養心殿台式養生鍋 (已結業)

又係養心殿，每次講打邊爐，我都一定係揀養心殿。雖然價錢偏貴，但我覺得值的！每次黎都必點麻辣鍋，今次拼美人鍋。麻辣鍋會送多份鴨血，係香港真係好少店既鴨血做得好味，養心殿既鴨血係不錯的，口感好軟滑，超惹味呢。美人鍋，聽個名都覺得好補，入面有烏雞、紅棗果啲，仲有桃膠，好岩女仔飲呢。打邊爐之前通常都拎定個碗黎裝湯飲！我地點左雪花肥牛、手打丸、冰菜、雜菜盆，同埋當然唔少得響鈴。只可以話，每樣都好高質，冰菜出面比較少見，好滑好爽口，口感非常特別呢，大家一定要試下！雪花肥牛脂肪分佈均勻，一啲都唔UN，淥一陣就食得，讚！雜菜就有菇有粟米同菜，其實都幾抵食。最後我仲唔理大家阻止，點左個烏冬LOL，其實用麻辣湯底煮烏冬係超級正，好惹味，最後佢地都要同我爭食。依家Facebook打卡仲有飲品送，如果唔想食太貴可以揀宵夜時段黎，有折呢。

『養心殿』聽就聽得多，今次終於有機會見識下～荃灣分店位於大鴻輝，都幾就腳！入到去見到啲裝修好靚，好中式，好有古代嘅味道。我地6點去到，食客唔算多，一坐底就揀左湯底先，貪心嘅我地揀左個鴛鴦鍋，美人鍋×麻辣鍋（小辣）兩邊都分別有超多湯料，個鍋一滾起，啲香氣即時四散！墨魚滑密度好高！咬落鮮味，而且好彈牙！萵筍係厚切嘅，食落好有質感！火鍋配料嘅選擇都算多，肉類、蔬菜、海鮮⋯⋯樣樣都有啲，仲有小食類，肚餓得滯可以食住先。整體來講，環境和食物都係水平之上，不過價錢比起其他火鍋略嫌有啲貴。好在八點半前埋單有七折，慳咗接近$300😍

已經數唔清第幾次黎，我發現佢地個湯底真係好似有魔力咁款，格一排唔番黎食就會好掛住個味道同樣地，今次都係揀佢地個美人鍋，唔想再多講，粗略估計我前前後後都飲左十幾碗野食方面呢，今次就冇嗌得太多，手切牛基本次次都必嗌而今次我地選擇左單點佢一款丸，就係黑松露蝦丸，夠香夠彈牙，少少地人建議單點呢隻個湯頭咁靚當然唔可以晒左佢，除左叫左上次都有嗌既寬粉條去吸湯之外，今次仲試叫左佢地個白蘿蔔同埋水蓮菜。之前未聽過水蓮菜呢種菜，第一次食，食落其實冇咩特別味，反而呢隻菜就好吸個湯味，姐係食起上黎就好似飲緊一啖湯咁，超正。

八點半前埋單有七折！八點半前埋單有七折！八點半前埋單有七折！我哋三個太太結伴同行又去打邊爐今次我哋決定要養生所以就算落雨都去食靚靚養生鍋我哋叫咗個麻辣湯底併養生湯底，叫咗粉腸、老油條、餃子、鴨血、即炸響鈴、烏冬、牛肉類、蘆筍、黑柏葉等等！老油條熟左啲麻辣湯底，簡直係辣得來又好爽啦！一路滾一邊食，見識呢啲嘢感覺好熱氣上火， 我哋又叫咗一楂杞子菊花露，其實佢哋嘅茶葉茶都好好飲！辣得來又夠爽！又係會返轉頭嘅一間店

生日食hotpot lunch慶祝都係第一次，主要想小朋友之後一齊返家打機玩到晚上顛返日！復活節假期嘛！半價不適用於海鮮、酒類、茶介加一等，但見到成張食物點餐紙滿滿的，其他選擇夠曬啦～揀湯底都要大家一致同意，最終跟小朋友提議要個台式酸菜白肉鍋，本身湯底已很豐富有酸菜、白肉、QQ粉等，佢竟再跟多份酸菜加白肉！聞落好酸，入口的食物剛剛好，尤其凍豆腐，好好味咸檸七正！菊花桂圓茶都好～ 叫咗手切牛肉、豚肉、鮮鴨肉片、冰菜、手工丸拼盤，厚炸午餐肉、貢丸、凍豆腐等等，小食試咗甜不辣和鹵水大腸！鹵水大腸香滑肥美！正！手切牛肉小朋友好喜歡，但我懷疑比咗兩溝我哋，唔通半價比一半？！手工丸好味，尤以鵝乾墨魚丸和蝦滑最好味！黑松露蝦丸愛吃黑松露的是很好的👍🏻最緊要係半價極抵，好過在家自己預備

