食鮮

营业中

休息中

2019年6月4日 星期二今日係一個特別既日子，好適合懷念過去，所以就同女朋友返去以前成日一齊去既地方，就係筲箕灣東大街。發覺果到原來已經唔同左好多，多左唔少新餐廳。其中行過見到呢一間幾特別，好似碼頭附近既舖頭咁，仲要係賣我鐘意既海鮮添咁岩原來依家做緊三周年優惠，兩個人黎食會送虎蝦刺身，諗左一陣都係入去試試叫左想食d咩之後，等左無耐就送黎免費既虎蝦刺身，小小地有4塊，唔算太多，不過都唔馬虎，有檸檬可以提鮮，食落都彈牙秘製燒牛仔骨: 燒得好香，肉既部分好多，而且無乜肥膏，所以啖啖肉。肉質好腍，有好濃牛肉味又唔難咬開。食食下既時候店員拎左呢個醬出黎，話係秘製辣椒醬，叫我地可以點少少同其他食物一齊食。本身我就唔太食得辣，而女朋友就勁我少少，但難得店員誠意權權，點都要試少少既。一入口有好濃烈既蒜味，然後感覺到有少少麻辣既麻，但唔算太辣，都易入口，不過我就無繼續再點。反而女朋友話愈點會愈覺得滋味，原來個辣有後勁，會慢慢辣上黎，咁應該好適合愛辣人士燒豆卜: 睇落好似無乜特別，而裡面都無任何餡料，只不過淋係表面個醬燒完之後同豆卜一齊食，就令到豆卜即刻好野味秘製燒豬頸肉: 好貼心咁剪開細細舊咁燒，等

筲箕灣有咁多食店，依間日式串燒刺身店喺B出口一出行2分鐘就到，貪佢近又見佢有位就坐低食個簡便晚餐，見佢餐牌有好多單點項目但係都幾貴，一份燒牛小排就要百幾蚊，但係比我發現到佢有優惠二人餐$300唔使除咗牛小排仲有魚又有蠔。第一樣到嘅係燒雞軟骨同埋送嘅虎蝦刺身，虎蝦刺身都幾新鮮，有四件雞軟骨有孜然調味，係幾香嘅串燒店員仲俾咗一碟仔秘製辣醬我哋，都幾香跟住就上咗牛小排，佢原本要百幾蚊一碟味道都唔錯，都幾鬆軟但係分量唔算好多，單點就會真係貴咗啲啦，但係套餐就幾抵食另外個燒翠玉瓜都幾多汁似乎佢啲燒物都係即叫即燒所以都要等下，轉個頭西非八頭大蝦就登場，仲長過我手掌但係呢啲大蝦一般都係冇乜味道主要係食佢啖啖肉配上蒜蓉都OK嘅。食完就上蒜蓉燒蠔，隻好都好大隻，可能上邊有好多蒜蓉同埋汁，所以燒完佢唔會好乾身仲保持好大隻跟住二人餐最後一道菜燒鯖魚就到啦，個皮燒烤得好香脆，一啲都唔肥膩，估唔到咁好食雖然有咁多味餸但係每樣份量都唔算太多，同店員傾起佢就推介試吓佢哋嘅麻辣娃娃菜大蜆，點都係$88就點下啦，原來佢都幾大份，有成棵娃娃菜薦底，上邊啲蜆都幾新鮮但係可能要煮熟個娃娃菜所以煮得耐左少少，但係配合佢個麻辣汁

