餃子館

营业中

休息中

這間店開左好耐啦，細細間，價錢也算OK既，不過餃子真係超大隻，細食既人食8隻夠曬飽啦，味道不過不失啦，沒有驚艷的感覺，但也不是很差那種，可以試一下，也可以買一些生餃子翻屋企自己煮

呢間真係開左好耐啦 啊媽成日都買返屋企 俾我哋當早餐 同埋煮公仔麵都可以加落去🤣🤣我中意佢冬菇餃 啲料都好足 又夠大隻喎 最主要係新鮮包架 每次經過都見到啊姨係到包 希望唔好因為疫情 頂唔住啦😌

見呢排天氣凍唸住食一食冬日限定嘅羊肉餃子，甘我係堂食嘅 嗌左8隻羊肉煎餃加米線，d野食等左勁耐都未上，差唔多等左半個鐘先食到，甘我唸可能即嗌即煎耐小小都算拉，滿懷期待甘食左第一淡 發覺有小小唔對路，點解我嘅羊肉餃子有玉米同豬肉係入面嘅，同埋係完全無羊肉味，甘我都唸緊會唔會唔小心比錯左 試左下第二隻餃子，甘今次都正常d係一咬落去就知係羊肉餃子，但怪在個煎餃皮係軟軟地唔脆嘅，同埋入面個餡料對比其他餃子少左好多，我之前都有食過幾次，甘到尼到感覺已經好差唸住快d食完走拉，點知食食下又食到兩個豬肉餡料嘅，加埋就已經3個 8隻羊肉餃子54蚊但有3隻係豬肉嘅，甘我已經嬲嬲地，就嗌左其中一個職員過來同佢講拉，個職員一望就見到其實係真係比錯左 佢都認左係比錯左但完全無任何歉意或者補償，雖然我都無唸住要d咩補償但一句唔好意思都無講，個感覺已經好差，最抵死嘅係佢同個廚房嘅職員反映整錯左拉，廚房果個行埋黎睇，然後死都話果兩隻豬肉餃係羊肉餃 P.S我果兩隻豬肉餃只食左一半， 死都唔認錯，我話大佬你咪玩啦 羊肉同豬肉我食唔出咩，甘個玉米豬肉你無得賴掛，根住佢好理直氣壯甘講有一隻整錯左好正常姐，然後強調翻果兩隻豬肉

呢間野扎根左天水圍好多年 我以為佢會好好食 咁正常好食先可以留咁耐架嘛我終於的起心肝去試 因為佢個環境係有小小逼 唔係幾想食 但好似真係幾好食同多左留係天水圍先去試呢間。重點黎啦1. 我食芝士豬肉餃 ，我食到懷疑人生，佢完全係冇芝士味架，ok fine 但你唔好難食先啊，佢係有朕好奇怪嘅膠味？可以係唔新鮮嘅味，嗰種違和感真係好奇怪，D豬肉係極度唔新鮮 冰鮮唔緊要 但你唔好比我覺得你好似壞左咁 芝士豬肉勁重調味 勁難食 嗰朕膠味唔係咁重嘅 我可以撈湯食 但佢個餡係真係做得好差 ，10分滿分 ，佢絕對係負10分2. 佢做得太大隻啦 ，D餃難食 ，仲要學人整到咁大隻 ，真係好痴線 ，人地咁大隻餃子係食得出鮮味 ，但你嗰D餃子係食得出難食味就唔好整咁大隻啦 ，皮同餡嘅比例好緊要 ，你如果可以好似人地正常餃子咁整 ，正常餃子味得架啦 ，唔洗太好 我都覺得你都可以整咁大隻 ，你個皮咁少 ，餡咁多 ，個味咪好出囉 ，你個餡嘅失敗咪出曬黎囉 。同埋佢咁大隻真係好難食到，好難咬落口囉 。成個餃真係食得好辛苦。3. 我見到D評論話冇味精，我呆左，首先佢咁濃味 我都feel到個湯係味精啦架，佢個湯係鹹嘅濃而

餃子超大隻勁足料, 全部都係人手當天包, 夠晒新鮮, 經常都會見到D阿姐係度即場包, 唔怕比你偷師最鐘意食佢既韮菜餃, 大大隻, 鮮甜多汁, 多肉多韮菜, 其次係白菜餃, 都好清甜, 其他特別口味, 好似芝士, 紫菜就比較唔岩我口味最緊要係佢個湯底, 紅蘿蔔魚膠翅骨,睇落係奶白色, 每次去都飲晒, 飲完都唔覺得口乾, 應該係無味精唯一唔好係佢D位勁唔好座, 迫得黎呀 D冷氣又唔多夠, 好多時仲要周圍有人行徑不過抵食又好食 都會再幫襯

