響 - Hibiki 日本燒肉 (已結業)

好耐都未食過燒肉，今次終於有時間去試下呢間響，之前見到好多人試過都話好食，今日嚟會一會佢~一坐低，就會有職員話你知，會先俾2個拼盤，一個係刺生拼盤，另一個就係燒肉拼盤，另外2位客人，就會有一隻龍蝦。龍蝦都唔錯，唔會死死實實，都彈牙，有無雪味，超出預期刺生都唔差，唔會有雪味同未溶雪嘅情況出現，海膽係正，可惜唔係任食，不過啲帶子就切得薄左啲主角出場，第一盤當然係靚仔啦，睇到啲牛肉嘅樣，已經好想食，不過其他雞翼，骨腸同啲豬腩就無咩興趣，話晒嚟呢到都係想食佢啲牛好老實，啲牛係幾好味，唔同部位真係食到有分別，有啲有重牛味，有啲比較淋，總之就滿足到我呢個牛摩王。除左牛，當然有其他食物俾你燒啦，但果啲唔係主角，都唔多講。呢到仲有紅，白，梅，柚子酒任飲，雪糕都係任食，仲要唔係平價嘢。如果你鍾意榴槤，就一定要試下佢個榴槤雪糕

過往任食類型嘅都係放題同火鍋為主，日式燒肉都係第一次，以往對佢嘅印象都係好多肉好似唔多健康、唔精緻咁，今次有信任嘅朋友請（二人聚會xd ）就試一次，結果令我喜出望外以為食肉嘅地方就好男人味？呢度係和風日式傳統feel，環境都好靚，呢段期間相信大家都好關注餐廳嘅空間問題，因為唔想同其他食客太近，所以呢呢度都安排左八人枱只係坐左右最盡嗰兩邊，務求令到大家嘅空間比較闊落亦都食得安全啲。價錢好清楚，一目了然，真係一口價，兩個人以上仲有龍蝦送，質素都唔錯。凍食即刻食得啦，好快手已經送到。呢度嘅刺身有分兩種，一種呢自選好似拼盤咁樣嘅，選擇呢就冇放題店咁多但係質素都好好，而且擺盤都好有心思架。至於零一種就係每日款式都唔同嘅胸圍刺身，就算你問店員佢都答你唔到係邊款㗎，你當係一個新驚喜啦！望真啲仲有海膽添呀！帶子同埋八爪魚特別鮮味，尤其是八爪魚，真係有啲鮮甜嘅味道，唔似平時出面嗰種淨係不斷要咬又冇乜味。下一輪就係重點啦，淨係牛都有分咁多種，而且設成一小薰咁樣上，每一個種類仲有專屬嘅名牌擺咗喺上面俾你去分辨，望落去真係好精緻，亦都感受到店家嘅用心。我覺得呢個方法最好嘅就係俾你分辨到自己食咗乜嘢，又可以見到

一直以來在香港想吃日式燒肉大都會選擇連鎖店牛角，這天晚餐原本又打算到雅蘭中心的牛角Buffet，但眼見大排長龍只好轉戰其他餐廳，最後選擇了這間網上評價甚高的響Hibiki。因為最近有優惠所以結帳每人只需約四百元，與一般放題一樣食物以點菜紙下單，除了肉類之外更有刺身、串燒、天婦羅等。除此之外，飲品及甜品均可以到自助區自取。入座時候尚早客人較少，雖然後來客人漸多，但座位及餐桌空間充足，不會過分逼狹。入座後不久便首先送上一份燒肉拼盤，除了省卻等候時間之外，亦可以逐一淺嚐方便之後追加自己喜愛的款式。澳洲和牛有西冷、肉眼及胸腹三個部位，脂肪分布平均，油香四溢，以任食質素而言游刃有餘。刺身除了海膽外都可以任點任食，當中個人覺得帆立貝特別鮮甜。另外每位亦會送上半隻波士頓龍蝦，肉質不過不失但蝦膏甘香。椒鹽燒最推薦雞皮串，燒過後變得微微焦脆，逼出油脂香而不膩。其他食物亦有鍋物另外天婦羅及炸物都即叫即炸，煙韌濃郁的榴槤炸彈向來是放題必點之一。追加食物亦保持質素沒有濫竽充數。最後當然少不了以甜品為這餐畫上完滿句號，甜品櫃中有少量蛋糕和泡芙。Movenpick雪糕除了常見的朱古力和呍呢拿外更有楓糖合桃及咖啡脆

