食臺

营业中

休息中

二人同行到葵芳上堂. 聽聞附近有間價廉物美的西餐廳, 我們當然不會錯過 .放學後沿路一直前行, 好快就出現一間綠色小屋. 正是今晚的目的地. 時間是八點左右, 但已經有不少人在外面排隊. 幸好醒目的我早已訂了枱 , 不用等位. 這裡地方細細, 容納不了十張枱. 枱與枱之間空間也較少. 距離遠少少會較理想, 但這也無礙我們的興致.來到西餐廳當然是品嚐一下扒餐 . 我們分別點了一份手打黑毛豬T骨和美國頂級肉眼.手打黑毛豬T骨 - 軟硬適中, 有肉味. 但伴碟的條狀物不太好食, 有點硬.美國頂級肉眼 - 雖然點了個七成熟, 但不會太老. 有適當的油份, 整體滿意. 驚喜的是伴碟的蒜頭. 又香又軟. 雖然本身我們都唔食蒜頭, 但都接受得到.跟餐本身有甜品. 原本想選焦糖布丁, 但竟然售罄...只好選擇木槺布丁. 布丁是自家製, 較軟身, 味道OK.總括都是滿意的, 歡渡了一個開心的晚上 .

每年要去政府診所作例行檢查, 之後行到葵芳區周圍行, 想食下午茶...見到門口一片綠色裝飾 - 試 "食臺" 餐廳環境熱辣辣雞冀又炸到金黃色, 配上濃濃芝士加香草, 好味下午茶茶餐, 有三隻雞冀食臺 總結: 值得一試!

    工作太忙,一日三餐都要外求,最近收到風,葵芳有間小店的食物水準唔錯,為食的我,當然要去試試囉. 六點七到達,靚女兼有禮貌的侍應姐姐告訴我七點左右才有人交檯,但...我在大圍下班專程飛的過來搵食的,當然等喇. 未夠七點,靚女侍應已叫我們埋檯,我與囡囡叫了兩個主菜及兩款小食,看到我叫的保雲酥羊架上檯時,被赫了一跳,雖然這只是一間小店,但...食物的賣相,配菜,伴碟都看得出很用心思,試一口羊架,肉很嫩,再試碟中的焗蒜,很香很好味,如此價錢,食到有心思,有水準的食物,即使已很懶打食評的我,都忍唔住上來推介一番.

男友說最近葵芳開了一間叫食臺的餐廳，從看照片，被那片綠色的人造草皮牆吸引，於是決定今日去歎下午茶。下午三時左右來到，看見師傅在店前架起木梯，正在拆卸類似帳篷卷閘之類的東西，店內洗手間也掛起了「修理中」的牌子。我們見有食客在用餐，心想店方應該是正常營業，於是在門外等了一下。暴曬10分鐘左右，便安全進入店內。因為不是很餓，所以點了厚多士，但店員說今日暫停所有麵包類的供應，唯有改點別的。其他食客聽到，似乎都很失望，未知厚多士是否該店的人氣食品。我們點了下午茶首選的雞脾薯條餐，包熱飲一杯不過$27，價錢非常便宜。大約10分鐘後，店員把雞脾餐端來，雞脾雖然比較薄身，但挺大隻，整隻深炸至金黃色，雞皮非常乾脆，賣相相當誘人。雞脾非常燙手，沒半點雪藏味，肉質也沒有很乾，應該是即叫即炸，感覺很新鮮。薯條的話，份量適中，不過口感再硬脆一點的話會更加好吃。另一個茶餐選了焗芝士黑魚子一丁，可自選配豬扒、雞扒、豬頸肉三款。店方煮出來的公仔麵，口感太腍了，芝士味道亦太輕，把公仔麵夾起來，沒看見半點起絲效果，反而比較像普通白汁。焗一丁的表面鋪了大約七塊薄切的豬頸肉，口感雖然爽爽的，但味道有點過鹹。還有那個黑魚子，說

雖然葵芳是常去的食飯地方,但今天是男友牛一，當然要食好d啦 。打開open rice,見到食臺，評語不錯，就揀佢啦！ 地方細，只有20個位，兩張雙人位，四張四人位 ，簡單裝修，但幾舒服，是一個西餐廳格局。看看餐牌，有固定扒餐set dinner,或散叫飯／意粉，我和男友叫了牛肋扒及豬扒餐，驚喜既事出現啦....在牛肋扒既伴菜中,以為是粟米...原來是蒜頭,是焗蒜頭....好好味呀,一粒粒咁食,軟霖霖!!牛肋扒 7成,入口鬆化,豬扒厚切,還有肉汁,甜品: 焦糖燉蛋...面層是薄薄焦糖,下面是軟滑燉蛋,超好味!!!雖然沒有湯及面包，但有甜品及飲品，凍飲還不用加錢添 ，兩人合共$166咋，沒有加一  美中不足的是燉蛋分量少了些!!!  

