韓閣

营业中

休息中

-想不到在韓國餐廳也吃到有質素的小菜套餐！由於地點近我工作地方，平日也間中會光顧韓閣。今日發現推出了新的精選韓閣小菜套餐，便決定和同事一試。套餐種類多達十七款，韓式中式菜式均有，任選一款$75，任選兩款$142，額外每款加$12。如想另配紫菜味飯，熱飲及例湯，只需加$15便可。主菜以外，還可以優惠價加配五款特式小食。最後我們選了三款小菜及一款小食：🐟薑葱蒸珍珠斑～珍珠斑蒸的火喉剛剛好，魚肉鮮味嫩滑。🍲鍋仔黑椒牛仔粒～黑椒牛仔粒口感煙韌，配搭青紅椒及洋葱烹調，非常惹味。🥘鍋仔豆醬炒海蝦花甲～以豆醬調味的海蝦花甲微辣帶鮮，花甲肥美多肉，份量亦多。🥬魚糕片炒雜菜～第一次見韓式魚糕片出現在雜菜中，想不到又夾到，感覺健康，清新又特別。四餸一湯人均消費也只需約$150，好味又抵食。

叫咗個二人套餐，啲雞全部都冇乜味又乾似係冰鮮嘅，加上啲嘢係一種好難形容嘅難食，我覺得個二人套餐得卷蛋同埋年糕可以食到，其他嘢都超難食今朝我哋仲要額外嗌咗個糖醋肉，個糖醋肉又乾又難食，仲有少少臭，而且望去根本同茶餐廳嗰啲差唔多平，我覺得直接去茶餐廳食仲好，我之前去茶餐廳食嘅話畀呢個仲好食而且都唔使咁貴。我覺得呢間嘢得個嘢飲可以飲到完全唔明點解咁鬼多人排隊，完全唔抵唔值呢個價錢，太難食喇，點解咁難食都有咁多人幫襯同埋成間餐廳得三個員工根本唔夠人

點餐：人蔘茶：等40分鐘（難道新鮮採摘的嗎？）檸檬茶：等30分鐘炸雞炸豬扒泡麵炸雞炸豬扒不錯，但最失望是冇辛辣麵選擇，不過有其他韓國泡麵選擇，點選了韓國泡菜泡麵，點知嚟到就係公仔麵嘅質地！韓國麵同埋公仔麵，一試就知分別，追求韓國泡麵嘅人，應該都係鍾意食韓國麵的質地，個韓式泡麵變咗林嘅公仔麵。。。。服務態度： 差。。。侍應上完餐即走，叫都叫唔住，撳鐘三次都冇人應，要直接行出去搵職員幫手，好彩出邊職員有跟進。但整體體驗欠佳。

晚市求其食，見呢間好似正正常常試咗試，預咗係求其食都覺得中伏。平心而論侍應好友善，環境闊落，$268個套餐都多野食，但炸雞好厚粉，鐵板牛肉嘅菜多到要搵d牛肉出嚟，小食拼盤係開粉出嚟個種假嘅鹹蛋黃味，不如普通整個椒鹽薯條仲開心D。另外叫咗個卡邦尼年糕+魚糕，$88份量少都算，冇味嘅！有冇試過麥當勞杯朱古力飲完淨返個少少，加水沖開再飲個種味，個年糕食落就係咁，淡過水，唯一有味係隻蛋黃，溫泉蛋嚟👍🏻送嘅甜品我本身都冇要求，點知呢一小杯豆乳粉+cream係全場mvp，好假嘅cream好假嘅香精味，假過以前屋邨餅鋪d西餅，真係食唔落。呢個第一個食評，平有平做，希望廚房可以改善下🫡

