頂好海鮮酒家

营业中

休息中

經理邀請大家食中菜，大家自然積極參與啦去到門口要落地爐喎，門口掛滿明星合照相片及環境都好懷舊啊叫番特色菜先燒鵝和雞系中菜館必食，可以話這兩款菜式去比較其他食館，它有優性之處，滑及嫩新界菜又甜又嫩炸生蠔，嘩，滑溜溜，咬落去好似食緊豆腐似的炒飯金香彈牙，值得一試

頂好，這家在尖沙咀彌敦道清真寺對面䇄立了多年的傳統中菜館。有一段時間沒来，座位和多年前無甚差別. 前菜是至愛的皮蛋酸姜。姜的味道剛好，皮蛋溏心，是個很好的開始!是日例湯在七時半已沽清!要喝看來要預留比較好!點了個德州手撕雞。這是山東德州不要美國Texas! 不是很多地方有這菜所以點来吃。此菜很爽口，合夏天食用。欖菜骨，很入味，肉不硬有肉汁，配飯一流!蒜蓉炒通菜，香口不油膩。想大贊是這炒粉絲，香，乾身，不油膩!這是很難弄得好味的菜!這裡做得很好!晚餐人很多，最好訂位。雖然也是有很多遊客，但看得出本地老主顧也多!

嚟緊尖沙咀都必定會想去頂好嘆dim sum會真係食到兒時去酒樓嘅味道蝦餃芋角鳳爪係每次必定會點雖然唔係懷舊到會有呀姐推車仔叫蝦餃，燒賣但係唔係而家集團式個啲完全共式化，無heart 嘅點心一係就交貨嚟翻蒸比你食咁。。。今次又食到西甜豉油义燒撈粗麵七十幾蚊份量十足义燒入口鬆化，半肥瘦適中個甜豉油都好出色，夏日炎炎唔想食炒粉麵呢個撈面都不失係一個唔錯嘅選擇而且每次嚟啲姐姐都招呼周到會推介新鮮出爐點心，特色小色係難得嘅人情味

當年係尖沙咀返工，一落巴士就係頂好，見到佢地蝦腸外賣都係十零蚊，已經非常感動！可惜當年趕頭趕命返工放工，根本無時間落去飲茶，到依家叫做清閒d，即刻揸車落去試試。未落單，頂好服務員態度唔錯，制服好整齊，讚！其實每次落頂好，全因為佢地外形好可愛嘅叉燒包！人地d叉燒包，外表好似中心爆開嘅爛麵包咁款，完全唔吸引，但頂好嘅叉燒包，整成成個菜肉包咁，脹卜卜，頂部打幾個摺，好鬼可愛！唔單只叉燒包，連雞包仔都係咁做法。味道嘛.... 料夠多汁，好過上水某酒樓，叉燒包入面得𧐢油無叉燒！其他點心，粉果係最失色，皮厚咗d，料亦較少，XO醬炒蘿蔔糕口感好特別，有d煙煙靭靭，叉燒腸皮唔黏口。總結係.... 叉燒包最正！

閑日放假去尖沙咀,諗住揾間茶樓飲下午茶想食叉燒酥,上openrice 揾好多間茶樓竟然都無,揾到呢間,咁就去啦。2點8入場,一入去同我講3點半要離場,下?下午茶時段寫住2點到4點半,3點半就要走?洗唔洗啊?算,都有成個鐘,入到黎就食啦。坐低左連點心紙都無,係咁sell 我食碟炒粉麵,我話要點心紙先死死氣拎黎。拎到黎一睇,唔係掛,有成十幾樣野都用紅色箱頭筆删哂...一路諗食咩,個部長就企側邊,係度催,話要d咩一次過劃哂...d 野食好快到...珍珠雞,蒸到乾,唔夠熱流沙包就ok 既煎腸粉...好奇怪囉,似係蒸腸粉臨時煎完上碟個醬仲要有條毛叫個侍應換一碟比我佢話d 野收哂喎,又話自已夠鐘落場唉...茶錢仲要13個幾,唔太記得食三樣野,98.2尖沙咀飲茶...係咪咁架?我都成日飲茶,都無邊間咁差

