飽大家個肚。我點的餐，有一碗牛骨清湯。有少少昆布也有少許的蔥，清淡得黎又有足夠的鮮甜味。簡單一說，這是例湯一碗，沒什麼感覺。給小朋友的小食中，有烤西檸雞鎚。一支骨，很方便給小朋友食用。口感香脆，味道濃郁得黎又有少少檸檬香，不錯。另一個小食也是雞，是芝士蘑菇烤雞翼。因為是釀雞翼，而且釀的是芝士加蘑菇，所以成份雞翼都好 heavy，一隻，阿女已經半飽。兒子的飯餐，是韓式牛肉石鍋飯加芝士。本來是一個很普通不過的韓式石鍋飯，但加上了芝士之後，就立即令這飯變得很邪惡。不過，加上了芝士之後有少少喧賓奪主，失去了牛肉飯的原意。雖然都好食，牛肉亦夠香，但因為這芝士，令到牛肉變成了配角。雜菜石鍋飯，是很傳統的蘿蔔絲，菠菜，翠玉瓜，芽菜配搭。利用石鍋碗子的餘熱把所有東西再拌一次，把蛋拌到半熟，加強了蛋的香氣之後，再加上豉油同辣醬，就非

之前食過幾次，今晚再次同朋友去食😀😋😋揀了炸雞半半。。可以揀兩款味炸雞～.炸雞半半$228🧄🧄🐔好味度：⭐️⭐️⭐️本身揀左蜂蜜牛油味，最後呢個味有d 蒜蓉味，見個味咸咸地同埋個蒜蓉味都好明顯😂😂不過是好味的😀.甜辣炸雞🌶️🐔好味度：⭐️⭐️⭐️⭐️.泡菜煎餅好味度：⭐️⭐️⭐️上次食個煎餅有d 硬，今次的煎餅好味，泡菜都多，比上次的好味😁👍🏻.牛肉雜菜紫菜飯卷好味度：⭐️⭐️⭐️⭐️.雜錦蛋卷好味度：⭐️⭐️⭐️⭐️都好鍾意食佢呢間的蛋卷，呢一款第一次叫，都好味😁👍🏻.部隊鍋好味度：⭐️⭐️味道ok, 但好油。。真的好多油😂😂😵‍💫.橙汁菠蘿梳打🍊🍍（左）蝶豆花特飲（右）.蜜桃冰茶🍑🍹.茉莉金橘蜜有dd 偏酸😂🙈

體驗極差，永久blacklist。Lunch入座安排位置時已非常亂，其中一個著便服應該係老闆就指示去角落，另一個著制服就指示係門口位。最後入座門口位，自動門一直開關，室內冷氣又不夠凍，非常熱。因為仲有幾個卡位同枱，就舉手表示想轉位，完全不受理會。最後講左第三次先開大個冷氣機。冷氣機開大又開始滴水。到食物上枱，淡而無味，同價錢完全不相符。最後一路食，一路滴水，要行出去同經理講先可以轉位總結:要服務無服務，要食物質素無質素。

荃灣嘅路德圍附近一向多美食，今次朋友介紹我食呢間特色韓國餐廳，價錢親民之餘仲物超所值！🥗柚子蟹肉沙律 $68新鮮蟹肉配上清新柚子，加上爽甜嘅沙律菜，口感夠fresh!🍲酥炸軟殼蟹拼雜錦炒烏冬 $82軟殼蟹夠晒酥脆，加埋多款雜菜配炒烏冬，健康又惹味！🦀燒蟹膏軟殼蟹籽手卷 $88燒過嘅蟹膏鮮甜微鹹，完全唔腥！配上香酥軟殼蟹及結實嘅飯卷，令人食指大動！🐤三重芝士炸雞 $118韓式炸雞一向聞名，熱辣辣炸起，夠脆口！配埋重量級水牛芝士、車打芝士和巴馬臣芝士打造而成嘅三重芝士，陣陣咸香及強勁拉絲效果，超邪惡但又引唔到口😍☕️400次咖啡 $28（跟餐加配價）400次咖啡又名手打咖啡，上層嘅奶泡由糖、咖啡粉製作而成，經過400次嘅攪拌後，奶泡先至會變得濃郁，呈現焦糖色，入口奶泡綿滑且咖啡味濃！

