餃子爺爺

营业中

休息中

觀塘嘅餃子店選擇眾多，今次就揀咗偏離地鐵站/工廠區嘅餃子爺爺。唔行得辛苦又點會有世間美食，大熱天時要行上斜路先去到鋪頭🔥。舖頭細細但好有人情味，姨姨們/後生老細超有禮貌，樂於接受意見。加上食物質素極高，絕對會Encore！🌟西洋菜鮮肉餃 併 芝士粟米鮮肉餃餐廳嘅餃子🥟款式不少，叫大份(10隻)餃子可以雙併，不過最值得一讚嘅係可以加$3，要半份煎餃半份湯餃，岩曬咩都想試嘅👧🏻。湯底係用上野菜瑤柱鮮魚豬骨湯，顏色係奶白，味道鮮甜，重魚味但冇腥味，仲有啲瑤柱碎魚肉沉底，十分足料！就算👧🏻一向對魚湯冇咩口感，都輕鬆飲曬成碗湯(一路打文就想Encore😭😭)整體而言餃子皮相對坊間嘅薄身，有麵粉香之餘又夠嫩滑，絕對唔係一般行貨👍🏻。煎餃屬冰花餃子，底層嘅冰花薄脆同樣香口，湯餃同煎餃同樣高分，打和SUPER! 餃子餡料調味唔算濃郁，有種屋企包餃子嘅感覺。問過老闆先知係用上本地半肥瘦豬肉，夠多肥豬肉當然肉質夠滑身，不過唔食肥豬肉嘅👧🏻嚟講，最好多返少少瘦肉啦😛。西洋菜鮮甜冇苦味冇渣，以夏天嘅西洋菜嚟講絕合格有餘。至於粟米芝士🌽🧀又唔會太Heavy。小店仲有不少粉麵食，拼細份餃子仲有優惠，下次再食一定會

是日差不多兩點到，鋪頭細細，但座無虛席估計係區內有點名氣小店看上去似家庭式經營廚房有三人工作樓面就一個所以落單比較慢*揀左鮮蝦韮黃餃+京蔥牛肉餃上菜才發現湯和餃分開上餃會易凍，也吸不到湯嘅精華這點打左點折扣，亦令我唔會翻桌湯碗較細，每次只能放兩粒浸返熱雙拼十隻可選魚湯和酸辣湯魚湯味濃，奶白，帶點薑味，非常好飲一定要揀魚湯飲完個人暖哂（雖然外面34度）鮮蝦韮黃餃包得比較散，裡面有烚餃時的水，不知味道是否因為多左水而淡，味道唔濃有蝦有韮黃，但不包滿京蔥牛肉餃包得滿滿，沒有皮餡分離而且味道很濃，香料味重京蔥牛肉比鮮蝦韮黃出色好多但最驚喜係魚湯！*隔離枱係一班學生，由於小店有兩款酸辣湯麵，店員在下單時沒有清楚說明，亦學生哥點錯食物食麵嘅朋友要留意有兩款酸辣湯麵

依間喺觀塘嘅餃子店 真係超級抵🥟 10隻雙拼煎餃$50都唔使🤑而且味道種類都幾豐富✨煎餃皮脆肉嫩 個皮唔會太厚身 都唔話好油膩💕粟米芝士鮮肉餃好清甜 食落幾清新唔錯🧀🌽🐷

食左煎同蒸兩款餃子皮煙靭餡都好味食物係ok但好污糟店員衛生意識好差𠝹完紙皮又走去攞飲管放入飲品🥲又成日落錯單地下好多細曱甴仲要無冷氣30幾度再加廚房熱氣勁後悔唔會再去😔

今天經過觀塘的餃子爺爺，看見人龍在排隊，不如買一點生的手造水餃回家煮吧。買了京蔥牛肉餃喎韭黃鮮蝦豬肉水餃。店員說，堂食和外賣價錢一樣，但外賣會多一隻，所以每盒有12隻。餃子非常新鮮，外皮非常軟糯，但不易穿易爛。京蔥牛肉餃牛肉非常多，湯汁也很不少，牛肉和京蔥很夾。韭黃鮮蝦豬肉水餃即刻肉很彈牙，份量也不少，調味適中，蝦和韮黃真的是很好的配搭。附送了黑醋和辣椒油。辣椒油很惹味。希望下次可以堂食，試其他口味的餃子和煎餃子。

