韓閣

营业中

休息中

好想知openrice根據啲咩黎界定食評係有試食優惠..寫親都話試食..真係嚴多試食活動咩..係有都俾晒啲kol喇，幾時輪到我呢啲十年磨一劍嘅普通食客仔成個鍋份量好足👍豬腩肉有肥有瘦，唔係得兩三塊，絕對夠飽（對我黎講），本人唔太食肥肉，呢次咁啱肥瘦平均，搭埋泡菜好夠味，成鍋湯好有味…除左啲豆腐..可能分開煮掛，豆腐食落好清🫨連泡菜味都冇味道都可以，但衛生就差啲..餐具盒上面有隻匙羹有食物殘渣，有隻不明飛行物體長期係度著短褲去食..坐一陣間隻腳開始㾗..唔知係蚊咬定有梳化有蚤凍檸茶少甜真係好唔甜..少冰真係好少冰😂 食完再飲已經唔多凍64蚊正正常常..下午茶冇乜選擇自助落餐冇乜服務可言，同場有對顧客唔識用高科技，想叫部長/經理？落單..佢好似唔太情願，語氣少少粗皮，但無傷大雅

係附近返左工咁耐，都唔知原來呢邊有呢間韓食 。店舖地方比較角落頭，行到好入先搵到 。一開始係俾佢個名吸引咗，「韓閣」食晒字韓國🤣 。遠望落去以為係超級市場，因為有一個角落頭可以買嘢。行埋少少之後發現原來係一個餐廳嚟嘅，但係門口就擺咗好多韓服，幾十蚊就可以試着 。今次叫咗韓燒，兩個人嚟講唔使$300超級抵 。今次叫左2人燒肉海鮮餐＄238 ，包埋甜品，飯，同埋飲品 。真係食過咁多間韓燒以嚟嚟講最平嘅一間。飲品特飲，超級有驚喜，冇諗過咁大杯，同埋唔係Hea。兩個人食咁嘅份量嚟講真係好飽，仲要臨尾爭啲唔記得咗個甜品 。服務態度嚟講，店員態度有禮，爭啲唔記得咗個甜品嘅時候仲好好提埋我哋仲有個甜品未食 。

泡菜煎餅嘅味道真係好正，將韓國傳統嘅泡菜加入麵糊之中，再煎到外層金黃酥脆，香味撲鼻。食落去嘅時候，泡菜帶嘅微辣同酸香完美融合入酥脆嘅餅身，令整個口感層次分明，非常開胃。特別適合同幾杯冰凍嘅啤酒一齊享用，係那種一坐低就停唔住手嘅小食。至於韓式炸雞，更加唔洗多講，絕對係晚餐嘅重頭戲。炸雞外層嘅酥脆同內裏嘅嫩滑多汁形成強烈對比，令人每一啖都感受到無比嘅滿足感。搭配上甜辣醬，味道層次豐富，酸甜辣嘅味道交織，令人回味無窮。每次食韓式炸雞，都會覺得好幸福，尤其係同三五知己一齊分享嘅時候，更加增添咗歡樂嘅氣氛。總結來講，今次嘅韓國餐體驗相當正，無論係泡菜煎餅定係韓式炸雞，都展示咗韓國料理嘅獨特魅力同美味。呢間餐廳嘅服務態度好好，環境舒適，絕對值得推薦俾鍾意韓國美食嘅朋友。下次想再次品嚐韓國料理嘅話，我一定會再嚟訪。

這家餐廳不收加一服務費，菜式選擇多，也有不少套餐，原來還有韓服體驗活動。⭐️牛肉雜菜飯卷這道菜以紅蘿蔔、蔬菜和牛肉為主要材料，口感豐富，味道鮮美。⭐️紫菜肉鬆蛋卷紫菜肉鬆蛋卷健康，蛋卷肉鬆，口感鹹甜，讓我一口接一口。⭐️一亞之媽炸雞（半份）炸雞外酥內嫩，非常美味，而檸檬蜂蜜口味則為整餐提供了一點清新的口感。⭐️檸檬水（凍）大大杯檸檬水很清爽。⭐️韓式炒粉絲炒粉絲的韓式風味獨特，值得一試，價錢也十分合理。韓式牛肉則是肉質鮮嫩，加上香菇、雜菜，很美味。配上韓閣味飯，更加飽足。⭐️韓國魚膏片炒雜菜有魚片、紅蘿蔔等雜菜，入口清爽惹味。