小店有驚喜！’食鮮’主打燒烤，有海鮮、燒肉等，仲有好多小食、刺身，好多選擇😂叫左兩客刺身吞拿魚正常，唔會食魚乾咁劍魚腩彈牙，有油脂香要左個二人餐A.大蝦大大隻，肉質爽口彈牙，食得出係新鮮大蝦，大大啖咬好爽口🤤B. 秘製蒜蓉燒美國生蠔舖滿秘製蒜蓉醬，蠔肉厚身，唔腥，有鮮味。C. 鹽燒日本鯖魚魚質嫩滑唔鞋，燒得保持肉汁D. 秘製安格斯牛仔骨入口蜜糖香，燒得剛好唔會韌。2人餐硬係未夠滿足，一於叫多樣😋秘製雞全翼店舖聲明生燒，要等20分鐘。好！講到咁巴閉，就試試佢！一上枱就嗅到焦香，應該唔會失望😍入口，皮脆、肉嫩、爆汁，生燒先做到嘅嫩滑多汁，唔似坊間好多燒定再番燒嘅雞翼。另外要一提嘅係’食鮮’嘅自家製辣醬原價68,幫襯後可加28蚊換唔係死辣，辣而帶香，點串燒好惹味，應該點乜都好味😂

最中意係僻靜嘅地方搵好野食！今次呢間食燒海鮮嘅餐廳係係街尾轉角、周圍無咩人嘅位置。老闆係門口好熱情咁邀請我哋，咁就一於比個機會佢啦！舖頭望落似有返咁上下年頭，無咩裝修佈置，只有四、五張枱。牆身貼滿曬印住菜式嘅紙，仲要圖文並茂，方便大家諗食咩嘅時候做reference。太多選擇嘅情況下我通常就直接睇套餐但係二人餐有個燒安格斯牛仔骨，我唔食牛，隔離嗰個又唔想獨食，諗住轉軚散叫之際老闆好好人話幫我哋換做雞扒，咁就perfect叫個二人餐啦！皇牌二人套餐（特價$298）- 秘製蒜蓉燒西非八頭大虎蝦或招牌秘製蒜蓉燒扇貝皇本身應該只可以二選一，不過友善嘅老闆就比我哋每樣一隻試下。個扇貝同蝦嘅size都同手掌有得比，然後面頭有勁量嘅蒜！貪食小狗見到野食就即刻想拎起，結果剛燒好太熱辣親手指頭！好唔容易咁冒著熱咬一啖，雖然蒜好濃味，但都無蓋過海鮮嘅鮮味。扇貝同蝦都好厚肉彈牙，不過個人中意蝦多d，味道更加濃烈！- 秘製蒜蓉燒美國生蠔之前食咗咁多凍冰冰嘅生蠔，今次要食熱辣辣嘅燒蠔！面頭一樣有大量蒜蓉，熟蠔因爲縮水所以一定無生蠔咁大，但係佢燒得剛剛好所以就唔會縮太多，漲卜卜都幾厚肉，咬落好軟綿綿，而且保存到d

今日同男朋友去筲箕灣東大街搵嘢食見到有間新開嘅串燒店我哋就叫咗個皇牌二人套餐首先就係燒大虎蝦虎蝦好新鮮彈牙之後就係蒜蓉燒美國生蠔好香同埋好鮮味之後就係日本燒鯖魚燒鯖魚好好食 外皮燒得好脆而入面嘅肉好嫩滑之後就係安格斯牛仔骨好有肉味 調味亦都調得好好之後就係孜然雞軟骨最後就係清香翠玉瓜 好juicy除此之外我哋仲叫咗個麻辣雞煲個雞煲好特別 係有薯條嘅出奇地同個味好夾而且啲雞煲好嫩滑而餐廳亦都推介佢哋自家製嘅辣醬可以買走 我覺得加咗令到味道提升到另一個層次