這幾天政府禁了堂食，只好買外賣。沒有外賣紙寫，只能對住個廣東話都唔正的阿姐落單，面同餃子都落錯哂，煎餃變煮餃，豬骨湯變辣湯，服務本身已經差過舊澳牛，不過外賣就無所謂啦，我理得你同啲食客開片，依家仲要落錯哂單，CP值再高都無用啦！因為比錯哂野你。不會再回頭。而且食物品質差了不少，米線沒有以前彈口，湯沒有以前香濃，芝士餃子味道也變得怪怪，唯不變的是菜脯，保持風味。和份量跟以前一樣多，餃子大大件。But anyway 不會再回頭了。

依間餃子館都幾出名，聽過有人會特登入黎天水圍食佢嫁！相信佢地嘅賣點係夠大粒，食六粒都已經夠飽肚，不過餃子調味方面整體黎講都係偏濃味🙈同埋要留意店內嘅堂食位置唔多，環境有啲迫狹，想食得舒服啲嘅話可以選擇買生餃返屋企煮嫁🥳**********<韭菜豬肉餃(6隻)> $30韭菜餃要左煎餃，韭菜超級足料而且好香，如果鍾意韭菜比例多過肉嘅話，依個真係好推薦！煎餃煎到有少少似炸餃嘅感覺，所以好脆口，同埋會爆汁要小心辣親🤭**********<粟米香菇豬肉餃(6隻)> $36另一款餃子就要左湯餃，個湯係魚膠淮山翅骨粟米紅蘿蔔豬骨湯，好有屋企嘅味道，唔似味精湯，飲曬成碗都無話好口渴！而粟米香菇餃依個配搭都唔算新鮮，味道普通唔算好特別🤣

因為睇youtuber推介 咁啱朋友要去天水圍 所以決定試下個環境其實就比較逼夾 因為聽講個餃子份量大 我地每人叫左一碗湯餃6隻$36 再share6隻芝士煎餃 $36個湯幾鮮甜 吾係味精湯 湯餃同煎餃味道超多餡 味道就覺得還好 芝士味吾係好突出食到一半已經飽 吾想再食下次可以兩個人叫一碗餃子加煎餃

今日去食，叫左煎餃同湯餃兩款，煎餃冇比湯，問左阿姐，話我地叫果陣冇講話要湯，結果要求要返張單睇返同佢理論先比碗湯。（如果叫果陣我地唔記得冇講要咩湯，但阿姐超碼都落單果陣提我地問聲要邊款湯啦）。菜甫以前食就兩格都放滿，依家得一格。唉，冇下一次，食到一吐氣。

每隻餃子都好大隻。我覺得湯餃個湯幾好味。煎餃就好香口。如果係女仔就咁食淨餃就已經好飽，如果係男仔都唔使驚，可以加個面底，就飽哂。如果唔想堂食，可以買生餃子返屋企打邊爐，都係一個唔錯嘅選擇。冬天係屋企食餃子，係唔錯嘅選擇。另外佢哋亦都有自製嘅辣菜譜，送餃子一流我買左依家製嘅辣菜譜返屋企比屋企人食，個個都話好好味值得推介我自己鍾意食粟米豬肉餃，因為有粟米中和返啲肉味，唔會覺得太膩。素餃都做得唔錯，入邊有好多蔬菜，健康之選

比老公個同事整蠱呀！ 又話呢間好食, 今日去試下. 叫左個羊肉煎餃上海麵, 煎餃一大堆油, 等又等好耐, 羊肉又唔好食仲唔知新唔新鮮, 鹹味蓋過. 豆漿又冇味,冇下次, 只可以話餃子夠大隻, 貪大隻嘅可以去會下... 好似食左d垃圾落肚😠😠

