響 - Hibiki 日本燒肉 (已結業)

一睇假期前夕嘅價錢，$508+, 感覺上有啲貴，但係可以講係物有所值🤞,再加埋like FB, 仲享有79折, 真係值得推介。👍雖然實施咗限聚令，做小左客; 但係經理仍然熱情噉同我哋傾偈: 佢話之前試過有生蠔任食，有一臺客, 兩个女士食咗120隻同埋每人九杯雪糕。🍨🍧相比之下我哋有啲蝕，但係仍然大滿足。

唔講唔覺 已經好耐冇食過日本燒肉終於出嚟佐敦食響-Hibiki和牛燒肉放題☺佢地嘅店內佈置走濃厚嘅和式風格掛滿紅噹噹嘅日式燈籠同粉嫩嘅櫻花裝飾餐廳座位編排都好闊落 整體進餐環境感覺好舒服一坐低就首先送上一份我最愛嘅龍蝦俘虜我心🤤除左有高級澳洲和牛食之外🥩放題仲包括好多款刺身, 海鮮, 沙律, 蔬菜, 燒物, 炸物, 天婦羅, 仲有好多唔同嘅小食 應有盡有雖然話係放題 但佢地對食物嘅要求絕對一絲不苟我最鐘意佢地嘅和牛西冷同胸腹 入口充滿油花香味配埋喜馬拉雅鹽提一提味 感覺簡直太幸福☺另外如果有唔食牛嘅朋友一齊嚟食都完全唔洗擔心因為店入面嘅豚肉同雞肉選擇都好多款好厲害！刺身由日本直送 全部食落都好鮮甜天婦羅都係必推之選 炸得好香脆重點係我唔小心遺忘咗佢放耐咗😱食落仍然係好香脆！除咗普通嘅包裝飲品任飲之外呢度嘅柚子酒，梅酒同紅白酒都係任飲啊～鐘意飲酒嘅朋友一定唔可以錯過最後當然要有甜品作結啦Movenpick, Fruttato Gelato, Dreyer’s全部都係任食！另外玻璃雪櫃入面仲有多款蛋糕，泡芙等等嘅甜品埋單發現依家仲有79折而且2人以上就送波士頓龍蝦一客4人以上就送喜之次一條

今日趁朋友收早，就去試吓啦又佢開嘅時候到而家，成日都見到有人介紹。雖然在放題始終價錢唔算平但佢嘅Menu淨係食和牛，點樣都要「豪」返次我地book左5:30，貪人少啲價錢又平啲只要like咗佢哋社交平台，$408再有79折感覺抵番好多去到嘅時候其實原來一啲都唔少人估唔到呢個時間都有咁多人食飯但係後來我覺得真係幾好，因為食到勁飽留返D時間消化下都好20:00原來有下一場，我哋走嘅時候，門口已經開始有人排緊隊等入去講返啲嘢食先，入座嘅時候直接已經上左一盤刺身、燒肉同埋位上半隻龍蝦龍蝦冇咩雪味，肉質都算做幾爽口。刺身不過不失，黎都梗係食和牛啦，呢個都唔係主角值得抵讚一句，每一款肉都有一個小名牌，知道自己食緊嘅係邊一款肉類，起encore時就知道想要乜嘢澳洲和牛胸腹：我最中意食依個，入口即溶。牛舌：燒肉必食🤣一定要食牛舌，爽口而且口感一流。海老：超大隻海老，肉質一啲都唔會梅，食多幾隻都回本。之後緊係食返雪糕啦，依個都係回本位任食Movenpick、Dreyers。好少放題食呢種咁高質素嘅雪糕🍦仲要任食唔嬲場內油煙味唔算重，抽風系統做得幾好，而且冷氣夠涼爽，唔會愈食愈油嘅感覺

我嘅好閨蜜最鍾意就係食日本嘢，除此之外仲好鍾意食燒肉，今日我哋既愚人節晚餐就係食響！一入門口就已經見到甜品櫃同埋雪糕櫃，雪糕全部都係貴價大牌雪糕，要翻本一d都唔難之後就會見到飲品區域，有紅白酒, 梅酒, 柚子酒, 岩哂一班酒鬼!另外仲有罐裝飲品同埋熱茶店員安排好坐位之後就同我地講先會安排一個刺身拼盤同埋肉類拼盤首輪既刺身拼盤仲會有大大舊既海膽, 真係睇到都流哂口水, 所有刺身都好新鮮!!另外仲會每2位送一隻花咲蟹, 一打開蟹蓋就見到好多羔可能大家會好怕食蟹要拆殼, 但呢款蟹非常容易都拆到肉啦!!食蟹既同時緊係放D肉落去燒, 主打緊係食牛肉啦, 我個人最鍾意就係澳洲和牛西冷因為牛味較香, 口感較腍, 豬腩片都好正, 燒過之後唔會覺得油膩, 仲有少少香脆既口感另外必定要叫既就係燒海老, 超大隻, D肉爽口彈牙!!另一回本位!! 我既好閏蜜好滿意呢一餐, 仲話下次要帶埋屋企人黎!