約咗老朋友去筲箕灣食飯，呢間餐廳係佢介紹我嚟，話啲熟食幾惹味，叫我一定要試吓，不過掛住傾計無好好記錄菜式名同價錢🙇🏻‍♀️鹽燒白切蝦 一上枱已經聞到好香，燒得好惹味，蝦肉新鮮唔會霉，但蝦再大隻啲就更加正。秘製燒安格斯牛仔骨 肉質夠腍，燒得好香口，而且無筋👍🏻秘製燒豬頸肉 入味到不得了，肉質爽口🤤炸香蕉 外皮脆又薄，內裡充滿住香蕉蓉，點埋沙律醬嚟食，一流💕沙嗲豬肉串燒 佢嘅沙嗲醬調配得好濃郁，勁香花生味，豬肉唔鞋，兩者配合得好好。秘製燒豆卜 平時出面食嘅豆卜都係空心，咬落去係滿滿嘅空氣，如果你同我一樣鍾意食豆卜，呢款會好驚喜。豆卜中間都係實心嘅，原來係老細特登搵人整，好有心。秘製雞全翼 燒得金黃，雖然外皮有少少燒到焦黑咗，但不影響我對雞翼嘅愛，雞翼都算大隻，成隻都燒得香噴噴。鹽燒西非野生比目魚 平時食比目魚，印象中肉質都比較鞋，但呢到嘅魚肉都幾嫩滑喎，改觀！蒜蓉燒原條茄子 友人覺得有啲偏鹹，但重口味如我覺得咁先夠惹味😋 蒜香味好濃好正！需加一服務費，埋單2人約$500。P.S. 餐廳仲有自家制辣醬，原價$68，而家+$28就有，朋友買咗樽試，聽講好掂，唔知樽上係咪老闆嘅老婆同囝囝呢👀如果你

喺520呢個特別日子，當然約bestie共聚晚餐。我哋點咗一個三色刺身拼盤同埋2人套餐。拼盤嘅刺身都好新鮮肥美，帶子大大粒啖啖肉好鮮甜，油甘魚油脂分布均勻，三文魚每日新鮮劏無雪味，真心唔錯！燒海鮮用咗好多蒜蓉香蔥調味，令個味有層次好多。自家製鮮辣醬辣中帶甜同海鮮味道好夾，如果鍾意可以加$28買一樽。虎蝦同我隻手咁大，好多肉！蝶貝切粒燒更入味。生蠔燒得唔乾身，啲汁好惹味。雞軟骨外酥內脆，孜然味好香口。牛仔骨軟中帶韌食落有口感，味道甜甜地有牛味。翠肉瓜燒完仲保留到鮮甜爽口，健康又好味。鯖魚一啲都唔腥，魚肉好滑唔會燒到乾哂，加少少檸檬汁吊吓味好好食。雖然餐廳裝潢有啲大排檔feel，但食物出奇地好食！

去到筲箕灣東大街當然有好多好嘢食！呢間位於東大街中段部份嘅一間日式燒烤酒吧—食鮮，味道不錯，可以推介給大家。這裏設有非吸煙區和吸煙區，相對自由。我和朋友對日式燒烤和刺身非常有興趣，呢度有一個二人餐可以選擇，裏面亦都包羅萬有，有唔同嘅串燒燒烤！包括秘製蒜蓉燒西非八頭大虎蝦、秘製蒜蓉燒美國生蠔、鹽燒日本鯖魚、秘製燒安格斯牛仔骨、鹽燒雞軟骨、清香翠玉瓜串。老闆問我食唔食辣，我話我都鍾意食，佢就介紹咗佢哋店內自家製嘅辣椒醬俾我，我覺得佢哋味道辛辣好刺激，岩我口味，忍唔住即刻買咗一甖返屋企！首先講咗佢哋嘅三色刺身，有油甘魚、帶子同埋三文魚，而且佢哋嘅片數非常之多！超豐富超大份，好吸引。我同朋友食呢個都有啲飽濟感。油甘魚零舍肥美，非常軟滑入口即溶。我比較喜歡吃鹽燒日本鯖魚和秘製燒安格斯牛仔骨。因為我很少吃到鹽燒日本鯖魚是非常鮮甜的，而且魚肉很細嫩，加上一點點檸檬汁令人無可抗拒。安格斯牛仔骨非常香口，烤得剛剛好，厚度適中，連接上骨的位置，令人心動。其他食物亦做得還可以，西非八頭大虎蝦更是非常罕有，在一般的燒烤酒吧不容易見到，體積十分大，肉質鮮甜加上蒜蓉烤得特別好吃。