今日帶埋阿女去黃大仙同朋友食飯，見到呢間韓國餐廳食物選擇幾多，所以就入左去食。朋友唔太肚餓，加上有個細路，所以主要都係食輕食入主，點知黎到都係大大份，真係估佢唔到😂首先要推介的是紫菜肉鬆蛋卷，睇圖都見到份量幾多。蛋卷做到少少流心😍，唔會煮到好老，作為前菜黎講，佢又甜甜地，幾開胃，又大大舊，幾對得住個價錢。之後另一樣係軟殼蟹牛油果三文治，D料勁多，但係完全無從入手，唔知邊度食好😝最後我地決定先SHARE左隻軟殼蟹先食個包，隻蟹無炸到好硬，仲係淋淋地有肉汁，而且仲有膏😱！好正😱！而個包就脆的，連埋軟身牛油果一齊食幾夾。最後我地當然要食返個甜品埋尾啦，而我地要等左一般時間先上枱，建議可以想食之前半個鐘叫定。一問之下，原來等得耐係因為個格仔餅要即刻烘，食落去真係有分別唔係凍冰冰！格仔餅咸咸地，一定要連埋雪糕一齊食，咸咸甜甜咁就好夾啦😊。PS: 最後真係特別讚一讚員工幾NICE，見到我帶埋阿女，都主動幫我抹多一次張枱(張枱本身已經好乾淨)，呢樣真係好窩心❤️。

又去咗「韓閣」食晚餐😋 每次都覺得好滿足👍🏻 而且價格相當合理，讓你能以合理的價格品嚐到韓國美食。牛肉雜菜飯巻，牛肉夠嫩，雜菜爽脆，搭配上香噴噴嘅飯巻，口感豐富韓式牛肉炒粉絲，牛肉鮮嫩多汁，粉絲彈牙，帶來一種獨特的風味。酥炸軟殼蟹拼雜錦炒烏冬，軟殼蟹酥脆美味，搭配上炒烏冬和各種雜錦海鮮，令人垂涎欲滴。芝士泡菜煎餅，芝士和泡菜的組合令人驚艷，口感酥脆，味道獨特。三色芋圓芒果雪花冰，芋圓Q彈，芒果鮮甜，加上雪花冰的口感，絕對能滿足你的甜蜜渴望。🍧🥞

【黃大仙•韓閣】@ππππππππππππππππππππππππππππππ黃大仙韓式餐廳有韓服衣著扮靚靚景觀優雅 啲餐仲要抵食多野揀添麻辣水煮魚片海蜆煲煙三文魚籽石鍋飯人參雞湯麻辣水煮魚片海蜆煲重點在於其麻辣湯底，既刺激又過癮。水煮魚片是選用嫩滑的魚肉，經過快速水煮後將外層緊密，內在保持脆嫩。此道菜所加入的海蜆則增添了海鮮的鮮甜，相信在口中能形成與麻辣底湯的絕佳對比。海蜆本身的鹹鮮和魚片的溫潤結合，再融入四川辣椒和花椒的麻辣，應該在味蕾上形成了一場盛宴。煙三文魚籽石鍋飯" 是一道創新結合的料理。石鍋飯透過石鍋的均勻加熱能持續保持餐點的溫度，使飯粒呈現略為焦脆的質感。而煙熏三文魚籽則帶來鹹香，是一種很好的口感和風味層次。顆粒分明的多汁三文魚籽在嘴裡爆開，與石鍋飯的香脆基底相結合，會是一次令人記憶深刻的用餐體驗。人參雞湯在亞洲料理中向來被視為滋補強身的佳肴。人參的甘苦與雞肉的鮮嫩在緩慢的燉煮中彼此融合，不僅有助於調和口味，也為身體注入了一股溫暖的能量。喝上一碗熱騰騰的人參雞湯，無疑能在味覺上獲得慰藉，同時在營養上也獲益。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比

