頭啖湯

营业中

休息中

除夕的黃昏跟一位朋友到 頭啖湯 打邊爐，我哋叫咗招牌煲滋潤椰子雞煲，好足料，湯底散發出淡淡椰子味，濃度剛好，不太濃不太淡，雞好滑好好味，其餘食物例如牛肉，蝦滑，一些蔬菜都有質素。服務方面，店舖裏同時間最多得三位服務生，有時間會比較忙，但一般而言服務及他們的態度很友善，很樂意幫助。我係OpenRice訂座在七點半前結賬，得到七折，不過因為今日係節日服務費係加二，無論如何用呢個價錢有呢個質素（包括食物同環境）係值得推介。

大大推薦呢度嘅椰子雞煲，記得之前喺某一間食過，個湯底好淡又冇乜雞而且雞會好老。喺呢度食完全唔會遇到呢個情況。嗰日我同我男朋友兩個人都冇食lunch所以就好肚餓，決定瘋狂啲兩個人叫全隻雞！嚟到見到個湯底已經好濃郁，賣相滿分！首先要俾佢煮一陣，食之前就要莊兩碗雞湯飲下，因為店員提我地如果遲啲飲就會有好多油。飲落去勁有椰子既香味，加埋香濃雞湯，濃郁得來係唔會膩，真心正不過最緊要梗係入邊有幾多雞啦，勁多，仲要滑！食咗好耐都食唔晒 (唔係太大食嘅朋友，兩個人叫半隻其他餸應該都會好飽）講下其他餸先，超級鍾意墨魚滑同埋芝士竹輪！墨魚滑睇個樣係睇唔出佢有幾好食，因為食過無數墨魚滑既我，絕對食得出佢有落真墨魚mix ，真係好正芝士竹輪就本身好味囉😂😂😂！我哋仲叫左讚岐烏冬，本來係驚唔夠飽，最後好飽完全唔想食。正當我對個烏冬零期望嘅時候，個烏冬同呢煲超級濃嘅雞湯個味道唔知點解係出奇地夾！記得記得試😍另外牛肉都好高質，好似80幾蚊。芝士腸就不過不失。總括而言，呢個足料椰子雞煲係超級好食！會搵機再去

今日去了維園公展會購物，因為銅鑼灣太多人，去了之後就到了天后食飯☺️看到這家火鍋店，看到湯底，覺得滋潤椰子雞煲十分吸引，就決定試一下😊👍坐下後點了半隻滋潤椰子雞煲，店員説水滾後先喝湯😋😋果然，湯十分清甜，還有很濃的雞味，真的不錯👍👍即食小食，涼拌秋葵爽口清新，作為前菜不錯👍因為只有兩個女生，雞的份量不少，食了已經飽了一半🤣配料就沒有選很多😆火鍋必定要點的牛肉，這個是大的牛肩胛，不會太胖，食多點都不怕，而且肉味很濃😋餐廳推介的川辣牛丸，不算太辣，有一點像香辣蟹子丸，一份有八粒，份量比想像中多👍又是餐廳推介的廣島蠔，廣島蠔本來就不是很大隻，但味道還算鮮味竹笙，吸了雞湯特別好吃😋雖然店不是很大，但調味架都很齊備👍👍

朋友是個愛吃之人，所以今次就唔求其搵餐廳，而系特別上網找找。見依間餐廳近天后站，位置唔錯，野食就好味，就揀左依間。依排潮興健康版既雞煲，可以話系專為又鐘意食雞煲又驚熱氣既人而切。而依間餐廳同樣有依類健康之選。我地先叫左個滋潤椰子雞煲試試。滋潤椰子雞煲 $198好大煲，有全隻雞，等一陣已經聞到椰子同鮮雞既香味! 湯飲落好香甜煲耐左開始越來越多雞油，待應主動提供大湯匙同碗比我地去雞油，非常貼心!美國肥牛 $88個人認為系至抵食，份量多，好濃既牛肉味!水魷魚 $48 (抵食)墨魚滑 $68雙拼蚌 $108綜合水果茶 $33用左多款生果製作而成，好有心思。具有獨特既果味，系食火鍋雞煲既好配搭。巨蜂乳酸梳打特飲 $24相比水果茶，依杯特飲細好多，味道正正常常，個人建議加少少錢歎水果茶。值得一提既系食之前餐廳會提供調味料，稍後侍應會拎走，想加可以再叫侍應提供，唔錯唔錯。