宵夜最佳選擇就是燒烤加啤酒，最近就在東大街發現了一間氣氛不錯的小店生醃的蝦蟹吃得多，瀨尿蝦真的未試過！潮醃瀨尿蝦羔糯肉軟，配白飯一流特製為實心的秘製燒豆卜脆卜卜配上自製的辣椒醬香口無比秘製燒豬頸肉爽口彈牙，又香又惹味麻辣土匪雞翼一次過滿足兩個願望！辣度爆燈，啤酒的絕配秘製蒜蓉燒王牌西非八頭大虎蝦鮮甜多肉，口感厚實鹽燒馬友外皮香脆，細緻的肉質透出陣陣甘香吃了那麼多肉類，當然要一些蔬菜調劑一下，蒜蓉燒原條茄子蒜蓉椒粒滿佈，十分入味最後要了一個和風牛肉煲暖暖胃，鮮嫩清甜！完美的終結！

皇牌2人套餐 $298秘製蒜蓉燒皇牌西非八頭大虎蝦或秘製蒜蓉燒招牌扇貝皇 我地叫左每款一樣，大虎蝦肉好鮮味，舖滿秘製蒜蓉係面更惹味！面扇貝皇都好大隻下，超多汁，唔會燒得太乾身！秘製燒安格斯牛仔骨：有4件，咬落去肉身好嫩滑，燒得個味道唔錯！秘制燒鯖魚：魚肉燒得很嫩滑，不過食時要小心有少許魚骨，要慢慢食！如你想再濃味一點，可點埋個甜豉油，味道都幾配搭！蒜蓉燒美國生蠔（2隻）： 味道軟濃，滑lu lu 新鮮甜美，配上大堆蒜蓉係面增加口感！孜然燒雞軟骨（2串）： 好嫩甜Q脆，配孜然味道食落口感變化多！清香脆肉瓜 （2串）：一串有3件，好juicy ， 食到爽爽聲，好脆口！麻辣娃娃菜大蜆 （少辣）$88: 娃娃菜好香甜，大蜆都有好多隻，大大隻、已經叫左少辣但都覺得好辣，但愈食愈想食🤪燒豆卜 $18 （4件）： 熱辣辣即燒豆卜，唔會燒得太乾身，本身淡左d 也可點醬汁一齊食！秘製雞全翼 $44 （2隻）: 大大隻雞全翼，燒得剛好熟透，咬開藏著雪白既雞肉，香口非常！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

呢間餐廳以自創口號民以食為天，食以鮮為先作宗旨，係筲箕灣B2出口行幾步嘅角落就到，好方便三色刺身拼盤$178有油甘魚5片、三文魚5片、帶子3隻，件件新鮮肥美另加咗兩隻生蠔，好正海水味，入口即溶潮醃瀨尿蝦-瀨尿蝦殻已經拆走方便食用，醃得好重口味，送飯一流皇牌2人套餐$298秘製蒜蓉燒皇牌西非八頭大虎蝦-好大隻，都幾多膏秘製燒安格斯牛仔骨-牛肉好腍好香口秘製燒鯖魚-甘甜又唔腥蒜蓉燒美國生蠔-燒得夠入味孜然燒雞軟骨-香脆有嚼勁清香脆肉瓜-脆脆地好爽口個套餐真係幾抵食，唔洗叫小食叫兩碗飯都好飽

係時候吃熟食暖暖肚。平時周未跑到離島食海鮮外，最近行山後發現離筲箕灣地鐵站不遠處的《食鮮》也不錯。 門外跟離島格局相似，同樣可以坐下來跟朋友吹吹風，不會感到焗束！ 未踱進餐廳己被貼滿了食物圖片吸引了！ 而店內燈光通明，乾淨企理，是家族生意。 鹽燒馬友 HKD 128 用鹽焗方法可把魚更入味，魚肉質結實不易散又雪白、滑，控制火喉得宜。 秘製安格斯牛仔骨 HKD 68牛仔骨多肉，而且肉質棯、Juicy，沒有感到被拿得很利害而變質。 麻辣娃娃菜大蜆 HKD 88 用錫紙包棵著以保持其鮮味更可以鎖著肉汁 — 聰明做法。娃娃菜吸盡了麻辣味道，有點搶。冷卻一點會更好！ 秘製蒜蓉燒皇牌西非八頭大虎蝦 HKD 68 / 隻被名字 — 西非吸引著！ 老闆會親自從街市裡挑選時令海鮮！ 這個相比起龍蝦更見食、肉質又彈牙、用燒處理手法可把醬汁緊緊黏在肉裡入味。燒豆腐 HKD 18 另一燒物！ 共3件，燒得很脆口但不感到太乾而失去水份秘製蒜蓉燒招牌扇貝皇 HKD 68 特級日本扇貝！ 熟蒜蓉鋪得滿滿的，很好味！送飯一流～ 扇貝殻大，肉質也很有份量，很鮮甜。 瀨尿蝦刺身 首次以刺身來吃，感到特別！ 口感爽滑。