係圓方睇完戲，行左出尖沙咀，行得有啲累，去左彌敦道老牌茶樓飲吓下午茶，茶樓門口貼滿明星相，此茶樓似乎甚有名氣喎。星期六日不設特價下午茶，點心$2x起，茶位$11.8，尖沙咀來計差不多了。由於已吃過早餐，下午茶只點了四個點心。京式叉燒包一籠有兩個，包面有點不一樣外，同廣東式叉燒包不大分別。包身軟熟，叉燒餡甜甜地，幾好味。臘味糯米包而加好少茶樓仲有得食，一籠三個，隻隻飽滿，餡料幾多，糯米飯煙韌，好食。香煎韮菜餅外皮像潮州粉果皮，煎得很油，入面除左韮菜仲有小小肉碎，蝦米等，不難食但感覺有點怪。紫薯水晶包中式甜品水晶包，熱辣辣軟綿綿，入面係紫薯蓉，同小小奶皇醬，微甜，不錯。同朋友一人一壺茶，佢要了潽珥，自己要了鐵觀音。潽珥無乜茶味，好深色但無味鐵觀音幾好，好香好清，好茶黎。

鐘意飲茶的我同朋友揾左呢間老字號去試下, 結果好滿意, 當然要寫俾大家知. 差唔多點幾到都有幾堆人等位, 一會後就有枱俾我地两個. 以為茶錢好貴又唔係喎, 同出面一般的茶樓一樣, 以尖咀地段仲可以咁平真好.叫左XO 蘿蔔糕; 奶皇包; 椒卤豆腐; 粉絲瑶柱煲, 但想吃的乳豬同燒味就己賣晒, 明明2點但己賣完, 証明間野真係好生意.XO 蘿蔔糕見唔到有太多XO, 但有味,; 奶皇包好流沙~椒卤豆腐調味好好, 吃完想再吃;粉絲瑶柱煲用料十足, 好鐘意.下次我都會再去 !!

朋友介紹老牌頂好酒樓，終於有機會與朋友上星期六晚一試。訂位已訂下半隻乳豬，半隻燒鵝和杏汁白肺湯。7時到達，7時15分人齊，先上訂下的菜。乳豬皮夠脆但係好肥同D肉無味又無將皮片出，所以件乳豬好厚。燒鹅無乜鵝味。杏汁白肺湯顏色雪白，應該不是鮮磨杏仁。其餘小菜乏善足陳。最後一味干炒牛米是全晚最好的一味。整體平平，吾會再黎。

最近到這個名店女友多怕肥同友人吃一個裹蒸五月稯頂好裹蒸稯110多元收費頂級多數朋友認同好食我覺得貴但頂好大把豪客我不好意思太斤斤計較要了龍井茶他們都有，不額外收貴價茶錢叫了馬拉糕古法。其實是用雞油好多美女不知道全都吃掉。XO醬炒蘿蔔糕好好味不過美女們略嫌棄炸過非“炒”熱但夠勁夠辣夠濃郁其實頂好至好的我會同意1 杏汁旦白茶2 楊州炒飯,多放他們成名的加蜜义燒3 糯米飽超值 如今都無他家肯造的老派飽足点心4 蟹粉小籠包

認識這間酒樓都是朋友的媽媽介紹，已經光顧咗8年，雖然不是常常去大約都是3至4星期一次,食物的質素都算平均。而今日和爸爸午膳,原先要乳豬飯及燒鵝但已售罄。要咗燒腩仔沒有從前的微咸甘香,蟹粉小籠飽不過不失及瑤柱鮮蝦荷葉飯:飯削、微暖、非常亁沒有再想添飯的意慾。服務參差，添加水後,自己要起身攞水瓶，而傳菜員就非常好笑容和招呼。有時食店的好與壞並不是在門口或店內貼明星相咁簡單，是對食品保持水準及食客的口碑。

這一間是在我口袋名單中想去很久的一間餐廳。名人方向哥曾經在自己個blog力讚過的一間餐廳，當然這裡一樣方向哥說的香港般沒有宵夜提供，但就blog所見，方向哥喜歡這間餐廳的原因係呢間茶樓提供的係中國人最經典的飲茶藝術，那濃厚的香港氣息配合了其座落在彌敦道一個人人曾經經過的位置，食家讚好的蝦餃，燒味，炒物，令我好想好想慕名來朝聖一下。我想這裡的歷史是你經過就會明白的。過門而不入應該有過百次，可能是緣份令我這隻蜻蜓從未在這裡到過地點過水。二十五號的聖誕日子，你知道在這些假期人人都會飲下茶食個飽，我估應該到到都爆，我冇做好假期策劃，冇得食好西，那些什麼明閣唐閣早已爆滿，一位難求，然後，突然想起你，試下有冇得book位，點知佢係聖誕日上演懸疑的電影，佢話：唔係咁多人，落黎試下等位。那刻我又想不到吃什麼，沒有A計劃的情況下，就不如恭敬從命，試下老字號會唔會多人。於是就來到了彌敦道歷史悠久的頂好海鮮酒家。來到等左十分鐘，終於有枱，聖誕大禮物，冇book都咁順利。但坐底後才發覺，呢度只係八成滿，有點大惑不解，原來它不夠愛我，原來我坐後備座，我只能估大部分是訂位吧安慰自己吧。每枱送你的wifi，有令我懷