聽聞葵芳開左間小店，是晚決定去試試入面係普通餐廳仔既格局，坐得比較迫，但估唔到有驚喜！Set Dinner $78起，有主菜、甜品同飲品。叫左個青蠔牛肩扒($88)，牛肩幾啱我食，冇乜脂肪但完全唔老比平時食開既西冷肉眼薄一半，肉汁鮮甜！青蠔其實係咪青口呢？食落似青口，用芝士焗到好香。沙律亦新鮮，薯角香脆，絕不馬虎另外叫個酥焗羊架($88)共三大塊，有羊味得黎唔"酥"，點埋芥末醬一流！唔會焗得過老鞋口，食落啱啱好！甜品係木槺布甸同焦糖燉蛋任擇其一，我地每樣要一個木槺布甸質感軟棉，忌廉同芝士夾得啱啱好！焦糖燉蛋甜度適中，只略嫌欠缺蛋味，焦糖亦唔會太燶。另外餐飲凍飲唔使加錢，勁大杯，有平時兩隻細杯加埋既份量！呢度抵食好味唔加一，非常推介大家來試試～～

大約6點9入庭, 當時仲早唔算多人, 但現場都幾細, 坐得幾迫下。同個fd order左個煙三文魚沙律, 芝士焗青口, 同埋一人一個扒餐(我要左個3成熟西冷+凍檸水少甜, 朋友就要7成肉眼扒+凍檸茶)等左大約15mins就陸續上菜先係煙三文魚沙律同芝士焗青口,沙律好大兜, 菜同個醋汁都不錯, 係個煙三文魚差左d至於個焗青口, 芝士水左d, 食落口唔太有濃郁芝士係入面, 尼個係有D失望。然後就係扒餐上枱嘩! 好大份@0@長度應該有18-20cm, 塊扒厚度絕對唔係薄切,而塊扒都真係做到3成ge嫩口~而友人個份都係足料版本同樣盛讚~~薯菜份量亦足料, 而且伴碟好精緻,另外, 佢仲配左個乳酪醬,薯菜同個醬好夾, 減左薯角ge油膩感, 亦豐富左沙律菜ge味道尼個係我意想唔到咁驚喜~總括成個扒餐好滿意扒餐除左有杯野飲外, 仲有甜品奉上了, 分別係:焦糖燉蛋 / 木糠布甸我地當然係一人揀一款, 咁先至可以食到多種口味先講焦糖燉蛋,蛋好滑亦香蛋味, 但面個層焦糖太厚喇~同蛋一齊食感覺好似個口”慘”到玻璃咁…而木糠布甸味道就麻麻地,賣相亦差左d…一個膠兜入面有一pat白色野, 面有一堆粉唔講真係唔知係

正午時分 , 葵芳運動場這一帶是慣常的烈日當空加空氣悶熱 , 左右附近商舖若不是車房就是五金舖 , 照常理我是不會踏入這部份 , 若然不是讀到食友文章 , 我是萬萬想不到這兒開了間茶餐廳以外的悠悠小店。餐廳外面牆壁鋪上了綠油油的假草皮 , 在這刺眼的陽光下行走 , 再望向綠色草皮 ... 呼 ~ 眼球的不適已舒緩了 ~餐廳格局小巧雅緻 , 從門口一望已可盡見。 白色牆壁拼上黑色及墨綠色的檯椅 , 怎麼會感覺到進入店後會有陣微風吹送, 椰林樹影的涼意 , 完全與店外乾涸的空氣成對比 ...尤其是坐在這兒 , 陽光輕透 , 是店環境裏的顏色組合欺騙了自己嗎 ?兩邊牆上分別架上大小不同的黑板 , 把客人的「讚賞」及店方自豪的「饌賞」來當作小店的粉飾。小店以賣西式飯餐為主 , 當然也有意粉、沙律小食、厚多士等等供應 , 晚上 6 時後小店會兼賣精選扒餐 (假日會全日供應扒餐) 。 讀過餐牌後知道 , 扒餐的款式也不能講笑 ... 有保雲酥焗羊架、手打黑毛豬 T 骨、10 安美國頂級肉眼、等等等 ~午餐賣 $ 37, 送熱飲一杯 (凍飲加 $ 2) , 不過今天對午餐沒有興趣 , 反而想試試主餐

今日係葵芳行街行到攰, 平時我都會係波地呢邊搵間茶餐廳飲杯奶茶食件多士抖下, 行左一圈發現呢間新開嘅餐廳"食臺" 裡面人唔多, 簡潔裝修靜靜坐下仲舒服過去商場坐cafe。從侍應手上接過menu我點左份法式芝士流心蛋厚多士同杯奶茶。杯奶茶大大杯味道就不過不失啦, 反正我期待嘅係厚多士, 數分鐘後厚多士出現係我面前, 將外脆內軟嘅多士挖空, 然後放入芝士同半熟流心蛋, 賣相同心思帶比我唔少驚喜。而味道亦唔錯, 香濃蛋汁配上芝士一d都唔覺得膩, 呢份多士一定推介比身邊嘅人試下。係葵芳呢度唔係幫襯連鎖集團, 就係質素參差嘅茶餐廳, 同埋大量米線鋪(譚仔都有4間), 呢類小店真係買少見少,價錢唔係貴但係出品有質素亦好有心機, 日後一定會多多幫襯。

