順酸辣粉

营业中

休息中

屯門青菱路都幾多間酸辣粉 / 米線，求其入左間好多街坊買外賣和堂食既小店。小店裝修簡單，坐位唔算好多，但坐得舒服，亦唔會催你走。老闆亦好貼心咁關心大家果岩唔岩口味！最出名的是招牌酸辣湯粉，另外都有飯餐，價錢非常貼地，而且食物份量好足料。 ⦁酸辣炸醬撈粉🌶️ $34配料：炸醬、花生、芽菜、韭菜、酸菜、蔥花、芫茜。我食親酸辣粉都必揀薯粉，貪佢煙韌。如果唔鍾意薯粉，仲可以轉做米線。配料都好多，我最欣賞炸醬既微甜，就算嗌左小辣都唔會覺得好辣。 ⦁麻醬冷麵🍜 $28配料：乾蒜、青瓜絲、芫茜。麵底份量大，麻醬偏稠，有少量乾蒜，仲有大量青瓜絲超級爽脆。✨老闆建議隱藏食法：加小量既黑醋，可令麻醬更出。 ⦁涼菜三拼 $39涼菜款式好多，最後揀左蓮藕、青瓜、萵筍，份量偏多。味道偏向麻辣口味🌶️，蓮藕淋身拉絲、青瓜🥒同萵筍都非常爽口。

「順酸辣粉」第二次食，試真啲其實幾正🤌🏼 $61/兩餸一飲品叫左百撘嘅通菜$7同四川腩肉$12做餸。通菜份量都多，而且食得出係好新鮮爽口；個四川腩肉唔係腩肉片，係一舊舊的鹵肉，味道都幾香口，肥瘦均勻👍🏼湯底叫左中辣，堅夠辣，湯底唔會死咸，都幾好飲，配菜仲有好脆嘅花生，呢個非常重要，唔脆不如唔好落🥹仲有新鮮嘅酸菜，都好重要！份量都唔少❗️大讚😋肉碎係餣過嘅，都幾香同分量都多👏米線偏幼身同林身，份量都好多，入口作爽滑食後感❤️服務幾好，一坐低會比水你洗野，落單到上餐都好快。除左米線仲有飯，一般呢啲唔係專做米線嘅店比我感覺都唔會好食，但呢間真係唔錯，係紅橋值得佔一席位。特別食材嘅新鮮度加好多分🍜

🥰超夠酸既酸辣粉🤤鍾意·🍜招牌酸辣粉（$50）配料有大量炸醬、花生、芽菜、韭菜、酸菜、蔥花、芫荽😍加配左手工椰菜水餃同埋墨魚丸🤤仲轉埋寬薯粉🥰大碗足料，薯粉彈牙有咬口.酸辣開胃.雖然餃子皮略厚，但餡料豐富，菜肉均勻～·🍚燒豬頸肉菜飯（$63）飯桶大食仔食哂表示好滿足🤣豬頸肉蘸埋泰式辣醬惹味可口.外層焦香🤤份量好多！菜飯跟埋肉醬，送飯一流·🥛熱豆漿（$7）唔太甜唔錯·📍順酸辣粉 屯門青麥徑6號富麗大廈地下B號鋪

順.酸辣粉 ｜ 屯門何福堂今日早左收工 到左午餐時間更係四圍搵食😋😋😋行到屯門何福堂 見到有間食酸辣野既鋪頭二話不說入去試試佢入到去店員好細心咁問我食咩餐單上都係同一般酸辣粉鋪頭差唔多都係有麻辣豬耳 小食果d我就叫左酸辣粉 小辣配料方面叫左 魚肉春卷 豬腸 返到屋企一打開都嚇親會咁多肉碎係面 食落唔會話好辣魚肉春卷食落去同某間春卷 差唔多豬腸食落就冇咩味 不過份量勝在夠多有機會帶埋另一半一齊去堂食應該都唔差😍😍😍

放晝去咗紅橋食lunch, 附近越開越多餐廳今日試下順酸辣粉🤤小店經營，除咗酸辣粉、米線仲有菜飯餐廳牆上嘅壁畫係麻甩大叔🤣夠哂過癮啊！除咗一般傳統小鍋米線、酸辣米線之外仲有涼拌米線同冰鎮米線叫咗一碗冰鎮米線 $33配料有炸醬、花生、芽菜、蔥花、芫茜單單係配料份量已經好多，鋪滿左成碗米線米線感覺冰涼，拌勻所有配料，好滋味呀🤤另外加配黑椒牛丸同韭菜手工水餃🥟水餃餡料十足，好juicy,略嫌餃皮有少少厚米線爽滑，份量都好多而且好惹味！雞中翼炸醬飯 $39另轉菜飯 +$8好耐冇食菜飯啦，菜飯口感豐富，菜嘅分量比例剛剛好炸醬唔辣，感覺有少少似肉燥，拌勻菜飯食特別開胃滋味雞翼係滷水雞翼，好入味😛