今日難得放假，米同老公上網揾定去邊度食晚飯好，老公提議話不如食放題，但我又想食燒肉，不過都難唔到我，俾我揾到間評語唔錯，又滿足到我地2個要求既燒肉放題，係佐敦mtr行幾分鐘就到，唔難揾。一坐低，每人送半隻龍蝦，又大隻又多肉，依度通風好好，食完唔會成身味。隻龍蝦成隻前擘咁大隻，幾多膏，啖啖肉。燒肉款式好多，剩係牛肉都有6-7款，仲有豬同雞食。雞肉串好有驚喜。食得放題，邊少得天婦羅，炸蝦好大條，好新鮮，仲有炸芝士年糕，又有榴槤炸彈。芝士年糕雖然食親放題都有食，但依間堅好食，同平時食既好唔同，好煙硬。榴槤炸彈入面榴槤爆晒漿。燒肉款式都好多，牛肉有唔同部位，仲會有埋牌，等你自己知食緊咩部位。枝豆真係好好食，恰得剛好飲品竟然有我最愛既酸梅湯，飲完食野都唔會漏，仲食多左。睇下，幾多選擇最後要提一提，店舖消毒衛生做得好足，俾顧客食得好安心。抵讚！

最近係屋企困得太耐，冇啖好食，所以一係唔食，一係就食好d,上網揾下有咩好野食，依家打便爐就冇食好耐，見到有間燒肉放題網上評價唔錯，就約埋朋友去試。一入到去，因為我係甜品控，未食正餐，緊係要先睇下陣間有咩甜品食，竟然有Dreyers,又有movpick食。唔好笑我呀，人地食完正餐先食甜品，我就係食左個抽子味既Dreyers先，好滑，好清新。飲品都有唔少選擇。佢地好貼心，一入到去咩都唔洗點住會先黎每人半隻龍蝦，好大隻好多膏，可以食住咁等其他order到。依碟牛都唔駛自己點，又係一入去佢地會先俾碟拼盤你，每款都俾你試下先，鍾意食邊樣再獨立再點。刺身拼盤好新鮮，又係唔駛點，先來一盤，唔夠再點。佢地話龍蝦可以即食，但都係鍾意熱食，擺落去燒一燒，仲甜仲好食，好多肉。炸物黎左，唔駛等好耐，炸得剛剛好，d漿唔會好厚。開頭都冇諗食蝦，諗住都係細細隻冇咩肉，但見隔離枱隻蝦咁大隻，即刻點番隻試下，好彩有點，隻蝦好甜好鮮。最後真係大滿足，不枉突登黎食，下次一定再來。

📍響 - Hibiki 日本燒肉 (佐敦)🔍佐敦白加士街101號珀軒1樓-----早前朋友升職話請我食飯，厚面皮嘅B仔👶🏻一聽到食...當然無推卻，佢升職當日就等佢收工一齊去佢推介嘅燒肉店食放題😂由於佢比較夜收，所以我地差唔多8點先去到。本身諗住呢個時勢一定唔使等位啦，點知竟然全場滿晒，好彩等左5分鐘就咁啱有人走。-坐低一陣店員就為我哋送上一盤刺身拼盤（有海膽、三文魚、甜蝦、油甘魚、帶子、八爪魚）一份龍蝦🦞同一盤烤肉除咗海膽同龍蝦之外，其他款式都可以無限量order -🍴刺身：全部刺身都幾高質，比元老級放題大喜屋更加新鮮，尤其推介爽口多汁嘅八爪魚同鮮嫩肥潤嘅甜蝦，除咗呢啲基本刺身之外，佢哋仲有日本每日空運魚生，店家話日日款式都唔同，非常用心。🐟-🍴飲品：呢度嘅飲品款式頗多，有凍有熱，但要說最令人surprise嘅，就係佢哋連酒嘅款式都好多，有清酒🍶、梅酒、日本小麥啤🍺、韓國啤酒、紅酒🍷同白酒，嗜酒之人絕對可以輕鬆番本。-🍴日式燒肉：頭一輪餐廳會主動送上最推介嘅幾款肉類🥩款式（包括有澳洲和牛西冷、澳洲和牛胸腹、澳洲和牛肉眼、美國牛肋骨、米澤三元豚西冷、米澤三元豚脯片同骨付雞肉腸）。每款肉