自從武漢肺炎之後都少咗出街食飯，不過有時間唔中都要見下朋友，朋友就介紹左我去一間幾出名嘅佐敦燒肉度食嘢，聽講仲要係任食燒肉同埋任飲清酒好似幾吸引原來仲有刺身同埋海鮮任食，呢個價錢又真係幾回本刺身方面我哋每樣都試咗一啲，三文魚、帆立貝、甜蝦呢啲嘅刺身質素都做得唔錯，相比起其他燒肉放題來講依間餐廳做刺身做得都幾高質同出面嘅壽司放題店有得比一開始餐廳會準備咗一個燒肉成盒俾我哋，當中有澳洲和牛同埋西冷，每一款肉睇落去嘅顏色都好靚，燒落去好香，味道亦都好滑，我同朋友最鍾意食嘅就係和牛西冷，肉味好重，而且口感一流除咗和牛之外竟然仲有龍蝦，啖啖肉燒香左嚟食真係好正，除咗龍蝦之外仲有一啲全消可以俾我哋揀，免治雞肉串、雞軟骨都係我嘅至愛，燒香左嚟食配埋醬汁真係好正特別值得一讚嘅就係餐廳佢會準備咗海鹽、黑胡椒依啲調味料俾我哋係燒肉嘅過程入面自己調校，就算本身肉冇乜味都可以俾我哋調教自己心水嘅味道最後飲品方面仲有清酒同埋柚子酒任飲，味道亦都好好唔飲酒嘅人都可以揀果汁或者茶包，而我自己就幾欣賞餐廳提供左唔同嘅茶包比客人自己揀今天來講都食得幾舒服座位唔會太過迫，餐廳職員仲會準備紙巾比我地放口罩都幾貼心

響 - Hibiki 日本燒肉@佐敦 好耐無食過燒肉放題，向來都知道響- Hibiki 日本燒肉係燒肉界中性價比及質素高的燒肉餐廳，今次終於第一次去到拜訪，任食2.5小時，滿足下大魚大肉既要求。.燒肉類一上台侍應即奉上一大盤燒肉拼盤，當中包括不同牛的部位、豚肉及雞肉。小編最最暖喜歡和牛西冷，肉味最濃厚，油脂分佈平均。刺身類刺身種類都尚算多，整體新鮮甜美，當中個人大愛帆立貝，特別鮮甜。店鋪亦有海膽提供，但未有得追加，對於海膽愛好者而言，有點可惜。.燒物類除了刺身及燒肉，餐廳亦有燒物及鍋物提供，天婦羅炸物粉漿薄而且脆口，特別推介。甜品及飲品類雪糕有唔同款，包括Movenpick、Dreyers任食；另外飲品種類亦非常豐富，除了一般的汽水及樂天飲品外，還有不同酒類供應，包括清酒、日本啤酒，可以不醉無歸。餐廳食物高質、環境十分整淨乾淨、服務質素十分好，整體CP值十分高。😋味道：8.5/10💰消費：約$400（每人）

燒肉放題宜家成日都有 周街都係唔係牛乜就乜角今次特登去尖沙咀試下朋友成日介紹既響呢個放題真係不得了 種類繁多 職員仲要收碟收得好密 好好服務一坐低就會上龍蝦同刺身龍蝦大大隻 又多膏 刺身又有甜蝦又有八爪魚 仲有帆立貝肉類拼盤set到好靚 又係唔洗點都會上台又和牛又豚肉 好粉嫩啊和牛 燙一燙就食得！陣間最緊要食多次雞翼 好好食食完第一round就可以自己點啦我翻啅左刺身同肉仲點左好多天婦羅好好食啊個炸芝士年糕 必食呀最後點少得甜品 女人有兩個胃咖嗎有榴連雪條好岩榴連控仲有Mövenpick同dryers雪糕飲品除左有基本汽水 茶 啤酒竟然仲有sake 梅酒 紅白酒 我飲左勁多 回哂本啦

見到評語話正咪去食囉 點知中㐲 痴線架 刺身 無味 肉無味 無下次 價錢唔係平囉 咁點攪牙 400幾蚊一個人食牛角 可以好好味 龍蝦 好多水海膽 似鼻涕雞翼 無味 牛 有雪味豬 有臭味自問對食要求唔算高 好失望囉最好食就係天婦羅蝦 仲有 仲有 差點忘記 就係最好味的 雪糕有榴連味 好正 好香

