餃子縣餃子專門店 (已結業)

同朋友在旺角區行街時經過見到依間餃子縣店, 正是餓餓地就正入這店食晚餐。 不用多說,店裝潢簡約格局,清潔衛生,都好多坐位。* *【蒜辣雞翼尖】(細) $18這雞翼尖入口軟腍滑,具香辣味道,十分開胃惹味。**【陳醋木耳】(細) $18 木耳口感爽脆,帶酸酸味味,很醒胃呢!** 【皮蛋豆腐】 $28 是凍盤的,食時拌在一起, 豆腐香滑豆香加上咸香的皮蛋及肉鬆, 討好好食。 ** 【皇牌芝味四重奏芝味樂園】 $55 + 冰花煎餃 $4 冰花煎煮法,餃有微酥脆的口感,不過沒那麼油膩感 。 皇牌芝味四重奏有四款味道餃子,分別有蕃茄芝士餃､辛辣 芝士餃､黑松露芝士餃及三重芝士餃,每款各二隻。餃子香脆得來不油膩, 一咬上去餡有鮮甜的豬肉,爆出咸香的芝士,配上不同配料,每種款各有特色,相信芝士控必定喜愛食呢!**【傳統餃子】(8隻) $43 + 蕃茄湯底$3 選韭菜紫菜豬肉餃 ､香菇粟米雞肉餃 ､ 津白豬肉餃 ､日式紫菜豬肉餃 ,每款各二隻。 餃子皮不厚不簿, 咬上去餡料新鮮甜,十足料, 尤其我最愛食香菇粟米雞肉餃 ,十分香甜,而蕃茄湯底帶點酸酸甜甜的味道,相當令人享受好飲。

晚餐去咗食呢間餃子店，應該門面都企企理理所以揀咗呢間黎食。佢啲餃子種類有好多種，我見都有芝士係特別推出嘅所以想試一試，芝士呢個系列嘅餃子我覺得好好食，其他普通傳統餃子就冇乜特別，平時都可以食到嘅款。如果有機會呢間鋪頭大家可以試一試芝士系列嘅餃子，係一個突破亦都令我想再返呢間鋪度食嘅原因。服務不過不失，當然係得成都唔知在有咩服務啦，不過食材都令人另眼相看，價錢亦都好合理，連埋嘢飲一個餐嘅價錢都可以接受亦都可以食飽。

食餃子點可以唔去餃子縣，皮薄餡多又多汁。煎餃可以揀唔同味，我揀咗三種味，日式紫菜豬肉、韓式辛辣芝士豬肉、蕃茄芝士豬肉。佢啲餃子皮唔厚，肉餡好多仲好juicy，皮煎到好脆好香。蕃茄芝士最好食，食落去好有層次，首先係好鮮甜嘅茄味 再咬耐少少，芝士味會慢慢滲出嚟，完全唔會奇怪，係會覺得好新鮮好特別。辛辣芝士豬肉辣辣地 芝士味中和咗個辣度，芝士味唔算好濃，但食落口好溫和順口。日式紫菜豬肉有少少乾同埋普通，無咩特別，我覺得用落餃子餡唔太夾。涼拌菠菜面配五隻韭菜豬肉餃，波菜面有青瓜絲、雞絲、芝麻醬，麵同芝麻醬比份啱啱好，可以撈曬成個麵，份量好多，味道清新，用菠菜麵感覺更加健康。韭菜豬肉餃就普普通通，正常味道，唯一要讚係好juicy。餃子縣嘅餡真係好多款，仲要好多新派口味，有啲望落奇怪但異常吸引，所以好欣賞佢地 希望你地會越出越多味啦。

