養心麵 (已結業)

在中環的威靈頓街覓食，發現這間主打台式風味車仔麵的"養心麵"，對鍾情麵食的我毫不考慮就內進。店内的裝修簡單，坐下侍應會遞上點菜紙供自選麵食及伴餸。我選了最愛的油麵($14)、餸則選了 : 台式滷水糖心蛋($10)、台式滷水牛($12)、蛋餃($10)及唐生菜($8)配美人湯。由於已過了繁忙時段，熱辣辣的食物很快便送到，先嘗一口美人湯，湯底清甜已經大大加分(湯底實在是車仔麵的靈魂)再嘗一件滷水牛，牛很稔亦有淡淡滷水汁味道三只蛋餃味道普通，最驚喜是糖心蛋，一口咬下滿是澎湃的流心，又稔又滑有衝動想再encore 多一只整體評價這間養心麵的食物味道是不俗可惜分量真是袖珍了一點，如滷水牛只薄薄三片、麵底亦較坊間的車仔麵小相對感覺價錢貴了一點，若視作一頓下午茶感覺會好些

lunch 同同事去左食👉🏻養心麵👈🏻 台式車仔麵,原來係養心殿既姊妹店👀..🗣講返個麵先..要左個美人湯底配台式寬粉條🍜 原來美人湯係有好多桃膠架😍寬粉條食落就似紅薯粉夠Q彈〰️而餸呢➰點左個 台灣香茹貢丸🍢同 台式麻辣鴨血 (少辣)👅 個鴨血好入味，係正既✔️

見呢間係養心殿台式養生鍋旗下品牌，同埋係台式車仔麵，就黎試下，點知好失望😣首先，價錢唔大眾化，一個餸平均都要八蚊以上。麵底都要十二蚊以上。港式車仔麵價錢係呢到嘅大概七八折。選擇係多，但唔見得有咩特別嘅台式餸。比較特別嘅係有蚵仔，水蓮，花乾，但唔太吸引。友人叫左美人湯，係養心殿台式養生鍋嘅火鍋湯底，但唔係好特別，所以唔會想飲哂啲湯。新竹粉味道正常，但份量少，食完碗唔夠飽，好快肚餓。餸質素係不錯，同樣係份量少另一碗叫左麻辣湯，啲麻辣就咁加辣油落去，無香味，得個辣。餸係好食，牛腩炆得林幾香，其他餸都一般。魚蛋八蚊五粒，味道同街邊檔一樣。總括，除非價錢減一半或者份量多一倍，無咩特別都唔會再黎食，真係好唔抵食。

之前一直聽聞過依間車仔麵但係冇出銅鑼灣今日行過中環竟然見到佢當然要試一試佢有幾款台灣嘅菜都冇咗我叫咗美人湯底新竹米粉佢仲有蚵仔 唔知係咪佢冇攞咖喱汁比我個湯底嚟到都係好清佢有啲辣菜寶係隔離加埋落個湯到少少辣仲有啲口感價錢雖然唔算太平但係值得一試

2人行好耐都冇嚟過中環行街啦～行到攰攰地就試下呢間台灣車仔麵啦糖心蛋肉操飯賣相有D頹～豬肉搞得好碎配特製嘅滷肉汁～但味道麻麻～糖心蛋煮得又比較熟～食落有D乾車仔麵點咗美人湯底咖喱汁～配滷水大腸、台灣貢丸～麵底揀咗關廟麵～份量極少～當下午茶食都可能食唔飽～如果係男仔起碼要食兩碗湯底同普通車仔麵唯一唔同嘅就係有桃膠～但得麻辣汁同咖喱汁揀～其實兩樣都唔夾佢個湯囉～滷水大腸都好入味好淋～但好似冇清乾淨～台灣車仔麵同普通車仔麵味道冇乜分別～40蚊一碗車仔麵絕對係伏啊