🍊 餐廳名稱：韓閣 (黃大仙)🐝 味道：7/10環境：7/10整體分數：7/10💰人均：$150+———————————————————行過見到佢地門口有韓服體驗，俾佢地呢個吸引左，所以就去try try呢間餐廳。周年套餐 💰308首先套餐中有份燉湯，料都幾多。然後有份「巨型海鮮疏乎厘」，其實之前食過啲韓式餐廳都有類似嘅蒸蛋，一直都覺得好好食，而呢個入面非常多海鮮，有蝦，蜆肉同蟹肉等等，每一啖都充滿着海鮮同埋蛋香。跟住我哋揀咗份「火焰濟州柚子骨」，一上枱就用紅紅火焰燒一燒，一方面打卡，另一方面可以keep住個温度，鹹鹹甜甜咁。最後甜品就有「冰火鐵板雪糕布朗尼」，揀左抹茶焦糖奶蓋口味。好多好多甜食加埋一齊，滿足晒啲少女心。脆皮雞皮餃子💰32好好好好食，雞翼去左骨再饟入餃子餡，想再叫多份！🗺️ 黃大仙龍翔道136號黃大仙中心北館地下G06E-G06G號舖 🔍#FlavorforToday 黃大仙🚆 黃大仙站B3出口，步行約1分鐘

初四同friend兩個人2點50到門口，見到有空枱冇人收嘢，就問入唔入得，服務員答話未得，冧住等佢收枱。點知一直喺門口等到3點10，都話未入得，等到3點20，friend忍唔住入去空台到話點解仲未入得，等咗好耐，服務員開始鬧翻我哋轉頭：「等咗幾耐吖小姐？講咩好耐，搞笑。」態度勁差，我friend把起火問佢「邊度搞笑？你講清楚。」佢扮哂嘢話「哎呀我用部機同入面人講緊嘢吖」完全冇禮貌，激到我哋即刻走咗。唔係唔可以等，但凡你講嘢客氣d都冇咁嬲，我想俾錢食飯搞到好似我爭你錢咁，以後絕對唔會再去，其它分店亦都唔想幫襯。

🇰🇷 【韓閣】黃大仙中心性價比超高及富有韓國特色的餐廳。💛 餐廳裝修充滿著韓劇與K-POP完素～同時餐廳提供韓服體驗，可以穿著韓服拍照～打卡一流啊～最近為慶祝週年紀念，推出了週年套餐（$308）性價比超高超抵食～套餐有主菜湯仲有甜品～另外加配飲品還享有半價優惠～🔥火焰濟州柚子骨被火烤過的排骨帶有少少焦香🉐淡淡的柚子香，酸甜酸甜～非常開胃！🥚巨型海鮮梳乎蛋真的超巨大，蛋味香濃，而且海鮮材料滿滿的～有蝦、銀魚仔、魷魚、粟米同蜆等等～好好送飯～🥘手工燉湯燉湯足料又夠味，飲落去成個人暖笠笠～差啲一個人都可以飲晒成煲😋🍚韓閣味飯最鐘意食韓國紫菜飯😆 二人份飯量剛剛好～🍰冰火鐵板抹茶雪糕布朗尼把雪糕和布朗尼放在鐵板上直接加熱，熄火後再慢慢將抹茶漿𣺉上～🍨被煎得香脆的布朗尼再配上雪糕一齊食～隨即有種外冷內熱的感覺～🍽️ 韓閣 ☎️ 電話：28386762📍 黃大仙旗艦店：黃大仙中心北館地下GO6E-G鋪（黃大仙港鐵站B3出口上一層電梯直行到尾）