去到旺角咁多美食， 花多眼亂， 最後揀左呢間餃子店， 因為唔想成日食飯or 西餐， 間中食下餃子， 簡單一點也不錯吧！ 看到門外的廣告很吸引， 除一般傳統款式外， 更有多款創作新穎的餃子，芝士， 日式紫菜口味也有，這小店佈置清新簡單， 位置尚算寬敞。先點了飲品解渴， 一杯是話梅雪碧， 非常解渴及開胃呢！另一杯是藍梅特飲， 入面還有粒粒藍梅鮮果添然後，order 了一個五香牛肉麵， 湯底香濃， 牛肉很入味， 麵質彈牙另外是擔擔麵， 有小小微辣， 而且有花生醬的香味， 麵的粉量也不少， 這個其實可以兩個人share 呢當然唔小得這裡的招牌冰花煎餃子啦， 這是是京蔥羊肉， 光看賣相已感覺吸引， 煎得很香脆， 京蔥與羊肉非常搭配， 肉質鮮味仍然保留黑松露芝士餃， 我們選了上湯配搭， 咬落真係的重黑松露的味道， 而且還有濃厚的芝士最後， 雞絲粉皮， 很滑溜很清新。醉雞翼， 有啖啖酒香， 但略微淡味了一點

同朋友兩個人想食得簡單啲，清清地，所以走左入黎食餃子，每張枱都有啲勾可以掛袋，幾貼心，侍應姐姐都盡量安排我地坐得舒服啲，算唔錯。我叫左碗水餃麵，湯底係重慶酸辣，幾香口，我本身對味精好敏感，但呢碗食完 ok wor, 應該冇咩落味精；朋友叫左碗辛辣芝士餃，佢話芝士餃好好食，估唔到咁 match, 仲叫左個雞絲粉皮，粉皮好滑，同埋青瓜絲好新鮮，唔錯，係啲粉皮長左小小，有啲難夾，如果可以剪短返小小就perfect 喇。

我同熊先生都超愛食餃子, 今日黎到呢間標榜係香港品牌, 香港味道, 香港製作嘅餃子店食個宵夜餃子選擇都唔少, 有成十幾款任你揀一份餃可以揀5隻或8隻, 宵夜唔敢食太多, 叫兩款, 每人5隻算啦餃子皮係我鐘意嘅質感, 挺身, 結實之餘又唔會過厚, 重每碗都送你一條菜添我對粟米餃一向情有獨鍾, 之前食過最好味嘅粟米餃, 係咬開餃子嘅同時, 爽甜多汁嘅粟米同時爆開呢個口感, 用其他餡料係做唔到架!!! 呢度嘅粟米餃都尚算鮮味, 美中不足係粟米唔夠甜同飽滿。平時食開嘅餃子餡通常都係蔬菜加豬肉, 呢款紫菜豬肉餃, 有新鮮感之餘仲非常好食 紫菜同豬肉嘅比例啱啱好, 絕對值得一試呀

是晚天寒地凍，出開旺角去左間從未試過既餃子縣食餃子，其實完全係想試佢地既芝士餃子！本身想食暖粒粒既湯餃，後黎全點左煎餃子！店子採劃紙形式落單，但係將落單紙會令人好混亂，如果想揀湯餃加煎餃都唔知點劃好，都見唔少人問問店員們先識劃（包括我地），原來落單用唔同符號黎代表晒一款餃子煎定湯，真係你唔講我都唔識填。醉雞翼 $25同行者都話雞翼都酒味都頗重，呢款小食算不錯了。5隻皇牌芝味四重奏-三重芝士 及黑松露 各$37 （煎+$4）兩款芝士煎餃我都幾鍾意食，熱辣辣既煎餃獸落爆料，三重芝士個隻食落都幾重芝士味；黑松露個隻既松露味岩岩好，唔會覺得松露味太重手而有膩既感覺，整體都算香口惹味。椰菜木耳豬肉餃 （5隻）及香菇粟米豬肉餃 （5隻）各$33 （煎+$4）另外叫左兩款菜餃，味道比前兩款較清淡健康，味道都可以。凍檸茶 $12 及凍奶茶 $13樽裝凍奶茶味道唔會過甜，茶味略重少少，不過茶底有少少澀。

