韓閣

营业中

休息中

韓閣 地址：黃大仙龍翔道136號黃大仙中心北館地下G06E-G06G號鋪 一人去食午餐，其實是種享受，獨樂樂挑自己喜歡食的，不用考慮其他人。嘆嘆特價新品如果岩食都幾抵架，麻辣醉香雞中翼$43 (原價$58)，好重味吸引，辣辣地越食越香！招牌牛筋牛肉麵$66 (原價$88)，個湯幾好飲，牛筋彈牙仲有牛肉塊。台式牛肉麵都食到，個牛湯好濃。$63 假日都有常餐，要了豬扒麵，仲有蛋同腸仔，包飲品，岩曬我呢個蛋控。要運動增肌，要大量攝取蛋白質。$79 紫菜肉鬆蛋卷，甜肉鬆同紫菜呀，最愛呀蛋仍是嫩嫩，蛋漿有調味過味太空人可樂雪糕特飲（凍）$32 (原價$42，記得細個茶記架黑白牛嗎？

這家韓國餐廳的食物整體來說算是一般，但由於價錢相對便宜，所以不能要求太高。環境方面，座位相對寬敞，坐得還算舒服。然而，服務質素有待改善。特別是其中一位中性打扮的女店員，在我們要求換桌時，態度冷漠，還用力丟小菜碟，讓人感覺不太友好。至於食物方面，石鍋飯的飯焦有一點清潔劑的味道，讓人不太放心。牛骨湯則鹹得過分，感覺像是放了很多味精，並不自然。儘管如此，考慮到價格便宜，這些問題也許可以勉強接受，但若能在服務和食物質量上稍作提升，相信會更受顧客歡迎。希望餐廳能夠改善這些細節，提供更好的用餐體驗。

屋企人生日，佢話想食韓國餐，見這店有個生日專區，打卡真係唔錯👍人多可以貪心的點多幾款菜式👍青口海蜆大醬年糕湯水梨牛展冷麵韓式炒粉絲牛骨蘿蔔湯韓閣歡樂盤-芝士黑豚骨大大盆好滿足👍雜綿炸雞歡樂盤👍滿足各樣口味炸雞鴛鴦炸雞窩蛋免治牛肉石鍋飯原條鰻魚泡菜石鍋飯生日特飲草莓格仔餅雪糕球生日甜品最後要讚男經理👍他對客人招待體貼，尤其對老人家👍👍

Lunch老細萬歲我一早book訂韓閣因為想玩搵絲芝士鍋一行九人 經理仲留左間vip房比我地自high 野食好味 所以真係好食又好玩成功拉到30cm 芝士鍋半價！仲有好多lunch set可以揀又平又抵

✨ 今日去黃大仙中心「韓閣」食飯，由門口進入去充滿韓式嘅設計，店內環境木係裝修，係舒適的。***** ***** ***** ***** ***** 🫕海鮮豆腐湯除了滑豆腐，有蜆肉、青口同鮮蝦嘅海鮮湯底，仲有芽菜、炸腐皮，味道好鮮甜，份量好大，餸白飯一流。🍜胡麻醬雞絲冷麵雞絲軟腍腍，胡麻醬香口，在拉麵一起吃，麵質彈牙，非常開胃。還order了🥗醬油生菜同滷水拼盤，滷水雞翼、滷水豆腐，滷水蛋都夠入味，生菜🥬份量好多而且新鮮爽脆，我哋都好夠食。🍭傳統芋圓紅豆沙，糖水都好好食，芋圓煙煙韌韌，好味推介。最後飲用🍵人蔘茶。總括來說，這裏環境很好坐，食物都唔錯，一定會再嚟幫襯。

之前喺荃灣分店見到好多人點炸雞，今次過嚟黃大仙分店試吓佢嘅熱門炸雞先。呢間餐廳最正的是不收加一服務費，菜式選擇多，無論套餐、烤肉、石鍋飯、炒粉麵、甜品🍮、手卷、蛋糕🍰、西式扒餐、兒童餐通通都有。亞之媽炸雞🍗-秘製蔥蒜醬油味 $108炸雞新鮮熱辣辣即點點炸，炸到好香脆而且好夠味。份量都幾多。🍙雜錦手卷$62由腸仔，肉鬆，青瓜，蛋所製成，不過包得唔夠實，食落好易散開。🍮紫薯奶蓋奶凍$28甜品真係好多選擇，最後揀咗奶凍，冇乜紫薯味，但奶味幾濃郁。

