食鮮

营业中

休息中

筲箕灣東大街食店出名多，今日食串燒，有outdoor 同 indoor sitting，飲啤酒爽爽。野食就麻麻地，下次要食燒燒都唔應該唔會選擇呢間。虎皮尖椒係真係堅辣，想食辣可以挑戰下。沙嗲雞腎唔夠野味，都係跟孜然雞腎好味d。娃娃菜同孜然雞軟骨都ok，不過份量好少。壽司d飯同 set d飯都唔係日本米，唔正宗嘅壽司真係唔好食，所以唔評價，亦都唔推介。兩個人食左 $260，東大街應該有更好選擇，不過如果吹水飲啤酒都ok嘅。

一路都有覓好西的習慣，但總有中伏的時候叫左個二人餐288，牛串雞串雞軟骨，茄子，燒鮑魚288：計下來是便宜的生蠔：有沙無咩味青魚：最好「可惜無汁好dry」蝦：味道不錯口感挺好的雞軟骨：無味「得孜然粉味」牛串雞串：黑嘛嘛感官唔好，沙爹汁唔普通「個人認為唔岩食」茄子：感覺在食蒜而已牛仔骨翠肉瓜：甜味為主，牛好肥

晚餐和屋企人去！環境可以燒物：外貌一般 份量一般 燒物下面塊菜有水 爛菜 你都洗洗喔大佬！魚生：正常 不錯丼：最正常食品服務：漏單整體2個人400幾蚊 咁既服務 只可以勉勉強強接受！

難得兩公婆撐枱腳，睇見店名叫食鮮，應該新鮮掛，開左咁耐都未試過，諗住試吓啦，叫左個牛仔骨套餐$78同埋三文魚帶子丼$78，個牛仔骨唔知係用老抽醃定係燒燶左，仲淋上燒汁黑媽媽，三文魚帶子丼就普通啦，我食左少少三文魚，唔算難食，散叫左個日本一口牛$22一串，好似揸左啲類似沙嗲汁嘅嘢，掩蓋晒啲牛味，另外叫咗個獨家炸蒜燒美國生蠔$48/2隻，我就唔係好覺個生蠔上面有炸蒜喇，仲要出哂水咁，一定要講下嘅就係嗰條鹽燒馬友魚，我見＄98一條諗住平平哋試吓啦，點知條魚上枱已經聞到腥味，打開個魚腩佢居然真係成條魚淨係落鹽齋燒，如果條魚新鮮嘅話應該係好食嘅，但係佢呢條魚真係唔係咁新鮮囉，葱都唔落條，不過佢啱嘅話明係鹽燒丫嘛，呢間食店到底好唔好食，大家自己睇相啦！埋單食咗四百幾，我就覺得唔值囉！P.S. 所有相片都係食物上枱5分鐘內拍攝，亦都無執過相。

今日丫妹生日，來左新開無耐既舖頭吃飯慶祝，最中意d日本刺身，又鮮又厚肉，真系無改錯"食鮮"2個字！大大件扇貝，又好吃又多汁，燒物值得推介系雞全翼！好正！卓頭號系舖頭每日出一款海鮮做特價，今日系聖子做特價，真系大件夾抵食😋😋😋

住在筲箕灣。這個位置的餐廳經常轉變的。開了大約一個月的。食鮮。吸引到我和家人了！和家人一家幾口。室外一張長枱入席。哈。叫了一個皇牌四人套餐。先來大虎蝦。青口。淡淡肉。有醬料的。好好食！🍖牛仔骨🐟秋刀魚也有燒過香口的質感！翠肉瓜。菲菜。可以再燒多一點。單叫了一點壽司！🍙飯軟硬適中。冷冷的。有點醋香味。帶子三文魚也很新鮮。店員服務態度很好。有家的感覺。談天說笑。

幫襯開另一間燒烤店， 見呢間新開， 飲品價錢和有部份食物較平，兼有刺身壽司， 就揾晚試菜。啤酒一欄見有Asahi. 但店東話無， 得藍妹青島， 猛推介藍妹, 我拒絕， 叫加多寶又話無。 咁叫咗咸檸七 ($20) 。 咸檸七得半粒。 帶子壽司， $15 兩件， 咁平咪叫嚟試。 呢個價錢嚟講， ok嘅。幾大件， 算厚。 虎皮尖椒 ($22), 唔係綠色果種， 係紅和橙。 嘩， 橙色果種辣到痴線! 頂唔順， 食唔曬。孜然燒紅腸 ($12串), 夠曬熱，惹味嘅。羊架 ($35份) , 唔係羊架來嚟， 薄，好韌， 要落埋手先食到。 麻麻。聖子王(時價), 好細隻喎。 蒜味好淡。燒馬友 (時價， 當晚$88). 細條，食得出唔係好新鮮。 無醬汁提供， 不過不失。燒茄子 ($22). 燒到皮都焦， 肉都係好薄。麻麻。麻辣大蜆 (時價). 嚟咗個蒜味。。。照食。無乜蒜味， 早知唔叫啦。廚房唔知係咪得一個人燒， 上菜速度慢， 要耐心等候。 食物係好夠熱嘅， 但味道和質素都好一般。 試過就算，唔會返兜。

