餃子館

营业中

休息中

前幾日同朋友帶埋一個小朋友去呢到食野啦，朋友話幾好食，太真覺得態度極差啦，同埋我覺得d唔合理囉，咁因為小朋友要碗仔，咁咪問佢拎碗仔2隻，但比得一隻，佢話只係小朋友先可以要碗仔，咁有卡紙貼牆寫明，咁我ok啦，但另一樣就係比佢拎菜甫，咁朋友行出去拎就比左一兜圖中果款既兜2格都有菜甫既，我心諗應該係可以再拎啦，咁我再問樓面拎，佢話啱啱比左係2個人既份量一人一格，再要係要比多$1先得圖中果一格既份量，一d都唔合理，呢d咁既菜甫去邊到食都係擺係枱面任你加，佢仲有成個餐牌同牆都冇寫明，咁點解要收先，個亞姐仲叫我去鬧佢老細tim。我唔會再去食囉，講真d餃子皮我覺得有d厚，係大粒，湯底又唔太濃，態度差，唔合理。

成日叫到呢間餃子店排哂隊，把心一橫要泥試下🙈🙈🙈大家要睇下個餐牌先，個價錢係非常平民，佢啲餃子仲要粒粒都足哂料，粒粒都好似手掌芯咁大 (根據本人隻手😂)我就叫左6隻嘅香菇木耳雞肉煎餃🥟加上海麵配魚膠翅骨紅蘿蔔豬骨湯👍🏻👍🏻👍🏻個湯睇落無乜特別，但係一飲，好有屋企嘅味道，完全唔係平時係街食麵嘅湯底，佢係似係屋企煲嘅湯水👍🏻👍🏻👍🏻👍🏻👍🏻👍🏻然後到啲餃子🥟大家可以見到我就算咬左一啖，粒餃子都仲大過個匙羹面🙈🙈🙈🙈入面啲料仲係好多，又多汁，入面有埋木耳，口感清爽😋😋😋大家去開天水圍一定要試🥟🥟🥟🥟👍🏻👍🏻👍🏻

我本身係堂食既 甘我就坐係度等la 有一等男女就問有咩好食 跟住有個呀伯就話咩有咩好食 個個人口味吾同 點答你 跟住有個男人買八式餃子 話吾要韭菜餃同白菜餃 跟住個呀伯又話甘就吾係八式啦 我同買野個男人對望左一眼 好啦到我 將我堂食變左外賣 跟住我咪講堂食 個呀伯又插嘴話我堂食攞咩牌子 首先我係第一次尼食 我鬼知咩 同埋我好肯定同左個姐姐講我堂食 好似講到我吾岩 我係睇左某youtuber先試下 到我走果下佢仲講挭 勁嬲 d野好食冇用lo 服務態度差到爆 以後吾會再幫襯😡

唔好睇店面噏耷，呢間餃子🥟真係不得了！食過一次真係會返唔到轉頭。每次都好多人排隊，而且能看到店員在店內親手包製餃子。.一碗平平無奇的餃子麵有咩特別？特別是韭菜餃，咬下去你就知，香味在口中炸裂！🤫✨皮薄餡靚又多汁，餡料有調過味偏鹹，加上清淡湯麵更加岩岩好！.這裡的湯底簡直是神級＂魚膠淮山翅骨粟米蘿蔔豬骨湯＂聽個名都知係勁野，清甜好飲沒有味精，完全不油膩，飲到豬骨膠原的味道，真係一啖接一啖，每次都能見底。💕.仲要性價比超高，$36 8件、$30 6件，加麵$7，聽落好貴，但餃子大隻到嚇死人，女仔叫6件都難以食曬。另外可叫湯餃或煎餃，兩者各有特色。.不過叫過芝士豬肉餃就覺得一般了，沒有拉絲，芝士像混入了豬肉裡，上海幼麵都一般。.總括而言，叫韭菜餃就一定唔會錯，神級的食物總是隱藏在這些不起眼的小店裡。👍🏻✨