地鐵出口一出，電梯上一層直行到尾就到。環境有特色，充滿韓風！門口仲有一大排韓服，提供韓服體驗😍一坐低就有兩小碟小食有芽菜同芝麻中華沙律。✨️周年套餐$308呢個係餐廳新出品，好抵食！比單點嘅抵好多！🫕手工燉湯-是日燉湯(大)陶壼上嘅燉湯好保溫，一路食一路飲都係暖笠笠，有一大隻雞脾、有瘦肉、冬瓜、陳皮、薏米，夠晒足料！補下幾好！🥢火焰濟州柚子骨 (5支)上枱嗰陣staff會用火槍即燒火焰，好比火山排骨🔥賣相一流。每枝骨都香味肉腍。🥢芝士肉醬牛肋條農夫包芝士肉醬好食，芝士豐富拉絲，牛肋條炆得好淋👍😋個汁唔算好香辣濃烈，大人小朋友老人家都啱🍚套餐配2碗飯，韓閣味飯有紫菜碎同小魚乾。🍨冰火鐵板雪糕布朗尼(配粉紅岩鹽芝士奶蓋)呢個好正‼️唔食套餐都推介散叫試下‼️😋成個gas爐上，雲呢拿雪糕，下面有一塊塊切好嘅brownie，開火聽到吱吱聲就可以落埋奶蓋，一路煎住，聞到朱古力好超香！⚠️唔好燒太耐，如果唔係好易燶🔥一啖brownie，一啖雪糕，撈埋隔離啲棉花糖、朱古力碎，好好味！😋👍🩷

姐妹们拜完黄大仙庙，记得去隔壁的中心馆吃这家韩国料理！性价比超高不说，还能穿韩服体验，真的像是去韩国旅游~ 蕞重要的是，用餐体验非常好，无论是食物质素还是餐厅环境~ 🌟 周年庆套餐🌟 🔹巨型海鲜梳乎蛋 一上来就被卖相吸引，金黄色的蛋铺满整个碗，上面是鱼子、蟹肉和葱，内里好多海鲜，有带子、鱿鱼、虾和鱼肉，厚厚的蛋层滑嫩，完全有梳乎的口感，蛋味香浓软绵绵，正！ 🔹火焰济州柚子骨大推！一上来就会点火，视觉效果拉满！真的满满仪式感~烤过的排骨带有少少焦香，肉质软熟，柚子味香浓，酸酸甜甜很开胃，配饭一流！ 🔹是日炖汤喝起来好像家里老妈炖的老火汤，有鸡肉、冬瓜、薏仁、莲子、陈皮，好好喝呀，入口清甜没有味精~ 🔹芝士肉酱薯蓉表面铺满好多芝士和肉酱，薯蓉香滑，一勺下去直接拉丝！口感丰富，有薯蓉的香浓和肉酱的鲜美，还有拉丝芝士，推荐！ 🔹韩阁味饭二人份米饭，这个饭我好喜欢，配有紫菜丝和鱼干，加入炖汤直接变成汤饭，很有韩国风味~ 🔹榛子朱古力＋粉红樱花海盐特饮前者榛子味与朱古力的浓郁口感完美结合，不会过甜，好好喝！后者颜值好高，淡淡海盐味，解渴一流~ 🔹冰火铁板雪糕布朗尼（配粉红岩盐芝士奶盖）这个甜品真

黃大仙唔係剩係得求神拜佛嘅，北館呢度都好多嘢食㗎🤣 二訪嚟到韓閣，水準都仲ᴋᴇᴇᴘ得好好😆 而且黃大仙呢間分店仲有個位揀韓服影韓相，可以體驗著韓服食韓國嘢，夠晒特別✨ 晏就夜晚都一樣咁多人嚟食🤞🏻1️⃣ 泡菜豚肉芝士滑蛋烤脆三文治🥪係麵包星人唔可以放過嘅三文治😍 我就揀咗呢個餡，真係 · 超 · 級 · 爆 · 多 · 餡 · 🤣滑蛋好厚，加上有好多配料，一邊食就一邊漏出嚟，成手都係汁😌2️⃣ 精選韓閣小菜🥘夜晚有得揀小菜，要咗份鍋仔黑椒牛仔粒🐂 包咗一個飯、湯同飲品～而呢個小菜一啲都唔少嫁，因為鍋入面係好多牛仔粒，仲有三色椒🫑 而洋蔥都整到好入味，送飯一流👍🏻我就額外加咗份韓式小食籃，入面有紫菜粉絲卷同炸餃子，整到好飽滿，啖啖都好滿足😛3️⃣ 部隊鍋🍲ʙᴜʟᴜ ʙᴜʟᴜ ʙᴜʟᴜ🔥 凍冰冰梗係要食啲熱辣辣嘅嘢，部隊鍋都係其中一款我鍾意食嘅喎因為入邊有好多唔同嘅料，啱晒我呢啲每樣都想食啲嘅人😆 牛肉、午餐肉、五花腩片、腸仔…最緊要加埋公仔麵落去煮，全部食落辣辣地好過癮🌶4️⃣ 迷你紅豆鯛魚燒🫘平時見開嘅鯛魚燒都係大大件，但係呢度嘅鯛魚燒係細細件，成個都係紅豆餡，一兩啖就食完，唔怕食完就食唔到其他，ᴊᴇ

