頭啖湯

营业中

休息中

係openrice 搵搵下食，唸住去打下邊爐，見到九點半後火鍋配料有五折優惠，見甘抵，跟住啲相又好似幾好甘，決定去試一試😁😁😁嗌左個椰子雞湯，一開蓋啲椰子味勁香依個生果茶都好飲，有好多果肉跟住嗌左两碟牛肉，中等質素，不過價錢合理依個我覺得幾好食，黑松露墨魚丸其他野食整體都ok既食飽两個人六百幾埋單(如果未五折就九百幾)湯底同飲品無折

第一次到場食係有驚喜嘅，不過係第一round嘅湯，加咗半隻雞同1/3黃酒落去煲咗一下，啲湯有濃濃嘅藥膳味同黃酒味，堅係好飲。跟住叫咗肥牛同午肩，食落牛味係重嘅但明顯食得出唔係好新鮮，唔知係咪解凍後嘅處理做得唔好，食頭幾舊都仲接受到，再食落去有啲想嘔嘅感覺，對嗰隻唔新鮮嘅味道越食越抗拒咁。如果攞呢家同深圳嘅潮汕牛肉火鍋相比，52分對93分。正係為咗飲湯，我估計我係100%會返轉頭，但為咗食火鍋道料，我多數唔會再考慮價錢同質量唔成對比，只有湯值得。努力加把勁，希望可以改善一下新鮮度，如果新鮮度提返高，估計你呢家野會發達

平時打邊爐唔係麻辣就沙嗲湯底，多數都係味精水溝出黎既湯底😂係openrice見到呢間有椰子雞湯底就心郁郁想試下🤤醬料係任你自己配搭😛得兩個人既關係，只係叫左半隻雞份量既椰子雞鍋，一黎到呆左😮勁足料🤤🤤🤤老細仲教我地先飲湯🥘，後食雞🐔，最後再食火鍋料椰香濃郁既雞湯😛我地飲左三碗湯先食雞🤣雞件非常滑嫩，有幾件擺到臨尾先食但都好滑，唔會好鞋口，正😛叫左份細既安格斯雪花肥牛🐮充滿濃濃牛肉味，仲比一般既手切肥牛較厚身，口感較佳，最尾忍唔住encore多一份🤣早知一開頭叫份大碟啦🤣仲有爽滑彈牙墨魚滑🦑爽口彈牙又新鮮😛下次要試佢個推介：黑松露手打墨魚滑🤩呢到竟然有得食竹笙🤤出面好多舖頭都冇得食😭😭即刻叫返份黎食，竹笙索哂d濃郁既雞湯😛好岩打邊爐食仲有我至愛既萵苣🤤又係出面比較難食到既蔬菜，呢到將佢切到一片片，好有口感😛食落又有淡淡萵苣味、好卜fresh!飲品叫左兩杯水果茶，一黎到嚇親😂好大杯，仲有好多生果好足料，打完邊爐飲呢杯甜甜地既水果茶好解溜😋總結：大滿足！已經mark實下次要黎試埋佢既辣雞煲😈

夜晚放工之後同朋友黎打邊爐。呢到位置係炮台山同天后之間，距離兩個地鐵站都唔算遠，但少黎天后既我地都係要睇地圖😂餐廳既座位都算闊落，仲有卡位坐。餐牌寫哂湯底同火鍋料，原來仲有泡飯、米線同燉湯揀😲我地揀左滋潤椰子雞煲，火鍋料就叫左安格斯雪花牛肉、西班牙黑豚肉、安格斯牛丸、桂花蚌珊瑚蚌雙併、羽衣甘藍，另外仲叫左綜合水果茶同檸檬柚子梳打。店員好貼心，會將豉油整熱，另外仲可以加蔥花、蒜蓉呢d做醬汁。首先黎既係椰子雞煲，店員建議等滾左後先飲湯同食雞肉，然後佢就會加湯，佢另外會俾隻碗仔可以片走湯多餘既雞油。等d湯滾左之後就可以開始落料喇。安格斯牛丸夠爽口彈牙，仲有d好肉牛筋係入面，好夠味，但岩岩拎上黎食時要小心燙口。之後都陸續落埋其他料，黑豚肉同雪花牛肉都好好食，唔會老，好易咬。第一次打邊爐食羽衣甘藍🥬，原來都幾爽幾好食。雙併蚌就唔好煮太耐，食落又係好爽口，完全唔會韌。飲品我叫左梳打，配打邊爐係一流，但見到朋友點既水果茶都好想有試下，見到好多客人都點呢杯。朋友話唔會太甜，飲落岩岩好，又夠大杯！