聖誕飯聚又點少得打邊爐丫🙆🏻過時過節想食好少少，唔想下下邊爐放題，呢日就約咗個姊妹去天后嘅頭啖湯試下😋提提大家最好預先book定位，我地閒日夜晚去食，見七點幾八點嘅食飯時間都已經爆哂棚，都係book定穩陣啲好😌自選混醬都係常見嘅大路嘢，芫荽/蔥/指天椒/炸蒜/生蒜/豉油/麻油，樣樣都乾淨企理。打邊爐飲啤酒最爽🍺我地叫咗枝大青島$30一齊啤啤佢🍻⭐️半隻滋潤椰子雞煲 $128個湯滾起，一揭開蓋，好香椰子味呀🙉湯底有雲耳雜菇大葱杞子蟲草花同半隻雞，店員幫我地收起個蓋，叫我地飲返碗湯試吓先，之後可以再加椰子湯打邊爐。呢個應該就係頭啖湯嘅意思，先飲湯後打邊爐。啲雞就算一開始食唔晒都唔緊要呀，越食越入味😋⭐️西班牙黑豚肉 $98肉味香濃，嫩滑彈牙，用椰子雞湯淥仲好入味添🤤⭐️炸魚皮 $32我大愛呢個炸魚皮😍😍!!!!!!!份量多又超脆口，一啲油益味都冇。好想叫多一兜食😝⭐️雙拼蚌（貴花蚌/珊瑚蚌）$108朋友鍾意食珊瑚蚌，我鍾意食桂花蚌，叫個雙拼就啱啱好🙆🏻兩款蚌都新鮮鮮甜👍🏻⭐️墨魚滑 $68呢個好味到要搶食😂好彈牙又足料，推介推介👍🏻⭐️竹笙 $38竹笙38蚊咁大碟好抵食，索埋椰子雞湯湯底，好味😋⭐️水餃

天氣凍到咁，口痕想打返個邊爐，係openrice睇黎睇去，最後決定試呢間頭啖湯。鋪頭位於天后呢個靜中帶旺既地方，附近橫街入夜後泊車相當方便，門口仲有門士站，交通唔洗擔心。入到去，一睇就知佢定位係一間火鍋專門店，鋪仔細細，但所有枱都每4個人有一站尚明堂電陶爐，都幾揼本！我地兩個人，叫左一個相當有特色既椰子雞湯底，見在場都有唔少人叫佢！椰香傳遍整個場！正呀！基本上淨係個湯底已經好多野食，加上排到咁樣靚一靚，真係加好多分！火鍋配料方面都有唔少選擇，都新鮮同大路，如果要我推薦，首先一定要試呢個美國安格斯雪花牛肉，老豆教落，人一世物一世，食既唔好哂，雖然價錢真心唔平，但呢幾塊牛入口即溶，完全無渣，牛味勁香，配上椰子雞湯既清香，真係回味無窮！另外一個要推介既係呢個雙拼手打墨魚丸，本身諗住早d叫丸掉落去烚住先，點知叫左勁耐都未黎，差d想追佢單時，就見waiter遞上呢8粒咁精緻既墨丸，睇得出係岩岩打起，粒粒大小形狀不一，絕對對得住"手打"呢個朵！無芝士既墨丸已經鮮味十足，除左彈牙之餘，入面應該加左墨魚軟骨，勁爽口！至於有芝士既就重口味同漏d，女友鐘意多d！最後我地2個人飲埋野都係600蚊左右落樓，其

頭啖湯椰子雞煲好出名，聽講d湯底好清甜, 梗係專程黎潤下喉！😎餐廳唔算大，大概六點幾左右，客人唔多，可以揀位坐！😇椰子雞煲一嚟到，就已經聞到好清香嘅椰香味 ！😋啲材料都好多，見到有本菇、紅棗、大葱、蟲草花、木耳，同主角雞件！雞嘅份量都好多，食極都有！👍🏻😆湯底好清甜，有椰香！煲得越耐，加埋其他材料啲味道越嚟越香！安格斯雪花牛肉，叫左少份，有六片，每片口感幾好，肉質夠厚身，牛味好香！響鈴卷$38都好多件👍🏻，每夠size唔算好大，咁樣仲好，可以分開食！廣島蠔都光澤飽滿。雙拼桂花蚌同珊瑚蚌，見到好特別，色水特別鮮艷，似新鮮挑出來感！食落爽口彈牙！雙併手打墨魚丸，一種原味， 而另外加咗啲芝士，兩種都好食，見到啲芝士粒溶咗之後，加埋啲墨魚丸，味道都好夾 ！最後加埋薯粉吸收埋啲椰子雞湯精華！綜合水果茶，$33勁大杯，入邊啲水果都好多款，有火龍果、蘋果，紅柚子、蘭香子等等！味道非常清香，加埋茶底，非常解渴好飲！

