飲茶 (朗豪坊) (已結業)

某星期五唔開心，自己一個出mk諗住坐下食下咁。因為係閒日去嘅關係，唔洗等位就入座。一坐低要咗壺滾水，開始落單⋯⋯應該因為嗰日好hae嘅關係啦，所以大家服務都好好～其實嗰次嚟完全係為咗食包，有諗過叫安格牛河或者櫻花蝦飯，以前pt福食食過係唔差嘅，但咁就好難食到最特色嘅包。最後叫咗五籠點心——鴿吞鳳梨🐦、睇住流奶🧡、吉川奶子💚、胭脂玫瑰🌹、蝦靈入眼👀因為得一個人，所以忍痛冇叫到以前食得最多嘅一籠八戒🐷最後食唔曬，打包咗四個包一隻雀翻去😂但又忍唔到口要叫甜品😂埋單400up，係有少少肉痛嘅⋯⋯不過嗰日真係好唔開心，冇諗太多，下次一定會叫個始作俑者請我食多次😂

炒蝦腸粉 ($69) 好味、份量較小；布拉蝦腸 ($59) 大蝦、腸滑；紅油抄手 ($59) 6粒、小辣、是雲吞，不是抄手；流口水雞 ($69) 鬆脆辣椒，特別；一籠八戒 ($49) 叉燒包，可愛，小朋友喜歡；睇住流奶 ($49) 正；雲吞擔擔 ($59)、雞扒湯麵 ($69)、擔擔湯麵 ($49)，味道好，份量較小。總結：精緻㸃心，高檔路線。

今日來試呢間...飲茶，都係無意中㩒出來，又有得留座地點又方便，於是乎大家決定了去試， 環境不錯，又可以見到師傅忙於準備食材，最吸引環是枱面上的這隻碗，類面運有一條魚呢！ 大家點了食物，不用久等就見食物送到。餐前小點，包點及熱烘烘的點心，好味而且特別，軟綿綿的流心包，雞絲粉皮，還有茄子，正👍。還可以和大家聊聊天，真的不錯，會再來喔...

朋友生日一起吃飯慶祝，因為壽星特別愛飲茶吃一盅兩件，所以約了在「飲茶」飲茶。選擇頗多，但我們只影了其中一張點餐紙😅燒賣春卷腸粉每次飲茶都會點，但這天因為太餓，所以筷子先食，手機冇食到🙈平時不會特別點包類食物，但這籠＄49的「睇住流奶」實在是太 · 可 · 愛了！！！！！即使不怎麼喜歡吃都要點，為的是拍這張照片，哈哈。炒飯的賣相雖不怎特別，但飯身煙韌不會過乾。簡單如一碟菜，也明顯看出設計者的心思，讓人心花怒放。整體來說，在這裏吃生日飯確是不錯的選擇，尤適合愛好吃食物賣相得意的人。壽星吃過後連說吃得過癮、滿足，成功！

上網見評價唔錯，所以就同媽媽去食，點之唔試又止何，一試就中伏…前菜:冷盤蝦，蝦係夠爽脆，但無蝦味，配料係有點油既蒜，但竟然都係無味，椰菜都係伴碟，無汁醬，仲之成碟菜係無味…點心:抹茶流心包，呢個算唔錯，夠熱同好多醬流出黎，而且唔太甜，不錯!主菜:黑松露e麵，一上枱就好閃，因為未食已經見到好油，一食真係非常油同好咸!要即刻飲茶去油，到依加過左成3個鐘，個肚仲好滯…配料菇得幾條…毛豆得幾粒，仲要無調味…無松露味，成嚿水，唔值呢個價!甜品:陳皮燉雪梨，上枱一望好精緻，但一食落口，超甜，飲左一淡就放棄，兩個人都食唔哂，因為食到起痰!陳皮味係有，但唔係清香果種，似有加工過果種…總結:成餐三百幾蚊，我覺得唔太值

晚飯時段到處是人，與舊同事想坐得舒適，談得舒暢，便來到這間中式餐廳晚聚。大家都是第一次是嘗試，菜式名字取得非常特別有趣，當然是被它可愛的流心奶黃包造型吸引，所以也是必點菜之一。果然奶黃包擺放了一會仍很流心，菜式名字有趣特別，我們點了不少菜式，例如醋雲耳，芝麻醬凍豆腐，菠蘿咕嚕肉，麻辣醉雞，蝦餃，櫻花蝦海鮮炒飯，味道尚可，炒飯較清淡，份量精緻。不得不提挺喜歡它的茶，清新菊香，入口清甜，晚飯時段由於沒人等候自然可以與友人繼續暢談👍

之前在尖沙咀吃過唯一有印象的就是鳥籠配上小烏造型的鳳梨酥很有心思但味道一般般今天老闆請吃飯選址就是要方便還有就是可以訂座，不用排隊旺角交通四通八達朗豪這家就是最好的選擇今日四個人叫了大概八到九道菜買單大既$700味道都不怎麼樣沒有特別出彩的叉燒包是小豬的造型對於相機先吃的朋友很不錯賣相可愛卡通炸雲吞份量很多很脆但有點焦，苦澀的味道燒賣還不如路邊的魚肉燒賣當然這是兩種不同的口感這里的是豬肉加蝦感覺不怎麼樣不至於負評但不會特地回顧特別想說十點訂座，10:15截單，十一點準時關門，還真不是飲茶文化

