響 - Hibiki 日本燒肉 (已結業)

呢間燒肉店大排長龍，好彩book定枱。店內環境好靚，有好多日式既裝飾例如仿樓花樹等等，店內亦有男女廁，好方便。一坐底，店員會細心講解，先有龍蝦，刺身同燒肉安排好，可以方便一路食一路揀。食物方面，最推薦既第一位係牛舌，好厚好新鮮。其次牛仔骨都係超級好食，即使即燒即食好熱氣，都阻唔到，好香脆既邊，中間仲係好淋既牛味。另外有時令刺身點選，我今次食既都好新鮮。最後，個人覺得呢間絕對會再食多次，仲值得介紹比朋友。刺身方面，比較推薦海膽刺身，好鮮冇腥味。呢間既燒肉質素先係最引人入勝，油花分佈都算平均，絕對係性價比高。

話說見東張西望推介，好吸引於是就同友人一齊去試下。$362加一就可以任食兩個半鐘😆我地由8點食到10點半🙈食完真心飽到上心口🤣燒肉拼盤澳洲和牛胸腹，澳洲和牛西冷，美國牛肋骨，骨付雞肉腸，米澤三元豚西冷，豚腩片，雞翼款式雖唔算特別多，但食物質素好，完全值回票價👍刺身拼盤海膽、三文魚、甜蝦、八爪魚、帶子油甘魚刺身好新鮮，食落去清甜龍蝦🦞肉質尚算可以，唔算得上好新鮮天婦羅品類很多，當中我最喜歡番薯和南瓜， 十分香甜最開心係有Movenpick 同Dreyers雪糕！恨不得每隻味都一一咁試😜食完真係要減肥😂🙈總括嚟講，餐廳食物質素良好，服務好，價錢合宜，值得一試💕

之前去咗響 - Hibiki 食澳洲和牛、龍蝦、海膽套餐放題🤩有齊天婦羅及炸物、刺身、日式燒肉、海鮮、和食、烏冬、沙律和小食、椒鹽燒.冷盤波士頓龍蝦🦞鮮甜又彈牙☺️刺身拼盤有三文魚、油甘魚、帶子、甜蝦🦐八爪魚🐙全部刺身由日本直送🇯🇵我就最鍾意海膽紫菜.燒肉拼盤🔥有澳洲和牛西冷🐂澳洲和牛肉眼🥩澳洲和牛胸腹🐮骨付雞肉腸🐔美國牛肋骨🇺🇸米澤三元豚西冷🐖手羽(雞翼)🐓和牛油脂均勻😆和牛西冷入口滑嫩，肉汁多👍🏻仲充滿油花香，落少少喜馬拉雅鹽就已經好好味😋.天婦羅炸蝦炸得好香脆🍤榴槤炸彈同芝士年糕🧀同樣炸到外脆內軟🤤榴槤味同芝士味都好濃郁😜.飲品除咗包裝飲品同罐裝飲品之外🧃啤酒🍺紅酒🍷白酒、清酒🍶柚子酒🥂梅酒都可以仼飲😍.甜品有 Movenpick🍨Fruttato Gelato🥭Dreyer’s🍦仼食

我又黎大啖肉大淡酒，有幾多就食幾多嘅新鮮刺身，數唔到咁多款嘅前菜小食沙律天婦羅鍋物任食，最正係乜？擺到靚一靚嘅龍蝦、刺身、燒肉，唔洗我order，自動送上，試清楚邊樣招牌野先reorder。最like澳洲和牛胸腹、骨付雞肉腸、雞翼，絕對係我encore之選。刺身拼盤有油甘魚、三文魚、帶子、甜蝦、海膽等，放題類高質，甜蝦帶子超鮮甜，海膽份量質素屬重本。龍蝦好多膏，放上蟹子視覺上仲靚好多。燒海鮮個人喜愛大蝦夠哂鮮味，小食就芝士年糕啦，外脆內軟中間芝士香軟入心，亦係必定encore系列！任食之餘仲有任飲，汽水、韓國飲品、台灣飲品、清酒、柚子酒、梅子酒、煎茶、玄米茶、茉莉花茶，非常多選擇。本地手工制雪糕雪條、Movenpick、Dreyers、同幾款甜品黎講呢，我就食左兩支Dreyers同1杯movenpick，食埋真係超飽！