嗌左麻辣湯底(大辣)，粗麵，豬腸，鴨血，豬皮，想嗌嘅台灣炸豆皮無得嗌。碗野一黎到有好大球麻辣醬料，要自己拎匙羹「顏」開佢。個湯，認真唔麻唔辣，但係好鹹、好鬼鹹、好鬼死鹹！食到尾成口死鹹、成口辣椒皮。粗麵無哂佢應有嘅爽口彈牙，煮到似普通麵粉麵。豬腸得三片，豬皮好虛無咬口，只有鴨血算係有多幾舊又OK食得。問佢拎左杯水，但杯水有油味，都唔知係碗麵太油影響味覺，還是佢擺水壺嘅地方有油煙。2:15食完，而家3:30，條脷都仲係「鞋鞋地」…… 出街食野，味精唔多唔少點都有D，但唔算狂車水飲，得唔算重。成間野除左幾樣配料台灣入口，其實搵唔到咩野同台灣/養生有關。咪就係車仔麵囉！仲要係唔覺好食果隻。見Open rice無負皮，先同同事諗住平安夜試新野，慶祝聖誕，點知失望到底…… $44，過上環食X尊無咁嬲…… 再唔係行過兩步食筷X記都好過佢……又平過佢……總括黎講，so sad x'mas~

之前食飯經過見到呢間養心麵，又係open rice見到無負評，就諗着揾日嚟試。終於今日平安夜諗着試下啲新嘢，就lunch過咗嚟試呢間台式車仔麵。點知原來係個伏！😞嗌左麻辣湯小辣，關廟麵，豬腸，鴨血，蘿蔔。碗麵一上枱，賣相十分空虛，而麻辣湯唔麻又辣，只係清湯加普通辣椒醬！！！關廟麵一入口似未完全煮熟咁。豬腸還好，唔會勁肥，但唔夠滷水味。鴨血普通，還好唔算特別出色，只有蘿蔔入味好食。碗麵埋單48蚊，無下次！失望的平安夜午餐！下次都係去返隔離食澳門車仔麵算！

晏就放飯個陣冇啦啦勁想食下啲粉麵個啲行過咁岩見到依個台式麵店又未食過咁就諗住試下啦可能放飯時間啦啲店員好忙忙到唔係好得閒應你咁就係門口企左陣先入座到我入左座員工好快手就比左張菜單我簡選擇都算多但由我坐低到食野前後都轉左三次位可能太多人入黎食嘅關係啦叫左台式寬粉麵加豬皮加滷水糖心蛋麻辣湯 小辣 一黎到聞落好重咖哩味飲落啲湯完全唔係麻辣 係咖哩湯底多過麻辣湯對於鐘意食辣嘅我依個完全麵唔辣 唔麻係咖哩湯台式寬粉麵口感幾得意有啲難夾好似係紅薯粉薄身同寬身嘅版本又好似啲粉絲嘅粗身版咁又唔會好難咬同埋唔會咬都唔洗咬好易Sir落麵幾吸湯嘅味豬皮好入味幾爽口 有咬口 但唔會軟身過頭豬皮唔錯台式滷水糖心蛋一咬開粒蛋爆哂啲蛋汁出黎 好治癒嘅感覺

網上見到呢間車仔麵店既介紹，我係俾台式配料而吸引過黎既，特別係台灣A菜同水蓮。其實佢唔近我公司，都要大約十分鐘路程。我中午12:15去到，仲有唔少位可以揀，不過轉眼間就滿哂人。我點左水蓮、千層冰豆腐同埋滷水豬大腸、寬粉條、美人湯，唔辣亦都唔要任何其他醬料。呢度係一落單就要俾錢先，食物隨後送到。先試一啖湯，淡淡既清甜，都有少少層次感，網上食評話材料有烏雞、桃膠、杞子、南棗同金華火腿等，我就剩係飲到金華火腿既味道，亦都食到兩大舊桃膠，感覺幾滋潤。配菜味道尚可，水蓮我覺得煮得熟左少少，冇左佢特有既爽脆口感，冰豆腐即係平時既蜂巢豆腐，吸左湯一齊食唔錯既，大腸滷得幾入味，都夠淋，闊粉條類似紅薯粉，不過比較薄，不過掛湯力唔算強。食幾食有個小插曲，就係隔離檯話佢地點既鴨血有酸味唔新鮮，侍應有即刻換過俾佢地，其實我既滷水豬大腸食到最後一舊都有少少酸味，不過由於係最後一件，我都冇出聲了。價錢喺中環黎講中規大矩，食物都係，我唔會再為佢行十分鐘了。