趁著3 月14日，白色情人節，專登book 左天后既「 頭啖湯 」同老公撐抬腳慶祝！餐廳除左「重慶麻辣鷄煲」、「滋潤椰子鷄煲」，重有 2 款特式鍋「麵包蟹鮮茄鍋」、「珍味百菌鍋」。原本想試下 「麵包蟹鮮茄鍋」，好特別，應該好好味。不過見餐廳招牌係椰子雞煲，今次就先食揶子雞煲，下次再食麵包蟹鮮茄鍋吧椰子湯鍋同鷄分開上，湯底非常足料，除左有椰子片之外，重有木耳、竹笙、蟹味菇、京蔥、白玉丹、蟲草花、杞子⋯而且餐廳採用既係印度椰子，所以湯底特別清甜！本身半隻鷄既份量都唔少，同埋幾嫰滑！再加幾碟火鍋配料，非常足夠2 個人食。食火鍋絕不能決少肥牛！手切安格斯雪花肥牛，牛肉味濃，脂肪分佈平均，食落爽口嫩滑，口感佳！桂花蚌+珊瑚蚌，新鮮爽口，雙拼$118，比單點化算很多！除左火鍋，原來重有燉湯（$38 好平！）同埋濃湯泡飯/米缐，下次lunch 試下先。

又黎頭啖湯椰子雞煲，兩個女人仔鐘意食火鍋又鐘意滋補，呢個就最啱食！今次第一次帶呢個朋友黎食。午市啲套餐好似都好正個湯一滾起，叫佢即刻飲一啖先，飲完一啖已經猛話好清甜好香嘅雞湯。半隻雞(138hkd)其實份量都唔少，應該係用足秤嘅大雞！雞肉亦都係繼續保持水準，好嫩滑，啖啖肉。綜合水果茶(72hkd)食食下有啲熱，呢個茶好清涼，又唔會好甜，飲得出係新鮮水果製，一啲香精味都無，非常good!小手切安格斯雪花牛肉(138hkd)小手切牛肩胛(98hkd)想試下兩種唔同牛，都好有牛味，一個肉質重啲一個脂肪多啲，各有各好👍🏼油麥菜(28hkd)萵筍(32hkd)兩種菜都係好啱打邊爐，吸精華一流！墨魚滑(68hkd)我個friend 至愛炸魚皮(32hkd)好大碟，脆卜卜，好香口，又係必叫😋

唔覺得評語講到咁好，開頭煲啲湯 油到 又出哂啲雞內藏的油及泡， 我去油及泡都去左兩碗 ，唔會再食第二次~ 湯底亦麻麻， 我叫椰子湯 唔太有椰子味，食材亦很普通~openrice 又話晚上9點30後全單半價，原來只有後加的食材才有半價，雖然食材有半價 ，但總括都是一般

叫餸打邊爐當然要揀d有特色配菜既餐廳，尼間有好多款式既招牌火鍋配料。而且環境舒服，有卡位有大枱，2個人打邊爐都岩。叫左滋潤椰子雞煲(一隻$228)，手切安格斯雪花牛肉(小$138)，黑松露手打墨魚丸($98)，廣島蠔2隻($35)，芝士竹輪($38)，午餐肉($38)，綜合水果茶($36)。尼個椰子雞煲湯底好多配料，有菇菌，雲耳，杞子，紅棗，啖湯超濃椰子味，飲左好多碗，都冇口渴，真材實料，好滋補。飲左碗湯之後，侍應會先幫手落半隻雞入鍋，雞肉好嫩滑，雞皮爽。餐廳將原隻新鮮雞切件上碟，對食物質素有保證，令食客食得放心。尼個時候，湯底變得更鮮甜。招牌必推介既牛肉紋路非常靚，淥一淥，牛肉完全唔韌唔"鞋"，超重牛肉味，物有所價。新出既黑松露手打墨魚丸好有驚喜，必叫。啖啖都充滿黑松露味，而且經過手打後，非常彈牙。餐牌上面，亦都有另外2款手打墨魚丸，唔好錯過呀。廣島蠔鮮甜充滿海水鮮味，煮熟後冇縮水，仲係好飽滿圓碌碌。仲有其他海鮮揀添。打邊爐唔少得既爆餡配料芝士竹輪，芝士流哂出黎。仲有另一款芝士包，鍾意芝士既朋友可以一試。午餐肉切到厚厚一塊，煮完唔怕散，而且仲好結實，大大塊有口感。最後，飲杯侍應推介既