下午2時入坐還是這麼多人， 全場滿座。不得不提的是， 餐廳除了食物精緻外， 配備亦講究， 最喜愛那隻魚仔碗了！食物不過不失， 只是對芥蘭片有點失望， 已切得很薄但仍然多渣諧口。

飲茶記得第一次去「飲茶」飲茶時，醫師若一年多了，第一次來到旺角的分店，地點更加方便，這一間分店下午應會仍然營業，真的可以全天候任何時間也去飲茶呢。旺角分店較為開陽，座位和尖沙咀差不多。點心的種類也比以前豐富了，但是價格略高，四周的裝修也很時尚，抬頭一看，天花板上標着一個特大的流心奶黃包公仔，非常有心思。其他的裝修有別於一般的酒樓，而且光線充足，餐具也很別緻。窗明几淨，環境算是不錯的。如果是想吃傳統點心的話，這裏絕對不是一個好的選擇。今天和法國的朋友都來飲茶，主要帶他們品嚐一下訊息的點心，點了幾個特色點心，丹萍名字，絕對不能夠查出是什麼，可行的是餐牌上還有食物的相片，對於外國人來說，這是一個非常好的設計。我們點算了幾個特色的點心例如流心奶皇包、伯爵茶蛋和綠茶炸鮮奶等等。幾個點心除了味道不錯，晚上也是10分突出，奶皇包玩味十足，不再茶蛋，伯爵茶味龍，可惜綠茶炸鮮奶，完全想不到綠茶的味道，只想對綠茶粉。正確來說，是綠茶粉和炸蜜瓜豆奶呢！食物質素保持水準，不過性價比絕對不高，價格偏貴，作為一個嘗試算是不錯，但喜歡茗茶的，還是回到傳統的酒樓吧！

Yum Cha 呢間餐廳既食物價格係中上級數，所以要afternoon tea 性格比會高D！我同friend 兩條友叫咗個二人set ，包一壼花茶（有吾同選擇自己揀），同埋有一籠好似雀籠既野，下面有D乾煙飄出黎，係gimmick 野，映相一流！📸 D 食物combination 又係可以自己揀，嘔奶流沙包都可以揀！😍😍😍仲有D味道吾錯既開胃菜，加錢可以加配多兩細碗麵或飯🍚🍜 咁樣會飽肚D！未食過呢間野，都可以去試試既！

食物做得靚，食落無味都唔會覺得太差。先嚟兩個頭盤，見到橙棍冬瓜好似幾特別，食落，味道都唔錯同幾特別嘅，上面嘅橙皮令到個菜變得特別。另一個小食皮蛋豆腐，味道同賣相都不錯，係比較難用匙更‘筆’嚟食。可愛包包叫咗流心奶黃，賣相比味道好是事實。另叫了炸豆角同埋炒粉絲，炸豆角夠味、不多油，是兩個不過不失嘅菜式。最後叫了桂花燉雪梨，不過個梨唔夠淋，用鐵匙更都分唔開嚟食。都可以值得再去食嘅一間餐廳，夜間想「飲茶」的話，呢個都算是不錯嘅好地方。

朋友推介用apps 訂座有折，就搜查了坐落於朗豪坊呢間飲茶。我們晚上9:30準時入座，點了流口水雞（例）、睇住流奶（3件）、鴿吞鳳梨（3件）及近墨者黑。流口水雞（例）相比以前少了陣麻辣味，遜預期。睇住流奶（3件）外形得意有趣，打卡很美，味道正常。鴿吞鳳梨（3件）有一個鳥籠裝住，很美，打卡必備，味道正常。近墨者黑，材料有蝦，杞子及蛋白等等，有喊蝦香味，而味道比較略重味道。而食完成後，個嘴會被墨汁沾染變成黑色。

飲茶飲茶D鬼馬點心好正食過一次會掛住既今次用左個apps 訂位好抵食必食推介一定食流心奶王包同豬仔包仲有綠茶味既流心包花膠荷葉飯綠茶味既流心包入面都係流綠茶味既蟹肉蝦餃蝦多過蟹雞絲粉皮吖同埋麻將豆腐份量都幾多同埋都幾好味仲要左兩個面 面嘅份量都幾大味道就不過不失仲叫咗陳皮燉梨正呀個雪梨好淋又好入味因為呢我哋用咗你都唔係就可以用呢個優惠就係讚佢嘅Facebook就可以免茶位其實整體味道菜式賣相都係非常之好味不過就係價錢有啲偏貴

食物很足料，精緻可愛，而且都有好多選擇，都幾新穎，幾好食，3個人食左接近700蚊，係貴左少少，但都值得一試，係我地眼闊肚窄叫得太多，兩個飯再加好幾樣點心，最後當然不要浪費，打包而座位就係food court隔離，好開放，但基本上之後冇人等位的話亦唔會催你走，仲要星期五，所以都坐得好舒服，傾計一流，服務都好有禮貌，抵讚有預約最好，等幾張枱就入得，但緊記佢mark完你到左之後都要不停提佢，否則佢會忘記你既存在

今過幾次，每次都會有唔同感受。之前嗰次就去中環食，服務同食物質素好好。反而今次黎旺角就差了。由左一個炒蝦腸粉，一個雞粒飯，加多個酸辣湯。其實基本上都幾普通，只係特別在菜式名，有幾樣點心有趣嘅外表之外，我覺得價錢黎講唔算抵食。同埋真係比中環分店差，服務亦比較差。建議想試嘅朋友仔可以過海試，絕對比旺角好！