養心殿台式養生鍋 (已結業)

放工想去打邊爐，諗起養心殿就二話不説冲左去食😆揀左養心鍋，好足料，又有雞又有魚喺湯底裏面，好鮮甜啊！😍同朋友兩個人叫左鮮炸響鈴，千層凍豆腐，鵝肝墨魚丸麻辣牛肉餃同埋蔬菜拼後盤。響鈴🔔果然係必點，炸到好脆，加埋湯底簡直係冇得輸🤤🤤自家製牛肉餃口感非堂特別，同平時食嘅餃子完全唔一樣，好彈牙👍🏻👍🏻凍豆腐都好好食，吸晒湯底精華喺入面🤤呢度環境好中國feel,座位又闊落，唔同平時d火鍋店咁迫👍🏻👍🏻

呢日朋友同我食生日飯, 佢話想打邊爐~但我地想可以好好地坐係度傾耐D計~唔想太嘈太迫同食得好急。然後.. 我地又來左養心殿, HAHA今次我地叫左湯底: 美人鍋拼秘制薑母鴨鍋。然後叫切片年糕, 手切牛肉(細),手工丸類拼盤,鮮甜三蔬, 台灣水晶冰菜, 鮮豆皮, 即炸脆響鈴,魚皮餃/自家製極品水餃(各半份)。(因為我生日飯, 朋友話食我可以隨便食, 食得豐富D)湯底呢, 美人鍋唔多講喇,我次次都叫, 貪佢夠滋補養顏嘛!今次呢, 試新野, 叫埋秘制薑母鴨鍋。原來都好正! 薑好夠, 好正氣的感覺!以後可以叫多D魚皮餃(半份) $36 /自家製極品水餃(半份) $42 魚皮餃同水餃都大大粒, 足料!半份有4粒~切片年糕 $38呢個我中意食呀!我覺得放年糕落湯, 煙煙un un 連湯食, 好味!鮮甜三蔬 $68有粟米鮮准山同秋葵。我之前都怕怕地秋葵的, 但呢度的秋葵新鮮, 烚2烚食又ok啵!鮮准山我本身都好中意,成個拼盤感覺好健康。台灣水晶冰菜 $78呢個係朋友試過覺得得意好食叫我試的~佢面頭有d好似水珠咁, 但佢唔係水珠來啵, 真係菜既一部份,食落清甜爽口!但記住唔好烚太耐, 唔係就冇左爽口嘅

今次我同好朋友考試合格梗係要食返餐好西慶祝下啦。養心殿已經係我地既慶祝必到地點，所以已經一早book定時間去食。我地就襯住7點前埋單有半價去食嘅。一坐低我地就已經叫左美人鍋同酸菜白肉嘅鴛鴦鍋。好掛住佢啲桃膠，烏雞同白肉啊仲有一定要叫嘅就係鴨血，肥牛同手打丸。等食期間就去調醬嘅地方整油碟。今次個湯底依然無令人失望，個湯底非常濃郁，湯料亦非常充足，真係好抵。唯一失望嘅地方就係冇麻辣牛肉餃同芝士牛肉丸，希望下次可以食返啦。

湯底好濃郁值得讚賞。但生料選擇算不多而且比較普通。所以以普通材料來說價錢實屬偏貴。服務員態度尚可以。但本次朋友生日飯實在吃得不愉快。因荃灣店8：30前離坐有 7折優惠。第一次試菜有7折覺得十分抵死。入座前店員還說8：30前離座有 7折。結果我8：30見沒有店員來結賬。我就主動 結賬，但店員說因為超時8：35 所以不獲7折折扣。太生氣我問她都不幫客人結賬嗎。她說沒有幫客戶計時。要自動自覺。那為何入座時都不說一下要自己計算。而且我就只超時 5分中。都沒有騙鐘成份真的生氣到頂點。所以不要緊。一定沒有下次。太無賴了。不如不做折扣都沒有那麼生氣。

打邊爐首選養心殿！地方夠大，夠舒服！每張枱都好似有獨立空間咁！今次去係慶祝考完試，尼度食得好舒服，令大家更開心！而且侍應服務好好，即叫即到！最緊要嘅係食物質素冇得頂呀！好新鮮！推薦海蝦、墨魚滑、肥牛！湯底好鮮甜、好足料！每次尼都要叫美人鍋！有足足半隻烏雞！好補呀！今次再試埋酸菜湯底！都係好足料！鐘意食酸味嘅人一定唔可以錯過呀！埋單發現原來仲要有優惠，夜晚7點前離開有半價，而夜晚8點半前離坐都有7折！一定要尼食呀！