復活節假期留係香港 望住大家都不斷外遊 心理真係好唔平衡😒一於搵間 #台式火鍋 同大家對抗一下！#養心殿 係香港都幾出名，但我係第一次試呢。重點推介：荃灣分店星期一至日夜晚8點半前離座有全單7折啊‼️7折後係超級抵食呢！湯底方面揀左鴛鴦養生鍋+美人鍋（原價$188）。兩個湯底都好濃好好飲，未打邊爐前已經各飲左半碗了🥘個人鐘意養生鍋多d，好有藥材同人蔘味。美人鍋就有烏雞桃膠等，都好岩女人飲💁🏻‍♀配料方面最鐘意既平時最不起眼的丸😂黑松露蝦丸同芝士牛肉丸都好正，真正手打feel，都好足料。🍡(原價每樣半份有四粒，$48)另外水餃雲吞都係值得推介，蝦大隻得泥皮好薄🥟🍤肉既話呢，黑豚肉片比肥牛更好食啊。極上雪花肥牛(原價$188)得十幾片，而且無乜牛味，少少失望呢😟火鍋既尾聲會送上免費水果沙冰！🍧超解渴而且唔會過甜，好滿足！全單7折唔係間間分店有架，大家唔介意搭遠少少真係抵食好多😝

成日聽人講食養心殿，今次第一次食，食材係好味新鮮嘅，不過湯底愈食愈咸，可能我唔太重口味⋯叫左個美人鍋，入面有桃膠、龍眼肉、椎山、紅棗、南棗、好大件嘅烏雞⋯係幾足料嘅鐘意食午餐肉嘅朋友可以叫呢碟試下，炸過又好厚身佢嘅手打丸都唔錯，其中一款係黑松露肉丸，幾香8:30pm前埋單有7折，7個人折完$1027，都叫ok嘅，不過食完真係喪飲水，應該無咩機會會想再去食如果任飲就好啦，野飲好貴😂😂唔太捨得叫野飲，佢有茶供應比你

好多食肆都會有宵夜優惠，通常唔過10點嘅話我都會等，依間都唔例外，有指定優惠九點半後有七折，好抵食！我哋叫咗個美人鍋同酸菜白肉鍋，通常因為唔想咁單調所以都會嗌2個鍋，我個人偏向鍾意食養人鍋，味道唔淡，多料，有成半隻烏雞係到。推薦：美人鍋、炸午餐肉、寬粉、杞子菊花圓肉露環境方面，每一台都有一個小空間，唔會直接望到隔離枱，坐得好舒服。出面有張枱，係比客人自己整調味醬汁，有啲似海底撈咁，但係就得四樣選擇，我就認為就算唔點醬汁，個火鍋底都已經好有味。其他食物正正常常不過不失，想食既話建議訂咗位先，咁就唔使等☺️

晚晚打機都聽到班 #台灣 朋友話去食 #薑母鴨 😋一直都好想試，終於試到喇😍原來荃灣有間「 #養心殿台式養生鍋 」有薑母鴨食個湯底好正啊～😍有少少藥材味，未開始食我已經飲咗幾碗湯😆手工丸款式好特別，有 #鵝肝墨魚丸 、 #黑松露蝦丸 、芝士牛肉丸、墨魚丸、🍤蝦丸。剛好夾了鵝肝墨魚丸，非常彈牙，感覺好像咬下去會彈走🤣即炸脆響鈴又大條又脆，仲有好多特色台灣美食紫淮山麵、台灣原條珍珠荀、台灣水晶冰菜、台灣翠絲水蓮、寬粉條😍個湯底正，煮咩都咁好食，我一定會再來食😍超推介👍🏻

環境擠迫七個人坐四個人嘅枱，侍應話八個人都係呢啲枱喎⋯⋯GAP住個胳肋底打邊爐都係第一次，食物算新鮮，個湯底都值得讚叫牛肉、油炸鬼、午餐肉、冰菜同埋丸份量唔多所以價錢相對較貴！

何謂養生？顧名思義是養護生命，養生是以調陰陽，和氣血，保精神為原則，所以我在食物方面都好注重養生之道，今晚同我一個良師益友的朋友去咗荃灣養心殿台式養生鍋品嚐台式的養生火鍋，這間店舖間隔非常好裝修得古色古香雖然在大廳但不覺得嘈雜的感覺，朋友好欣賞我選擇的美人鍋湯底有原隻烏雞之外還有好多藥材跟養生很貼題！當中我們點了手切肥牛，海鮮拼盤分別有鮑魚、海蝦以及帶子，沙巴龍躉班，響鈴，蔬菜類就點了鮮甜三蔬，每樣食材都好新鮮，鮑魚柔嫩細滑，海蝦跳躍躍相當新鮮，龍躉肉質厚實味道鮮美，從湯底的藥材和新鮮的配料食落很香濃也十分之夾！