尋日行過天后諗住睇下有咩好食，跟住睇到有間雞煲火鍋，個門面都唔錯， 於是入去食下，我哋見到個餐牌有個雞煲火鍋，都幾抵138蚊有半隻雞，咁我哋另外仲加咗少少嘢食啦，加咗牛肉啦豆腐啦魚皮餃，同埋烏冬。個雞煲火鍋，雖然我哋叫咗半隻雞，但係都足夠三個人食呀，我哋兩個人食呢，其實都食到好飽，咁另外個魚皮餃同埋豆腐係值得推介嘅，好好食。嘢飲方面，個店員推介咗我哋水果茶，呢個水果茶真係好好飲，好香，好甜，你可以叫佢啲冰另外上。想講下個烏冬方面，個烏冬其實都係幾好食㗎，好幼細同埋好幼滑㗎。最後覺得呢間嘢都係值得推介嘅。個日我哋晚上六點幾去到，因為比較早呀，所以佢安排咗張卡位畀我哋呀，就算我哋得兩個人， 張枱又夠大，坐得又舒服。

天氣又凍番啦，梗係打個邊爐啦。係銅鑼灣兜咗半日，搵到一間專食雞煲嘅邊爐店。個名叫頭啖湯又幾過癮。一入鋪頭已經有人招呼你，仲好貼心咁介紹有咩好食。黎之前都有做資料搜集，佢呢度嘅雞湯唔係濃湯寶嗰啲，真係雞肉雞骨煲出黎。有見及此，整番個椰子煲雞先，試試佢個頭啖湯。下次再黎嘅時候就試下佢個種慶雞煲，因為隔離檯個雞煲好鬼香，辣辣地，搞到流曬口水。到揀配料啦，食肥牛片就梗架啦，之後有啲特色嘅火鍋配料，咖哩薯波，手打墨魚丸，呢啲係必叫。另外我地仲叫咗啲普通嘅配料，例如，牛柏葉，呢個真係唔係間間有，娃娃菜，魚腐等等。仲叫咗一榨生果茶，幾消脂開胃。到個鍋黎到嘅時間，個椰子雞湯真係好清甜，店員都有叫我地飲咗湯先好開始打邊爐。啲雞肉真係超級滑。到我地清曬鍋入面嘅雞肉之後，店員開始加雞湯。之後就開始放開肚皮咁開餐了。值得推薦嘅一定係要試下個辣雞，相信下次會叫一大班人黎再食，重要嘅係佢嘅價錢唔係貴，多人嘅話全部食物叫大份真係好抵。

如果你覺得銅鑼灣太多人想搵個地方靜靜地又有好野食既話黎天后就岩喇睇到唔同既食評都對頭啖湯既湯底有好高既評價於是一早 book 定位一收工就過黎試下想去頭啖湯既朋友係天后地鐵站 Exit A 落車行幾分鐘就到地點好方便因為我地 book 左 6:30 p.m.時間尚早, 我地係第2台客店員建議我地可以先叫個湯底先咁我地今次就叫左半隻滋潤椰子雞煲除左湯同雞煲出名之外呢到仲有燉湯仲有泡飯同米線唔洗等好耐店員就送上湯底離遠已聞到陣陣椰子香氣因為想留肚食配料所以只係叫左半隻雞但份量都唔少架配料方面我地就叫左珊瑚蚌 + 貴妃妦 雙併牛肩胛食落新鮮重牛味皇帝菜乾淨無渣手打蝦丸誠意之作，爽口彈牙招牌水果茶大大杯好抵飲大家記得留意店內既隱藏 menu經openrice 訂位 8:00pm 前結帳及離座可享全單5折優惠大家記得訂位喇~

一整個12月、1月都沒有打邊爐，剛巧這天氣溫稍降，當然要打一打邊爐了。下班跟老公在港島區找了這間頗為隱蔽的小店，打算慢慢嘆個打邊爐晚餐。甫一進門想不到客人也不少，幸好仍被安排到卡位坐。店子小小，但打邊爐途中我發現原來後面位置還有房間，適合一大班人盡情不被騷擾地打邊爐。難得老公批准食辣，當然要來一個半隻重慶麻辣雞煲。半隻份量也不少，雞肉滑嫰入味，麻辣比例調得剛剛好，辣中帶麻，越吃越過癮。雞煲的配料如洋蔥味道亦很夠，想不到小辣而有這個效果。吃完雞煲加湯正式打邊爐，二人不敢點太多菜，就怕眼闊肚窄。手切牛肩胛共有八片，如相中所見，牛肉紋理清晰可見，不會太多油脂，而且肉味濃郁。建議不要滾太久，不然會影響口感。西班牙黑豚肉薄薄八片擺放得美美的，這個黑豚肉片較牛肩胛肥，但油脂很香而且不會覺得過膩，吃下去令人滿足。皇帝菜看得出新鮮，顏色翠綠。安格斯牛丸一整餐最欣賞這個牛丸，因為是安格斯牛丸，較一般牛丸更重牛肉味，而且咬開裡面油香四溢。雖然邪惡，但真的太好吃啦﹗稻庭烏冬烏冬屬幼身，配搭麻辣湯認真一流。水餃菜肉餃SIZE小小的，從麻辣湯撈上來有點似手油抄手，哈哈﹗橙汁打邊爐怎能不喝飲料，這個橙汁很新鮮，喝