朋友考完試仲要成功all pass，緊係要食好西慶祝下啦🤪🤪雖然呢家先5月，但已經日日30度，但都無阻我地打邊爐既決心🤤再一次黎到養心殿，最掛住既都係佢既美人鍋🤤🤤湯底超濃超香，今次都試埋酸菜白肉鍋，酸味幾濃，不過鴨血都係夾麻辣鍋多啲😋8點半前離座有7折、7點前更有5折。

不得不提這家的湯底真的太出眾了點了鴛鴦鍋 美人鍋 秘製薑母鴨鍋先介紹一下美人鍋湯料滿滿的！很多膠原蛋白 原隻烏雞配上杞子和南棗，只是吃火鍋的配料也很多東西可以吃！另外的秘製姜武母鴨鍋也一樣，湯料滿滿的有台灣特產的紅面番鴨配上老姜馬蹄 最重要的味道還是在當歸 很有藥材的味道。兩款鍋底都各有特色非常出眾！極上雪花肥牛份量適中，肉質彈牙 配上藥材湯底的味道 很有驚喜他們的炸響鈴是即炸的 特別香脆鬆化有機粟米放進去美人鍋這個配搭很好粟米的鮮甜加進去陪烏雞吃另外還點了本分黑松露蝦丸和稻庭烏冬麵 黑松露蝦丸是手打的 特別彈牙十分滿意這家火鍋店 裝修很有中國的風味而他們的湯底真的特別吸引 下次再試試其他的湯底

朋友介紹過，細妹又介紹過，都話呢間要試下，好好食，所以約左屋企人，揀左荃灣有5折既時候去試，真心好味，叫左養心鍋湯底，呢個湯底推薦大家叫👍🏻👍🏻，好香，建議各位可以未落其他料之前飲啖湯先。我地成家10人左右去左食，5折後埋單都要300蚊一位😂😂如果要我去食正價我會唔捨得🤪但呢個打邊爐係我食咁多間最高質既一間，基本上啲配餸係唔而要點醬汁嫁，因為落完個湯底滾完夾上黎食時已吸晒個湯底既味😍😍

睇完五月天演唱會心情太激動一行四人衝去荃灣打邊邊其實食左好多次有七折真係好抵食湯抵兩邊都好好味勁鐘意食鴨紅本身勁愛去台灣食而家可以去養心殿過下癮松露丸每人一粒勁香松露味䈑䇞係必食架好爽口好甜冬瓜油炸鬼吸晒辣味好刺激其實我唔算食得辣但真心正👏🏻👏🏻👏🏻👏🏻👏🏻碟牛肉都好靚呀好滿意講下食下食咗兩個鐘心情仲係好激動我地去台灣睇完五月天都會衝去食火鍋😂😂😂😂😂😂上菜快服務員有禮一個字！正！

養心殿可以話係我火鍋嘅首選，今日又再一次嚟到荃灣這間分店，試一試心愛嘅湯底寧神養心鍋/秘製薑母鴨鍋（$168）呢度嘅湯底，雙拼唔使加錢，只係以較高價錢嘅湯底收費。薑母鴨鍋啖啖鴨肉，味道較為清甜，淨係食咗個鍋底都飽咗一半。而養心鍋以大量藥材配以烏雞及鮮魚餚制而成，湯底味道濃郁，滋味之選。仲有半個大魚頭喺裏面添啊手工丸類拼盤$108用料好新鮮，粒粒都有特色，蝦丸爽口彈牙，其中一款更混入黑松露，鮮上加香芝士牛丸咬開流出一啖啖嘅芝士，芝士配牛肉原來可以好夾有一款梅菜豬肉丸，唔好以為好平凡，梅菜嘅鮮甜味，帶起嘅肉香，非同凡響炸午餐肉$58好少有火鍋店，會將午餐肉炸過先上枱，炸個嘅午餐肉更加香口，肉質更加結實，厚切嘅緣故，令到咬落更有質感魚皮餃半份$36魚皮餃大大隻，脹卜卜雪花一口肥牛粒$138油脂分布得幾靚，肥牛粒可以煮得耐少少，入口嘅時候會更加淋，牛肉加牛脂帶來豐富嘅牛味，配合湯汁，更令肉質更鮮嫩烏梅汁（免費）只要係養心殿嘅Facebook簽到同分享，就會送杯烏梅汁啦，酸酸甜甜又冰涼，火鍋嘅最佳拍檔檸檬沙冰（又係免費）埋單嘅時候，再送兩杯檸檬沙冰，清新嘅檸檬味，完全平衡返火鍋飽嘅感覺