去咗響一心諗住食和牛燒肉大餐但食落成餐都幾失望一到場 show like左社交平台page 有79折員工態度良好 帶左我地入一個都幾入既枱坐之後店員解釋會有一盤肉同刺身到左先仲有龍蝦冷盤送 肉我就叫店員唔洗送 我地自己點因為我哋唔想食雞肉同埋豬肉刺身都幾好食嘅 但係非常薄切少咗啲口感 但係甜蝦就麻麻個龍蝦都唔錯 幾好食至於重點 澳洲和牛 就認真失望既話就話係和牛但係食落去非常普通同埋好un仲有部份係我咬唔開個樣望落去靚靚仔仔 都紅 感覺新鮮但脂肪紋理同食開既和牛好有分別呀我食咗1 round已經唔想再食佢都有其他嘢食嗌下 例如刺身 天婦羅 沙律 飯同烏冬但選擇比一般嘅放題都少好多佢呢度比較出色嘅我諗係佢包埋酒有梅酒有清酒有白酒有啤酒有movenpick如果好鍾意飲酒嘅人我諗會鍾意嘅但如果一心諗住嚟食牛嘅都係算啦 我自己當然知道澳洲和牛同日本和牛有分別不過可以話呢一餐根本就唔似食緊和牛我哋就算七九折完 計埋加一都要900幾蚊 真係非常失望 如果去牛角用呢個價錢都可以食到日本和牛食飽了食到後期比較full既時候 成間鋪頭煙霧彌漫仲有少少醃眼 我仲同男朋友講笑咁話好似中咗tg呢個價錢可以食得

想吃肉又愛飲酒?佐敦呢間燒肉放題可能岩你啦好多酒款 同埋可以坐2小時慢慢食咖_一坐底會比碟唔同款式既肉🥩🥓🍖同埋有一盤刺身 有帶子三文油甘魚 仲有海膽呀 🍣另外有龍蝦送😋 龍蝦好多膏 特登影底左📸 刺身我好推薦油甘魚肥美新鮮!之後都有再refill !海膽都好正 不過就無得refill啦🤤-肉類既話 牛肉比較多款我最中意和牛胸腹肉 牛味重d同唔會太肥另外同牛肋骨肉都好有咬口 唔好唔記得叫雞軟骨同雞皮係自己燒 唔係現成串燒 落d鹽再燒更好味 🤤另一樣我覺得一定要叫嘅係燒菠蘿🍍好解油膩 食完又可以繼續食肉🙈😂_同埋中意飲酒既朋友佢酒類比平時放題多款梅酒 柚子酒 清酒 紅酒 日本罐裝啤酒都有😮我自己飲咗柚子酒比較清新🍊酒味唔係好重平時冇飲開走酒嘅我都啱飲👍🏻-到最後食返個雪糕就非常完滿🤤💯有Dreyers , Movenpick ,榴槤雪糕同雪條 🍦

好耐無去日好掛住當地嘅燒肉一於去搵間食日本燒肉嘅餐廳呢到2小時任食，一入座店員已經率先奉上每人半隻龍蝦、一盤刺身拼盤以及燒肉拼盤(個放上牌以分辨肉類)每樣嘅份量都係少少適合，等我哋試完喜歡邊一款再點刺身方面冇乜特別驚喜，水準一般，畢竟呢度都係專門食燒烤嘅店舖所以都係專心食燒烤吧！除咗肉之外有好多燒物都係自家製，其中有個好喜歡嘅係自家製雞肉腸，味道調配得好好，食得出有雞軟骨係入面串燒方面都係自己燒的，連雞皮串都有，以前去日本一定會食可惜喺香港好少見，男友見到相當高興！另外全部飲品都係自取仲好多選擇除咗汽水、茶之外，淨係酒類都有幾幾款，連我最愛既清酒、柚子酒、梅酒都有(一見到真係好興奮，冇乜邊一間放題見到有咁樣嘅選擇！)除咗燒肉，仲有天婦羅、燒物、熱食等都做得不錯甜品方面亦都非常之多選擇，有movenpick雪糕、Dreyer's甜筒,竟然仲有其他牌子嘅榴槤雪條