上開飯網睇見評分，都好似一般般咁...初時有點卻步唔試，但最後都係相信自己條脷👅親身試過先知好與壞同友人坐底，座位其實分得幾散，但無阻我地試食，個菜單簡而明，先揀湯餃定煎餃，再揀湯底同款式可以揀6定8隻，款式都真係算多我同友人分別揀左雲耳白菜🥬豬肉餃同紫菜豬肉餃+米線配黑、白豆漿，餐廳慣例係叫完俾左錢再等食，同友人都覺得係驚人地走數🤣如果豆漿可以有暖就更加好當碗野黎到時，同友人都好驚訝咁大隻餃，塞滿左成個碗🤣只係個賣相就已經好吸引同友人交換試食，先試左紫菜餃，味道都算濃同足料，皮夠薄身之後到試自己果款雲耳白菜🥬餃，個人會較為喜歡清淡點，因為雲耳白菜🥬餃食落清新點值得一讚另外，湯底都要講講，味道都係我鍾意，唔會太咸，飲得到係足料😆仲聽到後面檯話要多湯，咁證明湯底係讚，依間鋪值得Encore食到中途，我都買左一打生椰菜生餃外賣，返到屋企煮黎送麵食，屋企人都驚訝咁大隻，佢地話食一隻都飽不過個人都愛白菜餃多點，有機會再試下其他款先總結，我覺得都係自己親身試食過係最好每個人感受都唔同

呢間係天水圍新開嘅餃子館，專賣餃子。多款唔同嘅餃子，可自行選擇煎餃或湯餃。用餐方式：提供堂食 或 外賣自取。輪候時間：平時約5-10分鐘；食品方面：韭菜豬肉餃（八隻）（$34）： 分量充足，用心製作，好食👍我選擇咗湯餃。第一次食求穩陣，算係喺天水圍入邊一間唔錯嘅餃子店。推薦👍👍價錢唔貴，人均消費：30-60蚊左右。總括而言，美味又出色既食店，咁岩過黎天水圍嘅朋友不妨一試，話唔定你會有個意外嘅驚喜😉

可能因為生意好，唔憂做，所以請返嚟啲員工都係_口_面！明明係個員工落錯單又死唔認，又話自己覆咗單！仲話唔會換或者退錢，個樣仲要勁囂張！我哋來回左幾次問佢可唔可以換，佢都勁串咁講係我落單所以唔會出錯！LOL!罷食！

芝士豬肉湯餃間舖都開左一段時間～今日睇睇Open rice見唔少人推介尼間餃子店就即管試下。。餃子皮。尼間餃子店，皮唔可以叫超薄，但係相對餡料分量就叫薄了，係埋口位比較厚。。餡料。淡淡芝士味，對於芝士控既我有d失望，不過調味好夠味，好好食！一咬開餃子，肉汁就瘋狂漏出黎，真係好好味！不過食到第三四隻就開始鹹，所以佢既餡料係偏重口味，個人黎講可以接受～。湯底。豬骨粟米紅蘿蔔熬，超級夠味，飲完無口渴既感覺，姐係無味精，個湯底好濃郁，已經熬到奶白色，正係比錢買碗湯我都肯！。整體。餃子真係超級大，食量中等既我嗌左8隻都食剩3隻，啖啖肉真係好滿足，因為即叫即整，所以等既時間偏長，總結黎講真係唔錯，值得一試！

芝士豬肉湯餃間舖都開左一段時間～今日睇睇Open rice見唔少人推介尼間餃子店就即管試下。。餃子皮。尼間餃子店，皮唔可以叫超薄，但係相對餡料分量就叫薄了，係埋口位比較厚。。餡料。淡淡芝士味，對於芝士控既我有d失望，不過調味好夠味，好好食！一咬開餃子，肉汁就瘋狂漏出黎，真係好好味！不過食到第三四隻就開始覺得鹹，所以佢既餡料偏重口味，個人黎講可以接受～。湯底。豬骨粟米紅蘿蔔湯，超級夠味，飲完無口渴既感覺，姐係無味精，個湯底好濃郁，已經熬到奶白色，正係比錢買碗湯我都肯！。整體。餃子真係超級大隻，食量中等既我嗌左8隻都食剩3隻，啖啖肉真係好滿足，因為即叫即整，所以等既時間偏長，總結黎講真係唔錯，值得一試！