慶祝結婚紀念日，當然要食餐好的往年喜歡去酒店食自助餐，今年疫情問題，還是讓食品“過過火”感覺良好些。故選這家日式燒烤放題，2.5小時任點任食任喝。飲品除了大雪櫃的罐裝紙包飲品，還有也是任飲的紅酒，白酒，清酒，桃酒，煎茶，花茶....坐定後，唔使落單，侍應自動端上3盤食品。每人送半隻加拿大龍蝦，2人剛好一隻；還有一盤噴曬煙（乾冰）有唔同款式的魚生刺身；和第一盤有“名牌”的肉『龍蝦』 新鮮，有籽與羔，肉也彈牙。『刺身』 盤，有海膽，帶子，八爪魚，䲞魚，三文魚，甜蝦，新鮮唔腥又無筋，入口會溶，除海膽外，其他可再添食。雖是至愛，但“生冷”嘢還是適可而止。今晚的重點還是『肉類』，有澳洲和牛 “西冷+胸腹'，米澤三元豚腩肉，米澤三元豚西冷，骨付雞肉腸，美國牛肋骨，手羽。先每款試少少，再重點出擊今晚特別“針對”“和牛”尤其牛胸腹，因為無筋，腍嫩又有濃郁牛味大蝦，菠蘿，天婦羅，用錫紙兜燒烤的蔬菜 也是“間場”之選。飲飽食醉，當然就到甜品時間。有Movenpick雪糕，每人食了2杯。食足2.5鐘，超飽。侍應們做嘢清枱很爽手，又好禮貌，落單又快又無漏單，感覺唔錯，可以再來。未來幾天又要'節衣縮食'了，否則

刺身拼盤，款式好多，包括有海膽、三文魚、油甘魚、八爪魚、帶子、甜蝦，海膽以外，各款刺身均可無限添加；海膽口感滑溜，味道唔腥、清甜，配以青瓜、紫菜食用，味道更佳；三文魚口感厚實、肥美；油甘魚食落油多、甘香；八爪魚口感爽口；帶子口感厚身，味道鮮甜。波士頓龍口感爽彈，肉質飽滿，鮮味十足。燒肉拼盤，包括有澳洲和牛肉眼、澳洲和牛西冷、澳洲和牛胸腹、米澤三元豚西冷、米澤三元豚腩片、美國牛肋骨、骨付雞肉腸、手羽，燒肉拼盤、其他各款肉類均可無限添加；澳洲和牛肉眼霜降肉脂分布恰當，油脂部分入口即化；澳洲和牛西冷肉質軟腍，牛脂味香，肉味帶層次；澳洲和牛胸腹肉味濃郁；米澤三元豚西冷肉質鮮嫩；米澤三元豚腩片肥瘦勻稱，食落好香口；美國牛肋骨牛香味濃，有咬口；骨付雞肉腸外層香脆，雞汁滿腔；手羽肉質滑嫩，好鎖汁。燒肉，包括有一口牛粒等等，口感厚肉，食落好可口。海鮮，包括有海蝦、紐西蘭青口等等，海蝦、紐西蘭青口好新鮮，口感彈牙。椒鹽燒，包括有雞腎串、雞肉串等等，雞腎串、雞肉串好入味，食落非常惹味、鹹香，雞腎串口感脆爽，雞肉串口感軟嫩、多汁。天婦羅及炸物，包括有大蝦天婦羅、松葉蟹柳天婦羅、日式炸餃子、芝士年糕、榴槤炸彈

朋友生日同佢慶祝食放題，有燒肉有魚生就最啱佢，八時入座任食2.5小時開心燒慢慢食，遇上79折優惠，正！當晚全場滿座，好彩預早訂位咋，唔係就ＧＧ了。入座後唔駛order住，侍應會自動波奉上龍蝦、刺身拼盤和燒肉拼盤，唔駛埋座急急劃紙，好快有得食，真係省了不少時間。飲品要離座自取，除了汽水，仲有酒類都可任飲。龍蝦冷盤波士頓龍蝦大隻，蝦肉爽口彈牙，隻鉗好大隻，不過要自己夾爆隻鉗，食起上來係有點論盡嘅。刺身拼盤拼盤有甜蝦、三文魚、八爪魚、油甘魚、帆立貝和海膽，魚生紋理清晰，樣樣新鮮肥美，用冰陣住凍食好爽。燒肉拼盤賣相吸引，每款燒肉旁都有牌仔，唔駛估估下都知食乜，好食當然再encore啦。和牛燒肉都有咁上下質素，骨付雞肉腸外皮脆大啖肉幾好食。其他燒大蝦：慢慢燒又唔易濃，燒至咁上下迫出蝦殼香味，蝦香四溢好索，甜美啖啖肉好食。串燒：正正常常，當中以雞皮串燒比較惹火，火焰起舞吧～天婦羅炸物：餃子好味，榴槤炸彈有如其名，一咬榴槤香味核爆，食完忍唔住又追加。甜品：少有的Fruittato品牌雪糕，有榴槤味正呀～