最近去屯門搵朋友食野，就近近地係佢屋企樓下搵野食🤣胡椒豬骨湯米線 $33配料有粟米粒、豬頸肉、生菜、花生、蔥花、芫茜等，額外加2個送辣腩肉同豬大腸呢個抵食夾埋52蚊有豬頸肉，辣腩肉同豬大腸。未撈埋之前試左個湯，胡椒味辛味好勁，夾埋辣腩肉個汁就多左後勁，兩種味道都好夾唔會搶味，豬頸肉嘅份量多到好似小食咁，辣腩肉外皮煙人，肉質結實，肥瘦分明。好好食！豬大腸本身有調味，夠肥、軟嫩，啲餸同配料放到成碗都係，食極都食唔完。麻辣撈水餃 $37水餃好大隻，皮唔算厚，好多餡仲有少少汁。加埋鋪滿涼拌辣汁，仲有好多辣椒籽，越食越香，食到滿頭大汗好過癮。菠籮七喜特飲都係加$12唔算貴，入邊仲有菠蘿粒，有口感而且味道亦唔會太甜，消暑解辣都唔錯。

今日放工，想速食一個麵就返屋企休息，平平地就最好不過食米線。屯門虹橋呢邊有間幾出名既米線叫順酸辣粉，我知附近啲朋友都會黎買外賣。今晚我地兩個人一人一碗： 🔸️豬骨濃湯+鹵豆腐+新鮮豬潤+寬粉（$51，8.3／10）湯底有炸醬，腩肉， 幾濃杰既豬骨濃湯底。鹵豆腐夠入味，新鮮豬潤都幾多。寬粉比較特別，唔係好多地方有得食。 🔸️胡椒豬骨湯+蘿蔔+手工韮菜餃+米線 （$48， 8.3／10）我朋友清清地叫左個胡椒豬骨湯底, 都好有胡椒味，幾温暖幾足料。蘿蔔清甜，韮菜餃又大大隻，唔錯。😊 ✏️總括而言，速食推薦，米線從來都係我comfort food 😁

招牌酸辣紅薯細粉 $33除咗紅薯粉可選外，仲有寬粉/米線/麵可以揀，而佢哋嘅配料有：炸醬、花生、芽菜、韭菜、酸菜丶蔥花、芫茜食親川辣類既紅薯粉，都一定要有酸菜同炸醬花生呢啲配料都係靈魂🤣揀咗蘿蔔、牛展同水魷做送🙈蘿蔔炆得好淋，清甜味道；牛展都好淋，同埋呢樣係好有營養嘅食材，含鐵、維他命B㗎 魷魚唔腥、爽口湯底方面係正宗嘅四川湯底，小編怕太辣就叫咗小辣，食得更加辣嘅可以再叫辣d，同埋真係超級大碗，配料又夠多😎飲品方面凍抹香奶茶-大大杯、味道抹茶嘅香味同奶味平均，味道方面唔會則重一邊👍🏻味道又唔會太甜，套餐+碳燒豬頸肉 $44豬頸肉燒到外層焦香，仲附上一啲泰式甜酸醬👍🏻香口野味，厚度適中，唔會好薄

順酸辣粉來到小店廚窗玻璃，便被展示的涼拌泡菜吸引。縱使屯門紅橋美食如雲，但想著還是來吸溜一碗酸辣粉🍜這家的酸辣粉性價比很高，便宜又大碗。✨招牌酸辣米線（$33）配料滿滿！有炸醬、花生、芫荽、韭菜、芽菜、蔥花和酸菜，就算淨米線一碗也不單調。點了微辣，辣籽和紅油香味十足。✨豬骨湯寬粉配腩肉（$33+$8）寬粉非常有驚喜，是透明的紅薯粉，但粗身許多。但非常彈牙軟糯，口感十足。腩肉是肥瘦相間的五花腩，待別在於腩肉帶著豬皮，咬下去會肥油會黏嘴哦😍✨蒜泥白肉（$25）底下青瓜墊底，大把生蒜碎，調料汁口感偏甜。個人喜歡偏酸的口味，所以倒了點黑醋。✨求其豬扒（$29）非常大塊，炸漿酥脆。享用期間，來店的客人絡繹不絕，老闆櫃位外賣訂單電話響過不停。看來小店深的紅橋街坊歡迎呢🤭

屯門景豐好多餐廳，有唔少隱世高質食肆順記出名酸辣湯，但依家咁凍我就簡左個胡椒猪肚湯面胡椒味好足，有少少辣，又有濃厚的猪肚湯咪，食完面飲完湯個人暖曬配料都好多選擇，唔怕無得簡

