食鮮

营业中

休息中

聽朋友講筲箕灣有間食串燒海鮮好正既餐廳，今日放假特登過嚟食下，餐牌上面有好多款海鮮，太多選擇，請店員推介之下揀咗個抵食既食鮮皇牌2人套餐 特價$298好抵食🤩 有六樣野食，麒麟啤好大杯跟餐先加$38 好抵飲招牌秘制蒜蓉燒扇貝皇🤩好大隻，扇貝好新鮮😚秘制蒜蓉燒美國生蠔上碟蒜蓉香噴噴，美國生蠔肉質肥美，creamy 令人垂涎欲滴鹽燒日本鯖魚鯖魚份量都幾大條，外皮香脆，肉質柔滑秘制燒安格斯牛仔骨估吾到呢間野除咗食海鮮之外，佢嘅串燒同埋燒牛肉都炮製得幾出色孜然燒雞軟骨雞軟骨入口香口爽脆，好吃😋！清香翠玉瓜翠玉瓜唔係每一間都燒得好食，呢間翠玉瓜入面仲好juicy 吾會燒到乾爭爭😋讚👍🏻食串燒有得啤一啤，成件事變得好chill 🍺🍺整體來講呢度嘅串燒都幾出色

今日好開心去食燒海鮮，因為一邊食燒海鮮，一邊飲嘢，一邊傾計係人生其中一個最佳享受！我哋兩個好姊妹叫咗個二人餐，裏面有秘製蒜蓉燒西非八頭大虎蝦、招牌秘製蒜蓉燒扇貝皇、鹽燒日本鯖魚、秘製燒安格斯牛仔骨、孜然雞軟骨、清香翠玉瓜。另外我哋仲叫多個燒豆腐卜同埋燒聖子皇等等先講下個大蝦，真係好大，係大過平時食開嘅大蝦嘅兩倍，肉質有彈性，味道鮮甜，真係好新鮮。個扇貝皇同埋聖子皇都係啖啖肉同埋好鮮甜多汁！燒牛仔骨口感好，唔會話overcook。豆腐卜加埋啲秘製醬汁非常惹味。其實樣樣餸都好好味，下次再嚟要試吓其他款式，諗起都已經開始覺得肚餓啦!

朋友請食飯，所以揀咗近去佢住嗰邊嘅筲箕灣。 叫左個二人餐，再散嗌咗啲嘢食，結果嗌太多啦散叫既生蝦只係一般咁啦，呢間野係串燒正d. 跟餐既呢個牛仔骨勁好味，大推！翠玉瓜同炸雞軟骨都係跟餐，雞軟骨好香脆！呢個蠔佢整得好好食，推介！呢隻虎蝦勁大隻，個老闆講話係佢哋先有嘅， 如果唔跟餐呢68蚊一隻就有少少貴，不過好多肉好食嘅！仲有鯖魚都係跟餐嘅。筲箕灣嗰頭都有唔少好嘢食，附近有另一間串燒都出名，呢一間我哋冇試過， 今次第一次嚟食覺得都唔錯，可以encore.

話說今日過開筲箕灣辨些文件事順便約左個住附近嘅朋友聚一聚😂因為佢係筲箕灣地膽😋😋十分放心地盲目跟佢覓食！！最後到左依間位置有點格攝嘅食鮮了！感覺睇格局似係食避風塘之類嘅野食鮮有分室外室內區 但兩個區都有冷氣嘅室外係for食煙人士嘅 覺得好貼心！咁樣分隔唔會影響唔食煙嘅人🥰🥰🥰另外餐牌真係勁多選擇勁多野食！好想全部都試下！全部都勁吸引😋😋😋！其實本身想叫個二人餐嘅 因為好抵食但最後因爲我地唔太識食魚所以最後決定散叫！首先有個秘製羊扒同埋羊架勁香孜然味 食落係有小小辣（燒之前可以選擇辣度🤣）肉質好嫩好滑 超正！！！🥳🥳另外仲有燒豬頸肉配自製辣醬依個真係勁好食 超香同埋超嫩依個就唔係孜然味 係類似蒜香嘅味 好惹味！個辣醬聽聞係鎮店之寶黎 食落同一般醬唔同佢係好有爆香嘅蒜味同埋後勁好過癮！真係勁推依個！！！😝😝仲有個蒜蓉燒蠔都勁正！！隻蠔真係勁肥美勁飽滿🥰🥰味道就係蒜蓉蒸扇貝咁 無得輸啦！依加諗返起都流哂口水了🥵🥵串燒方面就有沙嗲雞腎同牛舌味道真係幾唔錯 不過就有點難咬😂😂最後！係重頭戲！蒲燒原條鰻魚！本身諗住係細細碟夠我地兩個女仔食啦哇！點知一上真係呆左！！😱😱😱係勁大盤！仲要勁足料！夠兩個