呢派天氣變化多多，年初一熱到著短袖衫，而今天成日冇太陽，感覺天氣有啲啲凍，怕凍嘅朋友要著薄羽绒先抵得住凍，咁嘅天氣啱晒打邊爐囉。有意無意中喺銅鑼灣搵到呢間名叫頭啖湯嘅舖頭，有意即係話之前有朋友推薦過呢間，話嗰個椰子鷄煲超好味，咁一於試吓係唔係真？既然有人介紹，咁就試椰子雞煲啦，一上場就見個湯非常濃郁，呈奶白色狀，拔開入面有秀珍菇，竹笙，黑木耳，京葱，蟲草花，杞子，哇，絕對真材實料。而查實椰子雞煲係廣東一帶的名菜，屬於粵菜養生火鍋及滋潤湯品。老闆介紹話間店採用印度椰子及新鮮雞熬咗3個鐘頭而製成，所以特别清甜及健康，非一般食肆的冰鮮雞可比。新鮮雞件是這樣的，半隻好大份，我哋兩人吃多咗D，其實3個人都够吃吖我哋仲叫咗脆卟卟的炸魚皮及安格斯牛丸廣島蠔仲有好多食肆都没有但又健康的羽衣甘藍新鮮水果茶(内有柚子，蘋果，奇異果，檸檬等)雙拼桂花蚌及珊瑚蚌Grace，多謝妳嘅推介，我哋就咁度過咗一個溫暖的人日夜晚

行年宵前決定醫飽個肚先有力入去逼😤呢間火煱近天后站，行一陣就到。我地兩個人就揀咗半隻滋潤椰子🥥雞煲湯未煲前的樣子，奶白色嘅湯，愈滾椰子味愈香😍材料絕不馬虎，養生材料夠足料，有杞子、蟲草花、雲耳、紅棗等等，大概水滾等8分鐘就岩岩好飲得話明叫頭啖湯，滾咗先去一去雞油就可以飲得，雞湯果然鮮甜🤩配上濃濃椰香🤤沒有加味精，我同朋友全程都唔覺得口湯🤤雞十分肥美同大隻，雞油十分多🤩代表雞嘅質素挺高🤔雞肉比較嫩，雞皮較厚，怕肥可去掉食完半隻雞都飽飽地再加其他食物，韭菜水餃🥟🤤入面材料挺飽滿，有唔同口感叫咗一個特色推介嘅芥末魚籽丸，幾特別，岀面冇食過，芥末味唔會話大重，味道適中，值得一試手切安格斯雪花肥牛❄️色澤十分靚可以雙拼桂花蚌同珊瑚蚌，挺新鮮最後加多兩隻廣島蠔😎十分豐盛一餐，上菜速度都幾快，店員有禮6點鐘去都已經好多枱，所以可以預早bk定穩陣d

好多人都喺國內食過椰子雞煲, 但原來香港都有個地方有椰子雞煲, 去到嘅時候店員推介佢哋個椰子雞同一般嘅唔同一般嘅只係椰青水加雞，但係佢哋係用印度椰子，打成椰漿之後再放落去煲湯，由於想個湯底更滋潤，所以加咗蟲草花，紅棗，竹笙等等，湯底到左先飲湯，啖湯真係非常之甜，入口有陣陣椰子嘅清香，我哋要左半隻雞，佢哋嘅雞非常之大隻，雖然係半隻但係份量非常之多 手切安格斯雪花肥牛 手切牛肩胛🥩🥩因為想食多啲款式所以兩款都叫咗，各有千秋，雪花肥牛嘅脂肪分佈均勻，入口即溶，牛肩胛有咬口墨魚滑🍡🍡呢度個墨魚滑真係要試一試裏面有一粒粒嘅墨魚，口感豐富，必食蟹子院🦀🍡入口時係一股魚肉嘅香甜，深一層就係蟹嘅香甜水果茶😋😋甜度適中，配火鍋非常清新