我最愛吃🥟啦！但在香港的都不便宜之前看到食評有介紹過這間位於觀塘街市附近的小店，剛好今天有經過就順便來買一下他們的生🥟帶回家煮。老闆人很健談，而且他們家🥟還能雙拼，我買了一打帶子拼蝦仁韭菜，最後多加了一打老闆推薦的限定黑松露餃子🤩，他還告訴我用煎的更好吃喔！不過天氣實在太熱啦，加上不是住附近，回家後有幾個🥟都破皮了。不過不得不說小店的🥟味道真的很好👍🏻，餃子餡很新鮮，肉和海鮮的味道一點都不腥，而且各個🥟都是真材實料。下次有經過一定會再幫襯啦～～～推薦推薦👍🏻

專登去觀塘依間平民餃子店。鋪仔細細，附近都有好多間餃子，點解依間會咁出名？所以去試試。叫左韭黃蝦煎餃，味道係好食既，雖然冇網上啲人講到非常好食。但以咁既價錢黎講都係高質。叫淨餃會送碗湯。個湯非常出色，好好飲，好有魚味既鮮甜味。應該冇味精，飲完好滿足。餃子方面好多選擇，煎同湯餃一樣價錢。鍾意食餃子🥟去開觀塘可以一試。老闆同員工都好好，好有禮貌。雖然環境係細，但感覺係有人情味既小店。值得再去試其他口味。

在觀塘鬧市中的一間小店，座位有啲逼夾，但充滿人情味。大約20個座位，不是休閒舒適聊聊天坐兩三小時的那種餐廳，是貼地 走進來 用便宜的價錢，享受上到水準的用餐。叫了一個雞絲撈麵，少少辣好惹味，雞絲的表面達到很有效的掛汁效果。另外點了一份細煎餃子，有五隻，份量相當足夠，價錢大眾化。 加多一罐zero , 埋單都都只係$53餃子應該係自家製，性價比高。唔介意座位迫少少，行過好應該入嚟食吓下次會試埋湯麵同其他餃子。

這間店餃子款式頗多，有很多我都想試，奈何只得一個人，下次可以約朋友。最後我叫了西洋菜餃子+四川擔擔麵。西洋菜餃子：好足料，菜肉各一半，餃子皮不厚，絕不欺場。由於餡料是西洋菜，所以會較其他餃子略微爽口。四川擔擔麵：ok！我叫了少辣，湯頭算濃郁，鹹度適中，面放久了也不會“淋曬”這間小店值得試試

已經唔係第一次幫襯餃子爺爺，佢哋主打手工餃子🥟，全部都係店家自己包嘅。店家一共供應十幾款餃子，粒粒都好飽滿，而且味道唔錯。而喺咁多款餃之中，自己就推介 野菌素餃 同埋 鮮蝦韮黃鮮肉餃，前者食多幾粒都唔會覺飽濟；後者鮮味突出，韮黃又香。另外，因為餃子皮略厚，所以煎餃嚟講係會比較理想。而跟餐嘅湯就建議飲魚湯，因為酸辣湯個味道好一般，希望可以改善一下啦。另外，想讚吓店員服務態度好好，自備環保餐盒外賣都唔會顯得不耐煩，喺疫情期間如果需要外賣嘅話，絕對係個好推介。

琴日去開觀塘搵朋友 經過依間鋪朋友推介話好食 但我已經食咗晏 於是見有生餃賣就諗住買啲攞返屋企自己煮 買咗2打預埋屋企人嗰份 仲有得半打半打咁兩溝 唔錯 可以試多幾隻味 我就買咗帶子韮黃鮮肉餃 韮菜鮮肉 芝士粟米鮮肉 同埋好似佢地有隻係限定嘅鮮蝦豆苗鮮肉都幾足料 最驚喜就係個芝士粟米 真心推介 屋企人就比較鐘意鮮蝦豆苗 有問過話係新鮮每日即製 都食得出係新鮮 啲肉唔會梅 最衰住得遠 下次去開觀塘我都會再幫襯 還掂宜加夜晚又冇堂食 買定啲擺屋企都唔錯唯一有樣要彈嘅就係放生餃外賣入面啲麵粉少咗啲 我又住得遠 返到屋企準備煮嗰陣有啲難攞出嚟 所以整穿咗一兩隻