終於book 到這間放題食啦！🍣🍝🍡🍦🍶🍻🥤應有盡有⋯⋯👏🏻👏🏻⋯⋯由於最近經濟問題，餐廳特別做左優惠，振興經濟👍⋯⋯餐廳嘅地點亦好方便，佐敦地鐵站A出口，步行大約3分鐘。就會見到個大大的招牌「響」HIBIKI餐廳在一樓，搭lift上去，待應問完我哋有冇訂枱之後，入座前職員就幫你探熱，同時要用消毒洗手液擦手。預防功夫做得好好👍⋯⋯等大家食得安心。同時間座位編排亦值一讚，六人枱，只供四人坐，座位之間隔開。大家就食得安心又放心☺️☺️首先來就係一人半隻龍蝦—即食，之後是日新鮮刺身拼盤， 梗係唔少得燒肉拼盤啦，拼盤包括有：澳洲和牛西冷，🐄澳洲和牛胸腹，澳洲和牛肉眼，美國牛肋骨🐂，米澤三元豚西冷，米澤三元腩片🐖，雞肉腸，雞翼🐓等等，我至愛的牛集於一身。興奮😋😋🤪今晚真係滿足晒我所有的願望啦❤️⋯⋯所有的牛，絕對不需要🔥太久，入口溶化，牛的脂肪分布得好平均👍⋯⋯油甘香，每食一款的牛，🤩🤩⋯⋯米澤三豚腩片，燒完加小小海🧂⋯⋯味道已經不得了，刀法🔪道恰到好好，🔥大約一分鍾。效果甘香味俱全😋。可惜個肚唔爭氣，因為有太多選擇啦，仲有天婦羅，拉麵，泡菜湯........等等。😱⋯⋯而且仲有日本清酒，汽水， 涼茶

由於冇得去日本旅行，所以唯有喺香港食日本嘢啦😂響尖沙咀行完街，就突然好想食日本燒肉，所以就行咗去佐敦搵食。呢間燒肉餐廳環境一流，座位算是寬敞。一入到去，店員會先幫我們量體溫，觀察四周環境及裝飾，都覺得非常衛生。一坐低，店員就為我們介紹如何落單，哪裏可以攞飲品及甜品。每一枱會先上一碟刺身拼盤及龍蝦，但龍蝦食完就冇得再落單，刺身就可以無限追加。刺身非常新鮮，龍蝦亦一樣，但今次我想食嘅主角係燒肉所以都係盡快落單😂燒肉嘅種類都有很多款，我比較喜歡食澳洲和牛肉眼，同埋美國牛肋骨。因為呢兩款燒肉，牛肉味比較重，而且比較有口感，美國牛肋骨每一件都會連住細骨，䭍女肉月當然要有少少骨先好😂😂其他嘅燒肉都好好味大家不妨去試一下，但我自己就唔太喜歡食燒豬肉，所以我全部都係燒牛肉👍🏻飲品方面，當然唔能夠少啦，因為食燒肉係會令人非常口乾。店舖提供好多種類嘅飲品有不同嘅酒類，我最鍾意飲嘅柚子酒都有，但係就咁飲，有啲單調，所以我鍾意柚子酒溝7喜😍😍提一提大家，燒肉同埋飲品都係無限供應架，但千祈唔好做大晒鬼。當大家飲飽食醉嘅時候梗係要諗下食咩甜品啦，店舖會提供好多款雪糕做甜品，仲要係貴價嘅品牌，真係花多眼亂。講真，咁