嗌左個芝士豬肉煎餃外賣，係個阿姨幫我落單嘅，講第一次佢聽錯係韭菜，講第二次又聽錯紫菜🤷🏻‍♀️我已經講左幾次要芝士！咁落完單等左20分鐘，結果都係俾左紫菜豬肉餃我。咁我米同翻佢講，佢就話芝士冇曬，仲好意思同我講紫菜都好食㗎。喂大佬咁我想食芝士呀嘛，然後佢仲話有覆單，我好肯定佢係冇覆單！因為我同佢嘅對話最後個句係我重複講多次要芝士，最後另一個店員就話退翻錢俾我。講真個陣落單我同佢只係差一個身位，個到又唔嘈，我講左幾次芝士都可以聽錯然後仲要話翻係我冇聽到佢覆單，我係第一次買但真心好失望，無下次了，相信好食過佢嘅餃子店出面大把。

佢有兩個舖位, 加埋既座位大概20個倒所以坐起上黎都唔係話大分舒服, 不過為左價好野, 當然係冇所謂啦💁🏾‍♀️ 餐廳有6-8款既餃子可以選擇, 可以揀湯餃 or 煎餃, +7蚊可以配上海麵或者米線🍜 重慶麻辣湯或者魚膠准山鱷骨栗米紅蘿蔔豬骨湯, 後者係好正😍韮菜豬肉餃➕栗米香菇豬肉餃🥟(6隻)($38)餃子可以揀6️⃣隻/8️⃣隻, 雙拼既話以價錢較高者去計再加$2️⃣ 餃子既餡料好豐富,完全係超足料😋 而且每粒都好大隻, 細食D朋友可能食6️⃣隻餃子都夠飽😌 除左餃除之外, 佢既湯底同樣有亮點, 不單止飲曬唔會覺得口渴而且都有濃濃既鱷骨味, 好正🤤 食湯麵既朋友絕對唔可以錯過呢個湯, 另外仲可以問佢拎菜脯, 呢個超好食, 有麻辣既味道不過又唔會太辣, 拎黎配餃子食好正🤤餃子館每一個月都有一日休息日, 所以去之前記得留意下係邊日

幾乎可以日日打卡既餃子店。新北江好多餐廳都食暈哂，呢間餃子館真係少數可以encore 再encore 既舖頭。首先介紹返，佢呢度賣既野，有3類：餃子﹑小食﹑支裝飲品。餃子共8 款：韭菜豬肉﹑粟米香菇豬肉﹑芝士豬肉﹑雲耳白菜豬肉﹑雲耳椰菜豬肉 ﹑紫菜豬肉﹑香菇木耳雞肉。餃子可以揀湯同煎，可雙併，加麵底。如果揀餃可以揀魚膠淮山翅骨粟米紅蘿蔔豬骨湯/ 重慶辣湯。我就最鍾意佢地既魚膠豬骨湯，好重翅骨味，次次都飲到一滴不漏。佢地既餃子份量好夠，成粒大乒乓波甘，女仔叫6隻已經好飽。我最愛係韭菜餃，湯同煎都試過，6隻只係$30！食到捧住個肚走個種飽😂😂👍🏻佢地既餃子醬油味重，但又唔會蓋過食材本身既味道，仍然會食到韭菜香，係街好少食到呢種餃子。試過佢地既上海麵，又爽又滑甘，係幾得意既嘗試~ 小食有皮蛋豆腐﹑雞翼﹑拍青瓜﹑豬耳等等。平時自己一個黎食就未必會叫小食，因為會食唔哂，但如果同多個朋友仔黎，就可能嗌多個豬耳。😋佢地既豬耳偏重麻油香，鍾意麻油既朋友可以一試～ 試過太子既餃掂、旺角既美味餃子店，都係覺得天水圍呢間餃子館最好食！未試過既，有機會行開天水圍記住試下～ 😋👍🏻