近排不想食得太熱氣，但難得和朋友一聚，要配合她們心癢癢想打邊爐，那我唯有提議到養心殿，感覺健康些，湯底用料不錯，第一次黎荃灣呢間，有用Openrice提早預訂，仲有坐窗口位坐， 高層景觀一流裝修依舊古色古香，窗邊掛起一個個紅燈籠🏮叫左個鴛鴦鍋，一邊放白菜酸肉湯，一邊養生湯，有藥材同人蔘，但酸菜湯唔夠酸。 員工提醒可以先品嚐一碗湯底，之後再放食材，期間有留意我哋爐火會不會開得太大，服務周到細心手工丸類拼盤($108)有驚喜，多種味道試哂響鈴 ($68) 夠大份同脆脆的口感！手切牛肉（$238）蟹棒 ($48)什錦蔬菜盤 ($68)鴨血 ($48)另外一提，調味醬油方面較清淡，沒有蒜粒可揀，有點失望。我們六點半入坐，八點半前賣單離座有 ‘七折’優惠，記得帶定現金賣單！抵好多呀！！

自從上次美人鍋後，一直心思思想再黎，今晚捉左男朋友陪我記得朋友講過另一款湯底- 寧神養心鍋都不錯，一於試下先！🥘寧神養心鍋一開始以為係鮮甜的魚湯，原來誤會左！煎香魚頭後加入鮮雞和大量川芎，白芷，天麻、當歸、杞子的藥材，成個湯底充斥著濃濃的藥材味，口感帶辣！湯底內的烏雞肉質腍身，完全唔鞋口，唔好浪費食埋佢啊！🥢手切肥牛(細)手切肥牛有分大細size，我地兩個人當然叫細size ，但其實份量都唔小，相信三個人都夠食。肥牛帶點脂肪，入口軟綿綿，充滿牛味！🥢鴨血台式火鍋點可以無鴨血，每一片都好厚身，必叫！🥢雜錦蔬菜拼盤想款款食D，叫拼盤最適合不過！全部新鮮乾淨，健康之選！🥢自家製極品水餃(半份)本身叫自家製水蓮餃，點知售罄，上次食過極品水餃覺得唔錯今次再叫，用豬肉、木耳、鮮蝦做餡料，皮薄餡靚，口感豐富！🥢芝士牛肉丸(半份)一咬開芝士好似溶漿流出黎，芝士味香濃但無蓋過牛味！🥢蟶子皇男朋友想食蟶子，叫左一人一隻，灼到脱殻就食得！最後每人送碗紅豆芋圓糖水消熱降火，味道唔甜，即刻飽曬！

四月係我最多朋友生日嘅月份，所以今個月多咗好多出嚟gathering或者慶祝生日咁樣，難得一班朋友出嚟食飯，當然打邊爐就係我哋嘅首選啦。我哋叫咗個鴛鴦湯底，係美人鍋同埋養生鍋。同埋叫咗啲打邊爐必食嘅肥牛啊肉啊等等....呢個鍋左邊係養生鍋，右邊個隻係美人鍋。右邊嗰隻美人鍋更加係由原隻烏雞係入面，所以係成個雞湯底，感覺好養顏同埋補身。呢個係牛胸爽，本身唔知係咩黎嘅，原來係牛胸腔同埋肋骨之間嘅軟骨嚟嘅，食落味道好爽口，而且仲有牛肉嘅甘香味道，質感都好特別。呢個係黑毛豬梅花肉，佢脂肪同肉嘅比例都好平均，油花比較多所以食落好甘香，會比牛肉來得肥。

今日終於約到一位好久不見的朋友去食火鍋，由於大家都十分喜愛麻辣火鍋，最後選擇了荃灣的養心鍋。環境方面：十分古色古香，好像回到古代，十分有特色食物方面：我們選了麻辣鍋，個鍋十分古代而湯底都十分足料，有大量既辣椒，香料。湯底好夠味。而我們選了幾款火鍋配料，有蟹棒，魚皮餃，貢丸，上特雪花肥牛，黑毛豬梅花肉，唐生菜，蟹籽墨魚滑等值得一提既係佢既份量都好大份，肉類不會太厚太薄。而且脂肪分明，食的時候不會十分油。服務方面：侍應上菜快，冇錯單，而且一看見空了的碟好主動來收走。最後仲送左一人一枝小沙冰解辣