朋友帶埋小朋友去到黃大仙，韓閣餐廳食韓國菜，餐廳好有韓國特色，門口有韓服租借，可以係打卡位影靚相，好似去咗韓國咁。佢哋既特色牛肉雜菜飯卷，有青瓜紅蘿蔔配菜，加埋軟滑既牛肉，味道清爽香甜。部隊鍋既湯底唔會好辣，小朋友勁鍾意食佢地D麵。大韓無骨豬手係我最鐘意既，佢哋嘅豬手好林好入味，骨膠原滿滿入口軟滑，夾埋生菜豬手蒜頭，味道層次豐富。最後食埋佢個醬油蝦，蝦有醬油味道，襯托蝦嘅鮮味，而且生醃更加爽甜。韓閣 (黃大仙)黃大仙龍翔道136號黃大仙中心北館地下G06E-G06G號舖

星期五陪兩老到黃大仙參拜，一如以往十一點半左右入商場吃個午飯先。唔係成日來黃大仙，所以都係參考openrice搵地方，見到呢間都算新開的韓閣裝修幾特別同埋食物都幾吸引，決定入去試吓。兩老平時食量不多，又沒有好奇心去試唔同種類既食物，所以佢地一見到有常餐就決定了😅。而我就叫了個一人虎蝦牛肉湯窩。午餐每人都有飲品及前菜送，但見到每張抬就算係幾個人都只係比一份前菜，包括一碟細細的泡菜及芽菜，即時就覺得呢間嘢好孤寒。常餐來了，見到賣相同份量都滿意，兩老都食得開心，尤其是那塊多士原來係類似拉絲果種麵包。我個一人窩都有驚喜，個窩對一個人食來講是非常大的，菜既份量會比滿分，但牛肉就略嫌少左啲。杯咖啡亦算係精緻，奶係分開落及微暖的。本來想叫個海鮮梳乎蛋的，因為見到啲相片很有趣，可惜平日只係晚市供應。我亦見到其他人食午市既石窩飯，個窩都唔細同賣相幾吸引。最後埋單無須加一，以及兩老每人再有十蚊減。總括而言我對這店是頗滿意的，如果店家在前菜方面再闊綽一些會更好😁 。

之前睇到好多好評就入黎試下, 點知食到一肚火首先個餐等左好耐先到, 我覺得唔緊要, 食飯時間, 可能都係想一次過煮就要等耐少少叫左個韓式鐵板牛肉配飯同埋鐵板泡菜五花腩配飯黎到只係D肉煮熱左再放上去鐵板, 根本同鐵板係冇乜關係, 亦唔夠熱連白飯都只係暖既跟餐寫住可以揀是日甜品, 但寫住埋單取我就問個女店員係咪出左去埋單再拎, 因為怕自己誤會意思女店員本身態度已經好差, 問我係想拎走定係度食, 我問係咩甜品, 佢答我「係是日甜品」我問咁姐係可以拎走? 佢話「可以用個盒裝住走」我問個盒係咪要加錢, 佢話要加錢我再問係咩甜品佢都係答我是日甜品咁好啦既然佢話可以係度食我就話係度食, 女店員就走左等左15分鐘都冇甜品上, 我再問另一個女經理女經理話果個係一粒雪米糍係埋單拎走既我就真係好嬲, 既然只係一粒雪米糍點解個女店員又話要用盒裝住走又唔答我係乜野甜品仲要我等成15分鐘, 如果我知只係一粒雪米糍我就可以即刻埋單拎走啦埋單果陣我同女經理講返依件事, 佢仲要話「粒雪米糍係已經包裝好唔洗再另外包裝嫁喎」而家問題咪就係你地個員工亂咁答問題同要個客人白等囉成間餐廳既店員既態度都差到不得了, 絕對唔會再黎依

韓國餐廳 當然會食番韓國菜，但係見到佢有其他小菜，所以試下，會唔會一樣做到出色。鍋仔豆醬炒海蝦花甲～送到埋黎仲係好熱😚，以豆醬調味，同其他配料炒 蝦肉微辣帶鮮🤟🏻🤟🏻花甲肥美鮮甜👍🏻韓式糖醋肉醬汁酸甜適中，脆口嫰滑，好開胃👍🏻仲有三色椒配襯顏色豐富魚糕片炒雜菜 好鐘意食魚糕片 比我想像中份量都多 另外叫左2杯飲品 大大杯 裏面仲有爆珠😍幾得意 😋😋藍調時光/紫雨林兩杯野飲都好岩打卡✌🏻✌🏻