又跟父親大人放假，上回佢未食到呢到嘅蟹粉小籠包，今次帶我嚟一齊試下先 餐廳係彌敦道一個大厦嘅地牢，星期六午餐時段要等一陣枱啊！先有前菜送上，子薑皮蛋，份量都幾多脆皮燒鵝 $148聽到有新鮮燒鵝，就馬上點下，咬下肉汁滲出，油脂味道甘香都可以呵，點少許酸梅醬，可帶走鵝肉的羶味 蜜味焗叉燒酥 $27.9嚐過一次好吃的叉燒酥後，到酒樓就想再吃，粒粒叉燒肉質不會太硬，蜜糖搽上面再焗好，味道不錯吧蟹粉小籠包 $26.8 /位每隻用上籠送上，形狀有匙羹咁大隻，肉汁都幾好，蟹粉都足夠，可是味道大太特岀呢 '3' 今次得兩個人，點的款式不多，有機會再試其他!平均消費 $178.7, 2位，5個點心＋1個小菜（包括前菜）頂好海鮮酒家 Very Good Restaurant尖沙咀彌敦道90-94號Tel: 2366 5660

今晚難得與同事到　頂好海鮮酒家　延開２席開懷聚首一堂。粵菜老店頂好海鮮酒樓已經有４０多年的歷史，酒家內貼滿不少名星照片，這些照片令這酒家沒有宣傳下都令人熟識。經長長的樓梯，進入這老牌酒家。菜單以一早預定，不用傷腦筋。手寫單，但完全睇唔明。。。因此以下部份菜名是靠估的。酸薑+皮蛋　不是溏心蛋，味道偏淡，香味不足。乳豬全體（半只）據聞頂好是自設工場燒製燒味。其乳豬以古法炭燒，是酒樓的主打。令人期待的菜式！乳豬送上時，賣相對辦。芝蔴皮吃落卜卜脆，脂肪比例不錯，不太肥膩但帶點油香。可惜，這道菜已放涼了，沒有微溫，影響味道。整體而言這不是令人回味無窮的菜式。杏汁菜胆燉豬肺湯處理豬肺需要花很多功夫，不停灌水令豬肺變成全白色但不能有洞。這個湯只有老牌的飯店才會供應。這個湯送上來時，呈奶白色的，對辦。但旁邊老一輩的同事話這個湯碗邊有一層白色油層，跟湯分離的，所以這湯加了奶變白色。入口，口感滑順，味道清甜，但杏仁味欠奉。水準一般的豬肺湯，陸羽茶室比較出色。湯渣豬肺另上，超大盤，但只有老一輩子的同事才懂品嚐。蒸海魚大部分酒家提供的海鮮都是養殖場來的，但海魚和養殖場來的海鮮味道有差別。頂好稱他們採用的海鮮都

舊式酒樓，除左有老香港既味道，仲有人情味午餐時間黎到，見到係到食野既人都好似熟客咁除左點心我地仲叫左燒鵝同叉燒個隻燒鵝皮脆肉嫩，咬落仲有肉汁，叉燒食落甜甜地仲好易咬，勁正點心方面，蝦餃好大隻，入面仲有大大隻既蝦肉牛腩撈面，個面好爽口，而牛腩就一D 都唔硬，仲好入味豆腐花好滑，豆味仲好濃，好香好滑

四月十八日(星期五)自從打了這份工，每個星期五下午也就變了家庭日相對於週六日和公眾假期，星期五的下午，除了少人，價錢也較便宜哩這天，媽媽就選擇了到尖沙咀的頂好海鮮酒家飲茶這酒家位於彌敦道上的黃金地帶，開業已有幾十個年頭了酒樓裝修較舊式，當今少見，也令人想起小時候常去的敦煌酒家檯上放了點心紙，選擇不算很多，但大路的款式大致也有供應幾款點心中，最令我們回味的就是蝦餃蝦肉非常彈牙，味道鮮甜，餃皮亦做得厚薄得宜接著是媽媽最愛吃的潮州粉果餡料豐富，馬蹄極爽口，也很不錯馬拉糕很鬆軟，甜度適中隔離枱的外國遊客也讚不絕口魷魚鬚則是較為失色的一款炸粉落得過厚，魷魚本身是挺鮮味的牛肉腸粉也是另一款超讚的腸粉皮做得晶瑩剔透，夾起又不易散，充滿米香牛肉軟腍味香，蘸上豉油就是美食本想試試晚上小炒，不過比利話只屬一般，看來應以飲茶為上策呢