天后不嬲都出名多好嘢食！不過平時都好少路過呢度啦，今日適逢早放工路過，就過咗嚟呢間頭啖湯食個靚邊爐先！位置都算方便，喺地鐵站口行5至10分鐘左右就到，一入去是七點幾，已經有一半嘅座位滿左，同埋一開門就聞到一陣好香嘅椰子雞味，今次應該冇揀錯啦掛。既然甘香，我哋首先點左半隻椰子雞煲，我地得兩個人，完全夠食！上到枱個賣相好靚個湯底，白雪雪，係落邊爐料之前我仲飲咗兩碗，真係勁香呀！由於朋友唔食牛肉，而我亦都唔係太好食，所以難得地今次冇嗌肥牛， 而係叫咗好多齋。我地點左芋絲，韭菜餃，紅薯粉，羽衣甘藍🥬等等⋯⋯其中值得一讚嘅係羽衣甘藍，呢樣係朋友提議叫嘅，老實講我都未試過打邊爐落羽衣甘藍，平時都只係榨汁你飲，但今次真係發現羽衣甘藍原來係一個唔錯嘅選擇，首先佢唔似一般蔬菜咁會煮煮下就變林，佢咬落去有個口感，亦唔會太硬，食落去冇乜草青味，感覺上好健康，下次有機會黎，亦都會再叫！另外紅薯粉亦都唔錯，未煮之前好硬，不過煮熟之後就就好林不過可惜我哋煮得太耐，好多都遲癡咗底，哈哈！至於其他肉食嘅，我哋就叫咗一份雙併丸，包括貢丸同埋蟹籽丸，另外仲有一份雙併蚌，包括桂花蚌同埋珊瑚蚌。值得一讚嘅係珊珊瑚蚌，食落去非

呢日天氣好凍，朋友介紹下黎左天后呢間本地火鍋小店，地方雖小，但設施一應俱全！我地叫左個特別又清清地既湯底，椰子雞煲！一直好想試椰子雞，今次終於可以一嘗！店舖好貼心，準備左唔同醬料香料任君選擇，醬料亦十分乾淨。椰子雞到埗！哇，湯底落足料，唔係一般hea底火鍋，有唔同配料加上原隻椰子雞，送上黎既時候傳出陣陣幽香，令人垂涎欲滴！當然唔少得打邊必食既雪花肥牛！睇下花紋幾靚，滾入湯底吸收曬椰子精華，簡直係天上人間既味道！另外既配菜亦好靚好乾淨，令食客食得過癮又開心。煲左陣都好靚好乾淨，而且份量十足食到飽飽。仲叫左杯芒果乳酸梳打，解渴又香甜！

點了麻辣雞煲，麻辣味可以，但實在太咸！雞肉可以，紫洋蔥皮好味。吃完雞，加湯再加料：點了安格斯牛肉、响鈴、魚皮、咖哩薯丸、西蘭花和飲品。咖哩薯丸不在菜牌內，蠻特別的，吃咖哩魚蛋加薯蓉之間。這𥚃不提供茶水，有逼人叫飲品之嫌。但味咁濃，就算飲完一杯啤酒或梳打，也不夠淡化D咸味和辣味喇！欠體貼食品一般可以，座位不算太擠。因九點後才到，人不算太多，也不會太嘈或煙霧彌漫。但吃完火鍋，一定滿身油煙味，在所難免。整體來說，可以再試。

星期五下午用某app定禮拜六6pm四位 ，有七折，穩陣星期五晚上再打去confirm Booking。星期六準時去到但係話俾我聽只可以食到七點半，話walk in 係有時間限制, 咁我同佢講我前一日已經用某app訂枱，還用記錄俾佢睇，跟住佢冇出聲，食物照上但係個爐頭要到六點半先用到 。到7:25 pm想加碟菜佢話唔得因為要五分鐘內埋單，咁我同佢講我訂枱嗰陣你又冇講要時間限制，但隔離嗰台客walk in 就唔需要時間限制 ，擺明因為我七折所以趕我走，而且老闆娘態度非常之惡劣， 以後不會再幫襯。

早排聽朋友講起，話天后有間食椰子雞煲嘅幾好味，叫頭啖湯，我心諗我成日都去天后食飯，點解都未見過😂。所以是日放工，就同大人去試一試。上網搵一搵，其實間野係天后同炮台山中間，巴士5X總站果個位，都唔難搵到。入到去間鋪到，好光猛下，即刻感覺好乾淨。招呼果個哥哥仔好細心，叫我地揀左個煲先，再慢慢諗食咩。既然朋友介紹得椰子雞煲，緊係要試，二話不說，椰子雞煲半隻！餐牌椰子雞煲半隻呢個不得了，個湯夠濃好好味。叫佢加湯，佢真係加湯，唔係加水，所以越滾越好味。基本上我無點過豉油。安格斯雪花肥牛小大小剛好，有牛味，滾一滾就食得。竹苼打邊爐最愛，尤其對住呢啲濃湯。吸晒味簡直一絕。雙拼手打蝦丸係正常蝦丸拼芝士蝦丸。個芝士蝦丸啲芝士溶左之後，比無芝士果個出色好多。芝士竹輪呢個啲芝士係入面溶左又係好好食。不過得5舊，分唔均，最後果舊要爭😂水餃稻庭烏東檸檬柚子梳打Zero柚子梳打幾好飲，夠氣又唔太甜。可能因為唔係平時天后果邊，食完之後行出去，人好少，感覺個人好平靜好舒服。