一直聽聞筲箕灣多好嘢食，都係第一次入過食飯🥰自己本身好鐘意食海鮮，見到呢間爐端燒門市好多海鮮菜單就決定試下🤤開業三週年老闆請我哋食生蝦刺身🥢係咸檸七啊🥤😍 超級好飲！7 up with sour lemon is definitely a must-try!蒜蓉燒大虎蝦🦐超級大隻又新鮮啖啖肉！食蝦最驚唔新鮮會霉哂，呢隻完全唔會🥰燒生蠔好鮮美🤤我自己係超鐘意食鯖魚🐟離哂骨，調味啱啱好💯燒牛仔骨好好好好好味！勁嫩滑，配埋熟蒜蓉好惹味🍴燒蟶子好大隻哈哈哈完全喜出望外🥄因為我個人唔係太鐘意豆卜，但朋友係豆卜fans，佢話好好味！雞軟骨完全係每次食燒烤嘅highlight😏呢個燒香蕉係我的最愛😆 入面唔係普通香蕉係煙煙韌韌好似mochi嘅口感！平時好小食炸嘢嘅我清哂👻

今晚同事帶了我去筲箕灣東大街「食鮮燒烤海鮮日式料理」店品嚐燒烤海鮮， 此店非常近港鐵出口， 店舖不大但座位算是寬敞。 先來個我從來沒有吃過的刺身: 潮醃有膏瀨尿蝦。 由於同事是潮州人，她非常有經驗地加了兩碗白飯同吃， 瀨尿蝦經過潮式醬油醃製後，仍然可保持 味道鮮甜， 醬油雖然鹹 但也帶有一 點甜美， 非常特別。 同事告訴我， 此菜式與潮州醃製生蟹 有異曲同工之妙。 由於是店舖3週年誌慶， 店子送上了刺身生虎蝦一客， 蝦肉彈牙新鮮， 雖然是免費贈送也絕不欺客。燒豆卜的皮燒得很脆， 但略嫌豆卜內豆腐 肉不夠多。 麻辣娃娃菜 大蜆， 麻辣味道搶不了 蜆肉的鮮味， 蜆很多但是略嫌並不十分大隻， 娃娃菜吸收了蜆的味道 非常美味。 秘製豬頸肉， 一客只售28元， 配以店舖特別調製的辣醬一起食非常惹味。 也很欣賞秘製燒晴魚， 魚肉厚身，帶有燒烤味但燒得並不乾身， 廚師燒烤技巧一流 。蒜蓉燒原條茄子， 蒜蓉醬幼滑， 配以特製醬一起燒， 只售28元 ，也是另一個不錯的選擇。 總括來說此店的食物價錢大眾化， 如果想吃有質素的燒烤食物，而又不想太大消費 此店是不二之選。

東大街一向多正野食，但平時都係掃街，好小坐低食正餐。夜晚黎到就決定搵街串燒坐低食。到既時候已經8點幾，所以冷氣位都冇唒，要坐出面😂叫左個2人餐，再加幾款串燒。因為3週年，所以就送左虎蝦，幾新鮮，唔錯。翠玉瓜爽口清甜。燒豬頸肉，必點！油香超勁，肉質唔柴。雞軟骨，好大粒。燒生蠔，海水味勁重，問staff拎檸檬擠上去食仲正。燒鯖魚，好大條，冇咩骨，個皮燒得香脆。呢個係福建做法既豬肉捲，幾特別，出面好小見，肉質偏實正。牛仔骨，骨肉分離，正！牛油金菇燒虎蝦，好新鮮，超厚肉，唔會燒得過火，加檸檬汁會令味道昇華。食串燒必備beer🤣🍻食完勁飽，同唔會口渴，值得安哥💃🏻

來到東大街，好多店都要排隊，貌似整條街都很好生意似的。礙於天氣炎熱，實在不想等待，我們準備去地鐵站轉戰銅鑼灣的時候，看到這家店好像還沒什麼客人。猶豫著要不要進去的時候，店員熱情地把我們招呼了進去。店有點小，門口也有開陽的座位，這個大熱天，當然坐進去裡面涼快了。店內張貼了好多的菜色圖片，令人眼花撩亂，酒類產品也很多，有居酒屋的影子，看了下餐牌，也是選擇好多，不知道從何入手好。經過一輪思想鬥爭後，我們簡單地叫了個二人餐，全部都是讓人期待的燒烤——最近雨天，也好久沒去燒烤了，正好今晚來一個懶人燒烤餐！Order 完後，店員很熱情地奉上一碟生蝦刺身，說是送的，好驚喜。在等待燒烤的過程中，按耐不住點了個炒飯墊底。有三文魚飛魚籽和瓜粒，炒得粒粒分明，熱辣辣，而且辣得挺過癮，份量也比我們想像中要多好多。最先來了個清新的脆肉瓜，香噴噴，連不愛吃瓜菜的男朋友都吃了一串。烤物上來的時候，店員問我們吃不吃啦，男友說不吃，可是我吃啊，店員給了個辣椒醬，說是自家秘製的。我試了一下，有點甜有點辣，很香很惹味。男友幾乎把一整碟安格斯牛仔骨都據為己有了，油香四溢，细嫩多汁。燒鯖魚跟平時吃的不大一樣，可能也是因為用了自