觀塘不少良心小店，今次走上協和街的餃子爺爺。在觀塘工業區打滾一段時間都未去過這邊，兜了一個圈才找到，感覺像遊客XD店舖不大，只有幾張4人枱。餃子種類多，可煎可煮，任君選擇。還有麵食，配餃子減$7 ，更抵食。跟友人一行幾人，可以一次過試多款。又煎又煮，全部要晒～這裏的煎餃是日式冰花煎法，讓煎餃口感更添香脆。湯煮的滿滿肉汁，也很juicy。菜餃（西洋菜、白菜）夠鮮甜；香菇馬蹄夠爽脆；芝士洋蔥、芝士粟米建議揀湯煮，令芝士味更突出。  四川擔擔麵 $38除了餃子，麵食都好出色！ 鍾意食辣的，可以試試四川擔擔／重慶酸辣，除了可選辣度，還有米線／拉麵可選。擔擔拉麵配半熟蛋，很日式呢。重慶酸辣湯拉麵 $29中辣的酸辣湯與譚仔比，不算太辣，配上拉麵毫無違和感。京醬雞絲拌米線 $29拌米線更得我心。米線軟硬度剛好，伴上甜辣的雞線很惹味。才$29,非常抵食。加埋餃子，男士也捧著肚皮。餐廳資料：餃子爺爺    地址: 觀塘協和街131號仁富大廈地下E舖電話: 90242868

今晚做完運動經過見到有幾間餃子店，想買餃子返屋企食，行到餃子爺爺門口望吓餐牌，入面嘅哥哥走出嚟介紹，態度友善，咁我就揀呢間買返屋企食可以揀一個麵，再配餃子，就可以減$7我選擇了京醬雞絲拌米線，另外加一個芹菜鮮肉餃$29+$23=$52-$7=$45我攞到返屋企，個面底有啲實，始終我唔係即刻食，我半個鐘頭後先攞到返屋企，應該都好正常，另外個雞絲青瓜京醬味道唔錯餃子五粒配魚湯做餃子湯底，清清地啱晒我⋯⋯做完運動買呢個健康餃子餐都唔錯⋯⋯下次會再幫襯試其他餃子味

📍觀塘良心餃子小店‼️· 芝士粟米餃好好食🤤 -- 餃子爺爺🥟·#pigfoodiexhk_觀塘#pigfoodiexhk_港式#pigfoodiexhk_黃店=======================成日經過呢間舖都見到好多人等外賣，早幾日lunchtime就同朋友試下😍------------------------------⭐️芝士玉米鮮肉餃 配 特色湯拉麵 $48 (7.9/10)拉麵湯底飲落清甜，麵條煮得幾有咬口～餃子好好食‼️芝士混合咗豬肉，鹹香好突出，加埋甜甜哋又爽口嘅粟米好正，感覺又清新～必試！😍------------------------------⭐️京蔥牛肉餃 配 京醬雞絲拌米線 $48 (7.7/10)餃子皮夠薄身，煎香咗之後帶微脆～牛肉餡肉味濃郁，加咗京蔥鹹鹹甜甜👍京醬雞絲拌麵份量都幾多～味道帶微辣🙈------------------------------整體嚟講餃子味道唔錯，大大粒好足料🤤而且款式都有好多！👍價錢方面亦幾親民，放lunch都有唔少學生幫襯咖~不過舖頭地方較淺窄，會坐得有啲逼🙈------------------------------賣

呢度係一間專食餃子既小店,人氣都幾旺盛既!擔擔麵肉醬拌麵 自家新鮮炒製既辣肉醬加迎滷蛋,青瓜絲蔥花食之前拌勻佢,每條麵都沾上辣肉醬汁,香辣惹味,味道濃香 麵身夠彈牙麻辣雞絲拌麵 新鮮拆雞肉絲拌以芝麻醬,辣汁拌麵同樣都係配上青瓜絲 食落香口惹味又帶點麻醬醇香 雞肉份量也很多,口感都幾細緻 有雞味麻辣滷牛肉 滷牛肉切片 一份都有6-7片 再淋上蒜蓉醬汁,微辣開胃牛肉片滷到好入味好軟淋但仍有彈性 煎新鮮韭菜餃子 新鮮包既餃子 個餃子底好香脆,咬開薄皮入面有滿滿既韭菜鮮餡食物都係自家出品為主,每一啖都食到心機製作消費$200觀塘協和街131號仁富大廈地下E舖