首先，d職員十問九唔應 服務態度差 叫左十幾聲先過嚟問乜事 問可五可以俾杯水我哋 佢五應人 問多兩次先講出面自己拎，職員五講客人又點知？ 仲要成日點行點過扮聽五到 d野難食到嘔 個飯超鹹 個粉絲無味 炸雞全部都係粉黎 係香港未食過咁難食既野 真糸比錢買難受！請我都唔食 救命唔會再入黎食 極度差評

相信黃大仙居民對呢間餐廳應該都唔陌生，佢喺黃大仙中心入面，打風出咗名嘅牛奶冰室上多一層就見到佢😂韓式餐廳黎講佢嘅質素都好穩定，間唔中都會想食下呢間，今次去正值新年，於是試咗佢嘅週年套餐（$308），for二人食用，但份量同種類係超多，三個人食都完全ok！1. 手工是日燉湯今日係蟲草花枸杞雞湯，雞肉煲到骨肉分離，肉質非常軟爛，入口順滑、清新微甜🫶🏻評分🌕🌕🌕🌕🌕2. 火焰濟州柚子骨上枱之後店員先點火燒🔥嘭一下都幾震撼，大概燒數十秒就會熄滅架啦～排骨酸甜可口，同咕嚕肉有啲似，但多咗柚子嘅清香所以冇咁漏👍🏻評分🌕🌕🌕🌕🌗3. 巨型海鮮梳乎蛋上枱仲係脹卜卜😍要盡快打卡！入面仲有唔少海鮮，撈埋蟹肉蟹子鮮味十足🦀評分🌕🌕🌕🌕🌕4. 芝士肉醬牛肋條農夫包+$88就有！一切開芝士同醬汁爆曬出黎🤩牛肋條軟爛入味🐮雖然係好食嘅，但食到後期有啲漏😂評分🌕🌕🌕🌕🌗5. 冰火鐵板雪糕布朗尼配咗一兜粉紅岩鹽芝士奶蓋，可以自己淋上去～鐵板燒過嘅Brownie外脆內軟、外熱內冷，口感非常豐富，不過略嫌甜咗少少🤌🏻評分🌕🌕🌕🌕🌑

今次喺第一次去(2個人)，見到裝潢幾靚幾得意，睇到門口排隊排左10個8個人，裏面亦坐左幾多食客，抱住入去試吓既心態，等左10至15分鐘入場，一入去已將原本2張各有2個人坐緊既4人枱拆開4個2人座，本身張枱已經唔喺大張，坐左8個人後，感覺比連鎖餐廳還要迫，用apps落單，只是單點左兩個定食加兩個小食，等左35至40分鐘先開始上菜，食物質素差，感覺只將所有食材放入一個碗同盒裏面，完全冇味道可言，堂食待應，特別是經理服務態度極差，你有你追，佢亦費事同任何人解釋。冇錯，成個場喺座滿哂，好生意，不過完全冇諗過廚房應唔應付到，最終枱枱客喺度乾等，自己頂住自己，得不償失。最後總結，3個字.....冇下次。

之前喺荃灣食過呢個人氣高企嘅韓國餐廳，今次來到位於黃大仙中心嘅分店，餐廳內環境舒適，比起荃灣店座位更加闊落！最特別嘅係呢到除咗有得食韓國料理之外，仲可以租埋韓服打卡，真係啱哂啲從未去過韓國著韓服但又貪得意想體驗下嘅人啊～甜辣芝士年糕配大魚糕串💰HK$88煙煙韌韌嘅年糕配上韓式甜辣醬真係好夾好惹味，大魚糕一大片喺中間痴住哂啲芝士，超邪惡啊～牛肉雜菜飯卷💰HK$62飯卷好足料，甜甜地嘅牛肉再加埋爽口嘅紅蘿蔔絲、黃蘿蔔、生菜同啲飯捲埋一齊，口感豐富，感覺又健康啲～大韓無骨豬手💰HK$98份量多，用生菜夾住啲豬手來食可以減低油膩感，美中不足係豬手肉比較乾身～