近期喜歡上食餃子，傳統既餃子只有白菜，肉，幾款既選擇。但近期流行餃子配上不同既餡料，令到成個餃子既體驗變得更多元化，更精彩。呢日途經旺角就比我發配佐呢間新潮餃子店啦。和一般的餃子店一樣，「餃子縣」店舖唔算大，但人流卻出奇的多，大約7點到達餐廳，已經座無虛席，還好吃餃子的客人也都十分快速，大約等5分鐘，已經可以入座。餐牌既食物選擇有不少，比較傳統的例如:椰菜木耳豬肉餃，津白豬肉餃，香菇粟米豬肉餃等等，已有8款既選擇。5隻$29，8隻$43，大約$5-$6一隻，十分經濟實惠。除了餃子，還有各款小食，或者麵既選擇。比較新潮既餃子，呢度可以搵到芝味四重奏，5隻都係賣$33。最後我地點佐一個二人套餐，套餐售 $132，包有芝味樂園餃，擔擔麵，酸辣渺麵，和兩杯飲品。酸辣湯麵酸辣湯麵好大碗，而且好足料，湯底比較「杰」，所以食完都好飽，酸度好夠，但係就唔算係好辣，再辣多一點味道會更好。擔擔麵擔擔麵同樣地好大碗，肉醬既份量夠多，花生味都好濃，配上上海麵絕對係絕配。任選餃子五款 (配蓄茄湯底) $33Order氤餃子除了基本的清湯外，還可以免費轉重慶酸辣湯底，或者蓄茄湯底。由於套餐已經試佐個酸辣湯底，今次

行過有位就入去一試 叫有粟米果款同木耳果款五餃 重慶湯底加埋上海面 另外再加豆腐皮蛋 個餃本人覺得皮有啲厚 但味道吾錯 我中意粟米果款多啲 因為味道鮮甜啲 重慶湯都吾會過份濃味同辣都勁好 豆腐皮蛋小食有麻辣紅油底 幾惹味 係同區黎講比較貴少少 份量吾算太大 不過都可以一試

今天中午在油麻地花園街遊走，這裏有不少大大小小，不同形式的食店，當行過這間店舖，就被門外那隻巨型三重芝士餃子吸引，一嚐這種新口味。小店除了傳統餃子外，亦有幾款口味創新的餃子。除此之外，還有多款麵食，小吃和飲品供應。五款餃子+米線 （$37+$8)👍👍👍👍傳統餃子款式有八種，這個組合可以自選五款餃子，冰花煎餃+$4 ，用這種方法煎的餃子，底層有一層薄薄的脆片，就如薄冰般。我們選了五種不同口味： 韮菜豬肉、白菜豬肉、芹菜豬肉、津白豬肉和椰菜木耳豬肉。這個組合很不錯，每様一款，最適合每種口味都想試的朋友。另外只需+$8，就有一碗麵食，可以選擇米缐或上海湯麵。湯㡳亦有三款口味。黑松露芝士餃（$37/5隻）👍👍👍👍這些創新的芝士味餃子有四種口味可供選擇。我選了黑松露芝士味，餃子用了三種芝士，分別為巴馬臣芝士、車打芝士和馬蘇里芝士，還加入氣味獨特的黑松露。味道豐富。重慶酸辣粉（$35)👍👍👍👍我們叫了小辣味道的酸辣粉。湯底酸中帶辣，加入肉碎、花生和大量香菜，令味道更出色。薯粉煙靭又弾牙。小辣不算太辣，下次可以選中辣試試。滷水拼盤 （$39）👍👍👍👍拼盤有四款小吃，有雞翼、雞蛋、牛𦟌和牛肚。滷水很入