返工叫外賣成日都會食呢間，因為夠平又好味，而且仲有小菜送，萵苣、蓮藕、木耳都有機會有，夠曬開胃😋平時最鍾意叫佢既酸辣湯幼薯，酸菜熬得入味，湯底夠酸，有時都忍唔住想飲埋湯🤣有啲同事就話佢啲菜飯好食，我就未食過，因為鍾意食粉麵多過飯，大家有機會都可以試下～

順記新界屯門井財街6號富麗大廈地下B————————————————————————做街坊生意都夠做🤣電話響不停 好多外賣單食嘅都係簡單食材 整體嘅感覺係份量多 豬扒 雞扒大大塊 唔馬虎 係堅好食🤤最鍾意紅薯粉嘅彈牙感覺 老闆事事親力親為 有禮貌態度誠懇尼紅橋尼頭 記得周圍搵吓嘢食 好多有心小店存在，等待大家發現豬骨湯紅薯細粉豬骨湯底 少辣 過一過癮😹雞絲-龍蝦丸-生菜-牛柳粒 跟餐加配 豬扒$19 雞扒＄19凍菜蜜-少甜

抵食 美味很大碗足料 無論辣椒 酸菜 炸醬 花生 芽菜點了中辣（很夠味 不過因辣椒油會較油紅薯寬粉滑身索汁 彈牙偏韌唯獨魚肉卷較細和少 但有咬口香口招牌酸辣粉獨照豬大腸大件軟淋入味另外賣鹵水也很美味！

妹妹非常喜歡吃酸辣粉，是雲川燒的常客。今天來到另一間酸辣粉專門店，價錢比雲川燒更抵食，麻辣湯底同樣高質。📍位置：在景峰輕鐵站下車，過馬路後沿斜坡下，在甜品店的對面。🏠環境：裝潢如同一般粉麵店，座位安排不擠迫，一邊牆身貼鏡面，另一邊則是玩味十足的掛畫，整體舒服乾淨。🤵🏻服務：上菜快。🍽️晚市：提供午市、下午茶套餐，各式粉麵，麻辣小食。🥢招牌酸辣粉（寬粉、中辣）$33首先是份量大而足料👍🏻，配料有炸醬、花生、芽菜、韭菜、酸菜、蔥花、芫茜，我們兩個女孩分享都吃不完😝，透明的寬粉彈牙十足，掛汁好🤩，最棒是連花生都好吃😍，炸過脆卜卜，很香口，配料都用心十足，抵讚❣️。🥢麻辣牛展🥩 $42個人非常喜歡😘這道牛展，份量雖然不多，大約七八塊，但每塊都是厚切又大😚，醬汁是超級麻辣，我一個人都可以吃完所有牛展，使人胃口大開😋。🥢麻辣撈水餃🥟 $37跟牛展應是同一個醬汁，每隻水餃都好巨型😂，餡是豬肉韭菜，餃皮是手工製，略為厚。🥤檸檬🍋利賓納（凍）$10很久沒喝了，很懷念的味道🥰！

順酸辣粉在紅橋很受歡迎，晚上八時多，仍然見到買外賣和堂食的人絡繹不絕。今晚和朋友來吃個簡單晚餐，原來這裏的湯粉的確很美味！這裏的湯粉可以選擇湯底和粉麵，最出名的是招牌酸辣湯粉。另外也有飯餐，價錢也很經濟實惠。這裏的食物份量是大大碗的，有很多長期熟客來支持。朋友點的胡椒豬骨湯粉$33,跟餐加豬扒$19,加韭菜餃$9。驚喜的是裏面有三片豬頸肉，等於多了一款餸，豬頸肉爽口大片又香口，很美味；喝了一口胡椒豬骨湯，豬骨湯味濃，胡椒香辣配骨湯甜味，吃到出汗，天氣涼涼的，很適合來一碗暖身。韭菜餃皮比較厚，但肉餡新鮮有韭菜香；炸豬扒是這裏的招牌菜，炸得外層脆皮，十分香口惹味，豬扒肉質新鮮爽口，不會炸得太乾身，味道鹹淡適中，很有水準，份量也很大塊，推介！我點的八寶湯粉$56，酸辣湯底米線中辣，裏面有8款餸：肥牛、豬大腸、雞翼、墨魚丸、手撕雞、腩肉、生菜，湯底配料：炸醬、花生、芽菜、芫茜、蔥，非常適合饞嘴的大胃王。怎料是用個像洗面盤般的大碗上菜，份量之多，以這個價錢來說超值！先要讚讚廚房的心思，辣椒油特地落在碗的一旁，覺得太辣還可以自己調節。湯底酸辣味道非常平衡，不會濃得有嗆喉感覺，又能喝得出湯底的鮮甜味