朋友喺天水圍返工，聽聞依間鋪啲餃子係天水圍都幾出名，所以就外賣左比我見到OpenRice有好多負評都係比佢哋嘅服務態度，咁我就不得而知啦朋友專登分開左個湯同埋餃子。首先飲左啖湯先，第一啖就覺得都幾重魚味睇返先知原來係魚翅骨煲豬骨湯唔怪之得個湯咁乳白色啦，果然好濃郁，冇乜味精，飲完唔會話好口乾我哋叫咗粟米香菇豬肉餃同埋芝士豬肉餃。兩個都係餐牌上有推介既我個人就比較鍾意食香菇粟米豬肉餃啦一下咬落去，菇味都幾出，粟米又香又增加左佢嘅口感，入邊有少少肥豬肉，有啲林，有啲就有啲筋，成隻餃子又香又好食又多口感皮雖然厚，但係絕對唔粉，而且佢一隻餃子入邊有好多餡，齋食餃子都好飽，又好大隻食完六隻都飽曬芝士豬肉餃估唔到真係超重芝士味融入晒係啲豬肉入面我朋友咬落去嗰時，我仲見到仲有芝士絲拉到出嚟，太驚人了朋友咬左一半就將個餃子放咗落個湯度，而我食餃子呢就唔會放番落個湯度嘅之後飲番佢個湯覺得個湯少少唔同左味，少左鮮味提議大家都唔好將啲餃子味撈埋晒落個湯度啦順帶一提佢哋嘅菜圃都好好食

小編聽過好多人推介喱間餃子館嫁喇，因為大件夾抵食!!🤤終於，小編有一日出天水圍擺Roadshow，可以親自拜訪喱間街坊食堂嚕!!🙊小編因為要飲無味精靚湯，所以揀左湯餃 (不過小編唔肯定食炸餃子會唔會跟碗靚湯啊😵)，同埋想試多款口味，所以就揀左雙拼嚕~~~✌🏻.HK$36/6隻 HK$43/8隻 雙拼 +HK$2.#粟米香菇豬肉餃 🌽🍄🐷嘩，D餃子洗唔洗咁大粒，就快連隻湯匙都hold唔住!🤯一定要分開好幾啖咁食~🤭而喱款餃子好香，同埋咬開有豬肉汁滲出黎，好好味!雖然d香菇同埋豬肉剁得比較細，但因為粟米既關係，口感仲係好好!😚.#香菇木耳雞肉餃 🍄🐔本身小編係心儀粟米餃多d，因為我鐘意粟米又係喱度既招牌~然後雙拼的話，另一款唔想再試豬肉餃，所以就揀左喱款雞肉餃嚕~估唔到有驚喜!!!🤩因為雞肉冇剁到好細，仲係有咬口，同埋都算滑!然後配合埋香菇同木耳，味道係香濃嫁!好味啊!!雖然，食第二/三隻個陣可能會覺得有少少鹹，但飲啖湯就冇問題啦!!!😝.#魚膠翅骨紅蘿蔔豬骨湯 #無味精 #老火湯 🥰哈哈，其實小編飲唔出入面D料係真既😂 但係佢真係無味精，無個種平時喺街食飯飲中湯既死鹹味~搞到小編忍唔

話說今日放假，又懶得煮，接完女朋友就去食下好耐冇食過既煎餃子，因為本人太鐘意食煎餃(中午先食完) ，因為真係好耐冇去過估唔到仲咁多人食唯有排下隊。好好彩，排左20mins到就有得食，仲要係最後一set我最鍾意食既"9"菜煎餃。45蚊都就食到大件煎餃8隻加魚湯米線。抵到爛啦！！！順帶一題，呢間餃子店，餃子數量有限，賣曬就冇要食就早d去啦。(因為係排隊既時候有好多人黎排隊等食都有2,3款餃子賣曬。果陣先7點幾8點都未到)

係新北江成日經過呢間野都見好多人排隊同等外賣，成日想試但唔想等，難得有日早放就的起心肝掃試下～佢 menu 有成 8 款餃子揀，冬天仲有羊肉餃湯都有辣同唔辣，仲有得加米線有選擇困難症既我就揀左 8 式拼盤，每樣試一隻，邊隻好食就下次單買個隻～由於驚一個人食唔哂，就揀左外賣返屋企食，外賣都等左十分鐘以上每隻餃子都有半個掌心咁大，大概係平時既 2 倍，真係好足料！配埋辣菜甫食都幾開胃，唔覺得好滯除左韭菜，粟米香菇豬肉，芝士，同香菇木耳雞肉，另外 4 隻都分唔到邊隻打邊隻韭菜同粟米絕對係我既雙冠軍，涵料又香又飽滿，下次會雙拼呢兩隻～