今天我們行完了獅子山，消耗了大量體力，最後抵達了黃大仙。我們決定找一家餐廳好好享受一頓美食。一打開菜單，眼前出現了一個眾多的選擇，幸好侍應提供了一些建議，讓我們能夠做出決定。亞之媽炸雞(半份)雪花三重芝士這道炸雞非常嫩滑多汁，芝士的濃郁度剛好，菜單上展示了三種顏色的芝士，並且在炸雞上撒上了黑芝麻，非常吸引人。火焰濟州柚子骨(5支)上菜時，侍應會在你面前把柚子骨點火，真的非常打卡able。當我一口咬下去，肉質鮮嫩多汁，醬汁入味，且帶有濃郁的柚子風味，上面還灑滿了芝麻，極為美味。芝士岩漿炒飯飯前將蛋漿和芝士與炒飯混合在一起，形成了像岩漿一樣濕潤的飯菜，加上香氣四溢的芝士，再配上酸菜和洋蔥，入口十分美味。藍調時光(大杯)(藍海洋檸 檬特飲)(少冰少甜)紅丹心(大杯)(草莓蕃石榴 特飲)(少冰少甜)這些飲料比較普通，除了份量比較大和顏色鮮豔外，味道算是一般。雖然我們兩個人點了三個餸，感覺有點多，因為每道菜的份量都很大，但幸好我們今天消耗了很多體力，所以吃得很飽。還有很多其他的菜想嘗試，下次必定會再來光顧。

♡ 勁抵食嘅韓式料理｜韓閣 ♡-黃大仙中心有一間韓國餐廳好出名 出名就係又抵食又好食🤣😍周年套餐只係$308‼️‼️😍😍👍兩個人真係食到飽飽，飲品都只係需要加半價咋～～ 而且環境都好舒服 仲有唔少打卡位添📸- ♡ 韓閣味飯（兩碗 ）♡ 上面嘅紫菜脆卜卜 連埋熱辣辣嘅飯一齊食真係勁正🥰-♡ 手工燉湯 ♡ 呢度嘅燉湯真係好足料好滋潤～-♡ 火焰濟州柚子骨 ♡ 總共有五條 已經夠兩個人食😍簡直係集視覺、味覺於一身嘅享受‼️ 一咬有好香甜嘅柚子味 ，柚子骨睇落細細條 但都幾多肉。-♡ 巨型海鮮梳乎蛋 ♡ 入面材料好豐富啊😍上面佈滿蟹籽～ 而疏乎蛋入面仲有、 蝦、銀魚仔 、魷魚🦑、粟米🌽同蜆等。呢個疏乎蛋真係出乎意料地好食😋亦都有空氣感嘅感覺。-♡ 冰火鐵板雪糕布朗尼 (配）抹茶🍵焦糖奶蓋 ♡ ⭕️必食推介⭕️呢個甜品真係好特別鐵板上面嘅布朗尼熱辣辣 不過要留意小心燒燶 加埋雪糕同抹茶焦糖奶蓋 超級邪惡😌😋 呢個甜品真係俾100分‼️-♡ 紅丹心 ♡ 呢杯打卡都幾靚～ 佢係草莓番石榴特飲 飲落酸酸甜甜 仲有士多啤梨🍓乾呀😍-♡ 金湯匙 ♡ 而呢杯係白桃蜜香紅茶☕️ 真係勁大杯😍 性價比高