3/6/2019 @ 筲箕灣東大街 食鮮今日嚟到東大街轉角位見到有間新餐廳， 原來已經開咗三年，不過一直都冇留意到佢 餐廳主要係食串燒同埋海鮮為主三週年嘅關係，我哋送咗虎蝦刺身， 刺身都好大隻而且好新鮮！ 太肚餓嘅關係唔記得咗影相之後我哋仲叫咗串燒豆卜，平時好少食到 。豆卜燒得唔會太乾身， 加埋啲照燒汁一齊食好入味， 感覺幾特別由於我係好鍾意食雞煲㗎，不過又唔食得太辣喎…見呢度有雞煲而且老闆話呢度嘅雞煲有薯條做底，我哋就叫咗個小辣嘅雞煲嚟試下撈勻咗嘅雞煲非常之香 而且雞都好多，見到有好多薯條，伴隨雞煲嘅汁入曬味！！ 第一次食雞煲襯薯條， 原來係好夾的！比起就咁食薯仔，薯條炸過好香而且薯條唔會太大嚿好易入口， 值得畀個讚小辣嘅雞煲初時都好易入口不過越煮越辣 但係仍然好惹味食唔停口！ 呢度嘅辣係唔同的！ 可能佢嘅辣都係秘製！ 老闆畀咗少少呢度秘製嘅辣椒醬我地試，好特別，有好香嘅蒜蓉味， 辣得嚟個口唔會麻痺， 連我呢啲唔係好食得辣嘅人都覺得好惹味食唔停口， 少少少少咁點嚟食好正

筲箕灣東大街一向出名係當區較多嘢食嘅一條街，而且都有數間出名小店。食鮮位於路口嘅轉角位，小店有室外室內都有座位，別具風味。晚市餐牌應有盡有，老闆話火鍋都有得食添😃佢亦都有刺身供應，連海膽都有，仲有不同串燒、燒物、小菜等等，真係其實你想食乜佢都可以為你整🤪我哋叫咗二人餐$398，首先有刺身拼盤，拼盤都非常新鮮，有三文魚、吞拿魚、帶子，舖頭開店3週年，仲每兩人會送一份泰式蝦刺身☺️刺身嚟到都相當唔錯，賣相幾吸引，食落都新鮮。串燒有翠玉瓜，翠玉瓜串燒面上有燒汁仲曬上咗孜然粉，食落去幾爽口幾好味。另外仲有牛扒，牛扒係薄切，但係個醬汁好有驚喜，食落去有牛香，脆得呢啲肉又夠林，認真唔錯。雞扒個皮燒到脆脆哋，又係醬汁取勝，雞肉幼嫩滑，真的唔錯！套餐仲有一條馬友魚，皮燒得好香，一嚟到已經傳來陣陣烤魚味，而且魚嘅肉質但也食得出係新鮮。真係食鮮！套餐本來係有刺身丼，老闆話可以轉三文魚炒飯，我哋就試咗個三文魚炒飯。分量好大碟，炒得好香，炒飯炒得出色，粒粒飯分開👍而且仲有啲魚仔喺面，有三文魚等等配料；飯帶點胡椒味，調味啱啱好。小店環境比較平民化，但係食物食得出係用心製作，值得支持！

今晚來到港島東呢邊出名嘅食街筲箕灣東大街搵野食，入左來呢間日式刺身串燒店，呢間店做開街坊生意，所以幾地道、價錢都較親民。虎蝦刺身最近呢間店做緊優惠，兩人惠顧送虎蝦刺身，蝦刺身嘅肉質非常爽滑，味道鮮甜！麻辣娃娃菜大蜆份量都幾多，錫紙包住娃娃菜、蜆同粉絲，味道辣辣地咁，好惹味！蜆肉都好入味，而且食落無咩沙！燒豆卜呢個豆卜特別在於佢係實心嘅，上面加左香料來燒，香料味道完全融入豆卜之中，好好味！燒豬頸肉豬頸肉好爽口，味道醃得好好食！燒八頭大虎蝦虎蝦非常大隻多肉，蝦肉軟滑，加左蒜等嘅香料落去調味，食落香濃惹味之餘，蝦肉嘅鮮味都得以保留。燒比目魚幾塊魚都好多肉，味道鹹鹹地，加埋檸檬汁就令到個味更加突出，燒得香脆又好食，送酒一流！