朋友死都要拉我黎呢間餃子店上一次叫外賣已經試過各種芝士餃味道濃郁 餃子皮厚薄適中食完唔覺口渴 感覺冇咩味精飲埋個湯落去都一樣冇口渴感覺！咁今次食咩呢？首先就當然有餃子5隻$22我揀左粟米豬肉餃餃子餡料都足夠！咬落去啖啖肉～同埋粟米雲耳調味啱啱好 好似屋企整既餃子咁實而不華 真材實料！然後就係今次既主角啦麻辣菠菜拌麵！！$35我應該點唔辣先啱㗎一路食一路抖氣一路流汗十分鐘內食哂佢！停唔到口！因為麵質爽滑 醬料惹味 麻辣既感覺一直纏繞係舌頭上面！！搞到我又愛又恨呀下次麵係叫唔辣保住條小命啦哈哈

聽聞芝士餃係落重本用左巴馬臣芝士, 車打芝士 & 馬蘇里拉芝士 做餡料, 鍾意食芝士的我, 當然要試下啦.  皇牌芝士四重奏 (芝味樂園) 清湯  三重芝士餃: 芝士味香濃, 感覺成個口腔都充滿芝士味, 但又唔會有好 “漏”的感覺.  黑松露芝士餃: 芝士味已經成功被黑松露香味搶左風頭, 黑松露香味非常之突出. 好惹味.  蕃茄芝士餃: 蕃茄味好香濃, 內裡啲餡食落好香甜清爽.  辛辣芝士餃: 有啲似韓式的辛辣風味, 口感微辣容易入口.  重慶酸辣粉 (小辣) 粗身紅薯粉口感煙煙韌韌好彈牙, 啲花生又夠香脆. 由於叫左小辣的關係, 所以湯底唔係太油同太辣, 容易入口. 麻辣中帶有醋香酸味, 非常開胃惹味.  滷水拼盤 4款小食都滷得好入味. 雞中亦 & 牛展軟腍易咬, 雞蛋入味得黎又唔會實的的, 牛肚好爽口彈牙. 滷水汁都幾香, 偏甜唔會好咸.  拍青瓜 冰涼的青瓜口感爽脆清新, 醬汁唔會好辣, 容易入口.  熱豆漿

同媽咪行開旺角辦年貨，去左呢間餃子縣食餃子，環境企理清潔。成間店都係主打餃子，有得叫餃子加麵/散叫。因為媽咪想食酸辣湯麵所以最後我地散叫。一黎就叫左多餃子樂園，再加$4轉冰花煎餃，係有4款味，番茄芝士、黑松露芝士、辛辣芝士同三重芝士餃。呢幾款餃做煎餃好岩，因為芝士溶溶地，加上脆脆外皮，金香可口。蕃茄，黑松露味都好重，辛辣芝士餃好有韓國風味。另外湯餃就自選左五款，唔同種類嘅菜肉餃，大大隻，皮唔算厚，清清地，幾好食。之後仲叫左兩款小食，涼拌蓮藕同蒜辣雞翼尖。兩款都好香好野味。蓮藕爽口，小小麻辣味，愈食愈上癮。 蒜辣雞翼尖（細）都好多隻，有排食。整體係一間都好多種類好多選擇嘅餃子店，唔錯👍🏻

坊間餃子店何其多，想突圍而出，都唔係一件容易的事。一般店點餃子，最多雙拼，要多款口味都可以食到，一個人用餐的話都會比較難，除非你係大胃王，但呢間小店就做到，可以比你一次試到幾款口味餃子，滿足你既好奇心。不過今日我無食雜燴餃，反而叫左芫茜海鮮餃，以蝦做主打，配上芫茜，mix and match之下都幾夾，不過蝦就較硬而且無咩鮮味。只屬於一般。而店內位置比較窄，比較逼，如果係一個人快食的話，可以考慮。五隻餃子HKD34，一般般啦⋯⋯

食物味道不錯，但係waiter好似好趕時間，我食剩半粒蛋，想留番最後食，佢問都唔問就收走左。做野心不在焉？唔知道個客想繼續食？感覺好差好似被人趕走。問題係當時唔多客，無人等位。下次不會再黎。服務差。