今晚去到東大街，眼見成條食街，所以想找一間餐廳食得特別少少。地鐵站一出直行嘅轉角位，有一間可以坐室內或室內的燒烤、海鮮日本料理火鍋餐廳，叫「食鮮」。入到餐廳，餐廳四周貼滿不同的料理照片，所以可以參考牆上的照片去決定我們今天想吃什麼。見到時令火鍋內有麻辣雞煲$198 ，當然要試一試，因為朋友不能吃辣，所以這個雞煲並沒有加辣，而更特別的地方是雞煲內有薯條，老闆建議薯條點上雞煲醬汁會更美味。雞件非常嫩滑和入味，份量亦很足，而且每件雞都好大件，加上八角等配料，令整個雞煲更香更甜。秘製燒安格斯牛仔骨$68牛仔骨已切好先上枱，方便我不用成塊咬，肉質好淋，沒有筋，熟度剛剛好！麻辣娃娃菜大蜆 $88用錫紙包住娃娃菜同蜆，再加上淋麻辣湯，食菜的時候更加麻更加辣，蜆無沙，好滋味！鹽燒馬友魚$128馬友魚的皮十分脆口，鹽燒能帶出魚的鮮味，再加上脆脆的魚皮一起吃。秘製燒豆卜 $18一串三件，豆卜香脆有空氣感，話明秘製醬汁，的確同一般燒烤味道不同，而且唔會燒得好乾身。飲品食雞煲一定要點飲品，飲品種類多，亦有好多啤酒，可以一邊飲一邊食，但不飲酒的我叫左道地蜜桃烏龍茶，罐裝飲品種類好多，一讚！

依間野位於東大街，你諗住實好食啦 ！點不知伏伏地！！我地630到，門面一個人都冇😓我指waiter wor!! 係星期日喎！跟住有人喺廚房就出嚟話坐住先， waiter去記得買嘢😓😓好快番其實都唔係十分伏既，只係個價錢同食物質素唔太相符！我覺得串燒最大既問題係道道餸都差唔多味，海鮮唔新鮮甜！大蜆一啲都唔大隻，仲要入邊有沙Tim 🤭🤭唉⋯⋯叫食鮮但好明顯d野食一啲都唔新鮮！總係用重味嘅調味料掩蓋晒食物嘅味道！

朋友話想宵夜食串燒，見到出面有兩檯食煙飲酒，應該唔錯卦，大膽一試。入到去到低即刻有招呼，服務態度好。本身想叫蟶子，但賣曬。茄子：燒唔透，未完全熟曬，蒜蓉夠但無乜味。沙嗲牛：有雪味，個汁都還可以。豬頸肉：我以為自己叫拼盤，得果幾粒（有相為證）*芥辣八爪魚：一黎到我同個朋友呆左，瞪大對眼對望，o 左咀，真係無林過係豉油碟裝呢價值$30既前菜(有圖有真相）雞全翼：唯一值票價既一串但都補償唔到，我既失望、失落、失意既心情！我夠膽講又貴又唔好食，好彩食雞翼爭返啖氣😤我問你收$124俾啲咁既貨色，你對唔對得住一個食客😒*$30一碟「的骰」芥辣八爪魚***牙籤是重點實屬個人觀點，唔信可以自己去試下！