荃灣路德圍嘅韓閣，有便價得嚟又好食嘅韓式料理。每枱仲有泡菜同芽菜作為前菜。燒蟹膏軟殼蟹手卷面頭有滿滿且帶有鮮味嘅蟹膏，還有脆口嘅炸軟殻蟹，蔬菜和米飯。整個手卷的口感非常豐富，蟹膏的香味和蟹肉的鮮味非常搭配。整個手卷的份量也非常足夠，吃起來非常滿足。蕃茄帆立貝海鮮湯湯裡面有帆立貝、青口、白蜆和魷魚圈，仲加咗$15叫韓式年糕同菜。整個湯的味道非常清甜，蕃茄和海鮮的鮮味非常搭配，讓人吃得開心。湯裡的海鮮也非常新鮮，帆立貝的肉質非常嫩滑，青口和白蜆的鮮味突出。最後是韓式雙重芝士蛋卷這個蛋卷面頭舖滿芝士，中間有一啲蘿蔔蔬菜，口感非常豐富。蛋卷的口感非常軟糯，和芝士的口感非常相似，讓人吃得非常滿足。青檸柚子蜜 橙汁菠蘿梳打而家仲有$50現金券優惠，買一本$500（給總共十張）現金券，就可以減$100。如果買三本各$500嘅現金券，就減$300之餘仲送一份韓式豬手添。

韓國菜對我而言就是有種儀式感唔會好似日本野日日都想食但總會係一個突然期來的moment好想來一點來自韓國的儀式感唔知你地有冇同感🤣🤣🤣今次都係一行二人突然醒起荃灣有間朋友推介性價比高既韓國餐廳韓閣 (富裕樓) =====================位置🏠餐廳位於姐姐假日集中地->力生廣場地下，荃灣地鐵站A出口五分鐘內就會到，荃灣地膽定我覺得好易搵，不過如果唔熟路嘅你，建議都係問一問人力生廣場喺邊🤣菜式選擇📜對於選擇困難症嘅人，通常都會代入咗套餐陷阱，包羅萬有，而且感覺一定食到最推薦嘅🤣一行二人叫咗一個二人炸雞套餐再加多個水冷麵套餐包括1️⃣韓閣特調辣醬炸雞（半份）- 雞件有八件，特調辣醬同甜辣有分別，呢款係偏辣少少，唔好叫錯呀😏呢個口味係套餐特定嘅，見到佢嘅炸雞都好熱門，好多人叫芝士炸雞，下次再嚟使吓佢！2️⃣海鮮煎餅-薄餅嘅調味好岩我心水，而且佢配上沙律醬同埋秘製辣汁，煎餅做到外脆內軟，海鮮主要係魷魚蜆肉同蝦😋3️⃣芝士泡菜豬肉飯卷- 飯卷係我最有記憶點同最推介既，口感非常豐富，佢嘅豬肉係用五花腩，配搭同調味都值得一讚，而且份量比我想像中大！4️⃣飲品（忌廉溝鮮奶，米水）另外叫咗一

最近我成日都想食韓國菜。行過荃灣呢邊，就行入去韓閣試吓啦。先上菜嘅係韓式豬手。豬手外皮好有口感，煙煙韌韌，充滿骨膠原，沒有肥膩感。肉都好好味，好易入口，加埋韓式辣醬、生蒜片和泡菜一齊食，惹味十足，好啱重口味人士。用生菜包著肉嚟吃，即刻減低食肉嘅罪惡感，可以愈食愈多。炸雞係韓國菜餐廳常見嘅，今次叫咗三重芝士炸雞，表面雖然沾滿芝士醬汁，但仲食到外皮酥脆，而裡面雞肉嫩滑又juicy。講返個醬汁，芝士味濃郁，啱晒芝士控人士。食完炸嘢想清清個口，呢個水梨雞絲水冷麵啱晒啦。清爽的雞絲和清甜的水梨，味道清新，麵條份量十足嚼勁，一定會令你飽肚嘅冷麵。因為貪靚，所以叫咗兩杯都係紫色嘅飲品。暖暖暖3.6牛乳紫薯奶口感滑順，牛奶味濃郁，紫薯香甜。夢幻蝶豆花特飲樣子很值得打卡，但唔係得個樣，蝶豆花味道酸甜，再加咗錢加埋寒天晶球，清新口味好啱洗完熱氣嘢後飲。

住附近都一直未試過依間，原來好抵食而且好多野揀！試左泡菜豬肉芝士韓式手卷($54)，泡菜酸辣夾埋豬肉同芝士嘅鹹香，開胃又惹味，飯都好有心思用左泡菜炒好入味另外試左大韓無骨豬手（$98）配特製豆瓣醬、生菜、醃蘿蔔同泡菜，豬手煮得好軟身，滷得好入味，加埋配料同醬一齊食味道同口感都好豐富仲叫左三重芝士炸雞半份（$118），可以免費轉雞鎚翼，芝士好多，香味濃郁又好creamy，炸雞夠滑又夠多汁野飲選擇好多，試咗紅豆抹茶牛奶（ $32 ），飲落好滑，好香抹茶甘甘地嘅味道依家荃灣店仲做緊現金券優惠一本10張$50卷，買一本即減$100，買三本即減$300再送價值$168 韓式豬手一份，好抵玩！