同friend慶祝生日，因為朋友鍾意食燒烤，就誤打誤撞入左呢間野。想不到味道唔錯，燒全翼係我至愛，燒扇貝同虎蝦都好正虎蝦真係好大隻，啖啖肉. 燒茄子都幾好味。我地4條友食到個個捧住個肚，買單都唔洗過千(免加一)真係大份又抵食，下次再encore!

今日星期日諗住係屋企附近睇下有咩食，見到新開張有間日本野食，*食鮮*睇落吾錯，入到去見到都好多款式野食，點左虎蝦，超驚喜，比想像中大隻，燒得好入味，另外點左盤刺身，三文魚夠肥美勁新鮮，另外仲點左咗好多燒物，雞軟骨超正，雞翼尖都好好味，燒得好好食，燒物類值得一試再試另外佢地都收得好夜，岩晒平時收工夜左12點幾都仲有得食

首先，餐牌上寫韓國海膽係以格做單位，加拿大海膽係以隻做單位，咁諗住加拿大係原隻嗰啲啦，點知黎到係一格格，都算，你原格上無工夫要做都要等廿幾分鐘。兩隻生蠔又係要摧先有，解釋話佢地出錯單變左做英文睇唔明。不過生蠔係ok 既，個汁都好味。嗱。。壽司質素呢就差過爭鮮既，選擇又少，又無味，仲要有件壽司卷住條頭髮，係"卷住"，我係可以蚊住條頭髮拎起舊壽司OMG!算啦，可能呢度主打燒物呢，唉。。真係諗多左，都唔明點解要叫大連大鮑魚，叫鮑魚仔咪算囉，又淡茂茂，一啲都唔炸蒜囉。個扇貝皇一隻切粒一隻原隻，其實點解要咁做？原隻嗰隻仲要癡曬殼，癡得好實，食唔到=(嬲嬲地又覺得好好笑，咁難食都仲有人食既，又唔係平，跟著去左隔離東大街食，因為一啲都唔飽，賣單五百蚊，食左一肚氣。。哈哈哈

舖頭有分in door 同out door,好0岩一班朋友傾計，聚舊。而且食物質素好好，新鮮又好味。員工又好nice,好好服務!佢地既燒全翼，燒茄子同海鮮類都好值得一試!

開飯喇今日同朋友一齊開餐Order左 飽魚 規 燒雞翼 1664生啤🍺 生碑配燒烤係 絕配👍🏻重點係飽魚大大隻 好甜好好味（可選擇辣或不辣）本人形容詞不多 經過一定要試下啦 值得推介的

今晚同三位公主來到筲箕灣東大街，見到新開既日本餐廳看門面不錯，就行入去試下，老闆好熱情👍🏻👍🏻今時今日要咁既服務態度👏🏻👏🏻我地4個女子叫左刺身（好新鮮😋😋）、燒鮑魚（原來燒出來味道好正😁），燒雞翼（我的最愛，金黃金黃見到都流口水😜）種有壽司等等！體真是不錯喔！

約姐妹們食飯。呢間壽司串燒店就係地鐵出口位，好易搵。扇貝好大隻，啖啖肉。本地蜆大隻好juicy，上面加d蒜蓉，下面仲有d鹽水，一啖肉一啖水，好正！鰻魚壽司，鰻魚既汁都唔錯，我最中意既鰻魚，每次食壽司都會點，燒得好味道。三文魚，三文魚腩，赤蝦等刺身亦都新鮮。不過燒雞翅既醬有d花生醬，本人就唔係甘 中意。整體來

點左 鮑魚仔 扇貝 海鮮唔好食，食物樣樣都係蒜容燒，一係燒完一Pat沙嗲醬，雞尖燒到又乾又燶，三文魚頭又無味。成晚叫做人到口係娃娃菜煮大蜆。連普通叫隻法國生蠔都又瘦又淡味。叫蟓拔蟓刺身又無味。三個人食左1100蚊，貴夾唔好味！超失望 唔會有下次如果呢個價錢，同一條街 桻之燒同燒烤堂好食極之多！