老公約我食飯，佢想食放題，我想食燒肉，點知比我搵到有間放題有埋燒肉一齊食，聽講好高質好高評價，既然一次過可以滿足晒兩個願望，梗係要去試吓啦日式設計，環境舒服樓底高，好適合大班人聚會，帶小朋友嚟都可以啊自疫情發展到而家，雖然我地唔係成日出去食飯，但好耐冇見嗰間餐廳爆曬場，只不過係早場17:30一坐底，侍應就會拎一碟牛肉拼盤同刺身拼盤黎，有澳洲和牛胸腹、西冷、肉眼......啲牛肉好高質啊，款款都好juicy，肉質好林又有濃濃牛肉味，仲有刺身拼盤，海膽帶子、甜蝦、三文魚......全部都好新鮮，每人仲有半隻龍蝦🦞其實食到呢度我已經有啲飽佢個天婦羅好好食呀揸得好鬆脆又唔油膩炸榴槤波波隔離枱每次都有叫，我最後都食咗兩粒佢嘅飲品都係自取，粒粒果肉蜜桃汁，菠蘿汁，仲有荔枝烏龍茶，飲到飽哂，熱飲可以自己沖茶最後梗係要食埋雪糕，除左Movenpick，Gelato，Dreyer’s 雪糕仲有榴槤雪糕添最後仲送咗兩個口罩俾我哋

同朋友早幾日book咗食日式燒肉放題，店員非常盡責，一入到店就幫客人量體溫，最窩心係提供消毒搓手液同紙巾包裹口罩一坐底就送上龍蝦，好鮮味又彈牙，刺身有三文魚，帶子，海膽，油甘魚，八爪魚，全部都好新鮮同甜美，海膽必食，大大片！戲肉到喇，肉類拼盤，有7-8種款式，一次過可以試曬d靚肉，我覺得澳洲和牛胸腹好重肉味，燒到5成熟就最正，其次係澳洲和牛西冷，油花好靚，鬆軟可口，入口即化骨付雞肉腸好有驚喜！食到最後，雪糕好重本，係movenpick!!!!! 益力多雪條好特別，第一次食。甜品，飲品，酒類都係任拎而賣單時，只要即場like Facebook page就有79折！抵食！抽風系統非常好，食完個身都無油煙味，一定會再嚟食過！

嘩 數數手指原來都幾年無食過放題今日朋友無啦啦提議食放題 好啦試下佐敦的響——燒肉放題有清酒梅酒柚子酒紅酒白酒啤酒任飲係亮點一坐低 就有刺身拼盤有海膽 帶子 三文魚 拖羅 甜蝦 八爪魚等 鮮美新鮮 有驚喜燒肉拼盤 八款肉 最中意和牛肉眼同米澤三元豚西冷仲有龍蝦 勁大隻厚肉 仲要都幾多膏 鮮甜好味！之後叫左啲天婦羅 炸物做得不錯 炸粉唔會太厚串燒 雞皮雞腎雞肉係必點 另外個鯖魚都啖啖肉好出色鍋物有三四款 Encore再Encore的係呢個豆腐煲 好似壽喜燒咁樣的甜甜地湯底 配埋我最中意的娃娃菜 好入味又鮮甜暖胃！最後雪糕櫃係心心眼除左Movenpick仲有Dreyers甜筒！仲要係我愛的抹茶味！整體性價比不錯 可以再訪！

今日為咗一位好朋友慶祝生日，就特意挑選咗依間回味已久嘅燒肉放題。一出電梯口就已經有店員做好體溫量度同消毒措施。係肺炎疫症嘅影響下，更令客人放心。一開始服務員先送上一份龍蝦。肉質嘅鮮甜比起一般自助餐更勝一籌。之後再送上一份燒肉拼盤。拼盤有細分不同牛嘅部位，客人可以因應自己喜好再無限加點。而當中我個人最喜愛和牛前腹，食之前可以再加小小鹽提一提味，真係係一般放題燒肉食唔到嘅質素。另外我推介店家嘅牛舌，牛舌係最初嘅燒肉拼盤並沒有，所以我提提大家一定要點黎試試。雖然店裏主打燒肉放題，但亦有一些天婦羅，刺身及日式小食提供。另外我最欣賞嘅係店裏嘅飲品種類繁多有柚子酒，梅子酒以及紅酒適合同朋友嚟小酌幾杯。而且酒嘅質素係我未曾係其他放題店品嚐到的。茶類嘅選擇亦繁多。亦有些來自韓國嘅果汁汽水。甜品雪糕亦絕不一般有Dreyers甜筒及Movepick雪糕。提提大家記得 book 好位先去啊，當晚我前往仍然座無虛席。絕對係一間再三回味嘅燒肉放題。👍🏻👍🏻👍🏻