中環打工仔，晏就搵餐好野食唔容易架。最近留意到鬧市中有間車仔麵，啲菜式都幾新穎特別，有啲仲系台灣空運過黎添！中午要早少少去，否則就要排大隊啦！份量一般，味道唔錯，推介！！！

唔想食太貴就和朋友來這間台式車子面-養心面。有部機可以自助點餐，連車仔面都越來越cyber. 餐枱有辛辣漿和蘿蔔乾自己加添，還貼心提供紙巾，面店而言， 裝潢和服務尚算不錯。首先點了個泰國斑蘭姜茶，在這個下雨的冬天飲好味， 微甜而有小小植物加姜的感覺，整個胃舒服了。上來了的面，很高身很大碗，選了美人湯加小辣， 湯底是傳統港式車子面的湯底，但沒那麼油。一開始忍不住呷了幾口湯。首先綠綠色的是台灣水蓮，是一長條形的，很特別菜，脆脆的，很易入口。面底叫了台式寬粉條，很精螢通透。賣相不錯。麻辣鴨血和鹵水豬大腸好味，可比台灣本地，蚵仔一開始只見到小只，之後越食，越挖越多，好大只又新鮮，同香港特式的瘦又扁又腥嘅，優勝太多了。

今日要去中環，就openrice下有乜好食。中環的確多好西但呢間養心麵係ig成日出現所以就決定試下。佢係一間主打台式野食嘅麵店，食到好多平時食唔到嘅台灣獨有配料。我就叫左個台灣關廟麵配美人湯加魚膠同水蓮。美人湯清清地仲有呢排紅爆嘅桃膠出奇地好夾，食落清新，唔重口味。係配料方面，其實份量多，水蓮係多到食極都有，我係台灣食完就愛上無諗過翻到hk都食到，有幸福嘅感覺。魚膠都多，但只略嫌未有奄得太入味，不過ok嘅👌🏽下次有機會會想試下其他款嘅野食

中環返工來來去去都係食果幾款見到lie間台式車仔麵裝修幾靚就入去試下發現居然幾好食！！！我叫咗美人湯+咖哩汁 小辣有桃膠 個湯底我飲哂咁滯麻辣鴨血絕對係必點雖然食唔出麻辣 但鴨血來講非常有水準令我諗起以前去台灣食火鍋果陣瘋狂點的鴨血醬汁蘿白都有驚喜 件件都係煮到透哂好入味我最怕食車仔麵食到硬ge蘿白重點係份量俾得豪爽 又大大件咁 d餸食極都仲有無論係份量同味道都對得起個價錢環境又舒服 下次食lunch都會再黎！

上次經過條街，發現這新店，但當時有太多人排隊，所以沒有試。今天大概12:15來到這裏，有位。我點了養心湯，粗面，蘿蔔，牛肚，豬手，鴨血。四餸， $56 ，價錢OK。首先講size，個面非常細，偷聽到隔離枱都話唔夠食，但係我覺得啲餸就非常足料，多到差啲食唔晒。所以我覺得小食carbs 的人都係好嘅。湯底清淡，飲落冇味精，但絕對唔算濃味,不過不失啦。豬手非常林，我最憎啲豬手有毛，但這個非常乾淨，一條毛都冇，要稱讚下。金錢肚有咬口，鴨血新鮮，蘿蔔冇喳夠甜，配料真係幾好。我覺得因為新開店，所以落單方面比較唔純熟，例如有侍應幫手落單，但要在吃前埋單，人多可能應付唔來。有電腦自動下單，但不是熟客都不懂用，又要又是意外解釋一番，所以有啲多餘。總括來講，我覺得服務和食物都不錯，價錢合理，值得一試。

在朋友介紹下，平時喜歡食車仔麵的我首次品嚐在中環新開業的台式車仔麵😋當中不乏有很多來自台灣的小食和餸菜可供選擇。湯底方面，可選美人湯/麻辣湯，而我就選了美人湯配咖哩醬及稻庭烏冬加四款包括鴨血，蘿蔔，豬大腸和千層豆腐！要贊一贊的是以千層豆腐加以美人湯底很入味，烏冬彈牙🤤🤤最意想不到的是湯裏有桃膠，而且體積亦不少，十分爽口又滋補養顏👍🏻👍🏻下次會再試試其他款式的餸菜和湯底，特別是中午經已售罄的炸豆皮🥰