今個周末無意中給我發現到🔎原來黃大仙中心內有一間性價比超高及富有韓國特色的餐廳。餐廳裝修別緻，四周都可以尋找到有韓文字句的海報，更播放著流行K-POP🎵，最特別的是餐廳提供韓服體驗，仿似去了一趟韓國旅行一樣🇰🇷。我們點了🌟周年套餐($308)🌟，果然是激安價，套餐一共有5️⃣道菜，另外加配飲品還享有半價優惠，性價比超高。🔥 火焰濟州柚子骨大推‼️上菜時店員十分貼心提醒客人稍後會為這道菜點火，要打卡的朋友記得在這個時候就要準備好手機了📸。現場視覺效果滿分💯，火焰燒得非常猛烈，滿滿儀式感。烤過的排骨帶有少少焦香，柚子味香濃，酸酸甜甜份外開胃😋。🥚巨型海鮮梳乎蛋一上碟已經被這道菜的份量震驚到😯，金黃色的蛋完完全全鋪滿了整個碗，相當吸睛👀。厚厚的蛋層仍然可以保持滑嫩，完全符合「梳乎」的口感，加上蛋香味香濃，內裡配搭著豐富的海鮮配料🦐，正！🍲手工燉湯是日燉湯為二人份，大大盅非常足料，湯料包括有雞肉、瘦肉、冬瓜等，味道清甜，感覺很暖胃滋補👍。🍚韓閣味飯白飯同樣為二人份，配有紫菜絲和魚乾，撈飯一流🥢。另外亦都可以加入燉湯變成湯飯，頓時有韓國地道風味。🍨冰火鐵板雪糕布朗尼(配粉紅岩鹽芝士奶蓋)甜品按要求後上

以前食過，今日路過想重溫一下。 坐下發覺快節拍音樂太大聲，請服務員調低音量，但係話係咁樣，最後依然固我，簡直係虐待。俾嘈吵音樂轟咗45分鐘之後，卒之食物上枱，迷你手打牛肉漢堡變咗牛𧢲包界開放幾瑰牛肉，𨍭咗冇人通知過，飽內的牛肉仲係凍嘅，算啦。二個迷你芝士撻的皮邊跌咗落嚟，所謂沙律似係一埋雜亂嘅草咁＇非常嚇人。還可以一講係飲品，尚算滿意。整個下午茶經驗可以說非常差，原本想悠閑一下，結果係一肚氣，唔會再有下次。

經過黃大仙中心見到韓閣做緊周年慶，餐廳裝修佈置都好有韓國懷舊氣息，中央位置仲有一棵好大既樹岩晒打卡，而家去仲有周年套餐（$308）好抵食😆手工燉湯-冬瓜鴨腿湯燉湯好足料，有冬瓜、鴨腿、果皮、蓮子等等，好有媽媽的味道，無味精飲落好舒服火焰濟洲柚子骨超打卡able既菜式🔥店員一點火真係好猛烈😂柚子骨酸酸甜甜，經火燒過令味道增添一份燒烤風味，入口肉質軟嫩，好開胃巨型海鮮梳乎蛋真係好巨型😂😂😂梳乎蛋熱辣辣上枱果陣仲彈下彈下，而且海鮮量都好多，除左蛋面上既蟹籽同蟹肉外，蛋中間仲有蝦、帶子、魷魚同菇，入口軟綿綿，食到最尾近鍋底既蛋仲有少少焦香，好香口冰火鐵板雪糕布朗尼（配抹茶奶蓋）由gas爐將鐵板燒熱，令brownie 有微微焦脆，當鐵板冒煙時就可以熄火，將抹茶奶蓋淋上brownie，冰凍既雪糕再配上熱辣辣既brownie,口感好特別鳳梨柚子梳打+$21梳打甜度適中，入口清爽🍍菠羅可樂冰 +$34份量好巨🥤😂沙冰都透心涼，如果食埋燒肉或者火鍋飲呢杯更爽😆📌韓閣 (黃大仙)地址：黃大仙龍翔道136號黃大仙中心北館地下#foodie #美食 #外食 #知己相聚 #foodielife #foodieh