在下曾說過，葵芳沒甚麼特色的食店，不是茶餐廳，就是連鎖店。除了去葵芳兩個商場外，去葵芳村對面的甚麼甚麼芳街，不愁沒東西吃，只是茶記多的是。不過今天突然間想起，葵芳有間新開餐廳，不如去去試一下新的食店。這間新開的食店名為食臺，名字也頗為特別的。入到餐廳，就看見了兩塊壁佈板，板上貼滿了貼紙，在下細心一看，原來是來過這裡的客官，覺得裝修和食物不錯，也讚不絕口芸芸。老實說，裝修上確實有別於普通的茶餐廳，有點像西餐廳的感覺，加上牆上的黑板，攞列不同的食物，用餐區座位不多，主要是四人座位，深木色的餐桌和餐椅，卻與茶餐廳有別。餐牌上有焗飯，西餐，又有下午茶，到會及小食，當中西餐由下午六時起供應，假日就全日供應，而午市則以焗飯及焗意粉為主，但亦有下午茶和小食呢！除此之外，牆上的黑板朼有午餐供應，亦有晚餐和下午茶。不過若然點來焗飯或焗意粉的話，那麼飲品就只有散叫。點來了一客焗紅酒七里香雞扒飯。七里香本名為月橘，是月橘的別名，月橘的花能提煉芳香油，花及熟果可供食用，因濃郁而獨特的香味，能飄散往遠處故而有七里香之稱。雞扒用上七里香，加上紅酒所做的醬汁，效果特別，有點像似黑椒的味道，但卻又香味而富香甜，也有濃

也有一段時間沒到過葵芳，真不知道這裡開了間。看入去，人不多，不如就食完才進行活動。是日節目頗豐富的呢!價錢比茶記略貴一點，不過環境也好番些少。點來一客焗鴛鴦意粉，加多杯凍檸茶。意粉即叫即焗，出來時香噴噴，熱呼呼。鴛鴦即白汁吞拿魚和肉醬，前者味道不錯，肉醬反而略酸了少許，但整體而言，是可以接受有餘。凍檸茶好大杯，好似特飲咁，保証夠你飲。食物還好，服務不錯，埋單五十，沒有投訴。

今日行經葵芳，諗住求其搵間餐廳解決晩餐。點知無意中發現開左間新既茶餐廳。係門口已經覺得同同區餐廳不一樣！門口係一大片綠葉作裝飾。再望向入面，店鋪須小，不過好舒服既設計，令人好放鬆！再望見牆上既留言板，全部都係好評。心諗係咪呀！？同女朋友２個人，見肚餓就叫左份煙三文魚沙律黑醋汁，安格斯牛扒，温泉蛋肉醬意粉。 好快Ｄ野食就到，沙律都新鲜，尤其個汁，好好味，仲有粒蕃茄，記得要食，女朋友話未食過甘甜既蕃茄。安格斯牛扒，出乎意料，好有牛味，又唔un，仲有個藍莓醬同蒜粒，好特別。完全估吾到茶餐廳會有依Ｄ水準！最後意粉都到啦，個蛋ｏｋ夠滑，不過女朋友就話個意粉偏甜。睇一睇張單先百幾蚊，忍吾住加多個雞翼芝士公仔面。個汁吾會太“傑”，最正就係雞翼，夠哂入味又煎得啱啱好。當想埋單既時候個waitress好細心提我地原來跟餐有甜品送，有木糠布甸同焦糖燉蛋揀，個焦糖燉蛋真係不得了，表面烤到脆卜卜，蛋夠滑甜度適中，諗吾到跟餐既甜品都有驚喜。真係好耐冇試過咁驚喜既一餐，茶記既價錢，都試到西餐既水準！

今日同朋友慶祝生日飯，見到位於葵芳運動場旁邊的新開小店，吸引我地去試下 完全係意料之外的好味道，每道食物也有特式，還有精緻的伴碟，可以看出廚司的心思，價錢也十分抵食，去開葵芳的朋友可以一試 贊

平時行開葵芳都係係新都會食野但全部都係連鎖經營既餐廳，有時都會係葵涌廣場食啲小食米線，今日經過見到呢間小店裝修簡潔清新，門外招牌有青草包圍，感覺舒適，於是入去試下，叫左個羊架，賣相好靚，明顯有心思擺盤，羊架味道濃郁而不"蘇”，配搭原個焗蒜，非常惹味！伴菜有黑醋汁沙律，旁邊有粒車厘茄，味道酸酸甜甜好refreshing !食完啲濃味食物用作清清囗感，十分貼心~跟餐有飲品同甜品，飲品非常大杯，甜品更是出乎意料之外可選木糠布甸或焦糖燉蛋，點了焦糖燉蛋，水準可與甜品店相比，為這餐西餐劃上完美句號！另外一提，店員招待非常親切有禮，主動介紹食法又詢問意見，如此服務反而免收加一，相比外面一啲餐廳既沒有服務但樂於收取服務費，看得到這家小店絕對是良心食肆，一定會多支持！