做完運動就過到嚟筲箕灣食飯，揀左幾出名嘅食鮮😃 主打燒烤同刺身 食物種類繁多，諗唔到食乜都可以揀二人餐，扺食又有保證👍🏻.先上生蝦刺身👅新鮮爽口！ .之後係燒安格斯牛😛 牛味十足，燒得非常惹味！包菜食又幾正💁🏻‍♀️.蒜蓉燒虎蝦🦐🦐 蒜蓉十足，好似仲加左d秘製醬汁，食落特別香口！虎蝦新鮮好咬口☺️❤️.燒鯖魚🐟🐟 魚油燒到滿出嚟，吱左檸檬汁食味道提升哂🥰.孜然雞軟骨燒得唔干又香口，食落chop chop聲😀.翠玉瓜上面搽左燒汁，燒完都好有水份👍🏻.燒豆卜第一次食！幾特別，外脆內軟又有d汁💪🏻.麻辣娃娃菜大蜆煲🤤🤤叫左小辣 蜆肉好多 鮮味十足 娃娃菜同粉絲都吸哂d湯 夠鮮夠辣 好滿足😃😃

筲箕灣一般唔係美食集中地，但係今次見到呢間轉角嘅燒烤海鮮日本野，見到有好多唔同種類嘅嘢食，所以試試佢。我哋一行三人，所以叫咗個日式刺身拼盤，分別有油甘魚，三文魚，帶子，同埋送嘅虎蝦。估唔到唔係專做刺身嘅餐廳，質素都唔錯。刺身全部都係新鮮，值得一試。之後我哋叫咗麻辣娃娃菜大蜆，大蜆嘅數量都幾多，娃娃菜掛到汁，鐘意食蜆必試。秘製燒西冷牛扒本身已經醃過，味道不錯，老闆娘仲提供左秘制辣醬我哋試吓，更惹味，有驚喜呢！炙燒三文魚頭好香，但肉嘅部份比較少，而魚面嘅肉最滑，個個都爭住食面嘅肉呢。燒豆卜調味剛好，外皮燒得脆，外脆內軟，幾特別！最後叫左甜品紫心香芋丸，粒粒都脹卜卜，外表討好。效率非常脆，裏面係香芋蓉，外脆內軟，甜度適中，完美作結。餐廳嘅嘢食包羅萬有，各種風格都可以試到，推介比鍾意多選擇嘅朋友！

今晚在附近打球，過後就在東大街小巷走進 食鮮。鐘意吃燒烤的人一定要點皇牌套餐啊！甚麼也不用想，等吃就好了！我們各自選了大虎蝦及扇貝皇，虎蝦比一般蝦類大，何況大虎蝦呢；賣賞不錯，吃進口的質素也不錯！經調味過的蒜蓉醬與扇貝皇加已以烤調；半熟狀態的扇貝非常有質感哩！美國連殼生蠔非常不錯，雖然同樣是秘製蒜蓉燒，但生蠔的鮮味是無法蓋住，好吃！牛仔骨超淋又入味，而且調味過後的牛仔骨特別美味，可以再encore啊！還有雞軟骨，但這個就沒有什麼太特別。我第一次吃翠玉瓜，面層加添了孜然調味粉，意想不到的好吃！下次回家煮翠玉瓜可試試這個烤調方法呀！怕不夠吃還追加了灸燒油甘魚尾。套餐附送2杯飲品，不過當然是加錢轉飲生啤更好啦～食鮮 開業3周年，晚市惠顧送上生虎蝦剌身哩！

今日心血來潮想同老婆燒烤，但又唔想走去海灘燒烤因為太熱。於是去咗美食雲集嘅東大街食一個有冷氣供應又唔使自己燒嘅餐廳，食鮮。兩個人點左一個二人燒烤套餐：蒜蓉西非八頭大虎蝦蒜蓉燒美國生蠔燒日本鯖魚燒安格斯牛仔骨燒雞軟骨燒翠玉瓜再追加左個脆皮香蕉、泰式生蝦刺身、扇貝同埋燒豆腐隻蝦超大隻成隻碟咁大，落足配料，洋蔥辣椒同埋蒜蓉。燒鯖魚亦都唔錯冇咩骨。外邊嘅皮燒得非常之香脆，魚肉非常新鮮。牛仔骨係最好味嘅菜式，牛肉味道香濃。燒烤食牛仔骨冇得輸其中一個亦都非常有特色嘅菜式係脆皮香蕉。一定要試