今日見開始轉涼， 約左個朋友去打邊爐，兩個女仔食唔得多野就冇去到啲任食。呢間湯底選擇唔多， 得幾款， 我地唔想食辣既關係， 叫左椰子雞， 個煲黎到之後， 滾左一陣， 個店員叫我地飲碗湯先，好濃椰子味，都幾清香。之後食下啲雞， 菇同竹苼。 我地叫左半隻雞， 都幾多， 食極都有， 啲雞都好滑， 食到尾啲雞都仲未老。其他打邊爐料基本上， 你想食既都有。有塊板寫住有乜推介。啲手打丸好似幾特別， 好多都想試。打邊爐必定有既好多配料。墨魚滑一份有兩條， 都幾彈。牛肩， 都幾新鮮， 幾厚切。水餃冇乜特別， 正正常常。第一次見打邊爐 有羽衣金藍， 未試過烚， 估唔到都幾驚喜， 好重味， 好香， 我個人覺得好味過生食，超推介。芋絲係減肥必吃。魚皮都好大碟個牛丸係安格斯牛丸，幾濃牛肉味同埋幾彈口。呢度竟然有王老吉，香港好少見， 打邊爐一定要清清熱。

朋友講左好多次想食椰子雞煲，係訴求知下，上網尋找椰子雞煲，搵到一間喺天后嘅頭啖湯，網民都大讚湯底我哋預約左八點半，去到已經好多人啊，而且個個都點椰子雞煲，甘受歡迎我地更係一樣喇，點左半隻椰子雞煲店員送上嘅椰子雞煲雞係未熟，所以要滾大概10至20分鐘咁先可以食嘅，未食已經聞到陣陣椰香味，湯底有海底椰同杞子，配料仲有竹笙、蟲草花、黑木耳同埋菇菌，滾到差唔多嘅時候店員叫我地可以先飲湯再食其他配料。湯好清甜，飲落有椰香味，雞肉好滑，竹笙吸晒啲湯汁好好味。我地一邊飲湯一邊點火鍋料，點左腩肉片、炸魚皮、竹笙、雜菇拼盤、冬瓜、芝士竹輪、墨魚滑、薯粉。炸魚皮一定要點，可以吸湯汁一齊食好好味，竹笙都一樣，而且好爽口。我永遠都覺得雞湯同冬瓜係最爽，而且會令到湯底更加清甜。芝士竹輪係朋友最愛，竹輪裡面超多芝士。腩肉片有驚喜，腩片係有一點厚度，滾完爽口彈牙一啲都唔肥膩，加少少蒜一齊食味道同蒜泥白肉一樣墨魚滑好彈牙，墨魚味都濃，滾左好耐都仲有墨魚味。最後食薯粉，吸晒啲湯汁，完全唔洗加任何調味，簡直完美。

頭啖湯，聽個名都知道係出名飲滋補靚湯。每日提供嘅老火湯都唔同，而且只係需要$28，真係好抵試，而今日嘅靚湯係無花果准杞燉赤肉。不過我同屋企人就比佢嘅火鍋吸引住喇，叫咗重慶麻辣雞煲(半隻，$128) ，可以揀辣度。賣相紅紅火火，已經刺激住我地嘅味蕾，因為叫咗微辣，所以依種辣度普通人都接受得到，而且湯底非常濃郁，令到成個雞煲好惹味。推介嘅火鍋材料有安格斯牛丸($42)同埋咖哩薯波($42)，吸引咗我地點黎試下。牛丸真係實實在在由安格斯牛肉打出黎。因為牛肉味非常重，肉身扎實。咖哩薯波外面係魚肉，入面包住薯蓉，創新得黎又格外好味。廣島蠔(2隻，$35)，見到咁平就叫黎試下，估唔到蠔身好飽滿，一咬啲汁就爆哂出黎~桂花蚌同珊瑚蚌雙併($108)，第一次食依2種蚌，爽口又鮮甜，吸埋啲辣味就更加滋味~食得熱熱地就叫咗杯綜合水果茶($33)，水果非常豐富，有蘋果、西柚、檸檬、火龍果等等，juicy又解渴~