未食過咁難食既韓國餐廳 佢係做到中西日台韓餐都有 但係應該係冇一樣好食 叫左個雞肉卡邦尼年糕 啲年糕完全唔係韓式年糕 係佳寶買到果啲 啲雞肉完全係臭既 五花肉炸醬麵 又係一啲唔知咩既汁撈埋 啲肉又係好似人地滷肉飯果啲咁 完全唔係韓式仲有叫左個紫菜肉鬆蛋卷 完全冇誠意 啲蛋卷係煎好左一早已經 所謂紫菜肉鬆 完黎係就咁擺幾條係面 中間仲要完全冇 味道不知所謂 最後每樣食左兩啖埋單走人 🤮🤮🤮🤮🤮🤮🤮🤮🤮🤮🤮🤮🤮🤮🤮

今日大家都係黃大仙附近做嘢、突然心血來潮想食住嘢再傾其他嘢、朋友介紹咗一間幾唔錯嘅餐廳！咩叫幾唔錯？我直程覺得係正到爆同平到爆！ 點解可以一個人$100都唔使就埋到單？仲要有前菜小食，主菜同甜品高質到爆炸！兩個人真係唔使$100埋單超平！平得來嘢食又真係OK喎！今次我同朋友叫咗個香辣味嘅韓國部隊鍋、料好齊之餘，不在話下、竟然連牛肉食落去都煙靭香濃！最值得加分嘅位我覺得一定係佢嘅韓式餐肉、同埋公仔麵煮得啱啱好雖然係自己煮可以控制到個火喉、但係就算煮過龍都唔會難食！之後當然嗌我鴛鴦炸雞呢個小食、你唔好睇佢係小食、我覺得兩大塊炸雞仲要有鴛鴦醬汁一個係甜辣醬另一個係芥末醬都超級開胃又大件！真係超抵食，20幾蚊咋😂！另外炸紫菜卷同薯條每樣都只係10幾蚊真係不得了！仲要有醬汁放題佢秘製嘅白色沙律醬真係要食好正！仲有香魚仔再配合胡麻醬嘅豆腐，除咗好嫩之外！份量仲大嚿好抵食！越食越開胃！當然去到最後尾有個鐵板抹茶布朗尼嘅甜品絕對係加分！實在太邪惡，但係有時真係食得是福！韓閣黃大仙北館龍翔道136號地下G06

這次我們再次來到餐廳，利用即將到期的coupon💵，品嚐其他菜餚。因為大家並不太肚餓，所以只點了兩道菜和一個甜品。秘製大蝦水梨辣冷麵配泡菜🍜🦐大蝦🦐鮮嫩可口，冷麵🍜使用了韓國蕎麥麵，與日本蕎麥麵不同，韓國蕎麥麵更細緻，口感煙韌。冷麵搭配冰凍的清湯，帶來清爽的口感。加上辣泡菜🥬、甘甜的水梨🍐、青瓜絲🥒和雞蛋🥚，這道菜讓人食欲大開。店員還貼心地提供剪刀✂️，方便客人剪開冷麵享用。海鮮煎餅🦑🦐🍕這道煎餅的餡料包括蔥🌱、洋蔥🧅、魷魚🦑和蝦🦐。然而，煎餅的口感並不夠酥脆，有些軟綿，味道一般。冰火鐵板雪糕布朗尼(配粉紅岩鹽芝士奶蓋)🍦🍰店員在上菜時會在鐵板上點燃火🔥，鐵板上放有布朗尼和棉花糖，布朗尼上再放上雲尼拿雪糕🍦。店員會建議我們將士多啤梨味🍓的岩鹽芝士奶蓋倒在布朗尼和雪糕🍦上，待兩分鐘後熄火。需要注意的是，不能等得太久，否則會燒焦。這道甜品帶來了冰冷和熱情的交錯感覺，非常愉悅，很快就被我們吃光了😋。

韓閣黃大仙有間韓菜幾好食，而且種類各式各樣😍你想食啲咩韓國菜式都一定會有！而且味道好地道，仲有得體驗韓服着住周圍睇餐廳入邊打卡🥰🥰🥰韓式米酒辣雞煲這道韓式米酒辣雞煲，香氣四溢，辣味十足。雞肉嫩滑多汁，入口即化，與米酒的香甜交融，令人回味無窮。搭配豐富的蔬菜和香料，口感豐富，絕對是喜愛辣味的美食愛好者的最佳選擇。冰火鐵板雪糕布朗尼這款冰火鐵板雪糕布朗尼，結合了冷熱交融的美妙體驗。布朗尼外酥內軟，配上熱騰騰的鐵板雪糕，口感豐富。雪糕冰涼順滑，與布朗尼的熱度形成絕妙對比，令人愛不釋口，絕對是甜點愛好者的最愛。韓式海鮮湯湯底鮮甜濃郁，彷彿海洋的味道在口中綻放。湯中融合了新鮮海鮮的鮮味，搭配蔬菜的清爽，入口滋味豐富。每一口都能品味到海洋的鮮美，讓人回味無窮，絕對是海鮮愛好者的最佳選擇。