一直都想搵一間質素唔錯嘅放題店可以大食特食然後喺上網見到佐敦呢一間放題介紹有澳洲和牛，所以過嚟試吓見到5:30嘅時候都幾多人，呢度好在可以甜品牛肉串燒刺身或者係其他飲品都任食所以唔使就住嗰個荷包我哋先每樣點左尤其是佢嘅牛肉同埋雞翼腸仔，都幾多元化。質素上還可以，咁嘅價錢呢個質素非常唔錯。刺身仲會有海膽，另外仲會有油金魚帶子等等其他唔同種類嘅刺身特別鍾意食佢嘅海膽因為超級大快而且份量都好多。仲食咗龍蝦，首先我哋食咗佢凍凍地嘅然後再放咗落爐道試咗少少微熱份量又多又大所以食到我哋好滿足。飲品區域都好多元化除咗有汽水果汁之外仲會有梅酒清酒同啤酒等等其他酒類都包埋。而且仲要有冰桶同埋放得好整齊，所以客人非常容易就可以睇到自己鍾意飲啲咩尤其是我朋友勁鍾意飲酒。今次真係可以俾佢大飲得飲呀。

老公生日當然要出去同佢慶祝， 知佢鐘意食燒肉，所以今次同佢黎響Hibiki 食放題，呢道放題有齊燒肉，海鮮，刺身，日本炸物，甜品等等 ，一次過滿足哂我地既食慾！兩位或以上光顧仲會有龍蝦送，正😋一坐底會比左肉類拼盤同刺身先、肉類主要來自澳洲同美國，每款都附有標籤，好貼心，牛肉油脂分佈好靚，同埋有齊肉眼，西冷，和牛胸腹等，一次過試勻多種滋味，每款都肉質肥美，啖啖充滿油脂香，配埋泡菜一齊食好好味又可去膩👍🏻👍🏻刺身都好新鮮，件件厚切，最愛海膽，唔會太重海水味，老公平時唔食今次都同我爭！其實我地好細食😂😂食左第一round 已經飽飽地😖所以點左小量食物，串燒都係自己燒，榴連炸彈必食，好香榴連味😆😆甜品方便有movenpick 同dryer 雪糕，都好多選擇😋 佢仲要有榴槤雪糕，榴槤友真係要試呀！

食放題我多數唔會選擇平價嘅 因為之前試過仲過幾次伏 所以而家去食之前會睇吓間餐廳嘅評價先去 最近見好多Foodie推薦呢間食放題 我見價錢中等食物選擇方面都幾吸引喎 所以先去試吓咋任食放題分兩個時段 每段時間為兩個半鐘頭 對我來講兩個半鐘嘅時間都算OK唔會食得趕頭趕命坐低冇幾耐侍應就送上一盤刺身 一隻龍蝦同埋一碟肉類 刺身有五款係可以任食嘅 新鮮波士頓龍蝦(熟食)就係凡兩個人或以上光顧就有㗎喇 不過龍蝦唔係任食嘅初時以為任食和牛種類只得一款選擇 望一望點餐紙先知原來係有三款(澳洲和牛西冷、澳洲和牛胸腹、澳洲和牛肉眼) 喎 淨係任食呢三款肉類已經會晒本 除咗和牛其他肉類都唔少㗎 仲有海蝦青口等海鮮俾你燒其他食物有天婦羅 炸物 串燒 小食 烏冬 豆腐鍋 蔬菜..... 我仲未講完....記得留肚食雪糕! 有Movenpick 同埋Dreyer’s兩個牌子嘅雪糕/甜筒 成個雪櫃裏面裝滿雪糕自己任揀任攞好多人食燒肉嘅時候都鍾意飲返兩杯 呢度啲日本酒、紅酒、啤酒同埋其他飲品都係任飲㗎！點餐方面就係自己畫紙仔 畫完交俾侍應就得 上菜速度都算快 等顧客可以把握時間燒嘢食 上次出完個IG Story之