👭餃子屋(天水圍)👭八色拼盤餃子 (加上海幼麵) $53🥟韮菜豬肉🥟粟米香菇豬肉🥟芝士豬肉🥟雲耳白菜豬肉🥟雲耳椰菜豬肉 🥟紫菜豬肉🥟香菇木耳雞肉菜單上面有唔同款式嘅餃子，由於真係揀唔落手嘅關係，38決定嗌個拼盤唔洗煩🤣！小店位置唔多，所以客人既位置會比較迫，加上繁忙時間會轉用外賣包裝，但都無阻眾人對佢地嘅喜愛😍餃子皮薄餡爆多💥隻隻都漲卜卜好足料，成粒乒乓波咁。❤咁多款水餃之中，38最推薦以下3款:1⃣韮菜豬肉餃韮菜好香濃，韭菜咬落爽脆，配上豬肉簡直絕配🤤2⃣粟米香菇豬肉餃粟米好清甜，小朋友都會好鍾意❤3⃣芝士豬肉餃芝士溶晒落豬肉餡，所以每一啖都充滿芝士香味。食湯餃最緊要個湯底，呢個湯底名叫做👉🏻魚膠淮山翅骨粟米紅蘿蔔豬骨湯，湯底好出色👍🏻飲落就知道冇味精，38次次食完都會飲晒啲湯🙊。P.s 見網上有人話店員服務態度好差，但38個日就無遇到，店員態度都正正常常，可能係個別店員態度問題啦🙂推薦度：7.5/10🏠天水圍天湖路1號嘉湖新北江商場地下A106號舖🕐9:00am-9:00pm

叫得餃子館，餃子明顯係招牌菜。有好多種餃子揀，亦可以揀湯餃或者煎餃（但係唔可以一半湯一半煎），如果唔知揀邊隻餃好，重可以一種餃食一隻。唔好以為8隻餃會唔夠食，因為一隻餃好大隻，所以8隻已經好夠，真係唔夠就可以加米線。我今次食左8隻韮菜煎餃，強烈推薦煎餃，因為佢每一面都會煎得好透，好香好脆。食煎餃都可以免費加湯飲，不過湯就有少少咸。加多支豆漿，$43，又抵又飽又好食！不過店面較細，唔好諗住坐得舒服。即叫即煮，所以都要等一段時間，同埋係落完單先俾錢後食野。有人話店員無咩禮貌，個人覺得還好啦，係個別店員問題。

呢半年差唔多個個星期都有幫襯，都算係常客，但啲服務質素差到可能以後都唔會再黎例牌會叫嘅白菜豬肉餃，其實真係大大件又足料，味道同呢個商場其他餐廳比真係幾好清湯都幾好飲，但最近好似有加味精，飲完有啲口渴，冇以前咁一飲就飲到係真材實料煲出黎米線成日都煮到好快爛，不過都只係其次啦菜脯以前真係新鮮又脆又辣超好食，兒家全部都淋晒好似擺咗好耐咁，唔多掂如果想係呢個商場頹頹地食一餐係OK嘅不過重點黎啦，佢啲服務質素真係好差！特別係高高瘦瘦個阿姐同佢講要買外賣，叫我等一等，一等就得5分鐘，遊花園咁行黎行去死都唔肯同我落單，要再催先得成日仲嫌啲人叫外賣阻住佢條路，如果你爽爽快快幫啲人落晒單，咁大家咪唔會塞住囉以前暑假個陣有個妹妹幫手，做野手腳快，非常欣賞呀可惜兒家冇做，變咗呢個阿姐。本身即叫即煮已經要等15-20分鐘，俾佢一搞，結果一共要用40-45分鐘先買到個麵。味道又冇以前咁好，服務又咁差，我諗我以後都唔幫襯啦！