呢間台式火鍋係同事介紹我嘅，食完之後真係覺得好抵！7點前埋單有半價優惠湯底可以雙拼，唔洗加錢。 我揀左麻辣鍋同酸菜白肉鍋。麻辣鍋好有層次， 唔係得麻同辣，有其他藥材味！有真材實料嘅感覺。入面包埋鴨血同蜂巢豆腐，鴨血好滑！！蜂巢豆腐就吸晒啲辣汁酸菜白肉湯底有好多白肉同酸菜，仲有QQ粉。好欣賞佢嘅白肉係帶有酒味的！滾完都仲keep到份酒香食完可以免費追加一碟酸菜白肉或鴨血，我就揀左前者啦極上雪花肥牛D牛肉好嫩，都幾有牛味餃子拼盤呢個完全係為貪食之人而設啦！ 可以試晒咁多種味，又唔驚食唔晒。全部都好多餡鮮蝦雲吞餃，有原隻蝦係入面，仲有好爽口木耳增加其口感。麻辣牛肉餃，呢款餃都真係幾辣！ 牛肉好扎實。寬粉條(QQ粉）我額外叫多左碟QQ粉， 呢款粉滾1分鐘就食得，太耐會好易散同埋好稔。口感我幾鐘意，但最鐘意係佢吸湯底嘅能力！我放左落麻辣湯到滾，呢款麵即刻吸晒d辣味，食到我唔敢食都係放番落酸菜白肉湯果邊好d叫左一款小食： 甜不辣。外型似炸魚餅，食落口芋頭香味幾重下。附上蕃茄醬可以點，但我比較鐘意就咁食，更食得出佢嘅香味自家製沖繩黑糖烏梅汁份量好多我兩個人飲 係飲到打完邊爐都未飲晒！ 而且味道幾好，

味道及環境不差，空間也寬落，但服務一般。佢地既點單係會重複使用，但上位客人已選既選項卻沒有擦走，令到會出現點錯單上錯菜既情況。上左一d你根本冇叫到既菜。服務員都係愛理不理既表情，好難叫到。

朋友突然約食飯，沒有訂位之下，出荃灣覓食。傳聞中令間台式火鍋店評語幾高，價錢都高，可能一分錢一分貨。竟然不用等位，就試一試啦！店面環境氣氛看上去檔次幾高，燈光偏暗。由於太肚餓，唯有試叫2款熟食，炸雞，滷水牛展拼盤。味道偏港式。叫左個養顏鍋湯底。料足，湯偏咸。倒牌火鍋食材：肥牛，響玲，四寶丸，四寶餃，什菜，台灣A菜.....食物質素不錯，上菜速度算快，員工服務ok.唯一最尾就是見你食得7788,就會極速收碟。差點派漏雪糕給我們。

養心殿推出九點半後七折，又鍾意食嘢但又唔想比咁貴嘅我，每次都係九點半後先食，真係叫多幾碟都唔使就住就住呀嘛！我每次去都會叫兩個湯底，一邊係麻辣，另一邊係寧神養心鍋。先講講麻辣，佢會送一客鴨血，雖然我唔食，但係男朋友就話佢嘅鴨血好味，而我最鍾意都係擺啲寬條粉落去索晒啲辣味，好正！寧神養心鍋可以先飲湯再打邊爐，我次次都會飲兩碗，再食埋佢鍋入面既烏雞，夠晒補身！如果想買嘅食材包括有手切肥牛、手打墨魚丸、萵筍等等，基本上佢全部食材都好新鮮，無論點樣叫都唔會中伏。

今天同舊同事一起聚會，就選擇了一間聽聞好好食火鍋店，我們叫了一個美人鍋底，個鍋底真的好好味，食火鍋是好熱氣但個鍋底是加了桃膠是可以令個湯底好甜，還加了一隻烏雞肉質好滑流，值得一試，火鍋材料叫了肥牛好軟熟，六寶丸也唔錯是手打丸，不過個芝士丸就差少少味道唔係好夾，鴛鴦餃九菜和雲吞也很新鮮和很大隻，新鮮淮山是火鍋一定要必食，再來一個闊麵這個一定要叫來食如果你喜歡食彈牙麵質地也要來試吓，還有熟食炸雞和鹵味拼盤也要叫來食下，肉質好鬆化。