很久以前聽一位uncle提起過響放題的質素非常高，今天相約朋友來一嚐。晚市刺身及燒肉放題視乎時段，本身價錢$408-$508不等。每天有日本直送的刺身，兩位以上則送波士頓龍蝦。本身約了四個人來吃，臨時朋友有緊急事，不然四位或以上還再送喜知次呢！兩個半小時時間充足，餐廳先呈上刺身拼盤及燒肉拼盤，十分澎拜。其他放題材料則直接下單，上菜速度快。吃完刺身及燒肉仔按自己喜好再加單，但其實所有肉類質素都不俗，各種澳洲和牛、美國牛肋骨及牛舌我們都加了單呢！椒鹽燒有雞皮、雞軟骨等，也是自己燒！各種放題常見的飲品都有，另外還有sake、梅酒、柚子酒及白酒等。甜品方面除了蛋糕，還有我最愛的mövenpick，還有各種dreyer’s 甜筒，真開心！最近有限時優惠，晚餐時間有79折，連宵夜時間也有89折，真的蠻划算呢！值得一提是餐廳有說明即使出去拿飲料也必須帶口罩，感覺安心！

到朋友一早訂左位試食呢間日本燒肉放題即使禁制令開始左 仍然見到係坐滿客不過防疫措施做得好足一入門口有即刻幫客人探熱亦有提供酒精搓手液係門口而且亦好細心比左兩張tissue放口罩一開始會上左頭盤先會有一set 魚生 燒肉 同 蟹生食基本上可以係頭盤試左唔同肉同魚生覺得好食先再叫魚生味道普通～燒肉 朋友都話牛肉味道不錯豬肉就還好一切都感覺良好之際....去到第二日朝早我同朋友兩人同時攪肚痛 肚痾 朋友仲痾到面都青埋仲差d嘔🌚🌚🌚認真不可再......

/響Hibiki 🇭🇰/#sa佐敦篇#sa晚餐篇 ➖➖➖好耐無食過燒肉放題啦～呢間都算係我食過最高質之一嘅店而且性價比幾高 可以食2.5小時 首先會上左一盆燒肉、刺身 、每人半隻龍蝦🦞之後想食可無限再追加😋龍蝦就另外再加錢仲有自助雪糕、飲品tim😝😝$400左右食到咁多野 幾高質👅入去食之前店員會幫你量體溫 可放心➖➖➖🔸燒肉拼盆🔸有豬、牛、雞肉唔同嘅部位而且仲會有埋名稱豬同雞較多脂肪牛肉之中最鍾意係和牛西冷肉味係最濃 而且肉質最滿意 油脂分佈平均 幾juicy其他部位口感較煙韌～雞肉腸賣相幾特別 插住雞骨三款肉最鍾意係牛 之後都有追加➖➖➖🔸刺身拼盆🔸一上台刺身充滿仙氣🤪 幾正有油甘魚、三文魚、八爪魚、蝦、海膽 幾足料 都算新鮮 切件較細最鍾意食三文魚同蝦☺️➖➖➖🔸龍蝦🔸兩人以上食就會有～蝦肉結實之餘 仲有蝦籽爽脆口感而且真係有好多蝦肉 幾鮮甜呢個唔洗燒就食得➖➖➖🔸小食、蔬菜🔸除咗食肉同刺身 當然燒下其他野食仲叫左雞軟骨、中華沙律等等印象較深刻係雞軟骨同免治雞肉棒最鍾意食爽脆嘅野 好好咬～ 免治雞肉棒有肉同骨 口感更豐富！➖➖➖🔸飲品🔸種類都算多 除左飲品櫃入面 側邊仲有清酒、梅

🌟🌟🌟🌟🌟🌟🌟🌟🌟🌟🌟🌟🌟🌟🍽 響 - Hibiki 日本燒肉 (佐敦)📍佐敦白加士街101號珀軒1樓🌟🌟🌟🌟🌟🌟🌟🌟🌟🌟🌟🌟🌟🌟今次紀念日黎到佐敦既hibiki食日本燒肉放題！1730入座食到2000，人均大概350，唔算平，但勝在食物高質素🤘🏻有任食日本直送朝捕晚獲魚生(有深海池魚！)、頂級和牛🥩、龍蝦🦞、炸物天婦羅🍤、紅白酒🍷🥂、sake梅酒柚子酒等等，絕對滿足到所有食肉獸！仲有我最愛既Movenpick同Fruttato Gelato, Dreyer’s甜筒，都可以任食，我地好誇張2個人食咗5杯movenpick🤣講翻肉類，特別推薦澳洲和牛西冷、澳洲和牛肉眼、澳洲和牛胸腹、美國牛肋骨同骨付雞肉腸。澳洲和牛系列，牛味非常濃郁，油脂分佈均勻，入口細嫩，當中以肉眼最腍、胸腹最濃牛味。骨付雞肉腸，好少見，燒完個皮會完美地有三個裂口位😻外皮卜卜脆，入面juicy香口。炸物天婦羅水準很好👍🏻芝士年糕實在太好味啦！仲有日本辻利茶舖既茶包可以沖茶解膩，值得一讚！✨如果喜歡我的文章，可以關注我及讚好以作鼓勵喔✨