同幾個朋友係樓下見到燒肉好似幾好食咁 但見到價錢都唔平 見有個89折 4百幾蚊 野食應該唔錯 一上到去個場都幾多人 一坐低 先黎個刺身拼盤 同燒肉拼盤 先講個刺身拼盤 全部平價野 三文魚八爪魚 同少量海膽 完全唔新鮮😫😫 諗住呢度主打燒肉應該都唔錯 點知就中左伏😡😡所謂既和牛多根到喊 其他已經唔使講 仲話主打燒肉 每人半隻龍蝦🦞 侍應話可以生食 點知一食落去腥到 諗住放落個燒爐到燒一燒在食點知 肉質都係唔掂 完全係雪藏野 食咗一個鐘都唔夠朋友叫住走 成間場全部都係洗潔精味 四百幾蚊 食呢啲垃圾 去旺角放題2百幾蚊 都好過佢10倍 各位如果想試試點樣伏法 不妨去挑戰一下👍👍

黑洞第二次食呢間放題依舊一樣咁多人😯一晚有幾輪入座時間 黑洞揀左8pm-🔹燒肉豬 和牛 雞 海鮮 樣樣齊🥰黑洞推介米澤三元豚西冷油脂十足🤤燒完勁香口唔覺唔覺食咗6/7件 之後飽到今朝🙈海老🦐絕對係回本之選 大大隻肉質爽彈-🔹刺身三文魚 油金魚 甜蝦 帶子 八爪魚基本上全部無伏⭕️黑洞私心鍾意帶子夠鮮甜💕-🔹熟食淨食燒肉有d dry🤫黑洞叫左碗湯烏冬 估唔到都幾彈牙😬另外推介炸物 新鮮熱辣特別鍾意榴槤炸彈‼️一咬中間流心🤩仲有芝士年糕煙韌度十足😋-🔹甜品甜品櫃有少量甜品但黑洞比較鍾意食雪糕🍦有movenpick同Dreyer’s兩個牌子仲有款榴槤雪條好fresh 都值得一戰😉-P.s 黑洞走嗰陣10:30pm仲有人入真係好旺場

一班朋友聚會最中意約去食放題，食物多選擇，自己中意食咩就自己揀，今次我地去左佐敦響食，見佢做緊優惠，我地揀左5:30-8:00，仼食2.5小時，時間好充裕，十分好。兩人同行會送原隻龍蝦，好多膏，凍食嘅大大隻，肉質好鮮甜。之後店員遞上一盤刺身，有海膽，三文魚，油甘魚，帆立貝，八爪魚，甜蝦等。海膽好creamy無腥味，甜蝦鮮甜爽口，油甘魚油脂豐富。食完刺身就上燒肉啦，我最期待，餐廳好細心有個名牌係肉上面，清楚知道食緊邊隻，牛肉好正，超香。炸芝士年糕encore左好多件。最後食埋雪糕真係飽到上心口。

考試呢幾日真係冇啖好食，趁前幾日啱啱放監，緊係要盡情放肆一番，所以去左食日式燒肉放題🔥🥩2.5小時放題🤩🤩首先一黎會有燒肉拼盤、刺身拼盤同大大隻開邊龍蝦🦞😍，太豐富了吧🙈👉🏻龍蝦好大隻，啖啖肉而且好多膏🙈👉🏻燒肉拼盤有多款澳洲和牛，豬腩片同手羽等，當中我最鍾意係和牛胸腹同和牛西冷，雪花好靚，食落好嫩🤪瘋狂encore❣️👉🏻刺身夠新鮮，主要有三文魚、油甘魚、帶子、海膽等，食曬都可以再叫😆👉🏻除左以上食物，仲有鍋物、炸物、沙律等，款式多到食唔曬🙈佢地個榴槤炸彈同芝士年糕真係超超超好味🔥😆👉🏻除咗多款甜品之外，仲有得任食movenpick同dreyer‘s，仲有一款榴槤雪糕都好正好濃味，榴槤控去到一定要試下🤩❣️