又係荃灣搵食嘅時間😌 今次朋友要食韓國嘢 搵咗呢間韓閣一坐低見到有現金卷買 真係好抵 買$500現金卷 即減$100 嘩 即係八折 真係兩眼發光🤩🤣仲要係每張$50 問店員 可即用 我哋就買咗$500 買$1500 減$300 仲有豬手送 人多食買呢個岩曬仲要餐廳本身價格唔貴 真係抵食👍鐵板芝士辣醬雞 雞肉加埋配菜用韓式甜辣醬炒 不會太辣 仲要加埋啲芝士 芝士份量多 但唔會太咸 食多多都得🤣韓式醬油燴雞配粉絲 雞肉 薯仔 燴到好淋 好入味 醬汁較杰身 另到粉絲好掛汁 正香蒜脆炸雞槌翼 外皮炸得香脆 唔厚粉 蒜味香濃 😋餐廳性價比高 會回頭的餐廳🤨

荃灣韓閣 Korean Loft Cafe✨環境：牆壁畫有卡通韓服「泡菜妹👧🏻」大壁畫。餐廳四圍貼滿韓劇、電影、燒酒🍾等海報，背景播著韓文歌，甚有「韓意」。✨位置：荃灣南豐中心正對面，位於大馬路旁的地舖，真方便。✨服務：雖屬荃灣黃金地段，食物價錢卻中等。晚市時間竟然不收加一，經濟實惠。✨美食套餐（$ 270）🍗🌶️特調辣醬炸雞（半份 約6件）特調辣醬惹味而不太辣，雞件有少許骨，香脆可口。店家貼心提供膠手套，用手食更是滋味。🍚🌯泡菜豚肉芝士飯卷雞蛋絲、青瓜、醃蘿蔔、豚肉、芝士、泡菜，將飯卷幾乎迫爆，沒有不好吃的餘地。🍤🌮韮菜海鮮煎餅滿滿韮菜、蝦仁和小蝦乾，煎餅外邊焦香內裏軟糯。🍨🥤套餐還多送二人份飲品、甜品、小菜，超值。✨🍲傳統什錦海帶湯（單點 $ 128）吃了這麼多濃味煎炸食物，來碗地道湯品潤口。湯料超豐富！豆腐、椰菜、翠玉瓜、蘿蔔、餃子、韓式粉絲、海帶、大蝦、蜆，再追加左$ 20肥牛，有菜有肉有海鮮，湯頭好鮮甜。

好耐冇食過依間餐廳，冇諗過啲服務質素垃圾咗咁多！成餐飯根本係俾錢買難受，永遠唔會再幫襯！唔怪之得到咗晚餐時間都冇乜人，咁多空位都冇人入黎食嘢！由坐低、落單、上菜、執枱⋯⋯全程都用惡劣嘅態度相待，講嘢嘅語氣、西面嘅表情、上菜擺枱邊、未食完就插隻手埋黎執嘢⋯⋯令人感受到極不禮貌嘅服務對待！為求令你食得唔自在，快啲食完快啲走，成餐飯企喺旁邊望到實一實，周不時喺旁邊擾擾攘攘，催催趕趕藉機想迫你走，趕住落閘收工！唔想做生意嘅，唔該下次就直接講截咗單算啦！如果有得揀，喺服務嗰個位我一粒星都唔會俾！開咗個帳號咁耐，真係第一次嬲到要特登為咗俾個劣評你而寫食評！！！

最近我來到荃灣的韓閣，試了他們的三款韓國菜主食和兩款飲品。首先是他們家的三重芝士炸雞，炸得非常酥脆，即使表面沾上芝士醬汁，也不影響其外皮口感，肉質也嫩滑，芝士味道也十分濃郁，非常適合喜歡芝士味道的人。如果想清清口腔，可以加點田園沙律，生菜和番茄沾上柚子醬汁，十分可口清新。另一道是韓式豬手，豬手味道很好，外皮QQ的，而且一點肥膩感也沒有，肉質也非常軟嫩，配上韓式辣醬汁、生蒜片和泡菜吃，十分惹味。如用生菜包著豬肉吃，則有清新感，吃幾多都可以。第三道菜是水梨雞絲水冷麵，麵條非常有嚼勁，搭配上清爽的雞絲和清甜的水梨，味道非常平衡，是夏天的一道不錯的涼麵選擇。至於飲品方面，我試了暖暖3.6牛乳紫薯奶和夢幻蝶豆花特飲。暖暖3.6牛乳紫薯奶非常香濃，牛奶十分濃郁，紫薯香甜，口感非常滑順。夢幻蝶豆花特飲則是一款非常特別的飲品，蝶豆花味道酸甜，另加上寒天晶球，十分清新，非常適合夏天解暑。總體來說，韓閣的食物非常美味，份量也十分充足，價格方面也非常實惠，非常適合和朋友一起享用，又一餐使人滿意的韓食。