母親節家人叫我選地方食飯，上次經過，被那牛骨鍋吸引（上圖），所以便提意去试試，誰知道一上枱嚇了一跳，還問侍應生是否牛骨另上，因為只見一鍋湯（下圖），但得到的答案： 這便是⋯⋯，原來只有6件非常小和薄的牛骨片在鍋底，每件只有寸半長左右，真係非常失望

今晚提前慶祝母親節，見到鄰住買有個雙人豪華韓式套餐😍好吸引～一家人去探店仲有韓服試穿火焰濟州柚子骨餐廳選用黑豚豬仔骨，配上特製柚子醬汁，味道酸甜開胃；上菜時會有火焰效果，適合打卡巨型海鮮梳乎蛋梳乎蛋餡料有海鮮、鮮蟹肉和蟹籽等，外形貌似梳乎厘，賣相特別，口感軟綿富彈性，空氣感十足冰火鐵板雪糕布朗尼（配抹茶奶蓋)布朗尼上加一球雲呢拿雪糕，用鐵板呈上然後以明火加熱，最後淋上自家製抹茶焦糖奶蓋，濃郁的香氣四溢，入口冷熱交融，令人再三回味，必試之選

好耐無打食評喇！都好耐無食韓國菜，仲突然想食韓式炸雞！以前同同事去過寶琳間韓閣，記得都幾好食，估唔到睇open rice 發現黃大仙都有間，就同朋友一齊去食。見到大家都推介豬手，就叫左個例牌，份量都夠兩個人食，我就幾喜歡這款豬手，但朋友就話似超市買果啲豬手🤣🤣大家口味唔同，點埋佢個醬汁，味道不錯。當然唔少得韓式炸雞啦，今次點左傳統酸辣味，全都是有骨炸雞，但部分位置係無骨。然後我發現個sauce 好似有蜜糖味？但只係局部地區性的有蜜糖味🤣唯有當餐廳俾我試兩款口味啦！但佢個炸粉有點多，普通。呢個白汁黑松露蛋捲。。。走醬會好食啲。。。蛋部分絕對無問題，或者係可以接受。。。可能小弟見識淺薄，佢個醬。。。白汁？係用沙律醬撈黑松露？酸酸地？總之唔係平時西式點薯條果種味，更唔好提無乜黑松露味。。。最後我地仲叫左個海鮮煎餅，一睇就知煎餅一啲都唔脆，粉多皮厚夠哂飽肚，酒樓級數也許都得罪煎薄餐嘅師傅。兩個字，難食。唯一開心番少少🤏🏻嘅位置，就係原來佢每食夠$100就可以夾一次波波，但至少都要20分才可換禮物，而我只有兩分🤣🤣，不過志在玩下。我諗都無機會儲到分的了。

唔熟黃大仙嘅食友，好容易蕩失路。呢間韓閣喺北館，MTR B3 入商場直行行到尾，即係500年1遇浸得最最最勁嗰度。餐廳好大，好有睇頭，有零食部、costume部 有韓服租 韓風撲面 打卡必備。…… - 部隊、cheese、炸雞、CASS啤 一口氣全部all in令人興奮。- 人參雞湯是雞鮮肉嫩又多汁。呢煲嘢應該熬咗七七四十九日，雞骨熬到入口溶化。回味無窮。- 蛋捲。蛋香 濃鬱 豐富，一啖咬落去就嚐到泡菜、辣醬、紫菜、明太子、2重芝士，充滿 了驚喜。- 韓式牛肉炒粉絲。鮮牛汁嫩，嗍晒汁嘅粉絲彈牙有嚼勁，兩者搭配有風味。最後我附上渠務署一個拯救咗黃大仙嘅英雄相片。

3月25號星期六唔熟黃大仙嘅食友，好容易蕩失路。呢間韓閣喺北館，MTR B3 入商場直行行到尾，即係500年1遇浸得最最最勁嗰度。餐廳好大，好有睇頭，有零食部、costume部 有韓服租 韓風撲面 打卡必備。…… - 部隊、cheese、炸雞、CASS啤 一口氣全部all in令人興奮。- 人參雞湯是雞鮮肉嫩又多汁。呢煲嘢應該熬咗七七四十九日，雞骨熬到入口溶化。回味無窮。- 蛋捲。蛋香 濃鬱 豐富，一啖咬落去就嚐到泡菜、辣醬、紫菜、明太子、2重芝士，充滿 了驚喜。- 韓式牛肉炒粉絲。鮮牛汁嫩，嗍晒汁嘅粉絲彈牙有嚼勁，兩者搭配有風味。最後我附上渠務署一個拯救咗黃大仙嘅英雄相片。