晚市日式燒肉放題，任飲任食兩個半小時，最吸引是有刺身拼盤、燒肉拼盤及波士頓龍蝦(每兩位附送)。一邊享用高質燒肉，一邊任點海量日式串燒及天婦羅，現在有79折優惠，性價比高。新鮮刺身十分精緻，乾冰煙霧迷漫，視覺效果震撼。拼盤有三文魚、帶子、油甘魚、甜蝦、海膽等，最喜歡如絲滑的海膽，包在紫菜享用，更是滋味。三文魚新鮮香甜，油甘魚油脂豐富，帶子圓滑鮮味，令人大飽口福。波士頓龍蝦十分巨型，肉質潔白爽彈，有滿滿蝦膏和蝦籽，龍蝦肉入口鮮甜帶嚼勁，叉子挖出蝦膏享用，更加香滑鮮甜! 燒肉拼盤共有七款，有清晰標籤，看見雪花滿佈的牛肉，令人垂涎。澳洲和牛胸腹、和牛西冷、美國牛肋骨、米澤豚腩肉、有骨雞肉腸及雞翼，和牛胸腹有霜降雪花，油脂豐滿，燒到邊沿微脆，肉質仍嫰紅，香味撲鼻而來，入口juicy，帶濃郁牛香。西冷軟嫩可口，咀嚼沁出豐沛肉汁，十分吸引。豚腩肉爽口彈牙，有骨雞肉腸口感飽滿。吃過高質燒肉，令人滋味停不了，馬上再點，選擇更多，還有海鮮。推介一口牛粒及牛舌片，一口牛在爐上快炒至四邊焦香，內裡軟嫰而口感十足。牛舌片燒至油光亮澤，灑上鹽粒調味，細膩肉汁散發口腔，綿彈口感，令人心動。燒海老及青口都不錯，大隻海

朋友慶生揀咗食燒肉，揀咗間叫「響Hibiki」嘅燒肉放題餐廳，呢間餐廳以前上網都見到好多人去，一直都好想試下，所以好期待今餐🥰🤩。記得要book位呀，勁多人排隊，好彩我哋一早book定。2個半鐘可以勁食和牛，每2位會送一隻波士頓龍蝦添！好多膏呀，正👍👍👍！第一round唔駛自己點，職員會送上一碟肉 （豬、牛、雞都有），有7款選擇：澳洲和牛胸腹、手羽、美國牛肋骨、米澤三元豚肉片、澳洲和牛西冷、米澤三元豚西冷、骨付雞肉腸。啲和牛真係好正，食得出唔係普通嘢，真材實料，牛味濃郁，油脂平均。上面仲有個牌仔寫低邊款打邊款，唔會搞亂晒。食到啱口味又可以自己另外再喺點餐紙mark。最緊要呢度嘅抽油煙系統做得好好，唔會搞到啲衫她大陣味。另外職員會送上一盤每日新鮮空運嘅刺身，一上檯就出晒乾冰煙，好有睇頭。食落果然好新鮮。特別係帶子同吞拿魚，感覺超肥美🤤。除咗肉類之外，仲有天婦羅🍤、炸物、蔬菜、和食、小食沙拉🥗、串燒🍢。真係好多嘢食，根本食唔到咁多，但樣樣都好想食呀。飲品都有好多罐裝選擇，汽水、果汁任均選擇，呢啲唔啱都仲有支裝水同埋清酒、柚子酒同梅酒。甜品方面，唔駛講，一定要留肚食movenpick雪糕，佢

今曰同朋友食生日飯，一年一次就食好啲，朋友中意食日本野，就帶佢黎呢間高級日本料理店慶祝，呢度係主打放題，任飲任食，仲要高質素，絕對底食。一黎到會有刺身拚盤，有三文魚，帶子，吞拿魚，同埋好好味既海膽刺身，海膽刺身只送頭一輪，而其他刺身都係任食的。另外除左刺身仲會有原隻蟹比你食，有蟹膏同埋肥美既蟹肉，唔駛覆雜整，靜係食鮮都夠哂好味，呢個都係冇得似食的，只有頭一輪送。放題又點小得燒烤放題，呢度仲有靚和牛，雞肉，豬肉比你燒烤，另外仲有各式各樣既熟食比你選擇。野飲都唔小選擇，基本既汽水一定有啦，但除左汽水我最欣賞既係佢既柚子酒，入唔香 醇，唔重酒味，好好飲，不過酒糧唔好既朋友就要小心，因為太香易入口，唔覺唔覺會飲好多，而佢酒精含量都高架。有啲圖片分享返比你地睇。

呢個放題真係好利害，我們兩個女子由頭到尾食足兩個半鐘，豪冇欺塲。一坐低首先就嚟每人半隻波士頓龍蝦，可以T凍食亦都可以燒熱來吃，肉質爽口彈牙。跟住係一大盤刺身，甜蝦海膽都係高質貨。再跟住係一大盤各式燒肉，大部份係和牛，極級高質。其實每樣兩件已經很飽了。但係，由於每款燒肉確實很好吃，我們兩個食下一件食下又一件真係足足食咗兩個半鐘。連香腸都是很好吃的，我們後來還點了燒菠蘿清一清油膩，必食啊。 仲有名牌雪糕任食，真係超級滿足。